Ilaqutariittut inuuneq nuannaarutigiuk

Ilaqutariit ilumut pil­luarsin­naap­pat?

Qanoq ilil­lutik?

 Ilaqutariin­nik, naqitaaq­qami matumani takusin­naasat­tut ataasius­suseqarlutil­lu pil­luar­tigisunik, nalun­ngisaqar­pit? Sumiluun­niit ilaqutariit at­taqatigiin­nerat arlaatigut qajan­narsisimavoq. Avin­neq, sulif­fis­saqar­niar­neq, angajoq­qaat aap­paqan­ngitsut ajor­nar­toor­nerat, pakatsisin­neqar­neq — tamak­ku tamarmik ajor­nar­torsiutinut peqataasar­put. Ilaqutariit­tut inuunermik ilisimatooq ajuusaarluni ima oqar­poq: „Ul­lumik­kut kialuun­niit ilaqutariin­nerup toqunis­saanik siulit­tuutit nalun­ngilai.“

Ul­lumik­kut ilaqutariit sooq taama ajor­nar­torsiuteqar­tigaat? Qanoq ilil­luta nuan­naarluta ilaqutariit­tut inuusin­naavugut?

Ilaqutariinneq qanoq ililluni pilersimasoq

Apeq­qutit tamak­ku akis­sutis­sarsisin­naas­sagutsigik aap­pariin­nerup ilaqutariin­nerul­lu pilersin­neqar­nerat ilisimasariaqar­par­put. Pilersitsisoqar­pam­mi — tas­sa Pin­ngor­titsisoqar­pat — ilaqutariit taan­na siulersor­tigisariaqar­paat, taas­sumami nalus­san­ngilaa qanoq ilil­luta ilaqutariit­tut inuuneq tamak­kiisumik nuan­naarutigisin­naas­sagip­put.

Soqutiginar­poq inup­pas­suit isumaqarmata ilaqutariin­neq pilersitsisoqan­ngitsoq. The Encyclopedia Americana-mi ima al­las­simavoq: „Ilisimatuut ilaat isumaqar­put aap­pariin­nerup uumasut inun­nit atsin­nerusut nuliar­nerat aal­laq­qaatigigaa.“ Taam­maat­torli Jesus Kristusip angum­mik ar­namil­lu pin­ngor­titsineq eq­qar­tor­paa. Taas­suma Biibilimi al­lak­kat pisoqaaner­paat  up­per­narsaatitut is­suar­pai ima oqarluni: ’Taamaat­tumik Guutip katititai inuup avis­saar­tis­san­ngilai.’ — Matîuse 19:4-6.

Jesus eq­qor­tumik oqar­poq. Guutip silatuup inuit siul­liit pin­ngor­tis­simavai ilaqutariit­tut pil­luarlutik inuusin­naanis­saat aaq­qis­suul­lugu oqarluni ’angutip ataatani anaananilu qimal­lugit nuliani at­tavigis­sagaa, uinin­ngus­sasul­lu ataaseq’. (1 Moses 2:22-24) Taava ul­lumik­kut ilaqutariit ajor­nar­torsiutaasa pis­sutigisaat tas­saan­ngin­ner­pa inooriaatsimik Pin­ngor­titsisup oqaatsimini Biibilimi najoq­qutas­siarititaanik unioq­qutitsisumik ilaqutariit inooriaaseqar­nerat?

Iluatsitsinissamut aqqut sunaava?

Qular­nan­ngitsumik nalun­ngilat silarsuaq maan­nak­kut atuut­toq nam­minis­sarsior­nermik im­minuin­narlu eq­qarsaatiginermik siuarsaasuusoq. „Piumatus­suseq  peq­qin­nar­poq,“ aningaaserinermik suliaqar­tup USA-mi col­legemi ilin­niar­tut soraarum­meer­tut taama oqarfigisimavai. „Piumatuujusin­naavutit im­minut nuan­nariun­naan­ngik­kaluarlutit.“ Nunal­li piinik ilungersuutigin­nin­neq iluatsitsinis­samut aq­qutaan­ngilaq. Tas­sami nunap piinik pingaar­titsival­laar­neq tas­saavoq ilaqutariit inuuneran­nik aarlerinar­torsior­titsisut an­ner­paar­taasa ilaat, inuit at­taveqatigiin­neran­nik akor­nusiisarami inuil­lu pif­fis­saarun­neran­nik aningaasaataarun­neran­nil­lu kinguneqar­tarluni. Akerlianik, eq­qarsaatigeriaruk qanoq ilil­luta us­satit marluin­naat Biibilimeersut ikior­tigalugit pil­luar­nis­samut pingaaruteqar­tut suunersut paasisin­naagivut.

„Asan­nin­nermik pigisaqarluni naatitanit nerisas­siat pitsaanerup­put uumis­suinermik pigisaqarluni us­sigup neqaanik siatamik nerisaqar­nermit.“

„If­fiamineq paner­toq eq­qis­sil­luni nerisaq pitsaaneruvoq il­lumi saqitsaaf­fiusumi nerersuaatinit.“

Ussatit 15:17; 17:1.

Torrak, ilaa? Eq­qarsaatigeriaruk silarsuaq qanoq al­laatigis­sagaluar­toq ilaqutariit tamarmik najoq­qutas­siat taak­ku maleruar­tuup­patigik! Biibilimi aam­ma ilaqutariit im­min­nut qanoq pis­suseqarfigisariaqar­nerat pil­lugu un­nersuus­sutit naleqaqisut nas­saarineqarsin­naap­put. Ilaat ikit­tuin­naat misis­soriar­tigik.

Uiusunut: ’Angutit nuliatik asasariaqar­paat soorlu timitik.’ — Evfisumiut 5:28-30.

Saper­nan­ngik­kaluaqaaq, iluaqutaaqaarli! Biibilimi uiusoq aam­ma peq­quneqar­poq nuliani ’ataq­qeq­qul­lugu’. (1 Pîtruse 3:7) Taamaaliorsin­naavoq im­mik­kut soqutigalugu, soorlu qajas­suul­lugu, paasin­nit­tuuf­figalugu eq­qis­sisar­tarlugulu. Nuliami isumai pingaar­tis­savai tusar­naar­tarlugulu. (Naleq­qiuguk 1 Moses 21:12.) Isumaqatigin­ngiliuk ilaqutariin­nut kik­kun­nul­luun­niit iluaqutaas­sasoq uiusup iliorfigineqarusun­nermisut nuliani isumas­suisumik iliorfigisar­pagu? — Matîuse 7:12.

 Nuliaasunut: ’Arnap uini mianeriniarliuk.’ — Evfisumiut 5:33.

Nuliaasoq ilaqutariit pil­luar­neran­nut ilasaasar­poq uimi akisus­saaf­fim­minik naam­mas­sin­nin­niar­nerani an­ner­toq­qusersor­neratigut. Guutip taman­na siuner­tarisimavaa Adam ’ikior­tis­saanik’ nulias­sik­kamiuk. (1 Moses 2:18) Nuliaasup uini ilaqutariit anguniagaan­nik suleqatigigaangagu ataq­qil­lugulu aalajangiinerini tapersoraangagu ilaqutariit­tut inuunerup pil­luaq­qus­sutaanera il­lit pingaar­tis­saviuk?

Aappariin­nut tamanut: ’Nuliariit innar­fiat minguik­kili.’ — Eprîarit 13:4.

Taamaalior­pata ilaqutariit­tut inuuneq ilumut pil­luaq­qus­sutaas­saaq. Al­lasior­neq amerlasuutigut ilaqutariin­nut aseruutaasar­poq. (Us­satit 6:27-29, 32) Taamaat­tumik Biibilimi silatuumik ima kajumis­saar­neqar­pugut: „Tipaatsuutigiuk inuusun­nin­ni nuliarilik­kat . . . Sooq ar­naq al­la al­lasior­niar­toq pak­kutis­saviuk?“ — Us­satit 5:18-20.

Angajoq­qaanut: „Inuusut­toq inger­lavis­saanik ajoqer­suuguk.“ — Ussatit 22:6.

Angajoq­qaat meeq­qatik pif­fis­saqarfigisar­patigik ilaqutariit­tut inuunerat pitsaanerulis­saaq. Taamaat­tumik Biibilimi angajoq­qaat kajumis­saar­neqar­put meeq­qatik najoq­qutas­sianik eq­qor­tunik ilin­niar­teq­qul­lugit ’il­lumin­ni is­siasaraangamik aq­qusinermilu angalaaraangamik, in­naraangamik makik­kaangamil­lu’. (5 Moses 11:19) Biibilimi aam­ma al­las­simavoq angajoq­qaat meeq­qatik asan­nin­nermik ersersitsivigisas­sagaat perorsaatis­sit­tar­nerisigut. — Evfisumiut 6:4.

Meeq­qanut: ’Ilissi meeq­qat, angajoq­qaasi naalas­sigik Naalak­kami.’ — Evfisumiut 6:1.

Ilumut, silarsuarmi inatsisaatsumi matumani angajoq­qaanut naalan­nis­saq ajor­naatsuin­naan­ngilaq. Taamaat­tumik isumaqatigin­ngiliuk Pin­ngor­titsisup ilaqutariin­nut un­nersuus­sutai maleruas­sal­lugit silatusaar­nerus­sasoq? Taas­suma nalun­ngilaa qanoq ilil­luta ilaqutariit­tut inuuner­put pil­luar­nar­tuutis­sin­naagip­put. Taamaat­tumik ilungersorlutit angajoq­qaatit naalan­niak­kit. Aalajanger­niarit silarsuup ajor­tulior­nis­samut us­siiniutai ingalas­simanias­sal­lugit. — Us­satit 1:10-19.

Ilaqutariit tamarmik im­mik­kut Biibilip un­nersuus­sutai maleruar­tar­patigik ilaqutariit­tut inuuneq pil­luar­nar­tuus­saaq. Ilaqutariit  maan­nak­kut inuuner­tik nuan­naarutigineruliin­nas­san­ngilaat, aam­mat­taarli silarsuas­sami nutaami siunis­samik nuan­ningaar­tumik Guutip neriorsuutaa qilanaarilis­sal­lugu. (2 Pîtruse 3:13; sarĸúmersitat 21:3, 4) Taamaat­tumik ilaqutariit­tut Biibilimik atuaq­qis­saaqatigiin­neq ileq­qoriler­niarsiuk! Nunarsuaq tamak­kerlugu ilaqutariit mil­lionilik­kuutaat paasisimavaat un­nersuus­sutit atuak­kami kusanar­tumik as­siliar­talim­mi Ilaqutariittut pilluarneq isertugaateqarpoq-mi, nas­saas­saasut iluaqutaasorujus­suusut.

Al­lat taaneqan­ngik­kaangata Bibelimit is­suak­kat tamarmik nutsik­kat kalaal­lisuun­ngor­titat ator­tus­saatitaasut 1900-meersoq, 1936-meersoq 1990-imeersorlu tun­ngavigalugit is­suagaasar­put.