1, 2. Inuusut­tuaraaneq sunik unam­miniar­nar­tor­taqarlunilu nuan­nersor­taqar­pa?

INUUSUT­TUAQ­QAMIK il­loqateqar­neq meeq­qamik tal­limanik qulinil­luun­niit ukiulim­mik il­loqateqar­nermit al­laanerujus­suuvoq. Meeq­qat inuusut­tuaran­ngoraangata unam­miniar­nar­tut ajor­nar­torsiutil­lu im­mik­kut it­tut pilersin­naasar­put, aam­mali nuan­naarutis­sar­pas­suaqar­tarluni. Josefip, Davidip, Josiasip Timoteusil­lu takutis­simavaat inuusut­tut akisus­saas­suseqar­palaar­tumik iliuuseqarsin­naasut Jehovamul­lu ajun­ngitsumik at­taveqarsin­naasut. (1 Moses 37:2-11; 1 Samuel 16:11-13; 2 Kun­ngit 22:3-7; apustilit suliait 16:1, 2) Ul­lumik­kut­taaq inuusut­tuarar­pas­suit taman­na up­per­narsarsimavaat. Qular­nan­ngitsumik taamaat­tunik ilisarisimasaqar­putit.

² Ilaasali inuusut­tuaraaner­tik atupiloor­tar­paat. Inuusut­tuaq­qat ilaat misigis­sutsik­kut al­lan­ngujasuusar­put. Inuusut­tuaq­qat nukap­piaq­qat niviarsiaq­qal­lu nam­mineer­neruler­nis­sar­tik kis­saatigisar­paat, angajoq­qaamil­lu kil­lilersuutaat ajual­laatigeq­qajaasin­naasarlugit. Inuusut­tuaq­qal­li taamaat­tut suli misilit­tagakitsuararsuusar­put angajoq­qaamin­nil­lu asan­nit­tumik naam­magit­tar­tumil­lu ikior­neqar­nis­sar­tik pisariaqar­tit­tarlugu. Aap, inuusut­tuaraaneq nuan­nersin­naavoq, aam­mali paatsiveerusimaar­narsin­naasarluni — angajoq­qaanut inuusut­tuaq­qanul­lu. Inuusut­tuaq­qat ukiuni inuusut­tuaraaf­fiini qanoq ikior­neqarsin­naap­pat?

3. Angajoq­qaat qanoq ilil­lutik inuusut­tuaraatitik inuunermi aal­lar­til­luar­tis­sin­naavaat?

³ Angajoq­qaat Biibilimi un­nersuus­sutinik malin­nit­tut inuusut­tuaraatitik inersimasutut akisus­saas­suseqar­tun­ngor­nis­samik tungaanut misilin­neqar­nermin­nik aniguil­luar­nis­saan­nut pitsaaner­paamik periarfis­sit­tar­paat. Angajoq­qaat inuusut­tuaq­qal­lu nunanit tamaneersut paasisimavaat  Biibilimi najoq­qutas­sianik maleruaaneq iluaqutaajuaan­nar­toq. — Tus­siaat 119:1.

4. Sooq ingam­mik pingaar­tuua meeq­qanut inuusut­tuaran­ngor­tunut at­taveqarluar­nis­saq?

⁴ Biibilimi al­las­simavoq: ’Isumalior­nerit unioq­qut­tar­put isumalioqatigiis­sutigineqan­ngik­kaangamik.’ (ússatit 15:22) Meeq­qat mikineran­ni am­masumik oqaloqatigisar­nis­saat pisariaqarsimap­pat, suli an­nerusumik taman­na pisariaqas­saaq meeq­qat inuusut­tuaran­ngor­neran­ni — taamaalineranimi inuusut­tuaq­qat angerlarsiman­ngin­nerusar­put atuaqatitil­lu kam­malaatitil­luun­niit al­lat ilaginerusarlugit. Inuusut­tuaq­qat angajoq­qaal­lu am­masumik tatigeqatigiis­sumil­lu oqaloqatigiin­neq ajor­pata inuusut­tuaq­qat angerlarsimaf­fim­mut takor­nar­tan­ngoriar­tuaarsin­naap­put. Taamaat­tumik am­masumik at­taveqatigiin­neq qanoq ilil­luni ataan­nar­tin­niar­neqarsin­naava?

5. Inuusut­tuaq­qat angajoq­qaanik oqaloqateqar­tar­neq pil­lugu qanoq kajumis­saar­neqar­pat?

⁵ Inuusut­tuaq­qat angajoq­qaal­lu tamarmik tamatumani suleqataasariaqar­put. Im­maqa meeq­qat inuusut­tuaran­ngor­nermin­ni angajoq­qaamin­nik oqaloqateqar­nis­sar­tik ajor­nakusoor­nar­tin­nerulersin­naavaat. Taamaak­kaluar­torli man­na eq­qaamas­sal­lugu pitsaas­saaq: „Inuiaat siulersorluar­neqan­ngik­kaangamik aseror­tus­saasar­put, amerlasuul­li ajun­ngitsunik siun­nersuisaraangata an­naan­neqarsin­naap­put.“ (Us­satit 11:14) Oqaatsit taak­kua tamanut, inuusut­tunut utoq­qar­nul­lu as­sigiim­mik, ator­put. Inuusut­tuaq­qat tamatumin­nga akuerin­nit­tut paasis­savaat im­min­nit ilisimasaqar­nerusumit siulersor­neqar­nis­sar­tik suli pisariaqar­tik­kitsik, aalajangigas­sat qangar­nit an­nerujus­suit naapit­tar­tus­san­ngoramik­kik. Paasisariaqar­paat angajoq­qaatik up­per­tut taamatut un­nersuus­sinis­samut piuk­kun­naateqarluar­tuusut, inuunermi misilit­tagaqar­nerul­lutil­lu ukior­pas­suar­ni asan­nit­tumik isumas­suereersimagamik. Taamaat­tumik inuusut­tuaq­qat silatuut inuunermik taamaalinerani angajoq­qaatik tunun­niar­navian­ngilaat.

6. Angajoq­qaat sianisuujul­lutil­lu asan­nit­tut inuusut­tuaraatimin­nik oqaloqateqar­neq qanoq isumaqarfigis­savaat?

 ⁶ At­taveqatigiil­luar­neqas­sap­pat inuusut­tuaq­qat oqaloqateqar­nis­samin­nik pisariaqar­titsigaangata angajoq­qaat tamatigut pif­fis­saqar­nis­sar­tik ilungersuutigisariaqar­paat. Angajoq­qaatut qulak­keer­tariaqar­parsi at­taveqatigiil­luar­toqan­ngin­neranut ilis­si pisuun­ngin­nis­sarsi. Im­maqa taman­na oqitsuin­naan­ngilaq. Biibilimi al­las­simavoq ’nipangerfis­saqarlunilu oqaluf­fis­saqar­toq’. (Nalunaajaasup oqaasii 3:7) Inuusut­tuaraatit misigip­pat im­minut ’oqaluf­fis­san­ngor­toq’ taava imaas­sin­naavoq ilin­nut ’nipangerfis­san­ngor­toq’. Im­maqa nam­mineq atuaq­qis­saar­nis­sat, eq­qis­sisimaar­nis­sat il­lumiluun­niit sulias­sanik sam­misaqar­nis­sat pilersaarutigigaluar­pat. Meeq­qavil­li oqaloqatigerusup­patit pilersaarutitit al­lan­ngor­tin­niar­tariaqar­patit tusar­naarlugulu. Taamaaliun­ngik­kuit im­maqa kingor­na saaf­figiniaq­qin­navian­ngilaatit. Jesusip maligas­siaa eq­qaamajuk. Ilaan­ni eq­qis­sisimaar­nis­sani pilersaarutigerut­torlugu inuit tusar­naariarluni us­sagarfigim­man­ni qasuersaar­nis­saraluani taamaatiin­narlugu ajoqersulersimavai. (Mákorse 6:30-34) Inuusut­tuaq­qat amerlaner­tigut nalusan­ngilaat angajoq­qaatik ulapit­tar­tut, pisariaqar­pal­li angajoq­qaamin­nit pif­fis­saqarfigineqariaan­naaner­tik ilisimasariaqar­paat. Taamaat­tumik angajoq­qaat ilis­si, piareersimajuaan­naritsi paasin­nit­tuul­lusilu.

7. Angajoq­qaat suut eq­qumaf­figisariaqar­paat?

⁷ Nam­mineq inuusut­tuaraasimanersi eq­qaamaniar­tarsiuk. Quiasaarsin­naanersilu atatin­niar­tuarsiuk! Meeq­qas­sin­nik peqateqarsin­naanersi nuan­naarutigisiuk. Sun­ngif­fis­si angajoq­qaatut qanoq ator­tar­pisiuk? Sun­ngif­fis­si meeq­qasi ilaginagit ator­tuaan­narus­siuk er­niin­naq meeq­qat taman­na malugis­savaat. Inuusut­tuaq­qat isumaqalerunik atuaqatimin­nit soqutigineqar­ner­tik angajoq­qaamin­nit soqutigineqar­nermin­nit an­nerusoq, pin­ngitsooratik ajor­nar­torsiulis­sap­put.

8. Qanoq ilil­luni meeq­qat un­neq­qarin­nis­samik, eqiasuin­nis­samik eq­qor­tumil­lu ileq­qoqar­nis­samik pingaar­titsiler­nis­saan­nik ilin­niar­tin­neqarsin­naap­pat?

⁸ Angajoq­qaat meeq­qatik un­neq­qaris­sutsimik eqiasuis­sutsimil­lu  pingaar­titsilersin­niareersiman­ngik­kunik­kik inuusut­tuaraaneran­ni taamaalior­tariaqar­put. (1 Tásalûníkamiut 4:11; 2 Tásalûníkamiut 3:10) Pingaar­torujus­suuvor­taaq ileq­qus­satigut minguitsumik inuunis­sap pingaaruteqas­susia meeq­qat nam­min­neq paasisimaneraat qulak­kiis­sal­lugu. (Us­satit 20:11) Tamak­kunatigut ileq­qoreq­qusatik angajoq­qaat nam­min­neq maligas­siamik­kut saq­qum­miut­tar­paat. Soorlu uiusut up­pin­ngitsut ’oqaaseqan­ngitsuk­kut nuliamik saqineratigut ilataarineqarsin­naasut’, taamatut­taaq inuusut­tuaq­qat najoq­qutas­siat eq­qor­tut ilin­niarsin­naavaat angajoq­qaamik ’saqineratigut’, tas­sa ileq­quisigut. (1 Pîtruse 3:1) Maligas­siuinerin­narli naam­man­ngilaq, meeq­qam­mi aam­ma maligas­sianit ajor­tunit amerlaqisunit angerlarsimaf­fiup avataani takusar­tak­kamin­nit isumaqatis­sarsior­tunil­lu tupin­naan­nar­tumik amerlasuunit sun­ner­neqar­tar­put. Taamaat­tumik angajoq­qaat isumas­suisut inuusut­tuaq­qat takusamin­nut tusak­kamin­nul­lu qanoq isumaqar­nersut paasiniar­tariaqar­paat, taamaalius­sagaan­nilu imaqarluar­tumik oqaloqatigiit­tariaqar­poq. — Us­satit 20:5.

9, 10. Sooq angajoq­qaat meeq­qatik kinguaas­siuutinut tun­ngasunik paasis­sutis­sit­tariaqar­paat, suul­lu ikior­tigisin­naavaat?

⁹ Taman­na ingam­mik pingaar­tuuvoq kinguaas­siuutinut tun­ngasut eq­qarsaatigalugit. Angajoq­qaat, kinguaas­siuutinut tun­ngasut meeq­qas­sin­nut oqaloqatigiis­sutigis­sal­lugit  ajor­nakusoor­tip­pisiuk? Taamaak­kaluar­pal­luun­niit taamaalior­nis­sarsi ilungersuutiginiarsiuk, tamak­kunun­ngami tun­ngasunik pin­ngitsooratik arlaan­nit ilin­niar­tin­neqariaan­naap­put. Ilis­sin­nit ilin­niar­tin­neqan­ngik­kunik paasis­sutis­sanik eq­qorluan­ngitsunik tuniorar­neqariaan­naap­put. Jehovap kinguaas­siuutinut tun­ngasut Biibilimi eq­qaanaveersaan­ngilai, angajoq­qaal­lu taan­na malit­tariaqar­paat. — Us­satit 4:1-4; 5:1-21.

¹⁰ Qujanar­tumik Biibilimi kinguaas­siuutitigut ileq­qus­sanut tun­ngasunik ersaris­sunik un­nersuus­suteqar­poq, un­nersuus­sutil­lu tamak­ku ul­lumik­kut suli atorsin­naaneran­nik ersersitsisunik Napasuliaq Alaper­naarsuif­fiup Peqatigiif­fia atuagas­sialiorsimavoq amerlasuunik iluaqutaasunik. Soormi tamak­ku atoruk­kit? As­sersuutigalugu Unge spørger — Svar der duer, atuagaq 1 aam­ma 2 atorlugit er­nil­lu imaluun­niit paniil­lu kapitalinik naleq­qut­tus­sarseriarlusi sam­misin­naavarsi. Qular­nan­ngitsumik taamaalior­nis­si kingunera pitsaasoq tupaal­laatigis­savat.

11. Angajoq­qaat meeq­qatik Jehovamut kif­far­tuler­nis­saan­nut qanoq ilil­lutik pitsaaner­paamik ilin­niar­tis­sin­naavaat?

¹¹ Angajoq­qaat meeq­qal­lu oqaluuserisas­saat pingaar­ner­paaq suua? Apustilip Paulusip taman­na eq­qaavaa ima al­lak­kami: ’Qitor­nasi . . . perorsarsigik iner­ter­tarlugil­lu Jehovamit.’ (Evfisumiut 6:4, NV) Meeq­qat Jehova pil­lugu ilin­niar­tuar­nis­sar­tik pisariaqar­tip­paat. Ingam­mik taas­suma asanis­saa ilin­niar­tariaqar­paat, taas­sumun­ngalu kif­far­torusulerlutik. Aam­ma tamatumani maligas­siuil­luar­nik­kut angusaqarluar­toqarsin­naavoq. Inuusut­tuaq­qat takusin­naagunik­ku angajoq­qaamik Guuti asagaat ’uum­matik­kut iluun­ngarlutik tar­nik­kul­lu iluun­ngarlutik isumak­kul­lu iluun­ngarlutik,’ taman­nalu inuuneran­ni ajun­ngitsunik inerititaqar­toq, aam­ma nam­min­neq taamaaliorusulis­sap­put. (Matîuse 22:37) Taamatut­taaq inuusut­tuaq­qat takusin­naagunik­ku angajoq­qaatik pigisaleritoorsuun­ngitsut Guutil­lu naalagaaf­fianik inuunermin­ni sal­liutitsisut, aam­ma nam­min­neq taamatut isigin­niler­nis­samin­nut iluaqutigis­savaat. — Nalunaajaasup oqaasii 7:12; Matîuse 6:31-33.

12, 13. Ilaqutariit­tut atuaq­qis­saar­tar­neq ingerlal­luas­sap­pat suut eq­qaamasariaqar­pat?

 ¹² Sapaatip-akun­neranut ilaqutariit­tut Biibilimik atuaq­qis­saar­tar­neq inuusut­tuaq­qat anersaak­kut it­tunik pingaar­titsilersin­niar­nis­saan­nut periarfis­saal­luar­poq. (Tus­siaat 119:33, 34; Us­satit 4:20-23) Taamatut aalajangersimasumik atuaq­qis­saaqatigiit­tar­neq pingaar­torujus­suuvoq. (Tus­siaat 1:1-3) Angajoq­qaat meeq­qal­lu paasisariaqar­paat ilaqutariit atuaq­qis­saaqatigiit­tar­nerat naaper­torlugu al­lat pilersaarusior­neqar­tariaqar­tut, kil­lormuun­ngitsoq. Ilaqutariit­tut atuaq­qis­saar­tar­neq siuner­taasoq naaper­torlugu sun­niuteqas­sap­pat tamatumun­nga eq­qor­tumik isumaqarfigin­nin­nis­saq pisariaqar­poq. Ataataq ima oqarsimavoq: „Atuaq­qis­saar­nermik aqutsisup ilaqutariit atuaq­qis­saar­nerata qasuk­karsimanar­tumik aam­mali ataq­qin­nit­tumik ingerlan­neqar­nis­saa isumagisariaqar­paa. Ilumoorsaar­pal­laamik ingerlan­neqas­san­ngilaq, aam­mali piitaaf­fius­sanani. Im­maqa oqimaaqatigiis­sumik pis­suseqar­nis­saq ajor­naatsuin­naaneq ajor­poq, inuusut­tul­lu pis­susilersor­nermik­kut naq­qin­neqar­nis­sar­tik atorfis­saqar­tikulasar­paat. Atuaq­qis­saaqatigiin­neq ataasiarluni marloriarluniluun­niit  ingerlal­luar­pal­laan­ngip­pat nak­kaan­nar­tariaqan­ngilaq, tul­lianili pitsaanerusumik ingerlanis­saa ilungersuutigisariaqarluni.“ Ataataq taan­na oqalut­tuar­por­taaq aal­lar­niil­luni qinunermini Jehova qin­nuigisarlugu ilaqutariit tamarmik eq­qor­tumik isumaqar­nis­saan­nik ikioq­qul­lugit. — Tus­siaat 119:66.

¹³ Angajoq­qaat up­per­tut ilaqutariin­nik atuaq­qis­saar­titsisar­nis­sar­tik akisus­saaf­figaat. Angajoq­qaat ilaat im­maqa ilin­niar­titsisutut ilaqutariil­lu atuaq­qis­saar­neran­nik soqutiginarsaanis­samut pigin­naaneqar­torsuun­ngik­kaluar­put, kisian­ni inuusut­tuaraatitik ’oqaatsik­kut suliak­kul­lu’ asagunik­kik maniguul­lutik ilumoorlutil­lu anersaak­kut siumukar­nis­saan­nik ikior­nis­saat kis­saatigis­savaat. (1 Juánase 3:18) Im­maqa meeq­qat ilaan­nik­kooriarlutik naam­magit­taal­lior­tar­put, qular­nan­ngitsumil­li malugisin­naas­saavaat im­min­nut ajun­ngitsus­saq angajoq­qaamik soqutigil­luin­naraat.

14. Anersaamut tun­ngasut pil­lugit inuusut­tuaq­qanik oqaloqateqar­tar­nermut atatil­lugu Mosesimik al­lak­kat tal­limaat 11:18, 19 qanoq ilil­luni ator­neqarsin­naava?

¹⁴ Ilaqutariil­li atuaq­qis­saar­nerin­naan­niun­ngitsoq anersaamut tun­ngasut pingaar­tut oqaloqatigiis­sutigineqar­tariaqar­put. Jehovap angajoq­qaanut peq­qus­sutaa eq­qaamaviuk? Ima oqar­poq: „Oqaatsik­ka taak­ku uum­matis­sin­ni tar­nis­sin­nilu aalajangiutis­savasi. As­sas­sin­nut qilerus­sigit ilisar­naatitut qaas­sin­niitil­lugil­lu eq­qaasitsisus­satut. Qitor­nas­sin­nut ilin­niar­titsis­sutigisarsigit oqaluuserisarlugil­lu il­lus­sin­ni is­siasaraangas­si  aq­qusinermilu angalaaraangas­si, in­naraangas­si makik­kaangas­silu.“ (5 Moses 11:18, 19; takujut­taaq Mosesimik al­lak­kat tal­limaat 6:6, 7.) Soorunami imaan­ngilaq angajoq­qaat meeq­qatik kipisuitsumik ’oqalugiarfigiuas­sagaat’. Ilaqutariin­nul­li it­tuusoq asan­nit­toq ilaqut­tami anersaak­kut ineriar­tor­tin­nis­saan­nut periarfis­sanik eq­qumaf­figin­nit­tuar­tar­poq.

15, 16. (a) Perorsaatis­siineq suua? (b) Kik­kut perorsaatis­siinis­samut akisus­saap­pat, kik­kul­lu tamatumin­nga ilas­sin­nin­nis­samin­nut akisus­saap­pat?

¹⁵ Perorsaatis­siineq tas­saavoq ajoqersuil­luni naq­qiineq, tamatumun­ngalu at­taveqatigiin­neq ilaavoq. Perorsaatis­siineq ilungersorluni oqaaq­qis­saarinermik eq­qarsaam­mik imaqar­neruvoq, pil­laanermik eq­qarsaam­mik imaqar­nerunani, naak aam­ma pil­laaneq ilaasin­naagaluar­toq. Meeq­qat mikisuunermin­ni perorsaatis­sin­neqar­tar­nis­sar­tik atorfis­saqar­tip­paat, aam­mali inuusut­tuaraanermin­ni arlaatigut perorsaatis­sin­neqar­nis­sar­tik atorfis­saqar­tit­tar­paat, im­maqa al­laat suli an­nermik. Inuusut­tuaq­qat sianisuut taman­na nalun­ngil­luin­nar­paat.

¹⁶ Biibilimi ima al­las­simavoq: „Sianiitsup ataatami oqaaq­qis­saarutai [perorsaatis­siineri, NV] asigin­nar­tar­pai, sianisuuvorli avoq­qaarineqar­nermik ilas­sin­nit­toq.“ (Us­satit 15:5) Al­las­simaf­fik taman­na as­sut ilin­niarfigisin­naavar­put. Tas­sani perorsaatis­siineq pineqar­poq, inuusut­tuaq­qam­mi avoq­qaarineqan­ngik­kuni ’avoq­qaarineqar­nini ilas­sisin­naanavian­ngilai’. Jehovap angajoq­qaat, ingam­mik ataataasut, meeq­qanik perorsaatis­siisus­san­ngor­tis­simavai. Inuusut­tuaq­qat perorsaatis­siinermut tamatumun­nga tusar­naar­nis­sar­tik akisus­saaf­figaat. Ataatap anaanal­lu perorsaatis­siinerat silatooq tusar­naaraan­ni ilik­kagaqar­nar­nerul­lunilu kuk­kus­sutis­saagaluit amerlasuut pin­ngitsoor­neqar­nerusin­naap­put. (Us­satit 1:8) Biibilimi al­las­simavoq: „Anusin­ngorsagaajuman­ngitsup [perorsaatis­sin­neqaruman­ngitsup, NV] piitsuuneq kan­ngunarsagaanerlu pisas­sarai, avoq­qaarliutinil­li ilas­sin­nit­toq ataq­qineqar­tus­saavoq.“ — Us­satit 13:18.

17. Angajoq­qaat perorsaatis­siigaangamik qanoq oqimaaqatigiis­sumik isumaqar­tariaqar­pat?

 ¹⁷ Angajoq­qaat inuusut­tuaq­qanik perorsaatis­siisar­nermin­ni oqimaaqatigiis­saarinis­sar­tik ilin­niar­tariaqar­paat. Sukan­ner­pal­laar­naveersaar­tariaqar­put, taamaap­pam­mi meeq­qatik narrutsatsis­savaat im­minul­lu tatiginerat ajoquserlugu. (Kulorsamiut 3:21) Il­lua’tungaatigul­li aam­ma meeq­qamin­nut maleruutiaval­laar­naveersaar­tariaqar­put, taamaap­pat meeq­qatik pingaar­tumik ilin­niar­tin­ngitsuus­sagamik­kik. Maleruutias­suseq taama it­toq ajor­torujus­suarmik kinguneqarsin­naavoq. Us­satit 29:17-imi ima al­las­simavoq: „Er­nerit sukan­nersumik perorsar­niaruk, taava aliasuutis­sior­nak nuan­naangaalersis­savaatit.“ Versimili 21-mi ima al­las­simavoq: „Inus­siaat inuusun­neranit nukatsik­kaan­ni naggataatigut sorraatsun­ngorlunilu naalaal­lior­tun­ngus­saaq.“ Naak al­las­simaf­fim­mi tas­sani inus­siaq pineqaraluar­toq, aam­ma ilaqutariit meerar­taan­nut ator­neqarsin­naavoq.

18. Perorsaatis­siineq sumut takus­sutis­saava, perorsaatis­siinermilu aalajangersimal­luin­nar­nik­kut suna pin­ngitsoor­neqar­tar­pa?

¹⁸ Angajoq­qaat eq­qor­tumik perorsaatis­siigaangamik meeq­qamin­nut asan­nin­ner­tik takutit­tar­paat. (Eprîarit 12:6, 11) Meeraqaruit nalun­ngilat perorsaatis­siinermi aalajangersimal­luin­nar­nis­saq ingasaas­sinaveersaar­nis­sarlu qanoq saper­nar­tigisar­tut. Eq­qis­sisoqapal­lan­nias­sam­mat inuusut­tuaq­qap naalas­seriitsup piumasaminik ilior­tiin­nar­nis­saa im­maqa us­ser­nar­torsiorfigeq­qajaanar­tar­poq. Angajoq­qaal­li maleruutiasut sivitsoriar­tor­til­lugu ’siaruar­tik­katik katersor­tariaqalis­savaat’, ilaqut­tamin­nik aqutsisin­naajun­naarunik. — Us­satit 29:15; Galâsiamiut 6:9.

19, 20. Meeq­qamik inuusut­tuaran­ngor­tut aliik­kutas­saqar­neran­nut atatil­lugu angajoq­qaat qanoq iliorunik silatusaas­sap­pat?

¹⁹ Qangaanerusoq naatsorsuutigineqar­tar­poq meeq­qat angerlarsimaf­fim­mi imaluun­niit angajoq­qaamik inuus­sutis­sarsiutaan­nut ikiuutis­sasut. Ul­lumik­kut inuusut­tuaq­qat ilar­pas­sui pif­fis­saqar­torujus­suup­put. Pif­fis­saq taman­na im­mer­niarlugu  niuer­nerup silarsuaa aliik­kutas­siar­pas­suar­nik sanaar­tor­tuar­poq. Eq­qarsaatigigaan­nilu niuer­nerup silarsuaani Biibilimi ileq­qus­satigut najoq­qutas­siat soqutigineqar­pal­laan­ngitsut, ajorluin­nar­tumik kinguneqar­nis­saa ilimanaan­naavoq.

²⁰ Taman­na pis­sutigalugu angajoq­qaat sianisuut aliik­kutas­sat eq­qarsaatigalugit inaarutaasumik aalajangiisar­put. Puius­san­ngilal­li er­nerit paniil­luun­niit inersimasun­ngoriar­tulermat. Ukiut ingerlatil­lugit qular­nan­ngitsumik inersimasutut pineqar­nis­sani kis­saatigiar­tuin­nas­savaa. Taamaat­tumik angajoq­qaat silatusaas­sap­put inuusut­tut sun­ngif­fim­mik sumut atuinis­samik aalajangiinis­samut kif­faan­ngis­suseqar­nerujar­tuin­nar­tis­sagunik­kik, anersaak­kut ineriar­tor­nerat aalajangigaatigut takusin­naajuar­til­lugu. Nipilersuk­kat, kam­malaatit al­lal­lu eq­qarsaatigalugit im­maqa qitor­nat ilaan­nik­kooriarlutik silatusaan­ngitsumik qinersisas­sap­put. Taamatut pisoqaraangat oqaloqatigisariaqar­put, siunis­sami ajun­ngin­nerusumik qinersisin­naaleq­qul­lugit.

21. Pif­fis­sap qanoq an­ner­tutigisup aliik­kutas­sanut ator­nis­saanut naleq­qut­tumik kil­lilersor­neqar­neq inuusut­tuaq­qamut qanoq ilil­luni ser­nis­suutaas­sava?

²¹ Pif­fis­saq qanoq an­ner­tutigisoq inuusut­tut aliik­kusersor­nermut ator­tariaqar­paat? Nunat ilaan­ni inuusut­tuaq­qat isumaqar­put kil­leqan­ngitsumik aliik­kusersor­nis­samin­nut pisin­naatitaal­lutik. Taamaat­tumik im­maqa pif­fis­sar­tik tamaat aliik­kutas­saan­navin­nut ator­niar­tar­paat. Pif­fis­sap aam­ma al­lanut, soorlu ilaqut­tanut, nam­mineq atuaq­qis­saar­nermut, inun­nik anersaak­kut inersimal­luar­tunik peqateqar­nermut, kristumiut ataatsimiin­nerinut il­lumilu sulias­sanut, ator­tariaqar­nera pil­lugu inuusut­tunik ilin­niar­titsinis­sar­tik angajoq­qaat nam­min­neq aalajangigas­saraat. Taamaalior­pata Guutip oqaasia ’nuan­naar­niutinit’ ipitin­neqar­navian­ngilaq. — Lúkarse 8:11-15, Schindler.

22. Aliik­kutas­sat saniatigut inuusut­tuaraq aam­ma sunut pif­fis­saqar­tariaqar­pa?

²² Kun­ngi Salomon ima al­las­simavoq: „Paasivara inun­nut pitsaaner­paas­sasoq inuuner­tik atorunik­ku nuan­naarlutik inuul­luataarlutil­lu. Inuk neril­lunilu imersin­naap­pat  suleruloor­nerminilu tamani pil­luarluni inuup­pat taman­naavor­taaq Guutip tunis­sutaa.“ (Nalunaajaasup oqaasii 3:12, 13) Aap, nuan­naar­neq oqimaaqatigiis­sumik inuunermut ilaavoq. Aam­mali suleruloor­neq taamaap­poq. Nalerisimaar­neq an­ner­tuumik naam­mas­sisaqar­nerup nas­satarisaa, imaluun­niit im­minut ataq­qineq ajor­nar­torsium­mik aaq­qiinerup nas­satarisaa, ul­lumik­kut inusut­tuarar­pas­suit naluaat. Ilaat as­sas­soris­samik ilin­niagas­samil­luun­niit, kingor­na inuunermin­ni im­min­nut pilersuutigisin­naasamin­nik, ilin­niar­nis­samin­nut periarfis­sin­neqar­neq ajor­put. Tas­saniip­poq angajoq­qaanut unam­miniar­nar­toq an­ner­tooq. Meeq­qasi tamak­kunun­nga periarfis­saqaleq­qul­lugit ikiorusup­pisigik? Eqiasuil­luni naam­mas­sisaqar­nermik pingaar­titsiler­nis­saan­nik, aap, im­maqaluun­niit al­laat nuan­nersisitsinis­saan­nik, ilin­niar­tik­kus­sigik isumamik peq­qin­nar­tumik, inuunermik sin­nerani iluaqutigisas­saan­nik, pigisaqalersis­savasi.

23. Angajoq­qaat qanoq ilil­lutik inuusut­tuaraatimin­nik qiim­mas­saasin­naap­pat?

²³ Inuusut­tuaraatitit ajor­nar­torsiutigigaluaruk­kil­luun­niit al­las­simaf­fik man­na atuup­poq: ’Asan­nin­neq soraar­navian­ngilaq.’ (1 Korintumiut 13:8) Asan­nin­nin­nik soraan­ngisaan­nar­tumik ersersitsivigiuaan­nak­kit. Im­minut apereriarit: ’Meeq­qat tamaasa minitaqar­nanga nersualaar­tar­pak­ka ajor­nar­torsium­mik akor­nutis­samil­luun­niit qaangiigaangata? Maan­nak­kor­piaq asan­nin­nermik ersersitsivigaak­ka? Periarfis­sat qaangiutsin­nagit taak­kunin­nga pingaar­titsinin­nik ersersitsivigisar­pak­ka?’ Inuusut­tuaraativit qularin­ngil­luin­narunik­ku asagitit, ilimanar­nerus­saaq asan­nin­nin­nik akisis­sasut, aam­ma al­laat ilaan­nik­kut paatsooqatigiin­neqar­taraluar­toq.

24. Meeq­qanik perorsaanermut atatil­lugu Biibili najoq­qutas­samik tamanut atuut­tumik sumik imaqar­pa, sunalu puior­neqas­san­ngila?

²⁴ Meeq­qat inersimasun­ngoriar­tor­til­lutik soorunami nam­min­neerlutik kinguner­tuunik aalajangiisaleriar­tuaas­sap­put. Im­maqa aalajangigaasa ilaat ilis­si angajoq­qaatut ilaatigooriarlusi nuan­narineq ajus­savasi, soorlu aalajanger­pata  Jehova Guuti kif­far­tuuk­kun­naar­niarlugu. Al­laat Jehovap nam­mineq er­neri anersaajusut taas­suma un­nersuus­sutaanik ilas­sin­nik­kumajun­naarsimap­put pikitsitsil­lutil­lu. (1 Moses 6:2; Jûtarse 6) Meeq­qat qarasaasiaan­ngil­lat piumasatsin­nik ilior­tus­san­ngor­tis­sin­naasavut. Piumasamik iliorsin­naas­suseqar­put aalajangik­kamin­nul­lu Jehovamut akisus­saas­suseqar­tariaqarlutik. Taamaak­kaluar­torli najoq­qutas­saq tamanut atuut­toq Us­satit 22:6-imi al­las­simavoq: „Inuusut­toq ingerlavis­saanik ajoqersuuguk, taava utoq­qaliguni taman­na nigus­san­ngilaa.“

25. Angajoq­qaat angajoq­qaajunermin­nik qujamasuutigin­nin­ner­tik qanoq pitsaaner­paamik takutis­sin­naavaat?

²⁵ Taamaat­tumik meeq­qatit asan­nin­nermik naam­mat­torsuarmik tunisak­kit. Perorsaanin­ni Biibilimi najoq­qutas­siat sapin­ngisan­nik malin­niar­tak­kit. Guutimik mianerin­nin­neq eq­qarsaatigalugu nam­mineq maligas­siuil­luarit. Taava meeq­qatit inersimasutut akisus­saas­susermik misigisaqar­tun­ngor­nis­saan­nut Guutimil­lu mianerin­nit­tun­ngor­nis­saan­nut pitsaaner­paamik periarfis­saqar­tis­savatit. Taamaalior­neq angajoq­qaajunermik im­mik­kut pisin­naatitaaf­fim­mik qujamasuutigin­nin­nermin­nik angajoq­qaat Jehovamut ersersitsis­sutigisin­naasaan­ni tamani pitsaanersaavoq.