Kapitali 9

Asasavut toqusimasut sumiippat?

1. Inuit asasamin­nik toqusooraangamik qanoq misigisar­pat?

„ASASAMIK toquk­kut an­naasaqarluni alianar­torujus­suuvoq, tas­sami toqu paasiuminaal­luin­nar­tumik an­naasaqarfiusar­poq.“ Er­neq ataataminik kingunitsian­ngualu anaanaminik toqusoorsimasoq taama oqarsimavoq. Taan­na aliasungaarami an­naasaqar­ninilu angingaarmat misigis­sutsik­kut ar­torsil­luin­nar­neqar­tutut misigisimavoq. Im­maqa aam­ma il­lit taamatut misigisaqarsimavutit. Taamaap­pat im­maqa aam­ma eq­qarsaatigisimas­savat toqusoorutit mas­sak­kut sumiin­nersoq qaqugumul­luun­niil­lu takoq­qis­sanerlugu.

2. Toqu pil­lugu apeq­qutit akiuminaatsut suut piler­tar­pat?

² Angajoq­qaat toqusoorsimal­lutik aliasut­tut ilaan­nik­kut ima oqarfigineqar­tar­put: „Guutip inuit ajun­ngitsut im­minut qilaliar­tit­tar­pai.“ Ilumul­li taamaap­pa? Asasavut toqusimasut anersaat silarsuaan­niip­pat? Imaap­pa nirvanamik taaneqar­tumut pisimasut, tas­sa pil­luarfis­suarmut an­niaateqarfiun­ngitsumut? Paratiisimi toqujuis­sutsimut pisimap­pat? Imaluun­niit inuit ilaasa oqar­tar­nerat­tut Guutimik ajual­latsitsisimasut toqugaangamik naas­saan­ngitsumik an­niar­tin­neqar­tar­pat? Toqusimasut inuusunut sun­niuteqarsin­naap­pat? Apeq­qutinut tamak­kunun­nga up­per­nar­tumik akis­sutis­sarsis­sagut­ta Guutip oqaasia, Biibili, paasiniaaf­figisariaqar­par­put.

INUUP „ANERSAAVA“ SUUA?

3. Sokrates Platonilu toqungasut pil­lugit qanoq isumaliutersuuteqar­pat, taman­nalu ul­lumik­kut inun­nut qanoq sun­niuteqar­pa?

³ Griikerit isumaliutersor­tar­tut Sokrates aam­ma Platon  isumaqar­put angutit ar­nal­lu toqujuis­sutsimik ilumiugisaqar­tut inun­nguusaasumik — tas­sa tar­neqar­tut toqunermi ingerlaq­qit­tar­tumik toqun­ngisaan­nar­tumil­lu. Taman­na nunarsuarmi tamarmi inup­pas­suar­nit up­perineqar­poq. Up­perisaq taman­na toqusimasunut ersigin­nin­nermik pilersitsiin­narani aam­ma taak­kunin­nga isumakuluutigin­nin­nermik pilersitsisar­poq. Biibilimili toqu pil­lugu al­larluin­narmik paasis­sutis­sin­neqar­pugut.

4. (a) Mosesimik al­lak­kat siul­liit tar­neq pil­lugu qanoq paasititsip­pat? (b) Adam uumas­suseqalersin­niarlugu Guutip sumik piler­paa?

⁴ Toqusut qanoq pisar­nerat eq­qar­tor­til­lugu eq­qaamasariaqar­par­put siuaasar­put siul­leq, Adam, tas­saasiman­ngim­mat tarnilik. Tas­saasimavoq tarneq. Tupin­naqisumik pin­ngor­titsinermini Guutip inuk — tar­neq — nunami pin­ngoq­qaatit atorlugit piliaraa ’anersaar­nermil­lu uumas­sutaasumik’ sul­luarlugu. Mosesimik al­lak­kat siul­liit 2:7-imi Ny Verden-nutsigaq naaper­torlugu ima oqalut­tuarineqar­poq: „Taava Guuti [Jehova] inulior­poq is­sumit, sorluisigul­lu anersaar­nermik uumas­sutaasumik sul­luarlugu, inul­lu tar­nin­ngor­poq uumasoq.“ Adam anersaar­tor­nermigut uumatin­neqar­poq. Guutil­li Adamimik anersaar­nermik uumas­susiliinerani silaan­naq puaanut sul­luagaa kisimi pineqan­ngilaq. Biibilimi eq­qar­tor­neqar­poq nunarsuarmi pin­ngor­titat uumas­suseqar­tut tamarmik ’uumas­sutaasumik anersaaqar­tut’. — 1 Moses 7:22.

5, 6. (a) „Anersaaq uumas­sutaasoq“ suua? (b) „Anersaaq“ Nalunaajaasup oqaasii 12:7-imi eq­qaaneqar­toq timimik uumas­susilersuiun­naaraangat qanoq pisoqar­tar­pa?

⁵ ’Anersaaq uumas­sutaasoq’ suugami? Tas­saavoq uumas­sut Guutip Adamip timaanut uumas­suseqan­ngitsumut pisitaa. Uumas­sut taman­na anersaar­tor­nik­kut atatin­neqaler­poq. Taavami „anersaaq“ Nalunaajaasup oqaasii 12:7-imi eq­qaaneqar­toq? Tas­sani inuup toqunis­saata sior­na ima oqaatigineqar­poq: „Pujualaat nunamut uter­tin­nagit anersaarlu Guutimut tun­nius­sisiminut uter­tin­nagu.“ Biibilimik al­lat­tut oqaaseq „anersaaq“ taamatut atoraangamik­ku tar­neq timip toqunerata kingor­na al­lami ingerlaq­qit­tar­toq pineq ajor­paat.

 ⁶ „Anersaaq“ inuup toqunerani timimit peer­tar­toq tas­saavoq uumas­sut Pin­ngor­titsisitsin­neersoq. (Tus­siaat 36:10; apustilit suliait 17:28) Uumas­sut taman­na uumatitami im­mik­kut ilisar­naataanik ilisar­naateqan­ngilaq, soorlu in­naal­lagiaq ikumatitami ilisar­naataanik ilisar­naateqan­ngitsoq. Toqunermi anersaap (uumas­sutip) timip cel­lii uumas­susilersorun­naar­tar­pai, soorlu qul­leq in­naal­lagis­samut aq­qutaar­neqaraangami qamit­tar­toq. Uumas­sutip timi uumas­susilersorun­naar­pagu inuk, imaluun­niit tar­neq, toqus­saaq. — Tus­siaat 104:29; Nalunaajaasup oqaasii 12:1, 7.

’ISSUMUT UTISSAATIT’

7. Adam Guutimut naalan­ngik­kuni susus­saasimava?

⁷ Jehovap erseq­qis­sumik nas­suiarsimavaa toqu ajor­tulior­tumut Adamimut sumik nas­sataqas­sasoq, ima oqarluni: „Kiak­kiul­lugu nerisas­sarsius­saatit is­sumut uterserlutit, tas­san­nga pigavit. Is­sumim­mi pivutit, is­sun­ngus­saatil­lu.“ (1 Moses 3:19) Adamigooq sumut utis­sava? Nunamut, is­sumut sananeqaatsiminut. Tas­sa Adam toqugami piujun­naarluin­nar­poq!

8. Inuk tar­niusoq suk­kut uumasunit nuimanerun­ngila?

⁸ Taman­na eq­qarsaatigalugu uumasut toqusar­nerat inuil­lu toqusar­nerat as­sigiin­ngis­suteqan­ngil­lat. Uumasut aam­ma tar­niup­put, anersaamil­lu, uumas­sum­mit, inun­nik uumatitsisumik uumatin­neqarlutik. (1 Moses 1:24) Nalunaajaasup oqaasii 3:19, 20-mi Salomonip ilisimasup ima oqalut­tuup­paatigut: „Inuit nersutit as­sigalugit toqusus­saap­put tamarmik as­sigiim­mik uumas­sutigisamin­nik anersaaqaramik. Inuit [toqumi] atugas­saat nersutit atugas­saat­tut ip­poq. . . . Tamarmik as­sigiim­mik or­nigas­saqar­put, is­sumit pin­ngoramik is­sun­ngorumaar­put.“ Inuk uumasunit ugguuna nuimaneruvoq: Guuti as­silil­lugu pin­ngor­titaagami, Jehovap pis­susii ilaarsin­naal­lugit. (1 Moses 1:26, 27) Tamarmil­li, inuit uumasul­lu, toqunermin­ni is­sun­ngoq­qit­tar­put.

9. Toqungasut qanoq ip­pat, sumiip­pal­lu?

⁹ Salomonip nangil­luni toqu nas­suiar­paa: „Uumas­suseqar­tum­mi  nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat.“ Aap, toqungasut ilisiman­ngil­luin­nar­put. Taman­na eq­qarsaatigalugu Salomon ima kajumis­saarivoq: „Pigin­naanerit tamaat atorlugu ilior­niarit toqusut inaan­ni or­nik­kan­ni sulias­saqan­ngim­mat pilersaarusiorfis­saqaraniluun­niit, ilisimasas­sanil­lu ilisimas­sum­mil­luun­niit pis­sarsias­saqarani.“ (Nalunaajaasup oqaasii 9:5, 10) Toqusun­ngooq sumut pisar­pat? „Toqusut inaan­nut“ (hebriiarisut: she’olʹ), inuiaat ataatsimut iliveqarfian­nut. Tas­sa asasavut toqusimasut sun­nguamil­luun­niit ilisiman­ngil­lat. An­nian­ngil­lat suk­kul­luun­niil­lu sun­nersin­naanata.

10. Sooq oqarsin­naavugut toqu naggativiusariaqan­ngitsoq?

¹⁰ Tas­sa imaap­pa uagut asasavul­lu ukiualuin­nar­ni inooriarluta naas­saan­ngitsumut piujun­naar­tus­saasugut? Biibili naaper­torlugu taamaan­ngilaq. Adam pikitsitsim­mat Jehova Guuti ingerlaan­naq aaq­qis­suus­sivoq inuup ajor­tulior­nerata kingunipiluinik aaq­qiisus­samik. Toqu Guutip inuian­nut siuner­taanut ilaan­ngilaq. (Hesekiel 33:11; 2 Pîtruse 3:9) Taamaat­tumik toqu uagutsin­nut asasatsin­nul­lu naggataasariaqan­ngilaq.

’SINIPPOQ’

11. Ikin­ngum­mi Lazarusip toqunganera Jesusip qanoq oqaatigaa?

¹¹ Uagut asasavul­lu toqusimasut toqumit Adamimeersumit an­naan­nis­sar­put Jehovap siuner­taraa. Taamaat­tuminguna Guutip oqaasiani toqungasut sinit­tutut eq­qar­tor­neqar­tar­tut. As­sersuutigalugu, Jesus Kristusip ikin­ngutini Lazarus toqusimasoq tusaramiuk ajoqersuk­kani ima oqarfigisimavai: ’Lazarus ikin­nguter­put sinip­poq, tas­sa itersariar­tus­savara.’ Oqaatsini ajoqersuk­kami ingerlaan­naq paasin­ngim­matigik Jesus ersaris­sumik oqaan­nar­poq: ’Lazarus toquvoq.’ (Juánase 11:11, 14) Taava Jesus Betaniamukar­poq, Lazarusip qatan­ngutai Mar­ta Marialu toqusoor­nermin­ni aliasut­tut or­nil­lugit. Mar­ta Jesusip ima oqarfigim­mani: ’Qatan­ngutit makis­savoq,’ Guutip inuiaat toqumit an­naan­niarlugit siuner­taanut up­per­nerminik ersersitsivoq oqarluni: ’Nalun­ngik­kaluar­para  ul­lut naggatis­saan­ni makif­fis­sami makik­kumaar­toq.’ — Juánase 11:23, 24.

12. Mar­tap aliasut­tup toqungasut eq­qarsaatigalugit suna neriugisaraa?

¹² Mar­ta tar­nermik toqujuitsumik toqup kingor­na arlaan­nut ingerlaq­qit­tumik eq­qaasaqan­ngilaq. Up­perin­ngilaa Lazarus toqunganermini anersaat silarsuaan­niit­toq. Up­perisaali tas­sa toqusimasut makititaanissaannik neriuut nuan­ningaar­toq. Nalun­ngilaa tar­neqan­ngitsoq toqujuitsumik Lazarus toqum­mat qimagut­tumik, qatan­ngutinili toqusoq piujun­naar­toq. Aaq­qiis­sutis­sarlu tas­saas­saaq qatan­ngum­minik toqusunit makititsineq.

13. Jesus Guutimit qanoq pigin­naaniler­neqarsimava, pigin­naanerlu taman­na qanoq ilil­luni ersersit­tarsimavaa?

¹³ Jesus Kristus Jehova Guutimit pigin­naaniler­neqarsimavoq inuian­nik uter­titsisus­satut. (Hosea 13:14) Taamaat­tumik Mar­tap oqaasii Jesusip ima akivai: ’Uanga makis­sutaal­lungalu inuus­sutaavunga; uan­nut up­per­toq naak toqugaluaruni inuus­savoq.’ (Juánase 11:25) Pis­saanini Guutimeersoq taman­na Jesusip takutip­paa Lazarus ul­luni sisamani toqungasimasoq ilerranukarluni uum­mar­teq­qik­kamiuk. (Juánase 11:38-44) Takorlooruk Jesusip toqumit makititsineranik tamatumin­nga al­lanil­lu isigin­nit­tut qanoq nuan­naar­tigisimas­sasut! — Mákorse 5:35-42; Lúkarse 7:12-16.

14. Sooq makititsinis­saq tar­nermil­lu toqujuitsumik eq­qarsaat im­min­nut kat­tutsin­neqarsin­naan­ngil­lat?

¹⁴ Man­na eq­qarsaatigeq­qis­saariaruk: Tar­neqaraluar­pat toqujuitsumik toqunik­kut ingerlaq­qit­tar­tumik taava makititaanis­saq, imaluun­niit uum­maq­qitsitaanis­saq, pisariaqas­san­ngik­kaluar­poq. Aam­mami ajun­ngitsulior­nerus­san­ngik­kaluar­poq Lazarus qilam­mi akis­sarsias­sani nuan­ningaar­toq pereersimap­pagu nunarsuarmi inuunermut naam­mal­luin­nan­ngitsumut uter­teq­qis­sal­lugu. Oqaaseq „tar­neq toqujuitsoq“ Biibilimi ataatsimil­luun­niit ator­neqan­ngilaq. Eq­qaaneqar­porli tar­neq ajor­tulior­toq toqus­sasoq. (Hesekiel 18:4, 20, NV) Taamaat­tumik makititsineq toqumut aaq­qiis­sutis­satut Biibilimi tik­kuar­neqar­poq.

 ’ILIVERNIITTUT TAMARMIK’

15. (a) Oqaaseq „makin­neq“ qanoq isumaqar­pa? (b) Sooq inun­nik ataasiak­kaanik makititsinis­saq Jehova Guutip nalor­nisigin­ngil­luin­nas­savaa?

¹⁵ Oqaaseq Jesusip ajoqersugaasa atugaat „makin­neq“-mik nutser­neqar­toq isumaqavip­poq „mas­sin­neq“ imaluun­niit „nikuin­neq“. Tas­saavoq toqumit uumas­suseqan­ngif­fiusumit mas­sin­neq — iluamik oqaatigalugu inuiaat ataatsimut iliveqarfian­nit (Biibilimi Sheolimik imaluun­niit Hadesimik taaneqar­tumit) nikuin­neq. Jehova Guutip inum­mik makititsinis­sani nalor­nisigin­ngil­luin­nar­paa. Sooq? Inuunerup pilerfigim­mani. Ul­lumik­kut inuup nipaanik im­mius­sisin­naavugut imaluun­niit inum­mik videomik as­siliisin­naal­luta, inul­lu toqoreer­pat tusar­naarsin­naal­lugil­lu isigin­naarsin­naavavut. Soorunami Pin­ngor­titsisit­ta ajugaqan­ngitsup inuit ataasiak­kaat  im­mik­koorutaat tamaasa ilan­ngul­lugit pin­ngor­teq­qis­sin­naavai makitil­lugil­lu, nutaamik timilerlugit.

16. (a) Iliver­ni eq­qaas­sutis­saniit­tut tamaasa eq­qarsaatigalugit Jesus qanoq neriorsuiva? (b) Inuup inuunermut eq­qar­tuus­sivim­mul­luun­niit pis­sal­luni makititaanis­saa suup aalajangis­savaa?

¹⁶ Jesus Kristus ima oqarsimavoq: ’Ul­lut nal­liuk­kumaar­put, taava iliver­niit­tut tamarmik taas­suma nipaa tusarumaar­paat; anil­lutil­lu makis­sap­put, ajun­ngitsuliorsimasut inuunermut pisus­saal­lutik, ajor­tuliorsimasul­li eq­qar­tuus­sivim­mut pisus­saal­lutik.’ (Juánase 5:28, 29) Siunis­saq ilumut nuan­nerunaq! Jehovap eq­qaamasaaniit­tut tamarmik makitin­neqas­sap­put aq­qutigeq­qusaanil­lu ilin­niar­tin­neqas­sal­lutik. Guutimik ilisarsineq naaper­torlugu ilior­tut inuunermut pisus­saal­lutik makis­simas­sap­put. Guutil­li ajoqersuutaanik aqutsineranil­lu tunuar­titsisut iluarisaan­ngitsutut eq­qar­tuun­neqar­nermut pisus­saal­lutik makis­simas­sap­put.

17. Kik­kut makititaas­sap­pat?

¹⁷ Soorunami Jehovap kif­faatut naaper­tuil­luar­tumik inooriaaseqarsimasut aam­ma makititaas­sap­put. Aap, taak­ku toqumut qanil­linermin­ni, al­laal­lu peq­qar­niitsumik qinugisaanermin­ni, makititaanis­samik neriuum­mit nakus­satsin­neqar­tarsimap­put. Ilisimasimavaat Guutip uum­mar­teq­qik­kumaaraatik. (Matîuse 10:28) Aam­mali inup­pas­suit mil­lionilik­kuutaat Guutip najoq­qutas­siaanik naaper­tuil­luar­tunik malin­nik­kusun­nermin­nik ersersitsinis­samin­nut periarfis­saqarsimanatik toqusimasut makititaas­sap­put. Tamatumani Jehovap siuner­taa qularin­ngivil­lugu apustili Paulus ima oqarsimavoq: ’Guuti neriuf­figaara . . . toqusut makik­kumaar­tut, iluar­tul­lu iluaatsul­lu.’ — apustilit suliait 24:15.

18. (a) Apustili Johan­nes makititaanis­samik qanoq takorruuisitaasimava? (b) ’Tatsimi in­nerusumi’ suut suujun­naarsitaas­sap­pat, aam­ma sooq oqarsin­naavugut toqusut naas­saan­ngitsumik an­niar­titaaf­fim­mut pineq ajor­tut?

¹⁸ Apustilip Johan­nesip pis­sanganar­tumik takorruuisitaal­luni takusimavai toqusunit makit­tut Guutip is­siavis­saarsuata saani qeqar­tut. Taava Johan­nes ima al­lap­poq: ’Im­mal­lu toqusut im­miniit­tut tun­niup­pai, toqul­lu toqusul­lu inaata toqusut im­min­niit­tut tun­niup­paat; eq­qar­tuun­neqar­pul­lu nungul­lutik suliatik naaper­torlugit. Toqulu toqusul­lu inaat tatsimut  in­nerusumut igitaap­put. Tas­sa toqup aap­paa, taseq in­nerusoq.’ (sarĸúmersitat 20:12-14) Eq­qarsaatigerias­sagit! Toqusimasut Guutip eq­qaamasaaniit­tut tamarmik Hadesimit (griikerisooq: haiʹdes), imaluun­niit Sheolimit, inuiaat ataatsimut iliveqarfian­nit, aniguisitaanis­samin­nik qilanaarisaqarsin­naap­put. (Tus­siaat 16:10; apustilit suliait 2:31) Guuti kif­far­tuuk­kusun­nerlugu iliuutsimik­kut takutitsinis­samin­nut periarfis­saqas­sap­put. Taava ’toqu toqusul­lu inaat’ igin­neqas­sap­put ’tatsimut in­nerusumut’, suujun­naarsitaal­luin­nar­nermut as­sersuutaasumut. Makititsior­tor­neq naam­mas­sineqar­pat inuiaat ataatsimut iliveqarfiat imaar­neqarsimalis­saaq piujun­naarsitaal­lunilu. Tup­pal­ler­naqaaq paasil­lugu Guuti kimil­luun­niit an­niar­titsineq ajor­toq! — Jeremia 7:30, 31.

MAKITITAANEQ — SUMUT?

19. Sooq inuit ilaat qilam­mut makititaas­sap­pat, Guutil­lu qanoq it­tumik timilis­savai?

¹⁹ Angutit ar­nal­lu aalajangersimasumik amerlas­susil­lit qilam­mut makitin­neqas­sap­put. Taak­ku kun­ngisut palasisul­lu Jesus peqatigalugu toqup, inuiaat siuaasamin­nit Adamimit kingor­nus­simasaata, sun­niutipilui iluarsiivigeqataaf­figis­savaat. (Rûmamiut 5:12; sarĸúmersitat 5:9, 10) Kristusimut naalak­kersueqataasus­sat Guutip qilam­mukar­titas­sai qas­siup­pat? Biibili naaper­torlugu 144.000-iin­naat. (sarĸúmersitat 7:4; 14:1) Qilam­mut makititaasut taak­ku tamaasa Jehovap Jesusitut anersaamik timilis­savai qilam­mi inuusin­naan­ngor­til­lugit. — 1 Korintumiut 15:35, 38, 42-45; 1 Pîtruse 3:18.

20. Inuiaat naalat­tut, aam­ma makititaasut, suna misigis­savaat?

²⁰ Toqusimasut amerlaner­paar­taat nunarsuarmut paratiisiusumut makititaas­sap­put. (Tus­siaat 37:11, 29; Matîuse 6:10) Qilam­mut makititsinis­samut pis­sutaasut ilagaat Guutip nunarsuarmut siuner­taanik naam­mas­sin­nin­nis­saq. Jesus Kristusip 144.000-it peqatigalugit qilam­mit inuiaat naalat­tut naam­mal­luin­nas­sutsimut, siuaasaasa siul­liit an­naasimasaan­nut, uter­tik­kiar­tuaas­savaat. Naam­mal­luin­nar­tun­ngor­tik­kiar­tuaagas­saan­nut ilaas­sap­put toqumit makititaasut, soorlumi Jesusip kikiat­tugaaqatini ima oqarfigisimagaa: „Paratiisimeeqatigiumaar­parma.“ — Lúkarse 23:42, 43.

21. Pruf­fiiti Esajas aam­ma apustili Johan­nes naaper­tus­sagaan­ni toqu qanoq pineqas­sava?

 ²¹ Toqu, ul­lumik­kut aliasutsitsisaqisoq, nunarsuarmit paratiisiusumit peer­neqas­saaq. (Rûmamiut 8:19-21) Pruf­fiiti Esajas nalunaarsimavoq Jehova Guutip ’toqu nungutis­sagaa piujun­naarsivil­lugu’. (Jesaja 25:8) Apustilip Johan­nesip tak­korruuisitaanermigut siumut takusimavaa pif­fis­saq inuiaat naalat­tut an­niaatinit toqumil­lu aniguisitaaf­fis­saat. Ima al­lap­poq: ’Guutip nam­mineq najorumaar­pai; qul­liil­lu tamaasa isaan­nit al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata.’ — sarĸúmersitat 21:1-4.

22. Makititsinis­saq pil­lugu ilisimasaqaler­nerit ilin­nut qanoq sun­niuteqar­pa?

²² Biibilip ajoqersuutaata erseq­qis­sup toqusut qanoq pisar­neran­nik nalor­nis­sutit tamaasa peer­pai. Erseq­qis­sumik oqaatigineqar­poq toqu tas­saasoq ’qin­ngarsuisut’, imaluun­niit akeq­qat, suujun­naarsitas­sat nun­ngutis­saat. (1 Korintumiut 15:26) Makititsinis­samik neriuum­mik ilisiman­nin­ner­put nukit­torsaataal­lunilu tup­pal­lersaataasaqaaq! Nuan­naar­ner­pul­lu angis­saqaaq asasavut toqusimasut Guutip eq­qaamasaaniit­tut toqusunit makititaap­pata ajun­ngitsor­pas­suil­lu Jehovap asan­nitsiminut pis­samaar­titai nuan­naarutigisin­naalerlugit! (Tus­siaat 145:16) Pil­luaq­qus­sutis­sat tamak­ku Guutip naalagaaf­fia aq­qutigalugu pilersin­neqas­sap­put. Naalagaaf­fil­li taman­na qaqugu aqutsilersus­saasimava? Taman­na misis­sus­savar­put.

SUNA ILIKKARPIUK?

Inuup anersaava suua?

Toqusut qanoq pisar­nerat qanoq nas­suias­saviuk?

Kik­kut makititaas­sap­pat?

[Atuaqqissaarnermi apeqqutit]

[Qupp. 85-mi assiliartaq]

Soorlu Jesusip Lazarus ilerranit makitis­simagaa, taamatut mil­lionilik­kuutaat makititaajumaar­put

 [Qupp. 86-mi assiliartaq]

’Guutip toqu nungutip­pagu piujun­naarsivil­lugu’ nuan­naar­neq angis­saqaaq