1, 2. (a) Aap­pariin­neq qanoq sivisutigisumik atasus­siaava? (b) Taman­na qanoq ilil­luni anguneqarsin­naava?

GUUTIP angut ar­narlu siul­liit katitim­magit ersersin­neqan­ngilaq aap­pariin­nerat atagal­laan­nar­tuusus­saasoq. Adam Evalu inuuner­tik tamaat aap­paariit­tus­san­ngor­titaap­put. (1 Moses 2:24) Guutip aap­pariin­nermut ataq­qinar­tumut najoq­qutas­siaa tas­saavoq angutip ataatsip ar­namut ataatsimut katin­nera. Aap­paasup tamarmil­luun­niit ingasat­tumik kinguaas­siuutitigut kan­ngunar­tulior­nerat Biibili tun­ngavigalugu avis­sutaasin­naasutuaavoq kateq­qin­nis­samut periarfis­siisoq. — Matîuse 5:32.

² Inuit marluk pil­luarlutik qaqugorsuarmut inooqatigiis­sin­naap­pat? Aap. ’Matuersaatit’ marluk pingaarluin­nar­tut tamatuma iluatsis­sin­naanis­saanut iluaqutaasut Biibilimi tik­kuar­neqar­put. Inuunermi najoq­qutas­sat taak­ku marluk uiusup nuliaasul­lu ilisimagunik­kik atorunik­kil­lu pil­luar­nermut matu am­marsin­naalis­savaat. ’Matuersaatit’ taak­ku suugamik?

3. Asan­nin­nerit as­sigiin­ngitsut pingasut suut aap­pariit ineriar­tor­tin­niar­tariaqar­paat?

³ ’Matuersaat’ siul­leq tas­sa asan­nin­neq. Soqutiginar­poq Biibilimi asan­nin­nerit as­sigiin­ngitsut eq­qar­tor­neqarmata. Siul­leq tas­sa qanimut ikin­ngutigiit akor­nan­ni qaman­nga pisumik tun­niusimaqatigiis­sumil­lu asaqatigiin­neq. (Juánase 11:3) Asan­nin­neq al­la tas­sa asan­nin­neq (’ungagiin­neq’) ilaqutariit akor­nan­ni atuut­toq. (Rûmamiut 12:10) Pingajuat tas­sa angutip ar­nal­lu akor­nan­ni ajuutigiil­luni asaqatigiin­neq. (Us­satit 5:15-20) Asan­nin­nerit as­sigiin­ngitsut  pingasut taak­kua uiusup nuliaasul­lu akun­nermin­ni soorunami ineriar­tor­tin­niar­tariaqar­paat. Aam­mali al­lamik asan­nin­neqar­poq asan­nin­ner­nit taak­kunan­nga tamanit pingaar­nerusumik.

4. Asan­nin­nerit sisamaat suna Biibilimi eq­qar­tor­neqar­pa?

⁴ Kristumiut Al­lagaataat Griikerisuut al­las­simaq­qaataan­ni oqaaseq asan­nin­nerit sisamaan­nut tamatumun­nga ator­neqar­toq tas­saavoq a·gaʹpe. Oqaaseq taan­na ilaatigut Juánasip agdlagai sujugdlît 4:8-mi ator­neqar­poq, tas­sani al­las­simagami: ’Guuti asas­sutaavoq.’ Aap, ’uagut asan­nip­pugut taas­suma asaq­qaarmatigut’. (1 Juánase 4:19) Asan­nin­neq taama it­toq kristumiut pingaar­ner­paamik Jehova Guutimut tul­lianil­lu inoqatimin­nut ineriar­tor­tit­tar­paat. (Mákorse 12:29-31) Oqaaseq a·gaʹpe aam­ma Evfisumiunut  agdlagkat 5:2-mi ator­neqar­poq, ima al­las­simal­luni: ’Asan­nil­lusi saqigitsi, soorlut­taaq Kristusip asagaasi im­minil­lu pil­luta tun­niul­luni.’ Jesus oqarsimavoq asan­nin­neq taama it­toq malitsimi ilisar­naatigis­sagaat: ’Matuman­nga tamarmik ilisaris­savaasi ajoqersugarigis­si: asaqatigiik­kus­si [a·gaʹpe].’ (Juánase 13:35) Aam­ma Korintumiunut agdlagkat sujugdlît 13:13-imi a·gaʹpe-p oqaatigineqar­nera malugiuk: ’Maan­nali uku pingasut atap­put: up­per­neq neriun­nerlu asan­nin­nerlu; asan­nin­nerli [a·gaʹpe] taak­kua an­nersaraat.’

5, 6. (a) Sooq asan­nin­neq up­per­nermit neriun­nermil­lu an­nerua? (b) Sooq asan­nin­neq aap­pariin­nermik ataavar­titseqataasar­pa?

⁵ Sooruna asan­nin­neq taman­na [a·gaʹpe] up­per­nermit neriun­nermil­lu an­nerusoq? Najoq­qutas­sianit ajun­ngitsunit Guutip oqaasiani nas­saas­saasunit aqun­neqarami. (Tus­siaat 119:105) Tamatuma nas­sataraa nam­minis­sarsiorani Guutip isaani ajun­ngitsumik eq­qor­tumil­lu al­lanut iliorfigin­nin­neq, taamaaliorfigisap pisas­sarigaluar­pagu pisas­sarin­ngik­kaluar­paguluun­niit. Asan­nin­nerup taama it­tup aap­pariit Biibilip un­nersuus­sutaanik matumin­nga malin­nis­sin­naalersit­tar­pai: ’Im­mis­sin­nut un­nerluutis­saqaraluarus­si kamageqatigiil­lusilu isumak­keerfigeqatigiigitsi; soorlu Jehovap isumak­keerfigigaasi, taamat­taaq ilis­si pigitsi.’ (Kulorsamiut 3:13, NV) Aap­pariit asan­nit­tumik iliorfigeqatigiit­tut ’asaqatigiip­put [a·gaʹpe] ilungersorlutik asan­nin­nerup ajor­ter­pas­suit matoor­tarmagit’, asan­nin­nermil­lu tamatumin­nga ineriar­tor­titsiuar­tar­put. (1 Pîtruse 4:8) Malugiuk asan­nin­nerup kuk­kunerit matoor­tarmagit, kuk­kunerit peer­tar­nagit, inum­mim­mi naam­mal­luin­nan­ngitsumik kuk­kujuitsoqan­ngilaq. — Tus­siaat 130:3, 4; Jâko 3:2.

⁶ Aap­pariit Guutimik asan­nin­neq akun­nermin­nilu asaqatigiin­neq taama it­toq ineriar­tor­tip­pas­suk aap­pariin­nerat ataavas­saaq pil­luar­nar­tuul­lunilu, ’asan­nin­nermi soraar­navian­ngilaq’. (1 Korintumiut 13:8) Asan­nin­neq ’iluarluin­nas­sutsip nimeraa’. (Kulorsamiut 3:14) Katis­simagus­si asaqatigiin­neq taama it­toq qanoq ilil­lusi ineriar­tor­tin­niarsin­naavisiuk?  Guutip oqaasia atuaq­qis­saaqatigiis­sutigisarsiuk, atuak­kasilu oqaloqatigiis­sutigisarlugit. Jesusip asan­nin­nik­kut maligas­siaa misis­soq­qis­saarsiuk ilaar­niarsaralugulu, taas­sumatut eq­qarsar­niarsaralusi pis­susilersor­niarsaralusilu. Aam­malu kristumiut ataatsimiin­nerinut najuut­taritsi, tamak­kunanimi Guutip oqaasia ilin­niar­titsis­sutigineqar­tar­poq. Kiisalu asan­nin­neq qutsis­sisitaq, Guutip anersaavata il­ler­nar­tup inerititaasa ilaat, ineriar­tor­tin­niarlugu Guutimut ikioq­qul­lusi qinusaritsi. — Us­satit 3:5, 6; Juánase 17:3; Galâsiamiut 5:22; Eprîarit 10:24, 25.

7. Ataq­qin­nin­neq qanoq paasisariaqar­pa, aap­pariin­nermilu qanoq ataq­qeqatigiit­toqar­tariaqar­pa?

⁷ Aap­pariit asaqatigiik­kunik aam­ma ataq­qeqatigiis­sap­put, ataq­qeqatigiin­nerlu aap­pariit­tut pil­luar­nermut ’matuersaatit’ aap­paraat. Ataq­qin­nin­neq nas­suiar­neqarluni tas­saanerar­neqarsimavoq ’al­lanik isumas­suineq, ataq­qin­nin­nermik ersersitsivigalugit’. Kristumiut tamarmik, aam­ma uiusut nuliaasul­lu, Guutip oqaasiani ima un­nersuun­neqar­put: ’Ataq­qeqatigiigitsi ingiaqat­taal­lusi.’ (Rûmamiut 12:10) Apustili Peter ima al­las­simavoq: ’Taamat­taaq angutaasusi nuliasi silalim­mik inooqatigisigik, pisat­tatut qajan­nar­nerusutut [ar­naasutut, NV] iliorlugit, ataq­qisigil­lu.’ (1 Pîtruse 3:7) Nuliaasoq kajumis­saar­neqar­poq ’uini ataq­qil­luin­nas­sagaa’. (Evfisumiut 5:33, NV) Inuk ataq­qerusutat inus­siar­nerfigisar­pat, ataq­qinas­susia isumaalu pingaar­til­lugit, piumasaanul­lu inor­nan­ngitsunut sunul­luun­niit akuersinis­san­nut piareersimasarlutit.

8-10. Ataq­qeqatigiin­neq qanoq ilil­luni aap­pariin­nerup aalajaatsun­ngor­nis­saanut pil­luar­nar­tun­ngor­nis­saanul­lu iluaqutaasar­pa?

⁸ Pil­luarlutik aap­pariit­tut inoorusut­tut aap­parmin­nik ataq­qin­nit­tuup­put ’nam­minis­saminik pin­natik, kisian­ni [aap­parmis­saaq] iluaqutis­saa piniarlugu’. (Filípimiut 2:4) Im­minuin­naq iluaqutis­saq eq­qarsaatigineq ajor­paat, taamaalioraluarunim­mi nam­minis­sarsius­sap­put. Aam­mali  aap­parmin­nut ajun­ngitsus­saq eq­qarsaatigisar­paat sal­liutit­tarlugulu.

⁹ Aap­pariit ataq­qeqatigiik­kaangamik isum­mamik as­sigiin­ngis­sin­naanerat akuerisar­paat. Piviusorsior­nerun­ngilaq ilimagis­sal­lugu inuit marluk sunut tamanut as­sigiim­mik isumaqar­tas­sasut. Uiusumut pingaar­toq im­maqa nulianut taamatut pingaar­tigin­ngilaq; nuliaasul­lu nuan­narisaa im­maqa uiata taamatut nuan­naritigin­ngilaa. Tamarmil­li im­mik­kut isum­matik piumanerusatil­lu, Jehovap inatsisaasa najoq­qutas­siaasalu kil­ligititaasa iluiniitil­lugit, ataq­qisariaqar­paat. (1 Pîtruse 2:16; naleq­qiuguk Fîlimûmut agdlagkat 14.) Kiisalu aap­parmik ataq­qinas­susia pingaar­tit­tariaqar­paat kik­kut tamarmik tutsaan­ni kisimiitil­lutil­luun­niit nikas­saavigisan­ngin­neratigut imaluun­niit il­laruaatis­san­ngor­tit­tan­ngin­neratigut.

¹⁰ Aap, Guutimut aap­parmul­lu asan­nin­neq ataq­qeqatigiin­nerlu aap­pariit­tut pil­luarluni inuunis­samut ’matuersaataap­put’ marluk pingaar­tut. Pingaar­tut marluk taak­kua aap­pariit­tut inuunermi pingaar­nerusutigut qanoq ilil­lutik erser­tar­pat?

11. Biibili tun­ngavigalugu ilaqutariin­ni kina ’niaquua’?

¹¹ Biibilimi oqaatigineqar­poq angut ilaqutariin­ni ’niaquusutut’ piuk­kun­naatis­saanik pis­susilerlugu pin­ngor­tin­neqarsimasoq. Ilaqutariin­nut ’niaquusutut’ angut nuliami meeq­qamilu anersaak­kut timik­kul­lu isumas­sor­neqar­nis­saan­nut Jehovamut akisus­saas­suseqar­poq. Oqimaaqatigiis­sunik Jehoval­lu piumasaanut naaper­tuut­tunik aalajangiisas­saaq, Guutimil­lu mianerin­nit­tutut ileq­qoqar­nik­kut maligas­siuis­sal­luni. ’Ilis­si ar­nat, uisi naalas­sigik soorlu Naalagaq, ar­nap uini niaqorim­magu, soorlut­taaq ilagiit Kristus niaqorigaat.’ (Evfisumiut 5:22, 23) Biibilimili oqaatigineqar­poq aam­ma uiusoq ’niaqoqar­toq’, tas­sa qul­lersaqar­toq. Apustili Paulus ima al­las­simavoq: ’Imaat­tumil­li ilisimaq­quas­si, angutip kialuun­niit Kristus niaqorigaa, ar­nal­lu angut niaqorigaa, Kristusil­lu Guuti niaqorigaa.’ (1 Korintumiut 11:3) Uiusup silatuup nam­mineq ’niaq­qumi’,  Jesus Kristusip, ilaar­neratigut ’niaquusutut’ qanoq pis­suseqar­nis­sani ilin­niar­tariaqar­paa.

12. Jesus naalatsigitin­nik­kut ’niaquus­sutsimil­lu’ atuinik­kut qanoq maligas­siuil­luarsimava?

¹² Jesusip Jehova ’niaqoraa’, eq­qor­tumil­lu iliorluni Taas­sumun­nga naalatsigitip­poq. Jesus ima oqarsimavoq: ’Piumasara pin­nagu aal­lar­titsisima piumasaa piniar­para.’ (Juánase 5:30, NV) Taamaalil­luni maligas­siuil­luar­poq! Jesus tas­saavoq ’pin­ngor­titat tamarmik sior­natigut er­niusoq’. (Kulorsamiut 1:15) Taava Mes­siasin­ngor­poq, kristumiut tanitat ilagiis­saan­nut ’niaquulerluni’. Kingor­na Guutip naalagaaf­fiani kun­ngin­ngor­poq, in­ngilit tamaasa qulangerlugit oqar­tus­saas­suseqalerluni. (Filípimiut 2:9-11; Eprîarit 1:4) Naak taama qutsitsigisumik inis­sisimaf­feqaraluarluni taamalu nuimatigisumik siunis­sami atorfeqalersus­saagaluarluni Jesus sukan­ner­nian­ngisaan­narsimavoq, peq­qar­niin­nian­ngisaan­narsimal­luni imaluun­niit piumasaqar­pal­laar­nian­ngisaan­narsimal­luni. Naalaq­qutuujun­ngisaan­nar­poq, ajoqersuk­kani im­minut naalat­tus­saaneran­nik eq­qaaseqat­taar­tuas­sanagit. Jesus asan­nit­tuuvoq misigin­neqataasuul­lunilu, ingam­mik naqisimaneqar­tunut. Ima oqarsimavoq: ’Or­nis­singa tamas­si erloqisusi naner­tugaasusilu, qasuersis­savas­si. Nam­maatara ilis­sin­nut pisis­siuk ilin­niarfigalungalu, qanilaarama uum­matik­kul­lu makitajuik­kama; taava tar­nis­sin­nut qasuerfis­sarsiumaar­pusi. Nam­maatarami iluaqaaq, nam­mak­kius­saralu oqeqaluni.’ (Matîuse 11:28-30) Jesus ilak­kuminar­torujus­suusimavoq.

13, 14. Uiusup asan­nit­tup ilaqutariin­nut ’niaquus­sutsini’ Jesus ilaarlugu qanoq ator­tariaqar­paa?

¹³ Pitsaas­saaq angutip pil­luar­tunik ilaqutaqalerusut­tup Jesusip pis­susii ajun­ngitsut maluginiaq­qis­saas­sap­pagit. Uiul­luar­toq peq­qar­niitsuunanilu naalagaaniar­tuun­ngilaq, ’niaquus­sutsinilu’ nuliaminut naalak­kisar­titsiniutitut eq­qun­ngitsumik ator­nias­sanagu. Nulianili asal­lugulu ataq­qivaa. Jesus ’uum­mam­migut makitajuitsuusimap­pat’ uiusoq taamaan­nis­saminut suli pis­sutis­saqar­neruvoq, Jesus as­siginagu kuk­kusarami. Kuk­kugaangami nuliami  paasin­nin­nis­saa kis­saatigis­savaa. Taamaat­tumik uiusup maniguut­tup kuk­kunini nas­suerutigisar­pai, naak ima oqar­nis­saq ajor­nakusoorsin­naagaluar­toq: „Utoq­qatser­punga; ilumoor­putit.“ Nuliaasup uini an­neruniajuil­lunilu maniguup­pat ataq­qiuminar­tin­nerus­savaa, makitasuul­lunilu uteriitsuup­pat ataq­qiuminaatsin­nerus­sal­lugu. Akerlianil­lu aam­ma nuliaasoq ataq­qin­nit­toq kuk­kugaangami utoq­qatser­tar­poq.

¹⁴ Guutip ar­naq pin­ngor­tip­paa ilaqutariit­tut pil­luar­nermut ajun­ngitsumik ilasaataasin­naasunik pis­susilerlugu. Uiusup silatuup taman­na paasiumas­savaa, taamaat­tumil­lu nuliani naqisimanias­sanagu. Ar­nat ilar­pas­sui angutinit misigin­neqataas­suseqar­nerul­lutil­lu al­lat misigis­susiinik pisariaqar­titaan­nil­lu eq­qumaf­figin­nin­nerusar­put, inut­tul­lu pis­sutsit tamak­kua ilaqutariin­ni inuil­lu akor­nan­ni pisariaqar­tuup­put. Amerlaner­tigut­taaq ar­nat angerlarsimaf­fiup najoruminar­tuutin­nis­saanut pigin­naaneqar­nerusar­put. „Nuliaal­luar­toq“ Us­satit kapitaliisa 31-anni al­laatigineqar­toq ajun­ngitsor­pas­suar­nik inut­tut pis­suseqar­poq pigin­naaneqarlunilu, tamak­kualu ilaqutaanut iluaqutaasar­put. Sooq? ’Uiata tamatigorluin­naq tatigisarmagu.’ — Us­satit 31:10, 11.

15. Uiusoq Jesusip al­lanut iliorfigin­nit­tarsimaneratut qanoq ilil­luni nuliaminut asan­nin­nermik ataq­qin­nin­nermil­lu ersersitsisin­naava?

¹⁵ Kulturit ilaan­ni uiusup oqar­tus­saanera pingaar­tin­neqar­torujus­suuvoq. Al­laat taas­sumun­nga apeq­quteqar­nerin­naq ataq­qin­nin­ngitsulior­ner­tut isigineqar­tar­poq. Im­maqa nuliani inus­siatorluin­nangajak pisar­paa. ’Niaquus­sutsiminik’ taamatut eq­qun­ngitsumik atuinera nuliaminuin­naan­ngitsoq aam­mali Guutimut at­taveqar­neranut ajoqutaasar­poq. (Naleq­qiuguk Juánasip agdlagai sujugdlît 4:20, 21.) Aam­mali uiusut ilaasa siut­tuunis­sar­tik sumigin­nar­tar­paat, nuliar­tik inoqutigiin­nut aqutsisuutil­lugu. Uiusup eq­qor­tumik iliorluni Kristusimut naalatsigitit­tup nuliani ator­nerlun­neq ajor­paa imaluun­niit ataq­qinaataajas­sanagu. Jesusil­li asan­nin­nera im­minut pil­liutigeriaan­naasoq ilaar­tar­paa Paulusil­lu un­nersuus­sineratut  iliorluni: ’Ilis­si angutit, nuliasi asaniarsigik, soorlut­taaq Kristusip ilagiit asagai im­minil­lu tun­niul­luni taak­ku pis­sutigalugit.’ (Evfisumiut 5:25) Jesus Kristusip malitsini ima asatigai al­laat taak­ku pil­lugit toqul­luni. Uiul­luar­tup nam­minis­sarsiun­ngis­suseq taman­na ilaar­niar­tariaqar­paa, nuliaminut piumasaqar­pal­laar­nis­samut taarsiul­lugu taas­sumun­nga ajun­ngin­ner­paaq ujar­tor­tarlugu. Uiusoq Kristusimut naalatsigitip­pat taas­sumatul­lu asan­nin­nermik ataq­qin­nin­nermil­lu ersersitsisar­pat nuliata uiminut naalatsigitin­nis­sani kajungeris­savaa. — Evfisumiut 5:28, 29, 33.

16. Nuliaasoq uiminut qanoq pis­suseqar­tariaqar­pa?

¹⁶ Adam pin­ngor­tereeramiuk Jehova Guuti ima oqarsimavoq: „Iluan­ngilaq inuk kisimiim­mat, ikior­tis­sius­savara taas­sumun­nga tul­luar­tumik.“ (1 Moses 2:18) Guutip Eva pin­ngor­tip­paa uianut ’tul­luar­tutut’, imaan­ngitsoq unam­mil­ler­tus­satut. Aap­pariin­neq umiarsuar­tut marlun­nik im­min­nut unam­misunik aqut­tulit­tut it­tus­saan­ngilaq. Uiusoq asan­nit­tumik ’niaquusus­saavoq’, nuliaasorlu asan­nil­luni, ataq­qin­nil­luni kajumil­lunilu naalatsigitit­tus­saal­luni.

17, 18. Nuliaasoq qanoq ilil­luni uiminut ikior­taal­luarsin­naava?

¹⁷ Nuliaal­luar­torli naalatsigitiin­nan­ngilaq. Uini aalajangigas­saasigut ikior­niar­tar­paa tapersersor­tarlugulu. Soorunami taman­na oqin­nerusar­poq aalajangigas­saasigut isumaqatigigaangagu. Isumaqatigin­ngik­kaluaraangaguluun­niil­li tapersersuinera uiusup aalajangigaanik kinguneqarluar­titseqataasin­naas­saaq.

¹⁸ Nuliaasup uini ilaqutariin­nut ’niaquul­luar­nis­saanik’ aam­ma al­latigut ikiorsin­naavaa. Uimi siut­tuunermini ilungersor­nerinik pingaar­titsinini ersersis­sin­naavaa, isor­nar­torsior­nis­saanut imaluun­niit naam­magisaminik iliun­ngisaan­nar­tutut misigilersin­niar­nis­saanut taarsiul­lugu. Uiminut ajun­ngitsumik isigin­nin­nini ilutigalugu eq­qaamasin­naavaa ’anersaap piuaatsup sal­laatsup pia Guutimut erlin­nar­torujus­suusoq’, uiminuin­naan­ngitsoq.  (1 Pîtruse 3:3, 4; Kulorsamiut 3:12) Taavami uiusoq up­pin­ngitsuup­pat? Up­per­tuugaluar­pat up­pin­ngitsuugaluar­pal­luun­niit nuliaasut Biibilimi kajumis­saar­neqar­put ’uitik asaq­qul­lugit qitor­natil­lu asaq­qul­lugit, piitaajuitsooq­qul­lugit, titsiitsooq­qul­lugit, il­lumi paarsil­luaq­qul­lugit, avaagin­nit­taq­qul­lugit, uitil­lu naalaq­qul­lugit, Guutip oqaasia mitaatigineqaq­qunagu’. (Títuse 2:4, 5) Nalun­ngeqatigin­nis­suseq tun­ngavigalugu aalajangigas­sanut atatil­lugu ajor­nar­torsiutit tak­kuk­kaangata uiusup up­pin­ngitsup nuliani saamasumik ataq­qin­nit­tumil­lu pis­suseqar­pat nuliami aalajanger­neranik ataq­qin­nin­nis­saa ilimanar­neruvoq. Uiusut up­pin­ngitsut ilaat ’oqaaseqan­ngitsuk­kut nuliamik saqineratigut ilataarineqarsimap­put, [nuliamik] mianerin­nil­lutik piitaajuitsumik saqinerat isigisaramik­ku’. — 1 Pîtruse 3:1, 2, 15; 1 Korintumiut 7:13-16.

19. Nuliaasoq uimi Guutip inatsisaanut akerliusumik peq­qup­pani qanoq ilior­tariaqar­pa?

¹⁹ Taavami uiusup nuliani Guutip iner­teq­qutigisaanik peq­qup­pagu? Taamatut pisoqar­pat nuliaasup eq­qaamasariaqar­paa Guuti tas­saam­mat Naalak­kat qutsin­ner­paar­taat. Apustilit Guutip inatsisaanut akerliusumik oqar­tus­saasunit peq­quneqaramik maligas­siaat malik­kumas­savaa. apustilit suliait 5:29-mi ima al­las­simavoq: ’Peteril­li apustilil­lu akivaat oqarlutik: „Guuti inun­nit naalat­tariaqar­neruvoq.“’

20. Ingam­mik suk­kut asaqatigiin­neq ataq­qeqatigiin­nerlu pisariaqar­pat?

²⁰ Aap­pariin­nerup iluani at­taveqatigiin­nermi asan­nin­nerup ataq­qin­nin­nerul­lu ersersit­tar­nis­saat aam­ma pingaaruteqar­poq. Uiusup asan­nit­tup nuliani oqaloqatigisar­paa suliai, ajor­nar­torsiutai, as­sigiin­ngitsunul­lu isumai pil­lugit. Nuliata taman­na atorfis­saqar­tip­paa. Uiusup nuliaminik oqaloqateqar­tar­tup oqaasiinil­lu tusar­naaq­qis­saar­tar­tup takutit­tar­paa asal­lugu ataq­qil­lugulu. (Jâko 1:19) Nuliaasut ilar­pas­suisa uimik im­min­nik oqaloqatigin­nin­ngisaan­nangajan­nerat naam­magit­taal­liutigisar­paat. Taman­na ajoraluaqaaq.  Ukiuni ulapif­fioqisuni mak­kunani uiusut angerlarsimaf­fiup avataani sivisuumik sulisariaqar­tar­put, aningaasaqar­nik­kul­lu pis­sutsit pis­sutigalugit al­latut ajor­nar­tumik nuliaasut ilar­pas­sui aam­ma sulif­feqar­tariaqar­tarlutik. Taamaak­kaluar­torli aap­pariit aam­ma im­min­nut pif­fis­saqarfigisariaqar­put. Taamaan­ngip­pat im­min­nut avis­saariar­tulis­sap­put. Aap­pariit tamarmik im­mik­kut aap­pariin­ngisamin­nut paasin­nit­tumut al­latut ajor­nar­tumik at­taveqar­tariaqar­tutut misigiler­pata ajor­nar­torsiutinik an­ner­tuunik pilersoqarsin­naavoq.

21. Sooq ajun­ngitsumik periaaseqarluni oqaloqatigiit­tar­neq aap­pariin­nermik pil­luar­nar­tun­ngor­titseqataasar­pa?

²¹ Nuliaasut uiusul­lu oqaloqatigeeriaasiat­taaq pingaar­torujus­suuvoq. „Tungusun­nitsuutitut kuser­tutut ip­put inus­siar­nersumik oqaatsit tar­nimut tungusun­nitsut timimul­lu peq­qis­saataasut.“ (Us­satit 16:24) Aap­paq up­per­tuugaluar­pat up­pin­ngitsuugaluar­pal­luun­niit Biibilimi un­nersuus­sut man­na tamatigut atuup­poq: ’Alianaatsunik oqaaseqar­taan­naritsi, tarajorsimasunik,’ tas­sa tusaruminar­tunik. (Kulorsamiut 4:6) Ul­lormut sulerulooreersimal­luni aap­parmit misigin­neqataar­palut­tumik oqarfigineqalaagin­nar­neq ilorraal­lan­nar­torujus­suusin­naasar­poq. „Puugutaasat sølviusut iipiliusar­taat­tut kuultiusutut ip­put oqaatsit oqaaserineqarfis­samik­kut oqaaserisat.“ (Us­satit 25:11) Nipi oqaatsil­lu ator­neqar­tut pingaar­torujus­suup­put. As­sersuutigalugu, kamas­simar­palut­tumik naalak­keer­palut­tumil­lu ima oqar­toqarsin­naavoq: „Matu matujuk!“ Aam­mali oqaatsit ’tarajor­neqarsin­naap­put’ eq­qis­sisimasumik paasin­nip­palut­tumil­lu ima oqarluni: „Matu matulaarsin­naaviuk?“

22. Aap­pariit at­taveqatigiil­luarsin­naas­sagunik qanoq pis­susilersor­tariaqar­pat?

²² Oqaatsit saamar­palut­tut ator­neqaraangata, inus­siar­ner­pasis­sumik, paasin­nip­pasis­sumik qajas­suus­ser­pasis­sumil­lu kiin­nerlunilu pis­susilersor­toqaraangat, at­taveqatigiin­neq siuarsar­neqar­tar­poq. At­taveqatigiil­luar­nis­saq ilungersorlutik sulis­sutigigunik­ku uiusoq nuliaasorlu pisariaqar­titamik oqaatigisar­nis­saan­nut nangaas­suteqar­tar­navian­ngil­lat,  taamaalil­lutil­lu pakatsis­suteqaraangamik tatineqaraangamil­lu tup­pal­lersaqatigiil­lutil­lu ikioqatigiis­sin­naasas­sap­put. ’Nikal­lor­tut tup­pal­lersarsigik,’ Guutip oqaasiani oqaaq­qis­saar­neqar­pugut. (1 Tásalûníkamiut 5:14) Arlamik nikal­lungaf­fiani uiusoq nuliaasorlu tup­pal­lersaqatigiil­lutil­lu qiim­mas­saqatigiis­sin­naasas­sap­put. — Rûmamiut 15:2.

23, 24. Isumaqatigiin­ngis­suteqaler­nermi asan­nin­neq ataq­qin­nin­nerlu qanoq iluaqutaasar­pat? As­sersuuteqarit.

²³ Aap­pariit asaqatigiil­lutil­lu ataq­qeqatigiit­tut isumaqatigiin­ngin­nitik tamaviisa ajor­nar­torsiuterujus­suar­tut isigineq ajor­paat. ’Ajual­laf­figeqatigiit­tan­ngin­nis­sar­tik’, narraf­figeqatigiit­tan­ngin­nis­sar­tik, ilungersorlutik sulis­sutigiumasar­paat. (Kulorsamiut 3:19) Tamarmik eq­qaamasariaqar­paat ’akis­sut sal­laatsoq kamak­kun­naarsitsisarmat’. (Us­satit 15:1) Aap­pat qamuuna misigis­sutsiminik aniatitsigaangat suusupaginaveersaar­taruk imaluun­niit as­suarinaveersaar­taruk. Tamatumun­ngali taarsiul­lugu aap­pap pis­sutsinik isigin­nit­taasianik ilisimasaqar­neruler­nis­samut periarfis­satut taman­na isigisaruk. Isumaqatigiin­ngis­sutaasut peqatigiil­lusi aaq­qin­niar­tarsigik naleq­qut­tumil­lu aaq­qiis­sutis­sin­niar­tarlugit.

²⁴ Eq­qaamajuk Sara ajor­nar­torsium­mut aalajangersimasumut aaq­qiis­sutis­samik siun­nersuuteqarsimasoq uimi, Abrahamip, iluarival­laan­ngisaanik. Guutil­li Abraham oqarfigisimavaa: „Sarap oqaasii tamaasa naalan­niak­kit.“ (1 Moses 21:9-12) Abraham taamaaliorami pil­luaq­qusaavoq. Taamatut­taaq uiusoq nam­mineq isum­maminit al­laanerusumik nuliani siun­nersuuteqar­pat taamaalior­tariaqar­poq — tusar­naagin­narluguluun­niit. Aap­paatigul­li nuliaasoq kisiin­navim­mi oqalun­naveersaar­tariaqar­poq, uimili oqaasis­saanut tusar­naar­tariaqarluni. (Us­satit 25:24) Tamarmik im­mik­kut piumasatik piniar­tarunik­kik asan­nin­ngitsumik ataq­qin­nin­ngitsumil­lu ilius­sap­put.

25. Ap­pariin­nermi at­taveqatigiil­luar­neq atoqatigiin­neq eq­qarsaatigalugu qanoq ilil­luni pil­luar­nermik ilasisar­pa?

²⁵ Aam­ma kinguaas­siuutitigut atoqatigiin­nermut tun­ngasut tatigeqatigiis­sumik oqaloqatigiis­sutigisar­nis­saat  pingaaruteqar­poq. Nam­minis­sarsior­neq im­minul­lu naalak­kersin­naan­ngin­neq aap­pariin­nermi at­taveqar­nermut tamanit qanin­ner­paamut an­ner­tuumik aseruutaasin­naavoq. Am­masumik oqaloqatigiit­tar­neq naam­magit­tar­nerlu pingaar­torujus­suup­put. Nam­minis­sarsiorani aap­pap iluarusun­nis­saa ujar­tor­neqar­tar­pat atoqatigiin­nermut atatil­lugu an­ner­tuunik ajor­nar­torsiuteqar­tar­navian­ngilaq. Soorlu pis­sutsini al­lar­pas­suar­ni it­toq tamatumanis­saaq ’nam­minis­saminik piniar­toqan­ngik­kili, aap­parmili iluaqutis­saanik’. — 1 Korintumiut 7:3-5; 10:24.

26. Naak aap­pariit ajun­ngitsunik ajor­tunil­lu atugaqar­taraluarlutik Guutip oqaasianik malin­nin­neq qanoq ilil­lutik pil­lualis­sutigisin­naavaat?

²⁶ Guutip oqaasia un­nersuus­suter­pas­suar­nik pitsaasunik imaqar­poq. Pin­ngitsoorani ajor­nar­torsiutinik pilersoqar­tas­saaq. Aap­pariil­li Jehovap najoq­qutas­siai Biibilimiit­tut malin­niarsarigunik­kik at­taveqar­ner­til­lu asan­nin­nermik najoq­qutas­sianit siulersor­neqar­tumik ataq­qin­nin­nermil­lu tun­ngaveqar­tik­kunik­ku, qularin­ngis­sin­naavaat aap­pariin­ner­tik ataavarlunilu pil­luar­nar­tuus­sasoq. Taamaalil­lutil­lu im­min­nut ataq­qeqatigiigin­naratik aam­ma aap­pariin­nermik Pilersitsisoq, Jehova Guuti, ataq­qinar­tis­savaat.