Kapiteli 13

Utoqqaliar­saalerneq

1, 2. (a) Qitor­nat nam­min­neq angerlarsimaf­feqaler­nerisa kingor­na, suut ajor­nar­torsiutaasin­naaler­pat? (b) Utoq­qaliler­nermi ajor­nar­torsiutit inuit ilaasa qanoq ilil­lutik anigor­niar­tar­paat?

TIMIK­KUT anersaak­kul­luun­niit naam­mal­luar­tumik sulias­saqan­ngik­kaangat­ta avaan­ngusut­tar­pugut. Inuuneq suus­suseqan­ngitsutut ilersar­poq, taavalu eq­qis­siveerut­tar­pugut. Aap­pariit inersimasun­ngoreersunik nam­min­neq angerlarsimaf­feqalersimasunik qitor­nal­lit taman­na ajor­nar­torsiutigilersar­paat. Ukior­pas­suar­ni qaangiut­tuni angajoq­qaatut pisus­saas­susiisa inuunerat imaqar­tit­tuarsimavaat. Maan­nali meeq­qanik perorsaanermut tun­ngatil­lugu suliaqangaar­neq akisus­saas­suseqar­nerlu qaangiup­put.

² Tamatuma saniatigut, ukiut ingerlaneran­ni inuk timik­kut al­lan­nguuteqaleriar­tuaar­tar­poq. Amequsulersar­poq, qeersaalersar­poq im­maqalu nujai saalisarlutik, an­nerisaqar­talersarlunilu qajan­naateqalersar­poq sior­natigut malugisiman­ngisaminik. Imaap­poq utoq­qalilersoq. Inuit ilaasa utoq­qaliler­ner­tik akueriumaneq ajor­paat, taamaat­tumil­lu eq­qis­sisimaneq ajulersarlutik tamaviaalersar­put takutin­niarlugu suli ilumut inuusut­tutut pigin­naaneqarlutik. Tas­san­ngaan­naq ulapingaalersar­put — pulaaqat­taar­talerlutik pulaar­titsigajulerlutil­lu imaluun­niit timersor­neq ilungersuutigingaalerlugu. Ingasat­tumik ilungersor­nerisa sam­misas­saqar­tit­tar­paat. Taman­nali ataavar­tumik iluarisimaarin­nis­sutigaat? Taamaalil­lutik misigilis­saner­pat ilumut atorfis­saqar­tin­neqarlutik, inuuneral­lu piviusumik siuner­taqalerluni?

3. Naak sun­ngif­fim­mi aliik­kutat nuan­neraluar­tut, suna pin­ngitsoor­niar­neqar­tariaqar­pa?

 ³ Sun­ngif­fim­mi sam­misaqar­neq soorunami nuan­nerluin­narsin­naavoq. Utoq­qaliler­nin­nilu im­maqa pif­fis­saqar­nerulis­saatit as­sigiin­ngitsunik ilior­nis­samut qitor­navit mikisuuneran­ni pif­fis­saqarfigisiman­ngisan­nut. Nuan­naar­niutil­li pingaar­ner­paatik­kuk­kit, ajor­nar­torsiutinik an­ner­tuunik kinguneqaratarsin­naavoq. — 2 Timûtiuse 3:4, 5; Lúkarse 8:4-8, 14.

ILUMOORNEQ — PISSUSEQ KUSANARTOQ

4, 5. Angutit utoq­qalilersut ar­nanut ar­nal­lu utoq­qalilersut angutinut suli kajunger­nas­suseqarlutik takutin­niaraangas­suk qanoq kinguneqarsin­naava?

⁴ Taamatut ukioqar­nermi inuit ikit­tuun­ngitsut isumaqar­tarunar­put takutitsisariaqarlutik angutaagunik ar­nanut ar­naagunil­lu angutinut suli kajunger­nas­suseqarlutik. Katerisimaar­ner­tigut al­latigul­luun­niit im­maqa qanin­niarujuuisalersar­put. Angutit ar­nanik inuusun­nerusunik ar­naateqar­tar­put, nalitsin­nilu „nutaanik ileq­qulersuuteqarfiusuni“ ar­nar­pas­suit al­laat im­minut tatiginer­tik nakus­satsin­niar­tar­paat uisoqar­tarlutik. Naak ukior­pas­suar­ni aap­paqarsimagaluarlutik, inuit ilaasa eq­qarsaatigilersar­paat „inuuneq nutaaq“ aal­lar­tik­kumal­lugu al­lamik aap­par­taarlutik. Eq­qarsaater­tik pin­ngitsuus­sutiginiarlugu im­maqa aap­parmi kuk­kuneri tik­kuar­tar­paat — nam­min­nerli kuk­kunitik pingaan­ngitsutut isumaqarfigalugit, soorlu aap­parmin­nut ileq­qoreq­qusanul­lu ajun­ngitsunut ilumuun­ngin­ner­tik soqutaan­ngitsutut isumaqarfigalugu.

⁵ Im­maqa al­laat Jesusip oqaasii uku nalun­ngilaat: ’Nuliaminik uersan­ngitsumik [uersar­neq, grækerisut: porneia, tas­sa: kinguaas­siuutitigut kan­ngunar­tulior­nersuaq] avit­toq al­lamik nuliaruni ar­naaneqar­poq [tas­sa: aap­parisaminut ilumuun­ngilaq].’ Naak Jesusip tas­suuna takutik­kaluaraa ’suna nalingin­naq patsisigalugu’ aap­parisamit avin­neq eq­qor­tulior­nerun­ngitsoq, inuit taaneqareersut avis­sutis­saq nunami naalagaatitaasut  akuerisaat sunaluun­niit avin­nis­samut patsisigiumasar­paat. (Matîuse 19:3-9) Taavalu al­lamik aap­par­taar­tar­put, amerlasuutigut avin­nis­samin­nik pilersaaruteqan­ngik­kal­laramil­li ajuutigisar­tik aap­par­taaralugu. Ileq­qoq taamaat­toq pil­lugu Guutip oqaasiani al­las­simasoq naak nalun­ngik­kaluarlugu, naatsorsuutigaat Guutip naak­kin­ningaar­nermit ’paasis­sagaatik’.

6. Aap­pariin­nermik angerfigeqatigiin­nermik ataq­qin­nin­ngin­neq Jehova Guutip qanoq isigaa?

⁶ Eq­qarsar­taatsimit kan­ngunar­tumit taamaat­tumit pileritsatsin­neqar­naveersaarluta, Jehovap pruf­fiitini Malakias aq­qutigalugu Israelik­kun­nut oqaasii eq­qarsaatigisariaqar­pavut: ’Aam­ma taava imaap­pusi: Jehovap tunisiviutaa qul­liliner­nik qianer­nil­lu anersaarulun­ner­nil­lu matoor­parsi, tunis­sutit neqis­sat iluaralugit isigineq ajor­narsisil­lugit, nuan­narisas­sat as­sas­si ilisaat tigus­sagaluarmagit. Taava oqar­pusi: „Sooq?“ Jehova ilisiman­nit­tuum­mat ilin­nul­lu nuliaq­qaatin­nul­lu; il­lit taan­na ilumuun­ngitsuliorfigaat. Taamaat­tumik aner­nersi mianersuutigisiuk, nuliaq­qaatiminut ilumuun­ngitsulior­toqaq­qunagu. [„Avin­neq maajugigamiuk,“ Jehova, Israelip Guutia, oqar­poq.]’ (Malakia 2:13-16, versi 16 Ny Verden-ip nutsernera naaper­torlugu.) Imaap­poq: Aap­parisamut ilumuun­ngitsulior­neq, aap­pariin­nermi angerfigeqatigiin­nermik ataq­qin­nin­ngin­neq, Guutip ajor­nerar­pai; tamatuma inuup Inuunermik Tunisisumut at­taveqar­nera ajoqusis­savaa.

7. Aap­pariin­nermik angerfigeqatigiin­nermik ataq­qin­nin­ngin­neq suna pil­lugu pil­luar­nermik kinguneqar­neq ajor­pa?

⁷ Inuunerup taamaalior­neq pil­luar­nar­nerus­sutigis­savaa? Taamaan­navian­ngilaq. Aap­pariin­neq nutaaq taamaat­toq patajasumik tun­ngaveqas­saaq. Imaak­kami: Takutip­paat aap­pariin­nermi erlin­nar­ner­paami al­laat tatigisas­saanatik. Qular­nan­ngitsumik aap­par­taaq kajunger­nar­tumik pis­sutsinik nas­saarfigisimas­savaa, aap­parisimasami pigin­ngisaanik. Kajungereqatigiin­ner­til­li angujumal­lugu nam­min­neq pileris­suser­tik naam­mas­siniar­paat, al­lanik aliasungaar­titsinis­sar­tik  pakatsisitsinis­sar­til­lu soqutiginagu. Taamatut pis­suseqar­neq aap­pariin­nermut pil­luar­nar­nerulersitsisuunavian­ngil­luin­nar­poq.

8. Aap­pariin­nermi qal­lik­kut pin­nersusermit suna pingaar­nerua?

⁸ Aap­parisaminut ilumoor­tuar­neq timik­kut pin­nersusermit kusanar­neroqaaq. Qal­lik­kut pin­nersoq ukiut ingerlatil­lugit al­latut ajor­nar­tumik pin­nersuseeruk­kiar­tuaas­saaq, ilumoor­tumil­li asan­nin­nerup kusanas­susia ukiut ingerlatil­lugit al­liar­tuin­nas­saaq. Inum­mik al­lamik pil­luarsaaneq taas­sumalu piumanerusaanik nam­mineq piumanerusaminit pingaar­nerutitsineq ataavar­tumik tul­luusimaar­nar­poq, ilumoormat ’tunisineq tigusinermit pil­luar­nar­nerusoq’. (apustilit suliait 20:35) Inuit marluk ukiut arlal­lit aap­pariik­kunik, at­taveqatigiil­luarunik tatigalutil­lu eq­qarsaatitik misigis­sutsitil­lu am­masumik oqaloqatigiis­sutigisarlugit, sulias­sat, anguniak­kat neriugisal­lu peqatigiil­lutik anguniar­tarlugit, atoruminar­tuni atoruminaatsunilu ataqatigiil­lutik — asan­nin­nerlu tun­ngavigalugu taamaaliorunik — ilumut taava ataasius­sap­put. Amerlasoor­pas­suar­tigut peqatigiis­sap­put — isum­mak­kut, misigis­sutsik­kut anersaak­kul­lu. Angutit ar­nal­lu im­min­nut kajungis­susiat pis­sutigalugu asan­nin­neq aap­pariilin­ngin­nermi aap­pap kuk­kunerinut tap­piil­lisitsisimasoq aap­pariiler­nermik kingor­na piviusumik asan­nin­nin­ngoriar­tuaas­saaq itisooq, taman­nalu iluatsil­lugu tamarmik im­mik­kut aap­parmik naam­mal­luin­nan­ngis­sutai ikiuif­fis­satut isigilis­savaat, pisariaqar­titamik naam­mas­sin­nif­fis­satut isigalugu. Tatigeqatigiil­luin­nar­put, isumal­luaqatigiil­lutik, nalun­ngin­namik­ku qanorluun­niit ajor­nar­torsiuteqalis­sagaluarunik at­taveqatigiit­tuas­sal­lutik. Ilumoorfigeqatigiin­nis­sar­tik pis­susis­samisoor­tutut isigaat. Soorlu Migga 6:8-mi al­las­simasoq: ’Nas­suerfigaatit, inuk-aa, suna ajun­ngitsuusoq, sunalu Jehovap ilin­nit piumagaa; imaat­toq kisiat ilaa: Eq­qar­tuus­sisis­saq [tas­sa: naaper­tuil­luar­neq] eq­qor­tis­sagit, isumas­suis­sasutil­lu asan­nil­lutit, Guutil­lu saqeqatigis­sagit makitanaveersaarlutit.’

 QITORNAT INERSIMASUT — PISSUSEQ NUTAAQ

9-11. (a) Guutip siuner­taraa angajoq­qaat qitor­natil­lu im­min­nut pis­susiat inuuneq naal­lugu al­lan­ngus­san­ngitsoq? (b) Taman­na angajoq­qaat qitor­namin­nut inersimasunut un­nersuus­sinerinut qanoq sun­niuteqas­sava? (c) Qitor­nat katis­simap­pata, angajoq­qaat kia qul­lersaanera ataq­qis­savaat?

⁹ Pin­ngor­titsisup siuner­taa naaper­torlugu uiusoq nulialu inuuneq naal­lugu im­min­nut najor­tus­saap­put, taamatul­li angajoq­qaat qitor­naal­lu pil­lugit siuner­tarisaqan­ngilaq. Al­liar­tor­nermin­ni qitor­nas­si ul­lut tamaasa atorfis­saqar­tit­tuaan­nar­paasi. Timik­kut pisariaqar­titaan­nik isumaginiar­neqar­tariaqar­tar­put, aam­mat­taaq siun­nersor­neqar­tariaqar­tarlutik un­nersuun­neqar­tariaqar­tarlutil­lu. Naalak­kasuan­ngik­kaangata, pin­ngitsoor­nagit ilis­sin­nut naalan­nis­saat piumasarisarunar­parsi nam­min­neq iluaqutis­saat eq­qarsaatigalugu. Nam­min­nerli angerlarsimaf­feqaleraangata, taak­kunun­nga at­taveqar­nersi al­lan­ngor­tar­poq. (1 Môrsase 2:24) Tas­sa imaan­ngilaq al­laasumik misigis­suseqarfigilis­sagisi, akisus­saaf­fil­li il­lit pigiun­naas­savat. Taamaat­tumik arlaan­nik iliuuseqarfigis­sagaangak­kit, al­laasumik periaaseqarlutit taamaalior­tas­saatit.

¹⁰ Ilaan­nik­kut suli siun­nersor­neqar­tariaqar­tas­sap­put. Ilisimas­suseqar­nermul­lu malun­naataavoq angajoq­qaamik, inuunermi misilit­tagaqar­nerusut, siun­nersuutaat silatuut ilas­sip­patigik. (ús­satit 12:15; 23:22) Er­neril­li paniil­lu nam­min­neq angerlarsimaf­feqalereersut siun­nersor­niaraangak­kit, periaatsik­kut malun­nar­tit­tariaqar­pat taak­kua nam­min­neq aalajangiisus­saanerat akuerigit.

¹¹ Aap­paqar­pata taman­na pingaar­torujus­suus­saaq. Nunat ilaan­ni ileq­qutoq­qat malil­lugit nuliar­taaq sakiata ar­nap nak­kutigisus­saavaa. Nunani al­lani uiusup nuliaasul­lu angajoq­qaavi ilaqutariin­nut tun­ngasunut an­ner­tuumik oqar­tus­saatitaasar­put. Taman­nali pil­luar­nivim­mut aq­qutaava? Ilaqutariin­nik Pilersitsisup suna iluaqutaaner­paasoq nalun­ngilaa, taan­nalu oqar­poq: ’Angutip angun­nilu ar­nilu qimas­savai, nuliilu at­tavigalugu.’  (1 Môrsase 2:24) Maan­na uiusup angajoq­qaavi imaluun­niit nuliaasup angajoq­qaavi pin­natik kisian­ni uiusoq nam­mineq aalajangiinis­samut akisus­saaf­feqar­tuuler­poq. Guutip oqaasiani al­las­simavoq: ’Ar­nap uini niaqorim­magu, soorlut­taaq ilagiit Kristus niaqorigaat.’ (Evfisumiut 5:23) Aatsaat aaq­qis­suus­saanermik tamatumin­nga ataq­qin­nik­kuit qitor­natit inersimasut kingusin­nerusuk­kul­lu er­ngut­tatit pil­lugit ilior­tar­nitit pil­luar­nerus­sutigisin­naas­savatit.

ALLANIK IKIUISARNEQ NUANNAARUTIGIUK

12. (a) Qitor­nat nam­min­neq angerlarsimaf­feqalereer­neran­ni, angajoq­qaat im­min­nut asaner­tik qanoq ilil­lutik itinerulersin­niarsin­naavaat? (b) Aam­malu qanoq iliorsin­naap­pat inuuner­tik imaqar­nerulersin­niarlugu?

¹² Tamat­ta misigiumavugut atorfis­saqar­tin­neqarluta, inuuner­pul­lu siuner­taqar­toq. Taman­na ilorrisimaar­nis­satsin­nut pingaaruteqar­poq. Qitor­navit saniatigut al­lar­pas­suit­taaq inuunermin­ni pisariaqar­titaan­nik isumagin­nin­niaqataasin­naavutit. Aap­par­pim­mi pisariaqar­titai? Qitor­nasi al­liar­tor­til­lugit, taak­ku an­ner­tuumik sam­misariaqarsimavasi. Maan­nali pif­fis­saqaler­pusi im­mis­sin­nut iliuuseqar­neruler­nis­sas­sin­nut. Im­mis­sin­nut misigis­sutsik­kut at­taveqar­nis­si taman­na sak­kor­tusaatigis­savaa. Ilatit piin­nar­nagit aam­mat­taarli inuit al­lat sam­minialeriak­kit. Sam­misatit ilaniak­kit; sanilitit nap­parsimalersimasut ikiorlugit, pif­fis­sat utoq­qar­nut kiserlior­tunut atorlugu, imaluun­niit, sapin­ngisas­sin­nik, nam­min­neq pisuunatik ajorsar­tun­ngorsimasut ator­tus­satigut ikior­niarlugit. (2 Korintumiut 6:11, 12) Bibelimi oqalut­tuarineqar­poq Tabita, ar­naq uil­lar­ner­nut ajun­ngitsuliungaar­tar­nini piitsunul­lu tunisiumatungaar­nini pil­lugit asaneqangaar­toq. (apustilit suliait 9:36, 39) Ajorsar­tunik avaagin­nit­tar­tut nersor­neqar­put. (ús­satit 14:21) Bibeli naaper­torlugu ’iliarsun­nik uil­lar­ner­nil­lu naal­liun­neran­ni takusaaneq’ guutisior­nerup Guutip iluarisaata ilagaa pingaar­toq. (Jâko 1:27) Bibelimi tamat­ta oqaaq­qis­saar­neqar­pugut:  ’Puioqinasili avaagin­nit­tas­sagas­si tuk­korlusilu, pil­liutit taamaat­tut Guutip iluarim­magit.’ — Eprîarit 13:16.

13. Suna pis­sutigigaan­ni aatsaat al­lanik ikiuineq naleqarluas­sava?

¹³ Tas­sa imaap­pa inun­nik ikiuisar­nermik suliaqar­neq kiserluin­narmi pil­luar­nis­samut aq­qutis­saasoq? Naagga, anersaak­kut pis­suteqarluni taamaaliun­ngik­kaan­ni, Guutil­lu asan­nin­nera malik­kumal­lugu kis­saateqar­nermit iliun­ngik­kaan­ni, pakatsis­sutaasin­naavoq. (1 Korintumiut 13:3; Evfisumiut 5:1, 2) Sooq pakatsis­sutaasin­naava? Pakatsis­sutaasin­naavoq inuit inus­siar­nisaar­nin­nik pingaar­titsin­ngik­kaangata imaluun­niit tunisiumatus­sutsit ator­nerlun­niaraangas­suk.

14, 15. Suup inuuneq pil­luar­narluin­nalersis­sin­naavaa tul­luusimaar­nalersis­sin­naal­lugulu?

¹⁴ Il­lua-tungaanili inuup Guutimik kif­far­tuus­sineq inuunermini sal­liutik­kuniuk tul­luusimaarutigis­savaa, nalun­ngin­namiuk Pin­ngor­titsisimi iluarisaanik iliuuseqarluni. Inun­nil­lu al­lanik ikiuisin­naanerata ator­tus­sanik peqar­nini kil­liler­neqaatigis­san­ngilaa. „Tusagas­saq nuan­ningaar­toq Guutip pil­luar­tup [Jehovap] pia“ pigaa, tamatumalu al­lanut oqaluus­sis­sutiginis­saanut sal­lin­ngor­titaasimal­luni. (1 Timûtiuse 1:11, NV) Bibeli ikior­tigalugu inuunermi ajor­nar­torsiutit maan­nak­kut atuk­kani qanoq anigor­nias­sal­lugit nalun­ngilaa, neriugisarlu nuan­ningaar­toq Guutip siunis­samut neriorsuutigisaa ilisimal­lugu. Nuan­ningaas­susialu tusagas­saq nuan­nersoq taman­na al­lanut oqaluutigisarlugu, taavalu aal­laavia, Jehova Guuti, taak­kunun­nga ilisaritil­lugu! Soorlu tus­siaasior­toq Guutip anersaavata sun­niineratigut isumas­sarsisitaal­luni Tus­siaat 147:1-imi al­lat­toq: „Hal­leluja. Iluaqaaq Guuter­put erinalersorfigalugu, ilumut nuan­neqaaq erinalim­mik un­nersiutigalugu.“

¹⁵ Jehovap inuunermut atatil­lugu piumasaa paasigutsigu taan­nalu ataq­qigutsigu aatsaat uagut nam­mineq inuuner­put siuner­taqalersin­naavoq. (sarĸúmersitat 4:11) Pis­sutsit atuk­katit naaper­torlugit periarfis­satit  tamaasa atorluaruk­kit inun­nut al­lanut Bibelimi ajoqersuutinik ilumoor­tunik oqaluus­sisar­nerit tul­luusimaarutigil­luin­nas­savat. Nam­mineq qitor­natit im­maqa inersimasun­ngoreer­put, kisian­ni ’anersaak­kut qitor­nat’ ineriar­tor­nis­saan­nut ikiuun­nerit nuan­naarutigisin­naavat. Kristumiutul­lu ineriar­tor­tut takuguk­kit apustili Paulusitut misigis­saatit, taamaalior­nermigut ikiorsimasani al­laf­figim­magit: ’Kinami-una neriuutis­sar­put tipaatsuutis­sar­pul­luun­niit niaqorutis­sar­pul­luun­niit usor­naatis­saq? Ilis­sis­saaq taamaan­ngin­ner­pisi? Ilis­simi ataq­qinaatigalusilu tipaatsuutigaas­si.’ — 1 Tásalûníkamiut 2:19, 20.

ATUKKATIT ALLANNGORAANGATA SUNGIUSSISINNAAGIT

16, 17. (a) Ajor­nar­torsiuteqaleraangat, suna pin­ngitsoor­niar­neqar­tariaqar­pa? (b) Naak toquk­kut aap­paaruk­kaluaruni, inuup suna ikior­tigisin­naavaa ajor­nar­torsiutinik nutaanik aniguiniar­nermini kisimeeq­qunani?

¹⁶ Ukiul­li ingerlaneran­ni inuit amerlanerit misigilersar­paat qangatut nukis­saqar­tigiun­naarlutik. Taman­nalu paasisariaqar­paat sungiun­niar­tariaqarlugulu. Peq­qin­nis­samik­kut ajor­nar­torsiuteqaleraangamik iliuuseqarfigisariaqar­paat. Ingasaas­sinaveersaar­tariaqar­pul­li, tas­sami ajor­nar­torsiutit taama it­tut eq­qarsaatigival­laaraan­ni periarfis­sat ul­lut tamaasa tak­kut­tar­tut arajutsineqarsin­naam­mata. Soorunami ajor­nar­torsiutit tak­kut­tas­sap­put, piviusumil­lu iliuusis­saqar­pat aaq­qin­nias­sal­lugit, silatusaar­neruvoq misilin­nias­sal­lugit. Isumakulun­nerli iluaqutaan­ngilaq, pis­sutsinil­lu al­lan­ngor­titserusun­nermik kis­saateqaan­narluni al­lan­ngor­titsisoqar­navian­ngilaq. Taamaat­tumik pereersut uteq­qiaf­figinagit periarfis­sat maan­nak­kut tak­kut­tar­tut iluatsil­lugit ator­niar­tak­kit.

¹⁷ Taamaalior­nis­sal­lu pisariaqas­saaq kingusin­nerusuk­kut aap­paarutis­sagaluaruit. Pil­luar­tumik aap­pariis­simagus­si nuan­nersunik eq­qaamasaqas­saatit kingumut qiviarsin­naasan­nik. Inuunerli ingerlaq­qit­tariaqar­poq, tamatumuunalu pis­sutsinut al­lan­ngor­tunut sungius­sisariaqas­saatit.  Ajor­nar­torsiutit nutaat anigor­niar­tariaqar­patit, Guutimul­li up­per­neq najoq­qutaralugu inuuguit aniguiniar­nermi kisimiis­san­ngilatit. — Tus­siaat 37:25; ús­satit 3:5, 6.

18-20. Naak inuunermi ukior­tusisimagaluarluni suut inuuneq imaqar­nerulersis­sin­naavaat?

¹⁸ Naak inuunermi nuan­nin­ngitsoqaraluar­toq, taamaat­torli nuan­naarutis­sar­pas­suaqar­poq, soorlu ikin­ngutaal­luar­tut, inuit al­lat ikius­sal­lugit periarfis­sat, mamar­tunik nerisaqar­tar­neq, seqer­nup tarrin­neri alianaatsut tim­mis­sal­lu qarlor­neri. Aam­mat­taaq pis­sutsit maan­na atuk­kavut naak naam­mal­luin­navis­suun­ngik­kaluar­tut, Guutip neriorsoq­qis­saar­paatigut ajus­suseq soraarsik­kumaarlugu aam­malu inuiaat alianar­tunit, naal­liun­nermit, nap­paatinil­lu aniguisik­kumaarlugit, al­laal­lu toqu peerumaarlugu. — sarĸúmersitat 21:4.

¹⁹ Ilumoor­poq nunap piinik pingaar­titsiniar­pal­laarsimasup inuunermi ukiui kingul­liit suus­suseqar­pian­ngitsutut misigis­sagai. Inooriaatsip taamaat­tup kinguneri akugdlîs­sup oĸausê-ni imatut al­laatigineqar­put: ’Suut tamarmik piun­ngitsut.’ (akugdlîs­sup oĸausê 12:8) Angutil­li up­perluar­tut, soorlu Abraham Isakilu, pil­lugit Bibelimi al­las­simavoq inuunermik naanera angugaat ’utoq­qaanermik naam­mas­sisimal­lutik’. (1 Môrsase 25:8; 35:29) Sunaana as­sigiin­ngis­sutaasoq? Taak­ku angutit kingul­liit eq­qar­tuk­kavut Guutimut up­per­tuup­put. Qularin­ngivip­paat Guutip nal­lersiisaa nal­liup­pat toqusunit makititaajumaarlutik, Guutil­lu inuian­nut tamanut naalak­kersuisunik iluar­tunik pilersitsif­fis­saa qilanaaraat. — Eprîarit 11:10, 19.

²⁰ Il­lil­lu, qanorluun­niit atugaqaraluaruit, ajor­nar­torsiutinik maan­nak­kut atuk­kan­nik naner­tugaanermit ajun­ngitsor­pas­suit atugarisatit siunis­sarlu nuan­ningaar­toq Guutip kif­faminut neriorsuutigisaa sianigin­ngitsuusaan­ngik­kuk­kit, inuunerit siuner­taqas­saaq, aam­ma ul­lut tamaasa nuan­naarutis­saqar­tas­saatit utoq­qaliler­nermi al­laat.

[Atuaqqissaarnermi apeqqutit]

 [Qupp. 176-mi assiliartaq]

Inuit marluk peqatigiin­nerujar­tor­til­lutik ataasiunerujar­tus­sap­put