Kapitali 12

Anersaapiluit pissaanillit akiukkit!

1. Jesus anersaapilun­nut qanoq qisuariar­tarsimava?

KUISIN­NERMI kingunitsian­ngua Jesus qinujar­torluni pis­sutsil­lu eq­qarsaatigiar­torlugit Judæap Puilasuitsuanukar­poq. Tamaani Satanip Guutip inatsisaanik unioq­qutitsiseriaraluar­paa. Jesusili aalajaat­tuaan­nar­poq Diaavulul­lu us­siataarineri itigar­til­lugit. Aam­ma nunarsuarmi kif­far­tor­nermini Jesus al­latigut anersaanit ajor­tunit al­lanit pal­lin­neqar­tar­poq. Tamatigul­li akior­tar­pai sukan­nersumil­lu oqaluf­figisarlugit. — Lúkarse 4:1-13; 8:26-34; 9:37-43.

2. Apeq­qutit suut sam­mis­savavut?

² Pisimasunik taama it­tunik Biibilimi oqalut­tuat anersaat ajor­tut pis­saanil­lit piuneran­nik qularun­naarsit­tariaqar­paatigut. Anersaat ajor­tut taak­kua tam­mar­tin­niarsaraatigut, akiorsin­naavavul­li. Tamak­ku sumin­ngaan­neer­pat? Sooq inun­nik tam­mar­titsiniar­pat? Taamaalior­nermin­nilu suut ator­torisar­paat? Apeq­qutinut tamak­kunun­nga akis­sutis­sarsinik­kut anersaanut ajor­tunut pis­saanilin­nut akiuus­sin­naas­suseqarluas­saatit.

ANERSAAPILUIT — SUMIT PIPPAT SUNALU ANGUNIAGARAAT?

3. Satan Diaavulu qanoq ilil­luni taamaat­tun­ngorsimava?

³ Guuti inuit pin­ngor­tin­nis­saat sioq­quterujus­suarlugu anersaar­pas­suar­nik pin­ngor­titsisimavoq. (Job 38:4, 7) Soorlu kapitalimi siusin­nerusumiit­tumi nas­suiar­neqar­toq in­ngilit taak­ku ilaata inuit im­minut, Jehovamuun­ngitsoq, pal­lorfigin­nin­nis­saat pilerigiar­tuaarsimavaa. Taman­na siuner­taralugu in­ngilip taas­suma Pin­ngor­titsisoq akerlilersuler­paa mamarlerlugulu, al­laat ar­namut siul­lermut oqaatigimisaarlugu  Guuti sal­lulior­toq. Taamaat­tumik pikitsitsisoq taan­na naleq­qul­luar­tumik ilisimaneqaler­poq Satanitut (akerlilersuisoq) aam­ma Diaavulutut (mamarliisoq). — 1 Moses 3:1-5; Job 1:6.

4. In­ngilit ilaat Noap nalaani qanoq ajor­tuliorsimap­pat?

⁴ Kingusin­nerusuk­kut in­ngilit al­lat Satanimut ililiup­put. Noap nalaani ilaat qilam­mi kif­far­tor­ner­tik qimal­lugu inut­tut timeqalerlutik nunarsuarmut pip­put ar­nat kinguaas­siuutitigut il­ligus­sutsimin­nut atorumal­lugit. Qular­nan­ngivip­poq naalan­ngin­nis­saan­nik Satanip kajumis­saarsimagai. Taamaalil­lutik akusanut nefiliminik taagor­neqar­tunut, nakuuserumatuul­lutil­lu qunutitsiumatuunut, ataatan­ngor­put. Jehova nunarsuarmi ulersuaqar­titsim­mat inuiaat ajor­tun­ngorsimasut in­ngilil­lu kinguaavi pis­susis­samisuun­ngitsut nungutin­neqar­put. In­ngilit naalan­ngitsut aserugaanis­saraluamin­nit qimaap­put anersaatut timeqaleq­qil­lutik anersaal­lu silarsuaan­nut uterlutik. Guutil­li anersaapiluit taak­ku kil­lilersuler­pai anersaak­kut taarsuarmut anisil­lugit. (1 Moses 6:1-7, 17; Jûtarse 6) Satanili, ’anersaapiluit naalagaat’, in­ngilipiloqataalu al­lat pikitsitsiumatuutut ilior­tuarsin­nar­put. (Lúkarse 11:15) Suna angujumal­lugu?

5. Satanip in­ngilipiluisalu suna anguniagaraat, inuil­lu pisariniarlugit suna atorlugu us­sas­saar­tar­paat?

⁵ Satanip anersaapiluil­lu pilersaarutaat ajor­toq tas­sa inuit Jehovamik tunus­sitin­nis­saat. Taamaat­tumik oqalut­tuarisaanerup ingerlanerani inun­nik tam­mar­titsisarlutil­lu, ersior­titsisarlutil­lu saas­sus­siuar­tarsimap­put. (sarĸúmersitat 12:9) Nalitsin­ni misigisat takutip­paat anersaapiluit saas­sus­sisar­nermin­ni aatsaat taama peq­qar­niitsigilersimasut. Anersaarsior­neq qanorluun­niit it­toq atorlugu inun­nik tam­marsaarisar­put. Qanoq iliorlutik anersaarsior­neq narajarivaat, il­lil­lu qanoq ilil­lutit im­minut il­lersorsin­naavit?

ANERSAAPILUIT QANOQ TAMMARTINNIAR­SARIGAATSIT

6. Anersaarsior­neq sunaava, anersaarsior­neril­lu as­sigiin­ngitsut suut taasin­naavigit?

⁶ Anersaarsior­neq sunaava? Tas­saavoq in­ngilipilun­nik  imaluun­niit anersaapilun­nik at­taveqarfigin­nin­neq, toq­qaan­nar­tumik imaluun­niit anersaanut at­taveqar­tar­toq aq­qutigalugu. Anersaarsior­neq anersaapiluit ator­tar­paat soorlu piniar­tut narajaq ator­taraat: pisariniak­kamut us­sas­saarutitut. Piniar­tup pul­latit as­sigiin­ngitsunik narajaler­tar­pai uumasut pul­latinik pisariumal­lugit, taamatut­taaq anersaapiluit inuit naalagaaf­figilerumal­lugit anersaarsior­ner­nik as­sigiin­ngitsunik us­sas­saar­tar­paat. (Tus­siaat 119:110) Anersaarsioriaatsinut ilaap­put siulit­tuiniar­neq, ilisiin­neq, naasaar­neq, angak­kuersaar­neq, serral­luni al­lanik aqutsineq, anersaanut at­taveqar­tar­tumik siunersiuineq imaluun­niit toqusimasunut at­taveqar­niar­neq.

7. Anersaarsior­neq qanoq atugaatigaa, aam­ma sooq nunani kristumiuunerarfiusuni nalin­ngin­naaqaa?

⁷ ’Narajaq’ sun­niuteqar­poq, anersaarsior­nermi silarsuaq tamak­kerlugu inun­nit or­nigineqaqaaq. Nunarsuup ilaani il­loqarfeeq­qani inuit angak­kumut saaf­figin­nit­tar­put, il­loqarfin­nilu al­laf­fim­miut ul­loris­sat najoq­qutaralugit siulit­tuiniar­tar­tunut saaf­figin­nit­tar­put. Al­laat nunani kristumiuunerarfiusuni anersaarsior­neq ator­neqaqaaq. USA-gin­narmi atuagas­siat anersaarsior­ner­nik as­sigiin­ngitsunik sam­misaqar­tut 30-t mis­saan­niip­put, ataatsimut 10.000.000-in­ngorlugit naqiter­neqar­tar­tut. Brasiliamiut ukiumut dol­larit 500 mil­lioninit amerlanerusut anersaarsior­nermut tun­ngasunut ator­tar­paat. Nunamili tamatumani anersaarsior­tarfin­nut or­nigut­tar­tut 80 procentii tas­saap­put katuul­lit kuisimasut aam­ma katuul­lit naalagiar­nerinut najuut­tar­tut. Al­laal­lu palasit ilaat anersaarsior­nermik sam­misaqar­tuum­mata inup­pas­suit up­perisamik soqutigisaqar­tut isumaqar­put anersaanik at­taveqarfigin­nin­neq Guutip akuerigaa. Taamaap­pali?

SOOQ BIIBILIP ANERSAARSIORNEQ ILUARINNGIKKAA

8. Anersaarsior­neq Biibilimi qanoq isigineqar­pa?

⁸ Paasitin­neqarsimaguit anersaarsior­nerit ilaat aq­qutigalugit anersaat ajun­ngitsut at­taveqarfigineqar­tar­tut, im­maqa anersaarsior­neq pil­lugu Biibilimi al­las­simasut  tupaal­laatigis­savatit. Jehovap in­nut­tai ima mianersoq­quneqarsimap­put: „Toqoreersut timaajagarsior­tul­lu saaf­figis­san­ngilasi siunersior­tar­nagil­lu taak­kunatigut mingut­tuun­ngor­teq­qunasi.“ (3 Moses 19:31; 20:6, 27) Biibilip atuagar­taani sarĸúmersitat-ni mianersoq­qus­sutigineqar­poq ’ilisiitsut’, imaluun­niit anersaarsior­tut, ’tatsimut in­nermik ikual­las­saam­mil­lu ikualasumut, tas­sa toqup aap­paanut’ pis­sasut. (sarĸúmersitat 21:8; 22:15) Anersaarsior­nerit qanorluun­niit it­tut Guutip iluarin­ngilai. Sooq? — 5 Moses 18:10-12.

9. Sooq oqarsin­naavugut ul­lumik­kut oqariar­tuutit anersaat silarsuaan­neersut Jehovameersuun­ngitsut?

⁹ Biibilip al­lan­neqar­nera naam­mas­sineqan­ngik­kal­larmat Guutip anersaat ajun­ngitsut, imaluun­niit in­ngilit naaper­tuil­luar­tut, inun­nut at­taveqar­tit­tarsimavai. Biibilip al­lan­neqar­nera naam­mas­sineqarmat un­nersuus­sutit inuit iluarisaasumik Jehovamik pal­lorfigin­nis­sin­naas­sagunik pisariaqagaat tamarmik al­las­simaler­put. (2 Timûtiuse 3:16, 17; Eprîarit 1:1, 2) Jehova oqaatsini il­ler­nar­tut avaq­qutiin­narlugit anersaarsior­toq aq­qutigalugu oqariar­tuuteqarumanavian­ngilaq. Ul­lumik­kut anersaat silarsuaan­nit oqariar­tuutit tamarmik anersaapilun­neersuup­put. Anersaarsior­neq anersaapilun­nit saas­sun­neqar­nermik pulaneqar­nermil­luun­niit kinguneqarsin­naavoq. Taamaat­tumik Guutip asan­nit­tumik mianersoq­quaatigut anersaarsior­nermik qanorluun­niit it­tumik sam­misaqar­niaq­qunata. (5 Moses 18:14; Galâsiamiut 5:19-21) Jehovap anersaarsior­nermut isigin­nin­nera paasereeraluarlugu anersaarsior­nermik sam­misaqar­tuaan­narut­ta anersaapilun­nut pikitsitsiumatuunut ililiutis­saagut Guutimul­lu akeran­ngorluta. — 1 Samuel 15:23; 1 Israelik­kut 10:13, 14; Tus­siaat 5:5.

10. Siulit­tuiniar­neq sunaava, aam­ma sooq nigorsimasariaqar­par­put?

¹⁰ Anersaarsior­ner­nut soqutigineqarluar­tunut ilaavoq siulit­tuiniar­neq, anersaat ikior­tigalugit siunis­samik paasiniaaneq. Tamak­kunun­nga ilaap­put ul­loris­sat najoq­qutaralugit siulit­tuiniar­neq, igalaamineq am­malor­toq atorlugu siumut takusaqar­niar­neq, sin­nat­tunik nas­suiaaniar­neq, as­saap  titar­niusar­taanik atuaaniar­neq nal­lukat­tal­lu tarok­kit atorlugit siulit­tuiniar­neq. Inuit ilar­pas­suisa siulit­tuiniar­neq aliik­kutatut ajoqutaan­ngitsutut isigaat, Biibilimili oqaatigineqar­poq siulit­tuisar­tut anersaapiluil­lu im­min­nut tasior­tut. As­sersuutigalugu, apustilit suliáinik agdlagkat 16:16-19-imi eq­qar­tor­neqar­poq ’ar­naq inuusut­toq piumaar­tus­sarsior­tumik anersaalik’ siunis­samik eq­qoriaasar­toq. Siunis­samil­li eq­qoriaasin­naajun­naar­poq anersaapiluk im­minit anisin­neqarmat. Erseq­qeqaaq anersaapiluit siulit­tuiniar­neq ator­taraat inuit ’pul­latimin­nik’ pisariniarlugit.

11. Toqusimasunik oqaloqateqar­niarsarigaan­ni qanoq ilil­luni ’pul­latinik pisaritit­toqarsin­naava’?

¹¹ Ikin­ngutigil­luak­kan­nik toquk­kut an­naasaqarsimal­lutit aliasuk­kuit us­ser­nar­toq al­la saaq­qajaaf­figisin­naavat. Im­maqa anersaanut at­taveqar­tar­tup im­mik­kut it­tunik paasis­sutis­sis­sin­naavaatit imaluun­niit ikin­ngutivit toqusimasup nipaanik tusar­tis­sin­naal­lutit. Mianersoril­li! Toqusunik oqaloqatigin­nin­niar­nik­kut ’pul­latinik pisariteriaan­naavutit’. Sooq? Toqungasut oqalus­sin­naan­ngim­mata. Qular­nan­ngitsumik eq­qaamavat Guutip oqaasiani oqaatigineqar­toq toqusut ’aner­ningerunik kingumut is­sun­ngus­sasut, pilersaarutaal­lu ul­loq taan­na maangaan­nas­sasut’. Toqungasut „sun­nguamil­luun­niit ilisimasaqan­ngil­lat“. (Tus­siaat 146:4; Nalunaajaasup oqaasii 9:5, 10) Tas­sa ’toqoreersunik apersuisoq’ kinaluun­niit Guutip piumasaanut akerliusumik ilior­poq. — 5 Moses 18:11, 12; Jesaja 8:19.

USSASSAARIARLUTIT SAASSUTISSAVAATSIT

12, 13. Anersaapiluit inun­nik us­sas­saaril­lutil­lu erloqisitsiuar­neran­nut sunik up­per­narsaatis­saqar­pa?

¹² Guutip oqaasiani anersaapilun­nut mianersoq­qus­sut maleruaruk­ku anersaapiluit us­sas­saarutaat tunuar­tis­savatit. (Naleq­qiuguk Tus­siaat 141:9, 10; Rûmamiut 12:9.) Taman­nali isumaqar­pa anersaapiluit pisariniaq­qin­navian­ngik­kaatsit? Naamerluin­naq. Satanip Jesus pingasoriarluni us­ser­niaraluareerlugu ’qimak­kal­larsimavaa’, tas­sa pitsaanerusumik periarfis­saqaleq­qin­nis­sami tungaanut. (Lúkarse 4:13) Anersaapiluit  uteriitsut inun­nik us­sas­saariniaan­nan­ngil­lat, aam­mali saas­sus­serusup­put.

¹³ Guutip kif­faanik Jobimik Satanip saas­sutarin­nis­simanera siusin­nerusuk­kut eq­qar­tugar­put eq­qaamajuk. Diaavulup piliaanik Jobip uumasuutini an­naavai, kif­faasa amerlanersaat toqul­lutik al­laal­lu meerai ajunaarlutik. Taava Diaavulup Job nap­paas­suarmik eq­qor­neqar­tip­paa. Jobil­li Guutimut as­suar­naas­sutsini at­tat­tuaan­nar­paa pil­luaq­qusaangaarlunilu. (Job 1:7-19; 2:7, 8; 42:12) Taamanimiil­li inuit ilaan­nik oqajuitsun­ngor­titsisarsimap­put tap­piitsun­ngor­titsisarsimal­lutil­luun­niit, inuil­lu naal­liun­neran­nik nuan­naapiluutigin­nit­tuarsimal­lutik. (Matîuse 9:32, 33; 12:22; Mákorse 5:2-5) Ul­lumik­kut nalunaarutigineqar­tar­poq inuit ilaat anersaapilun­nit kinguaas­siuutitigut ator­nerlun­neqar­tar­tut al­lal­lu niaqulaar­tun­ngor­tin­neqarsimal­lutik. Al­lat toqutsinis­samin­nut im­minor­nis­samin­nul­luun­niit, Guutimut ajor­tulior­nerusunut, anersaapilun­nit kajumis­saar­neqar­tar­put. (5 Moses 5:17; 1 Juánase 3:15) Taamaak­kaluar­torli anersaapilun­nit inus­siaatigineqarsimagaluit tuusintilik­kuutaat maan­na aniguisitaasimap­put. Aniguisitaaneq taman­na pingaar­tunik pingasunik suliniuteqar­nermik­kut angusimavaat.

ANERSAAPILUIT QIMALLUGIT ASSORTORLUGILLU

14. Anersaapilun­nit aniguiumal­luni iliuusis­saq siul­leq sunaava?

¹⁴ Im­minut ilaqut­tal­lu qanoq ilil­luni anersaapiluit tam­mar­titsiniutaan­nut il­lersor­neqarsin­naap­pat? Ukiuni hundredelin­ni siul­ler­ni Efesusimi kristumiut sal­lusuis­sut paasin­ngik­kal­laramik­ku anersaarsior­tuusimap­put al­latul­li iliuuseqalersimal­lutik. Oqalut­tuarineqar­poq ’ikin­ngitsut angak­kuar­nin­niar­taraluar­tut map­persak­kat ataatsimut pis­sus­simagaat tamarmil­lu tak­kuan­ni ikik­karlugit’. (apustilit suliait 19:19) Il­lit anersaarsior­tuusiman­ngik­kaluaruil­luun­niit anersaarsior­nermut ator­tunik tun­ngas­suteqar­tunil­luun­niit pigisaqaruit tamaasa eq­qaq­qaar­tariaqar­patit. Tas­saasin­naap­put  atuak­kat, atuagas­siat, videot, nip­put­tar­tut, nipilersuk­kat al­lal­luun­niit anersaarsior­nermut at­tuumas­suteqar­tut, soorlu as­silis­sat, aar­nus­sat al­lal­luun­niit il­lersuutitut ator­neqar­tut, kiisalu anersaarsior­tunit tunis­sutisiarisimasatit suul­luun­niit. (5 Moses 7:25, 26; 1 Korintumiut 10:21) As­sersuutigalugu taaneqarsin­naap­put Thailandimi aap­pariit anersaapilun­nit sivisuumik erloqisitaasimasut. Pigisatik anersaarsior­nermut at­tuumas­suteqar­tut tamaasa eq­qaramik­kik anersaapilun­nit saas­sutarineqarun­naar­put anersaak­kul­lu siumukarlualerlutik.

15. Anersaanut ajor­tunut pis­saanilin­nut akiuun­nermi iliuusis­sat pingaar­tut aap­paat suua?

¹⁵ Suliniutis­sap tul­lia tas­sa anersaak­kut sak­kutuus­sutit Guutimeersut tamaasa atinis­saan­nik Paulusip un­nersuus­sutaanik maleruaaneq. (Evfisumiut 6:11-17) Kristumiut anersaapilun­nut il­lersor­ner­tik sak­kor­tusar­tariaqar­paat. Taman­na sumik ilaqar­pa? ’Pingaar­tumil­lu,’ Paulus oqar­poq, ’up­per­neq tiguniarsiuk eq­qor­naveeq­qutigalugu, taas­sumin­nga ajor­tup qarsui in­nil­lit tamaasa qamitis­sin­naas­sagas­sigik.’ Up­per­nerit nukit­tunerujar­tuin­nar­til­lugu anersaat ajor­tut pis­saanil­lit akiorluarsin­naanerujar­tuin­nas­savatit. — Matîuse 17:14-20.

16. Qanoq ilil­lutit up­per­nik­kut nukit­torsarsin­naavit?

¹⁶ Qanoq ilil­luni up­per­nik­kut nukit­torsar­toqarsin­naava? Biibilimik atuaq­qis­saar­tuar­nik­kut un­nersuus­sutaanil­lu maleruaajuar­nik­kut. Tun­ngaviup, Guutimik ilisarsinerup, qanoq aalajaatsigis­susia up­per­nerup nukit­tus­susianut aalajangiisuuvoq. Isumaqar­pit Biibilimik atuaq­qis­saar­nik­kut ilisimalersimasatit eq­qorluar­tut uum­mam­miulius­simasatil­lu up­per­nik­kut nakus­satsis­sutigisimal­lugit? (Rûmamiut 10:10, 17) Biibilimik atuaq­qis­saar­tuaan­naruit Jehoval­lu Nalunaajaasuisa ataatsimiit­tar­nerinut agger­tar­neq ileq­quliuk­kuk­ku qular­nan­ngivis­sumik up­per­nik­kut aam­ma suli nukit­tunerulis­saatit. (Rûmamiut 1:11, 12; Kulorsamiut 2:6, 7) Anersaapiluit saas­sus­sinerinut pal­lit­taalisaqar­tutut ilis­saatit. — 1 Juánase 5:5.

17. Anersaat ajor­tut pis­saanil­lit akior­niarlugit iliuusis­sat aam­ma suut pisariaqarsin­naap­pat?

 ¹⁷ Anersaanut ajor­tunut pis­saanilin­nut akiuun­nermi aam­ma qanoq iliuuseqar­toqarsin­naava? Kristumiut Efesusimiit­tut il­loqarfim­mi anersaapilus­siorfioqisumi inuugamik ser­nis­sor­neqar­nis­sar­tik atorfis­saqar­tis­simavaat. Taamaat­tumik Paulus oqarsimavoq ’tamatigut qasusuil­lutik qinusas­sasut’. (Evfisumiut 6:18) Silarsuarmi anersaapilun­nit erloqisitaasumi inuugat­ta pingaar­torujus­suuvoq anersaapiluit akiorsin­naajumal­lugit ser­nis­sor­neqar­nis­satsin­nik ilungersorluta Guutimut qinusar­nis­sar­put. (Matîuse 6:13) Ilagiin­ni kristumiuni utoq­qaaner­tat toq­qak­kat qin­nus­sinermik­kut anersaak­kul­lu ikiuinermik­kut an­ner­toq­qutaasin­naap­put. — Jâko 5:13-15.

AKIUUTTUARIT

18, 19. Anersaapilun­nik ajor­nar­torsiuteqaq­qileraan­ni qanoq ilior­toqarsin­naava?

¹⁸ Ilaal­li pingaar­tunik tamak­kunin­nga suliniuteqareeraluarlutik anersaapilun­nit akor­nusersor­niar­neqar­tar­put. As­sersuutigalugu, Nagguaatsup Tuugaavata Sineriaani angut Jehovap nalunaajaasuinit Biibilimik atuaq­qis­saaqatigineqar­tar­poq. Aar­nus­sani tamaasa aseror­ter­pai anersaak­kul­lu siumukalerluni, Jehovamul­lu tun­niul­luin­nar­poq kuisil­lunilu. Kuisin­neranil­li sapaatip-akun­nera ataaseq qaangiut­toq anersaapiluit akor­nusersor­niaq­qit­taler­paat, nipinil­lu tusaasaqar­tar­poq oqar­tunik up­perisar­taani taamaatis­sagaa. Il­lit taamatut misigisaqas­sagaluaruit isumaqas­sava Guutimit ser­nis­sor­neqarun­naarsimasutit? Taamaat­tariaqan­ngilaq.

¹⁹ Naak inuk naam­mal­luin­nar­toq Jesus Kristus Guutimit ser­nis­sor­neqaraluarluni anersaap ajor­tup, Satanip, nipaa tusaasimavaa. Taamatut pisoqar­til­lugu qanoq ilior­nis­saq Jesusip takutip­paa. Diaavulumut ima oqar­poq: ’Nigorit, Sataniaa!’ (Matîuse 4:3-10) Taamatut­taaq il­lit nipit anersaat silarsuaan­neersut tusaajuman­ngit­tariaqar­patit. Jehovamut ikioq­qul­lutit torlulanik­kut anersaapiluit akiuk­kit. Aap, Guutip aq­qa atorlugu nipituumik qinugit. Us­satit 18:10-mi  ima al­las­simavoq: „[Jehovap] aq­qa pal­lit­taalisatut ip­poq, iluar­toq tas­sunga qimaanasuar­tar­poq an­naan­neqarlunilu.“ Angut kristumiu Nagguaatsup Tuugaavata Sineriaani najugalik taamaalior­poq, anersaapilun­nil­lu erloqisin­neqarun­naar­poq. — Tus­siaat 124:8; 145:18.

20. Anersaat ajor­tut akior­niarlugit qanoq ilior­toqarsin­naava?

²⁰ Jehovap anersaapiluit atagal­lar­nis­saat akuerisimavaa, pis­saaninili takutit­tar­paa, ingam­mik in­nut­taminut atatil­lugu, aq­qalu nunarsuaq tamak­kerlugu oqaluus­sis­sutigineqar­poq. (2 Moses 9:16) Guutimut qanit­tuaan­naruit anersaapiluit ersigisariaqas­san­ngilatit. (4 Moses 23:21, 23; Jâko 4:7, 8; 2 Pîtruse 2:9) Anersaapiluit pis­saanerat kil­leqar­poq. Noap nalaani pil­lar­neqarsimap­put, ukiuni hundredelin­ni atuk­katsin­ni qilam­mit igitaasimal­lutik maan­nalu inaarutaasumik eq­qar­tuun­neqar­nis­sar­tik utaq­qil­lugu. (Jûtarse 6; sarĸúmersitat 12:9; 20:1-3, 7-10, 14) Al­laat suujun­naarsitaanis­sar­tik ’uulil­lutik’ utaq­qivaat. (Jâko 2:19) Anersaapiluit us­siataaraluar­patsit imaluun­niit arlaatigut saas­suk­kaluar­patsit akiorsin­naavatit. (2 Korintumiut 2:11) Anersaarsior­neq sunaluun­niit maajugiuk, Guutip oqaasiani un­nersuus­sutit maleruak­kit Jehovamil­lu iluarisaanis­sat ujar­toruk. Nangaanak taamaaliorit, anersaanum­mi ajor­tunut pis­saanilin­nut akiuun­nerit inuugin­nar­nis­san­nut aalajangiisuus­saaq.

SUNA ILIKKARPIUK?

Anersaapiluit qanoq iliorlutik inun­nik tam­mar­titsiniaasar­pat?

Sooq anersaarsior­neq Biibilimi ajorineqar­pa?

Anersaapilun­nut qanoq ilil­luni inus­siaataajun­naar­toqarsin­naava?

Sooq anersaapiluit akior­tuar­tariaqar­pigit?

[Atuaqqissaarnermi apeqqutit]

 [Qupp. 110-mi assiliartaq]

Anersaarsior­neq as­sigiin­ngitsor­pas­suar­nik ilalik qanoq isigaajuk?