KAPITALI 15
Angajoqqaavut utoqqalisut ataqqisigik
1. Angajoqqaavut suna pillugu qujaffigisariaqarpavut, tamatumalu qanoq iliornissatsinnut qanorlu misiginissatsinnut killittariaqarpaatigut?
„TUSAANIARUK ataatat inuunermut pinngorfiit, anaanallu utoqqaasoq sumiginnaqinagu,“ angut silatooq itsarsuaq taama allassimavoq. (Ussatit 23:22) ’Uanga angajoqqaakka qaqugumulluunniit sumiginnarnavianngilakka!’ immaqa oqarumassaatit. Aap, inuit amerlanersaasa angajoqqaatik assut asavaat. Nalunngilarput angajoqqaavut assut akiitsoqarfigalugit. Pingaarnerpaamik, inuunermik tunisimammatigut. Jehova inuunerup Pilerfigigaluarpaa, angajoqqaavulli inuusimanngitsuuppata uagut inuusimassanngikkaluarpugut. Angajoqqaavut inuunertut akisutigisumik tunisinnaanngilavut. Eqqarsaatigikkittaaq asanninneq annertooq imminnut pilliutigeriaannaassuseqarlutik uagutsinnut ersersissimasaat, uagut pilluta pilliutigisimasaat, alliartornitsinnilu uagutsinnik isumassuisimanerat annertooq. Taamaattumik naleqquttorujussuuvoq Guutip oqaasiani ima unnersuussuteqarmat: ’Ataatat anaanallu ataqqikkit, . . . nunami pilluaqqullutit inuummersoqqullutillu.’ — Evfisumiut 6:2, 3.
MISIGISSUTSIKKUT PISARIAQARTITAT
2. Qitornaasut inersimasut qanoq ilillutik angajoqqaaminnik ’akiniaalluarsinnaappat’?
2 Apustili Paulus kristumiunut ima allassimavoq: ’Qitornaasut ernutaasulluunniit, taakku ilinniaqqaarallarlit inoqutiminnut Guutimik mianerinnittutut iliussallutik angajoqqaatillu akiniarluassallugit, tamannami Guutimi iluarisaammat.’ (1 Timûtiuse 5:4) Qitornaasut inersimasut ’akiniaalluartarput’ asanninnermut isumassuinermullu angajoqqaamik aataakkumillu ukiorpassuarni ersersittarsimasaannut pingaartitsinermik ersersitsisarnermikkut. Paasisariaqarpaat utoqqaat allatulli asanninnermik asaneqarnerminnillu uppernarsaavigineqarnissaminnik amerlasuutigut assut pisariaqartitsisarmata. Inuttulli allatut asaneqartutut pingaartinneqartutullu misigitinneqartariaqarput. Inuunermik suli siunertaqarneranik malugisaqarnissartik pisariaqartippaat.
3. Angajoqqaavut aatakkuvullu qanoq iliorluta ataqqisinnaavavut?
3 Tassa angajoqqaavut aatakkuvullu ataqqisinnaavavut taakkununnga asanninnitsinnik paasitinnerisigut. (1 Korintumiut 16:14) Angajoqqaavut najugaqatiginngikkutsigik eqqaamasariaqarparput uagutsinnit tusartarneq taakkununnga pingaartorujussuummat. Qiimmannartunik allaffigineqaraangamik, sianerfigineqaraangamik pulaarneqaraangamilluunniit assut qiimmaallattarput. Miyo Japanimiu 82-inik ukioqarluni ima allappoq: „Panimma [nakkutilliisumik angalasartumik uillip] ima oqarfiginikuuaanga: ’Anaana, eqqarsaatikkut angalaqatiginiartariassagitsigut.’ Angalaffitik oqarasuaatitillu sapaatit-akunneri tamaasa nassiuttarpai, taava nunap assiutiga misissortarpara oqartarlungalu: ’Massakkut maaniipput!’ Jehova qutsavigiuaannarpara qitornamik taama ittumik pilluaqqusaatimmanga.“
TIMIP PIISIGUT IKIUINEQ
4. Juutit akornanni upperisarsiornikkut ileqqoq suna angajoqqaanik utoqqalisunik naakkittaatsuliorfiginninnermik kinguneqarsinnaasimava?
4 Angajoqqaanik ataqqinninneq aamma taakkuninnga timikkut pisariaqartitaannik isumaginninnermik nassataqarsinnaava? Aap, amerlasuutigut. Ileqqoq Jesusip nalaani juutit upperisarsiornikkut siuttuisa atuutitissimasaat tassaavoq nalunaarutigigaanni aningaasaatit pigisalluunniit ’naalaffimmut tunissutaasut’, taava angajoqqaanik Matîuse 15:3-6) Naakkittaannerup angissusia! Iluamik oqaatigalugu upperisarsiornikkut siuttut taakkua inuit kajumissaarpaat angajoqqaatik ataqqissanngikkaat namminissarsiorlutilli pisariaqartitaannik isiginninngitsuusaarnermikkut asissorlugit pissagaat. Uagut taama iliorusunngilagut. — 5 Moses 27:16.
isumaginninnissamut atornissaat pisariaqanngitsoq. (5. Sooq angajoqqaanik utoqqalisunik ataqqinninneq taakkuninnga aningaasatigut tapersersuinermik nassataqarsinnaava, nunat ilaanni utoqqarnut ikiorsiissuteqaraluarpalluunniit?
5 Ullumikkut nunat ilarpassuini naalagaaffik utoqqarnik aningaasatigut tapersersuisarpoq immaqalu taakkuninnga nerisaqartitsillunilu, atisaqartitsillunilu ineqartitsilluni. Immaqalu utoqqaat ilaat utoqqalinersiutissaminnik katersisinnaasimapput. Tamakkuli nunguppata imaluunniit naammanngippata, qitornaasut angajoqqaatik ataqqissavaat pisariaqartitaannik ikiorneratigut. Angajoqqaanik utoqqalisunik isumassuineq iluamik oqaatigalugu Guutimut tunniusimanermut, Jehova Guutimut, ilaqutariinnik aaqqissuussamik pilersitsisimasumut, asanninnermut, ersiutaavoq.
ASANNINNEQ IMMINULLU PILLIUTIGINEQ
6. Angajoqqaatik paaqqutarisinnaajumallugit ilaat qanoq iliorsimappat?
6 Qitornaasut inersimasut ilarpassuisa angajoqqaatik utoqqalisut asannillutik imminullu pilliutigeriaannaassuseqarlutik isumagisimavaat. Ilaasa angerlarsimaffimminnut pisissimavaat najugaqarfiannulluunniit qanittumut nuussimallutik. Allat angajoqqaaminnut nuussimapput. Taamatut aaqqissuussinerit angajoqqaanut meeraannullu amerlasuutigut iluaqutaasarsimapput.
7. Sooq angajoqqaanut utoqqalisunut atatillugu tuaviupiluttumik aalajangiinaveersaartariaqarpa?
7 Ilaatigulli taamatut ingerlalluartigineq ajorput. Sooq? Immaqa aalajangiinerit tuaviorpallaartumik pisarsimapput imaluunniit misigissutsinik taamaallaat tunngaveqarlutik. „Silatuup alloriarnini sianigeqqissaartarpai,“ Ussatit 14:15) Assersuutigalugu, anaanavit utoqqaap kisimiilluni najugaqarnissani nuannarinngippagu immaqa takorluussavat ilissinni najugaqaruni pitsaanerussasoq. ’Alloriarnerilli sianigeqqissaarniarlugit’ makku paasilluaqqaartariaqarput: Sorpiaat pisariaqartippai? Aaqqiissutissamik allamik naammaginartumik pisortat ikiorsiissutissaqarpat? Nuunnissani kissaatigaa? Nuussappat tamanna inuuneranut qanoq sunniuteqassava? Ikinngutini qimattariaqalissavai? Misigissutsikkut qanoq sunnerneqaatigissavaa? Tamakku tamaasa pillugit oqaloqatigereerpiuk? Ilinnik namminermik, aappannik meeqqassinnillu qanoq attuissava? Anaanat paaqqutarineqartariaqarpat kia tamanna isumagisinnaassavaa? Tamatumani suliassat agguataarneqarsinnaassappat? Toqqaannartumik attorneqartut tamaasa tamanna pillugu oqaloqatigereerpigit?
Biibilimi ilumuuissumik allassimavoq. (8. Qanoq iliorluni angajoqqaanik utoqqalisunik ikiuisinnaaneq pillugu kikkut siunersiorneqarsinnaappat?
8 Ilaqutariinni qitornaasut inersimasut tamarmik angajoqqaanik isumassuinissamut akisussaaffeqarmata, silatusaarnerussaaq ilaqutariit ataatsimoortillugit oqaloqatigiisissallugit, aalajangigassat ataatsimoorluni aalajangerneqarsinnaaqqullugit. Aamma iluaqutaasinnaavoq ilagiinni utoqqaanertat allalluunniit assingusumik atugaqarsimasut oqaloqatigissallugit. Biibilimi allassimavoq: ’Isumaliornerit unioqquttarput isumalioqatigiissutigineqanngikkaangamik, kisianni siunnersuisut amerlasaraangata [naammassineqartarput].’ — ússatit 15:22.
MISIGINNEQATAALLUTILLU PAASINNIGIT
9, 10. (a) Utoqqaat qanoq isumassorneqartariaqarpat? (b) Qitornaasut inersimasut angajoqqaatik qanorluunniit ikiorniaraangamikkik suut eqqarsaatigisariaqarpaat?
9 Angajoqqaat utoqqalisut ataqqissagaanni misiginneqataaneq paasinninnerlu pisariaqarput. Utoqqaat ukiut ingerlaneranni pitsorlussiartortarput. Immaqa aamma eqqaamasinnaassuseq nererusussuserlu siornatigutut
ikkunnaartarput. Ilaasa ikiorneqarnissartik atorfissaqartissinnaavaat. Amerlasuutigut qitornaasut angajoqqaaminnik utoqqarnik illersuiniartutut pissuseqartarput siunnersuiniartarlutillu. Puiussanngilaalli angajoqqaatik tassaammata inuit inersimasut inuunerminni misilittagaqalerlutillu ilisimasaqalersimasut, nammineersinnaasimasut namminnerlu aalajangiisarsimasut. Immaqa kinaassusiat imminnullu ataqqinerat angajoqqaatut inuttullu nammineersinnaasutut inissisimaffiannut qanimut atassuteqarput. Angajoqqaat inuunerminni meeqqaminnit aqunneqartutut misigisut immaqa nikallorlutillu narrutsattarput. Ilaat immaqa nammineersinnaassutsiminnik arsaarniarneqartutut misiginertik pissutigalugu tunuartitsisarput akerliunialerlutilluunniit.10 Ajornartorsiutinut taama ittunut imaaliallaannaq aaqqiissutissaqanngilaq, isumatusaarnerussaarli angajoqqaat utoqqalisut imminnut isumagitissallugit sapinngisamillu annertuumik namminneq aalajangiisittassallugit. Silatusaarnerunngilaq angajoqqaat oqaloqatigeqqaarnagit aalajangissalluni suna taakkununnga pitsaanerusoq. Immaqa annertuumik annaasaqareersimapput. Taamaattumik pigisaasa amiakkuinik arsaarnaviikkit. Qularnanngitsumik paasissavat angajoqqaavit inuunerat aqunniarsarinngikkukku akunnissinni pissutsit pitsaanerussasut. Pilluarnerulissapput, aamma illit pilluarnerulissaatit. Allaat taakkununnga iluaqutaasussamik aalajangiusimannittariaqassagaluaruilluunniit angajoqqaatit ataqqinninnermik ersersitsivigisussaavatit. Guutip oqaasiani ima unnersuussuteqarpoq: „Qeersuut nikuiffigissavasi utoqqaallu ataqqillugit.“ — 3 Moses 19:32.
EQQORTUMIK ISUMAQARTUARIT
11-13. Qitornaasut inersimasut alliartornerminni angajoqqaaminnut pitsaanngitsumik attaveqarsimasut angajoqqaatik utoqqalippata taakkuninnga isumassuinissaq unamminiarnartoq qanoq iliorlutik naammassisinnaavaat?
11 Qitornat inersimasut pissutsit alliartornerminni *
atorsimasatik pissutigalugit ilaannikkut angajoqqaatik utoqqalisut ataqqiuminaatsissinnaasarpaat. Immaqa ataataat naakkittaatsuusimavoq asannissuseqarnanilu, imaluunniit anaanaat naalagaaniartuusimavoq sukannersuullunilu. Immaqa kissaatigisimasaraluamissut issimannginnerat suli pakatsissutigeqqavaat, kamassutigalugu aliasuutigalugulu. Misigissutsit taama ittut ajugaaffigineqarsinnaappat?12 Basse, Finlandimi peroriartorsimasoq, ima oqaluttuarpoq: „Ataatassara Tysklandimi nazistit nalaanni SS-sakkutuujusimavoq. Akulikitsumik puuttarpoq navianarsilluni. Isigitillunga anaanaga unatartarnikooqaa. Ilaanni kamaakkaminga qiterumminik kiinnakkut anaavaanga. Sakkortungaarmat siniffimmut igeriussaavunga.“
13 Taamaattorli Basse nangilluni ima oqaluttuarpoq: „Tamannali ilutigalugu suleruloortarpoq ilaquttanilu pilersorniarlugit imminut iluatigissanani. Ataatap asanninneranik ersersitsiviginngisaannarpaanga, nalunngilarali nammineq misigissutsikkut atugarliorsimasoq. Suli meeraasoq anaanaata anisissimavaa. Alliartornermini akersuunneq ilikkarsimavaa, inuusuttunnguullunilu sorsukkiartortitaasimalluni. Aappaatigut paasisarpara, avoqqaarinerlu ajorpara. Utoqqaanerulerama aalajangerpunga inuutillugu sapinngisannik ikiorniarlugu. Tamanna oqitsuunngilaq, sapinngisannilli iliorpunga. Toqussaa tikillugu ernerulluarniarsaraanga, isumaqarpungalu taamatut isigigaanga.“
14. Allassimaffik suna sutigut tamatigut atuuppa, aamma angajoqqaanik utoqqalisunik paaqqutarinninnermi?
14 Unnersuussut Biibilimiittoq manna aamma ilaqutariinnut tunngavoq: ’Imaattut atiniarsigik: nallittuingaarneq avaaginninnerlu nikanartinnerlu qanilaarnerlu kamajuinnerlu; Kulorsamiut 3:12, 13, NV.
immissinnut unnerluutissaqaraluarussi kamageqatigiillusilu isumakkeerfigeqatigiigitsi; soorlu Jehovap isumakkeerfigigaasi, taamattaaq ilissi pigitsi.’ —PAAQQUTARINNITTUTTAAQ ISUMASSORNEQARTARIAQARPUT
15. Sooq angajoqqaanik isumaginninneq ilaannikkut artornarsinnaasarpa?
15 Angajoqqaanik sanngiitsunik paaqqutarinninneq imaannaanngitsuuvoq. Aaqqinniagassarpassuaqarpoq, ulloq suliffik sivisoqaaq — akisussaaffillu tamatuma nassatarisaa mikinngeqaaq. Misigissutsikkulli nammagassat oqimaannerpaapput. Angajoqqaat napparsimangaaramik
imaluunniit utingaaramik imminnut ikiorsinnaajunnaartut isigalugit artornartorujussuuvoq. Sandy Puerto Ricomiu oqaluttuarpoq: „Ilaqutariinni anaanaga qitiusimavoq. Taassuminnga paaqqutarinnissimanera misigisaavoq artornartoq. Siullermik tusialerpoq, taava ajaappiartariaqalerpoq, taava pisuuteqartariaqalerpoq, naggataatigullu assakaasulimmi issiaannartariaqalerluni. Tamatuma kingorna ajorsiartuinnarpoq. Naggussamigut kræfteqalerpoq ulloq unnuarlu naallugit paaqqutarineqartariaqalerluni. Uffartarparput, nerisittarlugu atuffattarlugulu. Ingammik misigissutsikkut artornartorujussuuvoq. Paasigakku anaanaga toqusussanngortoq qiavunga, asaqigakkumi.“16, 17. Angajoqqaaminnik paaqqutarinnittut oqimaaqatigiissumik isumaqarnissaminnut siunnersuutit suut iluaqutigisinnaavaat?
16 Taamatut atugaqaruit qanoq iliussavit? Biibilimi atuartarnikkut qinusarnikkullu Jehovamit annertuumik ikiorneqarsinnaavutit. (Filípimiut 4:6, 7) Assigiinngiiaartunik nerisarnissaq sapinngisamillu naammattumik sinittarnissaq iluaqutaassaaq. Taamaappammi napparsimasup paaqqutarinissaanut timikkut tarnikkullu nukissaqarnerussaatit. Pitsaassaaq ilaannikkooriarluni ulluinnarni sammisartakkat allanngortilaartassallugit. Naak immaqa sulinngiffeqarnissaq ajornaraluartoq qasuersaarfeqartarnissaq silatusaarneruvoq. Immaqa sulinngilaarusukkaanni allat napparsimasumik paarsitinneqarsinnaapput.
17 Paaqqutarinnittut piviusorsiunngitsumik imminnut ilimasuffiginiartarnerat qaqutigoortuunngilaq. Sapikkatilli pillugit imminut avoqqaareqinak. Ilaatigut angajoqqaat isumaginnittarfimmiitinnissaat pisariaqartarpoq. Illit nammineq angajoqqaavit paaqqutarinissaat qinerukku piviusorsiunngitsunik imminut piumaffigisariaqanngilatit. Angajoqqaavit pisariaqartitaat aamma meeqqavit, aapparpit illillu nammineq pisariaqartitasi oqimaaqatigiissaartariaqarpatit.
NUKISSAQ NALINGINNAANNGITSOQ
18, 19. Jehova qanoq neriorsuisimava, misigisimasallu suup takutippaa neriorsuunni tamanna eqqortittaraa?
18 Oqaatsini, Biibili, aqqutigalugu Jehova asannittumik unnersuussuteqarpoq angajoqqaaminnik utoqqanngortunik paaqqutarinnittunut assut iluaqutaasinnaasunik. Allakkulli aamma ikiuisarpoq. „[Jehova] qanippoq torlorfigisiminut tamanut,“ tussiaasiortoq isumassarsisitaalluni taama allassimavoq. „Annikilliornerminni nillianerat tusartarpaa annaattarlugillu.“ Jehovap kiffani aalajaatsut allaat pissutsini ajornakusoornerpaani annaallugillu napatittarpai. — Tussiaat 145:18, 19.
19 Myrnap Filippinerimiup tamanna misigisimavaa anaanaminik, aanaartooreernermi kingorna imminut ikiorsinnaajunnaartumik, paaqqutarinninnermini. „Qaniginerpaasamik naalliuttumik, qanoq anniartiginerminik oqaatiginnissinnaanngitsumilluunniit, isigisaqarluni artornaqaaq!“ Myrna allappoq. „Soorlumi tassa immami ajunaalersoq isigalugu, ikiorsinnaanagulu. Akulikitsumik seeqqummertarpunga Jehovalu qanoq qasutigininnik oqaluttuullugu. Aap, Daviditut, qullini puiaasamut immiuteqqullugit eqqaamaqqullunilu Jehovamut ilungersorluni qinusimasutut, Jehova torlorfigisarpara. [Tussiaat 56:9] Neriorsuisimanermisullu nukissannik atorfissaqartitannik tunisarpaanga. ’Jehova serniginnitsigilersimavara.’“ — Tussiaat 18:19.
20. Biibilimi neriorsuutit suut angajoqqaaminnik paaqqutarinnittut isumalluarnissaannut iluaqutaasarpat, aamma angajoqqaavi toqussagaluarpataluunniit?
20 Oqartoqarsimavoq angajoqqaanik utoqqalisunik paaqqutarinninneq tassaasoq „oqaluttuaq nuanniitsumik naggatilik“. Immaqa naak pitsaanerpaamik paaqqutarigaluarlugit siusinnerusukkut kingusinnerusukkulluunniit toqusarput, soorlu Myrnap anaanaa taama pisimasoq. Jehovamilli tunaarinnittut nalunngilaat toqu tassaanngitsoq oqaluttuap naggataa. Apustili Paulus ima oqarsimavoq: ’Guuti neriuffigaara . . . toqusut makikkumaartut, apustilit suliait 24:15) Angajoqqaaminnik annaasaqarsimasut makititsinissamik neriuut aamma Guutip silarsuassaanik nuanningaartumik ’toqup peqarunnaarfianik’ neriorsuut tuppallersaatigisarpaat. — sarĸúmersitat 21:4.
iluartullu iluaatsullu.’ (21. Angajoqqaanik utoqqalisunik ataqqinninneq sunik pitsaasunik kinguneqartarpa?
21 Guutip kiffai angajoqqaaminnik assut ataqqinnittuupput, aamma utoqqaligaluaraangata. (Ussatit 23:22-24) Taamaattumik ussat isumassarsiarititaasoq manna eqqortittarpaat: „Ataatannut anaanannullu nuannaarutaaniarit, ilinnik erniarinnittoq qiimmattaatissiguk.“ (Ussatit 23:25) Tamanillu pingaarnerpaamik: Angajoqqaaminnik utoqqalisunik ataqqinnittut Jehova Guutimik nuannaartitsillutillu ataqqinartitsisarput.
^ imm. 11 Tassani pinngilarput angajoqqaat pissaanerminnik meeqqallu tatiginninnerannik peqqarniitsumik atornerluisimanerat.