Kapitali 19

Guutimik ilisarsinerup nunarsuaq tamakkerpagu

1, 2. Jehovap pin­ngor­titaa qanoq ilil­luni aseror­neqar­pa?

TAKORLOORUK eq­qumiitsulior­torsuup qalipak­kani kusanaqisoq ineraa. Eq­qor­tumik iliorluni ajun­ngitsorujus­suar­tut, torral­lal­luin­nak­katut, isigaa. Un­nuak­kul­li unam­mil­ler­taata sin­ngasup as­siliaq aseror­tersimavaa. Takorlooruk as­silialiani aseror­ter­neqarsimasoq takul­lugu eq­qumiitsulior­toq qanoq misigisoq. Soorunami kis­saatigaa aseror­terisoq tigusarineqas­sasoq par­naarun­neqarlunilu. Aam­malu takorloor­neqarsin­naavoq as­silialiami iluarsaan­neqarluni sior­natigutut kusanar­tigileq­qin­nis­saanut eq­qumiitsulior­tup erinisun­nera.

² Eq­qumiitsulior­torsuar­tut Jehovap nunarsuaq torral­lal­lugu suliarisimavaa inuil­lu tas­sunga najugas­sis­simal­lugit. Angut ar­narlu pin­ngor­tereeramigit nalunaarsimavoq nunarsuarmi piliani ’ilumut ajun­ngingaar­tut’. (1 Moses 1:31) Taamani Adam Evalu Guutip qitor­narai, asavaalu. Siunis­saat pil­luar­nangaar­toq takorloor­tar­paa. Satanil­li pikitsitsisip­pai, Guutil­lu suliaa kusanangaar­toq aseror­neqar­poq. Aseruinerli iluarseq­qin­neqarsin­naavoq. — 1 Moses 3:23, 24; 6:11, 12.

3. ’Inuuneq piviusoq’ sunaava?

³ Guuti aalajangersimavoq pis­sutsit tamak­ku aaq­qin­niarlugit. Qaman­nga kis­saatigaa aal­laq­qaam­mul­li siuner­tamisut inuus­sasugut. Inuuner­put sivikitsoq ajor­nar­torsiutinik ulik­kaar­toq tas­saan­ngilaq ’inuuneq piviusoq’. Jehovap uagutsin­nik aal­laq­qaam­mul­li siuner­taanit ungasil­lerujus­suarsimavugut. ’Inuuneq piviusoq’ Guutip uagutsin­nut tun­niuk­kumasaa tas­saavoq pis­sutsini naam­mal­luin­nar­tuni ’inuuneq naas­saan­ngitsoq’. — 1 Timûtiuse 6:12, 19.

4, 5. (a) Paratiisimik neriuut qanoq ilil­luni piviusun­ngor­tin­neqas­sava? (b) Sooq siunis­samut neriuuter­put eq­qarsaatigisariaqar­par­put?

 ⁴ Guuti pil­lugu ilisimasat­ta Jehovamut akisus­saas­suseqalersip­paatigut. (Jâko 4:17) Ilisimasatil­li tamak­ku atoruk­kit inuunerlu naas­saan­ngitsoq anguniagariguk­ku pil­luaq­qusaanis­satit takorluuk­kit. Oqaatsimini, Biibilimi, Jehova Guutip nunarsuarmi paratiisiusumi qanit­tuk­kut pilersin­neqar­tus­sami inuunerup qanoq is­susis­saa kusanar­tumik as­silialiarisimavaalusooq. Soorunami Jehovap in­nut­taasut Guuti kif­far­tuutin­ngilar­put akis­sarsinis­sar­put piin­narlugu. Guuti kif­far­tuup­par­put asagatsigu. (Mákorse 12:29, 30) Aam­malu Jehovap kif­far­tuun­neratigut inuunerup nalinganik naam­mas­sisaqarsin­naan­ngilagut. Inuuneq naas­saan­ngitsoq Guutimit tunis­sutaavoq. (Rûmamiut 6:23) Inuunerup taama it­tup Paratiisimil­lu neriuutip qanoq imaqar­nerat eq­qarsaatigeq­qis­saas­sagutsigu pitsaas­saaq. Eq­qaasin­neqas­saagut Jehova Guutitut qanoq it­tuusoq, ’ujarlersinilu akilerumaarai’. (Eprîarit 11:6) Neriuuter­put uagutsin­nut piviusuul­luin­nar­pat aam­malu uum­matitsigut isumatsigul­lu pigiliul­luin­narsimagutsigu Satanip silarsuaani misilin­neqar­nivut nikal­lujuil­luta atorsin­naas­savavut. — Jeremia 23:20.

⁵ Nunarsuas­sami paratiisiusumi inuunermik naas­saan­ngitsumik neriuut Biibilimik tun­ngaveqar­toq misis­sor­neroriar­tigu. Guutimik ilisarsinerup nunarsuaq tamak­ker­pagu inuul­luni qanormitaava is­sava?

HARMAGEDONIP KINGORNA — NUNARSUAQ PARATIISIUSOQ

6. Harmagedoni sunaava, inuian­nul­lu qanoq isumaqas­sava?

⁶ Soorlu paasereerip­put Jehova Guutip ungasin­ngitsuk­kut pis­sutsit aaq­qis­suus­saanerat ajor­toq man­na nungutis­savaa. Biibilimi Harmagedonimik taaneqar­toq silarsuup qanil­liar­torasuar­paa. Inuit ilaasa taaguut taman­na tusaraangamik­ku im­maqa eq­qaasar­paat inuiaat atomimik sak­kus­sianik sorsuun­neratigut ajunaar­nersuaq, eq­qarsaal­li taman­na Harmagedonimut Biibilimi eq­qar­tor­neqar­tumut at­tuumas­suteqan­ngil­luin­nar­poq. sarĸúmersitat 16:14-16-imi ersersin­neqar­poq Harmagedoni tas­saasoq ’sorsun­nis­saq Guutip Ajugaqan­ngitsup ul­lus­sarsuani piumaar­toq’. Tas­saavoq sorsun­neq ’inuit najugaata tamarmi kun­ngiinik’, tas­sa naalagaaf­fin­nik tamanik, at­tuisoq. Jehova Guutip er­nera, kun­ngi  toq­qagaq, ungasin­ngitsuk­kut sorsuk­kiar­torluni aal­las­saaq. Iner­nis­saa siumut aalajangeriigaavoq. Guutip naalagaaf­fianut akerliusut Satanil­lu aaq­qis­suus­saanut ajor­tumut ilaasut tamarmik nungutin­neqas­sap­put. Jehovamik ilumoorfigin­nit­tut kisimik aniguis­sap­put. — sarĸúmersitat 7:9, 14; 19:11-21.

7. Kristusip ukiuni tuusintini naalak­kersuinerani Satan in­ngilipiluilu sumiis­sap­pat, taman­nalu qanoq inun­nut iluaqutaas­sava?

⁷ Takorlooriaruk illit silarsuarmik al­lan­ngor­titsil­luin­nar­nermi tamatumani aniguisimasutit. Silarsuas­sami nutaami Guutip neriorsuutigisaani nunarsuarmi inuuneq qanormitaava is­sava? (2 Pîtruse 3:13) Taman­na eq­qoriar­tariaqan­ngilar­pul­luun­niit, Biibilimimi al­las­simareermat, al­laaserisal­lu tamak­kua pis­sanganar­torujus­suup­put. Nas­suiar­neqar­poq Jesus Kristusip ukiuni tuusintini naalak­kersuinerani Satan anersaapiloqataalu susin­naajun­naarsin­neqas­sasut, susin­naajun­naar­nerup itinersuanut par­naarun­neqarlutik. Anersaat ajor­tut taak­ku qoqas­siiniarsin­naajun­naarlutil­lu eq­qis­siviil­lior­titsisin­naajun­naas­sap­put, Guutimul­lu ilumuun­ngitsulior- tin­niarsarisin­naajun­naas­savaatigut. Qanoq eq­qis­sial­lan­nar­tigis­sava! — sarĸúmersitat 20:1-3.

8, 9. Silarsuas­sami nutaami nap­paatit toqulu qanoq pineqas­sap­pat?

⁸ Taamanik­kus­samut nap­paatit tamarmik peerutis­sap­put. (Jesaja 33:24) Tumar­torsimagaluit nukil­laarsimagaluil­lu nukit­tuunik peq­qis­sunil­lu nioqalerlutik nikuis­sin­naalerlutil­lu, pisus­sin­naalerlutil­lu, ar­pas­sin­naalerlutil­lu qitis­sin­naalis­sap­put. Tusilar­tut ukior­pas­suar­ni nipinik tusaasaqarsin­naanatik inuusimagaluar­tut nuan­naar­neq avatimin­niit­toq tusaasin­naalis­savaat. Tap­piitsut silarsuarmik tupin­nar­tumik qalipaatigis­saaqisumik takun­nis­sin­naalerunik qular­nan­ngitsumik nuan­naar­nerat kil­leqar­navian­ngilaq. (Jesaja 35:5, 6) Kiisami ilaqut­tamik ikin­ngutimil­lu kiinaat takusin­naalis­savaat. Isigisaat ilaan­nik­kut erser­nerlus­sisas­sagaluaruni taman­na nuan­naar­nerup qul­liinik pis­suteqaan­nas­saaq.

⁹ Takorlooriaruk! Isarus­sat ajaap­pis­sal­lu pisariaarutis­sap­put! Nakorsaatit, kigutit nakorsaat nap­parsim­maviil­luun­niit atorun­naas­sap­put! Nuan­naar­nermik piiaasunik misigis­sutsik­kut nap­paataarul­luin­nas­saaq isumak­kul­lu ar­torsaataarul­luin­nas­sal­luni. Nap­paataarutis­saaq meeraanermik aseruisunik. Utoq­qaliar­tor­tar­neq kil­lormut saas­saaq. (Job 33:25) Peq­qin­nerulerlutalu nukit­tunerulis­saagut. Un­nuami eq­qis­sil­luta sinereerluta ul­laat tamaasa iter­tas­saagut nutaanik nukis­saqalersimal­luta, kajumis­sutsimik  ulik­kaarluta ul­lormilu nutaami sulias­sat­ta nalerisimaar­nar­tup aal­lar­tin­nis­saanut pilereqaluta.

10. Harmagedonimi aniguisut sumik suliaqas­sap­pat?

¹⁰ Harmagedonimi aniguisut naam­mas­sisas­saan­nik naam­mat­torsuar­nik nuan­naar­nar­tunik sulias­saqas­saaq. Nunarsuaq paratiisin­ngor­tin­neqas­saaq. Silarsuatoq­qap mingutsitaasup malun­naatai tamarluin­narmik piiar­neqas­sap­put. Ineqarfipalaaqarfiusimasut nunal­lu aseruk­kat il­loqan­ngin­nersarsuan­ngor­tin­neqarlutil­lu naatsiivis­suan­ngor­tin­neqas­sap­put kusanar­tut. Kik­kut tamarmik najoruminar­tumik ilorrisimaar­nar­tumil­lu ineqas­sap­put. (Jesaja 65:21) Paratiiser­palaar­tun­ngorsak­kat pif­fis­sap ingerlanerani nunarsuarmut tamarmut siam­mariar­tuaarlutik naggataatigut ataasin­ngus­sap­put, taamaalil­lunilu Pin­ngor­titsisup Edenip naatsiivia pin­ngor­tik­kamiuk kusanas­sutsimut najoq­qutas­siai nunarsuaq tamak­kerlugu eq­qor­tin­neqalis­sal­lutik. Iluarsaaq­qin­nermut tamatumun­nga peqataaneq as­seqan­ngitsumik nalerisimaar­narluin­nas­saaq.

11. Siunis­sami inuit avatangiisinut uumasunul­lu qanoq at­taveqalis­sap­pat?

¹¹ Tamak­ku tamarmik avatangiisit aseror­neqaq­qunagit Guutimit siulersor­neqas­sap­put. Inuit uumasunik eq­qis­seqateqas­sap­put. Uumasunik isumaatsumik toqoraajun­naarlutik inuit nunarsuarmut akisus­saas­suseqar­tumik naalagaalis­sap­put uumasunil­lu isumas­suilerlutik. Takorlooriak­kit amaroq savalu kiisalu liivi nersus­suaararlu nereqatigiit­tut, uumasuutit nujuitsut kiisor­tunut ersisariaqaratik. Al­laat meeraaq­qat uumasunut nujuar­tanut ersisariaqas­san­ngil­lat, silarsuas­samilu nutaami eq­qis­sineq inun­nit peq­qar­niitsunit aam­mil­lu kuiserusut­tunit akor­nusersor­neqar­navian­ngilaq. (Jesaja 11:6-8) Silarsuas­saq nutaaq qanoq eq­qis­sinar­tigis­sava!

INUIT ALLANNGUSSAPPUT

12. Jesaja 11:9 qanoq ilil­luni ul­lumik­kut eq­quutilereer­pa, qanorlu ilil­luni Paratiisimi eq­quutis­sava?

¹² Jesaja 11:9-mi al­las­simavoq sooq ajor­tut nunarsuarmi tamarmi peeruk­kumaar­tut. Tas­sani ima al­las­simavoq: „[Jehovamik] ilisarsinerup nuna tamak­kerumaarmagu soorlu ermit matoq­qagaat im­map naq­qa.“ Soorunami inuit tas­sani pineqar­put, uumasum­mi ’Jehovamik ilisarsinermik’ im­mer­neqarsin­naan­ngil­lat al­lan­ngor­tin­neqarsin­naanatil­lu, an­nerusutigut malugis­sutsimin­nit eq­qarsaatigeq­qaagaan­ngitsunit aqun­neqaramik. Guutimil­li ilisarsinerup  inuit al­lan­ngor­til­luin­nar­tar­pai. Il­lit inuunin­ni Guutimik ilisarsinermik atuilersimaner­pit kingunerisaanik qular­nan­ngitsumik arlaatigut al­lan­nguereersimavutit. Inuit mil­lionilik­kuutaat aam­ma taamaalioreersimap­put. Taamaat­tumik siulit­tuut taman­na Jehovamik pal­lorfigin­nit­tut akor­nan­ni eq­quul­luni aal­lar­tereer­poq. Aam­ma siulit­tuut taman­na ul­lormik inuit nunarsuarmi tamarmi it­tut qaasoriar­tar­nermin­nik nakuuseriar­tar­nermin­nil­lu asoorus­sif­fis­saan­nik ataavar­tumil­lu eq­qis­seqatigiil­lutik inuulerfis­saan­nik siumut tik­kuus­sivoq.

13. Ilin­niar­titsineq suna nunarsuarmi ingerlan­neqas­sava?

¹³ Guutimik ilisarsinerup nunarsuaq tamak­ker­pagu nuan­nerluin­nas­saaq. Nunarsuaq tamak­kerlugu ilin­niar­titsineq kun­ngimit Jesus Kristusimit naalak­kersueqataanil­lu 144.000-init siulersor­neqar­toq aal­lar­ner­neqas­saaq. Taamanik­kus­samut ’map­persak­kat’ nutaat, qular­nan­ngitsumik tas­saasut Guutip ilitsersuus­sutai al­lan­neqarsimasut nunarsuup inuinik ajoqersuinermi tun­ngaviusus­sat, ator­neqalis­sap­put. (sarĸúmersitat 20:12) Inuit eq­qis­sineq, sorsun­neq pin­nagu, ilin­nias­savaat. Sak­kut aseruisut tamarmik nungutil­luin­nar­neqas­sap­put. (Tus­siaat 46:10) Silarsuas­sami nutaami inuusut inoqatimin­nik asan­nit­tumik ataq­qin­nit­tumil­lu pin­nin­nis­sar­tik ilin­nias­savaat.

14. Inuiaat ilaqutariit­tut ataasius­suseqaler­pata silarsuaq qanoq al­lan­ngus­sava?

¹⁴ Inuiaat tamarmik ilaqutariis­suar­tut ataasius­suseqalis­sap­put. Ataasius­sutsimut qatan­ngutigiius­sutsimul­lu as­siaqutas­saqas­san­ngilaq. (Tus­siaat 133:1-3) Matut par­naar­tariaqas­san­ngil­lat til­lin­nianik ersis­sutis­saqas­san­ngim­mat. Uum­matini tamani, angerlarsimaf­fin­ni tamani nunarsuarmilu tamarmi eq­qis­sineq atugaaner­paas­saaq. — Mika 4:4.

MAKITITSINEQ NUANNAARNARTOQ

15. Im­mik­kooqatigiit marluk kik­kut nunarsuarmut makitin­neqas­sap­pat?

¹⁵ Ukiuni tuusintini naalak­kersuinis­sap pis­sanganar­tup tamatuma ingerlanerani toqusunit makititsineqas­saaq. Guutip anersaavanut, imaluun­niit nukianut sulisumut, tamatuma siulersuineranut naam­mas­sisaanul­lu ersitsunut peq­qis­siminatik piaaralutil­lu akerlilersuinermik­kut ajor­tuliorfigin­nit­tut makititaanavian­ngil­lat. (Matîuse 23:15, 33; Eprîarit 6:4-6) Soorunami Guutip kisimi naliler­tus­saavaa kina taamatut ajor­tuliorsimanersoq. Eqimat­tal­li  im­mik­kuul­laris­sut marluk makitin­neqas­sap­put, tas­sa ’iluar­tut iluaatsul­lu’. (apustilit suliait 24:15) Torersumik aaq­qis­suus­sineq atuutis­sam­mat ingasaas­sinerus­san­ngilaq isumaqas­sal­luni nunarsuarmut makitin­neqar­tut siul­liit tas­saajumaar­tut iluar­tut, tas­sa aalajaal­lutik Jehovamut kif­far­torsimasut. — Eprîarit 11:35-39.

16. (a) ’Iluar­tunut’ nunarsuarmi makititaasus­sanut kik­kut ilaap­pat? (b) Up­per­tut itsaq inuusimasut kik­kut naapin­nis­saat qilanaaraajuk, sooq?

¹⁶ Sorsun­ner­nik, ajunaar­nersuar­nik toqusunil­lu nutaarsias­sat pin­nagit Jehovap in­nut­tai toqusunit makit­tut pil­lugit nutaarsias­sanik nuan­ningaar­tunik tusarler­neqar­tas­sap­put. Angutit ar­nal­lu aalajaatsut, soorlu Abel, Enok, Noa, Abraham, Sara, Job, Moses, Rahab, Rut, Ester, David Eliasilu, makit­tut tusas­sal­lugit pis­sanganas­saqaaq. Oqalut­tuarisaanermi paasis­sutis­sar­pas­suar­nik an­nikitsualup­pas­suar­nil­lu pis­sanganar­tunik Biibilimi oqalut­tuanut ilisimasatsin­nut tun­ngasunik taak­kua tusarlersin­naas­savaatigut. Qular­nan­ngitsumik aam­ma taak­ku nalitsin­nilu toqusimasut al­lat pis­san­ngatigis­saqaat tusas­sal­lugu Satanip aaq­qis­suus­saanera qanoq ilil­luni peer­neqarsimasoq Jehoval­lu qanoq ilil­luni aq­qi il­ler­nar­tis­simagaa kisimilu oqar­tus­saanini aalajangius­simagaa.

17. Aalajaatsut makititaasunut al­lanut qanoq ikiuutaal­luas­sap­pat?

¹⁷ Aalajaatsut tamak­ku makititsif­fiup im­mik­koor­tuani tul­liut­tumi ikiuutaal­luas­sap­put, tas­sa ’iluaatsut’ mil­liardilik­kuutaat toqup kalun­nerinil­lusooq aniguisior­tor­neqaler­pata. Taak­kua amerlanersaat Jehovamik ilin­niar­nis­samin­nik periarfis­saqarsiman­ngisaan­nar­put, Satanimit ’isumamik­kut tap­piil­lisin­neqaq­qasimagamik’. (2 Korintumiut 4:4) Diaavulul­li piliai suujun­naarsin­neqas­sap­put. ’Iluaatsut’ nunarsuarmi alianaaqisumi eq­qis­sineqarfiusumilu uum­mar­teq­qin­neqas­sap­put. Inuian­nit aaq­qis­suul­luagaasunit tikil­luaq­quneqarlutil­lu Jehova kun­ngiutitaalu, Jesus Kristus, pil­lugit ilin­niar­tin­neqas­sap­put. Toqusunit makititaasimasut mil­liardilik­kuutaat Pin­ngor­titsisimin­nik ilisarsinerujar­tuin­nar­til­lugit taas­sumun­ngalu asan­nin­nerat an­nerujar­tuin­nar­til­lugu nunarsuaq Jehovamik ilisarsinermik aatsaat taama an­ner­tutigisumik ulik­kaariar­tuaas­saaq.

18. Makititaasunik nunarsuarmi inuunermut tikil­luaq­qusineq qanoq is­sasoraajuk?

¹⁸ Toqusunik makititsineq nuan­naar­nermik kil­leqan­ngitsumik  nas­sataqas­saaq. Kinami akerar­put toqu pisuul­luni naal­liut­tariaqarsiman­ngila? Kina nap­paat, utoq­qalineq, ajunaar­neq nakuuser­nerluun­niit pis­sutigalugu asan­nin­nerup ikin­ngutigiin­nerul­luun­niit nimiata kipitin­neqar­nerani aliasun­nermik an­ner­tuumik misigisaqarsiman­ngila? Taamaat­tumik takorlooruk qanoq nuan­naar­neq angitigis­sasoq inup­pas­suit Paratiisimi im­min­nut takoq­qiler­pata! Anaanat ataatal­lu, er­nerit paniil­lu, ikin­ngutit qanigisal­lu nuan­naaqalutik eqitaas­sap­put nuan­naar­nerul­lu piinik qis­sal­lutik!

KIISAMI NAAMMALLUINNAR­TUN­NGUSSAAGUT!

19. Ukiuni tuusintini naalak­kersuinerup ingerlanerani tupin­nar­tuliaq as­seqan­ngitsoq suna pis­sava?

¹⁹ Ukiuni tuusintini naalak­kersuinermi tupin­nar­tuliamik as­seqan­ngitsumik pisoqas­saaq. Im­maqa taman­na Kristusip ukiuni tuusintini naalak­kersuinerani pis­sanganar­nersaas­saaq. Jehovap er­nini pil­liutip uter­titsis­sutaasup iluaqutis­sar­taanik angutinut ar­nanul­lu aalajaal­lutil­lu naalat­tunut tamanut atuisilis­savaa. Taamaalil­lunilu ajor­ti tamarmi peer­neqas­saaq inuiaal­lu naam­mal­luin­nas­suseq angus­savaat. — 1 Juánase 2:2; sarĸúmersitat 21:1-4.

20. (a) Naam­mal­luin­nar­tun­ngor­neq sunik nas­sataqas­sava? (b) Harmagedonimi aniguisut makititaasul­lu qaqugu iluamik oqaatigalugu uum­mas­sap­pat?

²⁰ Naam­mal­luin­nar­tun­ngor­neq qanoq paasisariaqar­pa? Adamip Eval­lu Jehova Guutimut ajor­tuliun­ngin­nermin­ni inuunerisimasaat­tut inuuler­neq. Timik­kut, sianis­sutsik­kut, misigis­sutsik­kut, ileq­qus­satigut, anersaak­kut, aap, sutigut tamatigut inuit naam­mal­luin­nar­tut Guutip najoq­qutas­siaanut naaper­tuut­tun­ngus­sap­put. Imali isumaqar­pa inuit tamarmik as­sigiilis­sasut? Naamerluin­naq. Jehovap pin­ngor­titaasa — or­piit, naasut uumasul­lu — takutip­paat as­sigiin­ngiiaas­sutsimik nuan­narisaqar­tuusoq. Inuit naam­mal­luin­nar­tut inut­tut pis­sutsimik­kut pigin­naas­sutsimik­kul­lu as­sigiin­ngitsuus­sap­put. Guutip aal­laq­qaataanili kis­saatigisaatut inuunermik nuan­naarutigin­nis­sap­put. *

21. (a) Kristusip ukiuni tuusintini naalak­kersuinerata naanerani qanoq pisoqas­sava? (b) Satan taas­sumun­ngalu ililiut­tut tamarmik naggataatigut qanoq pineqas­sap­pat?

 ²¹ Inuit naam­mal­luin­nar­tut inaarutaasumik misilin­neqas­sap­put. Ukiut tuusintit qaangiup­pata Satan in­ngilipiluilu itinersuarmit sivikitsumik iperagaas­sap­put inuil­lu Jehovamik tunus­sitin­niar­nis­saan­nut naggataamik periarfis­sin­neqas­sal­lutik. Ilaasa kis­saatigisatik eq­qun­ngitsut Guutimut asan­nin­nermit sal­liutilis­savaat, pikitsitsinerli taman­na unitsin­neqas­saaq. Inuit nam­minis­sarsior­tut taama it­tut Satanimut in­ngilipiluinul­lu ilan­ngul­lugit Jehovap nungutis­savai. Tamatuma kingor­na ajor­tulior­tut tamarmik naas­saan­ngitsus­samut peerutis­sap­put! — sarĸúmersitat 20:7-10.

QANOQ ILIUSSAVIT?

22. Paratiisimi sulerinis­sat qilanaaraajuk?

²² Taava Jehovamik asan­nit­tut nunarsuarmi paratiisiusumi inuusut naas­saan­ngitsumut siumut isigisin­naalis­sap­put. Taman­na nuan­naar­nermik qanoq atsigisumik nas­sataqarumaar­nersoq takorloorsin­naagunan­ngilar­put, nam­minerli misiginis­saanut periarfis­saqar­putit. Nipilersuk­kat, eq­qumiitsulior­neq as­sas­sor­nerlu eq­qarsaatigalugit inuit naam­mal­luin­nar­tut silarsuatoq­qami kak­kan­ner­paasimasut piliarisimasaat kusanar­ner­paat akimungaarlugit naam­mas­sisaqar­tas­sap­put! Inuim­mi naam­mal­luin­nar­tuus­sap­put kil­leqan­ngitsumil­lu siunermin­ni pif­fis­saqas­sal­lutik. Il­lit naam­mal­luin­nar­tun­ngoruit sunik naam­mas­sisaqarsin­naalerumaar­nerlutit takorlooriaruk. Aam­ma takorlooriaruk il­lit inoqatitil­lu Jehovap pin­ngor­titarsui — silaan­narsuarmi ul­loriaqatigiip­pas­suar­nit sananeqaatsit min­ner­paar­taat tikil­lugit — pil­lugit qanoq paasisaqar­tigilersin­naanis­sarsi. Inuit naam­mas­sisaat tamarmik Ataatatsin­nut qilam­miusumut asan­nit­tumut, Jehovamut, nuan­naarutaal­luin­nas­sap­put. — Tus­siaat 150:1-6.

23. Sooq Paratiisimi inuuneq qatsun­narsin­ngisaan­nas­sava?

²³ Taamanik­kus­samut inuuneq qatsun­nar­tun­ngor­navian­ngilaq. Soqutiginar­nerujar­tuin­nas­saaq. Guutimim­mi ilisarsineq naaf­feqan­ngilaq. (Rûmamiut 11:33) Naas­saan­ngitsus­samut ilik­kagas­saqar­tuaan­nas­saaq paasiniagas­saqar­tuaan­nas­sal­lunilu.  (Nalunaajaasup oqaasii 3:11) Jehovalu pil­lugu ilik­kagaqar­nerujar­tuin­nar­til­lutit inuujuaan­nas­saatit, ukiualun­niin­naan­ngitsoq naas­saan­ngitsumil­li! — Tus­siaat 22:27.

24, 25. Sooq Guutimik ilisarsineq naaper­torlugu maan­nangaaq inuulereer­tariaqar­pa?

²⁴ Nunarsuarmi paratiisiusumi siunis­saq taama it­toq pil­lugu pil­liutis­sat tamarmik im­min­nut akilersin­naas­saner­pat? Soorunami. Jehovap matuersaam­mik siunis­samik taama it­tumik angusinis­samut pisariaqar­tumik isaas­sif­figisimavaatigut, tas­sa Guutimik ilisarsinermik. Il­lit taman­na atorusup­piuk?

²⁵ Jehova asaguk­ku taas­suma piumasaanik ilior­nik­kut nuan­naarutis­sarsisas­saatit. (1 Juánase 5:3) Aq­qutik­kut tas­suunak­kut ingerlaguit pil­luaq­qusaaner­nik an­ner­tuunik misigisaqar­tas­saatit. Aam­ma Guuti pil­lugu ilisimasatit atoruk­kit silarsuarmi ajor­nar­torsiorfioqisumi maani pil­luar­nerulis­saatit. Kiisalu siunis­sami akis­sarsias­saq angisoorujus­suuvoq, ilisarsinermi inuunermut naas­saan­ngitsumut sam­misoq pineqar­poq. Iliuuseqaler­nis­samut maan­na pif­fis­saavoq. Guutimik ilisarsineq naaper­torlugu inuunis­sat aalajangiuguk. Jehovamik asan­nin­nerit takutiguk. Aq­qa il­ler­nar­toq ataq­qinar­tiguk takutil­lugulu Satan sal­lutuujusoq. Taamaalil­lutit Jehova Guutip, ilisimas­sutip ilisarsinerul­lu piviusut pilerfiata, uum­mataa angingaar­toq asan­ningaar­torlu nuan­naar­tis­savat. (Jeremia 31:3; Sefanja 3:17) Akil­lutit naas­saan­ngitsumik asas­savaatit!

[Quppernerup ataani ilanngussaq]

SUNA ILIKKARPIUK?

’Inuuneq piviusoq’ sunaava?

Harmagedonip kingor­na nunarsuarmi susoqas­sava?

Kik­kut nunarsuarmi inuunermut makititaas­sap­pat?

Qanoq ilil­luni inuiaat naam­mal­luin­nar­tun­ngor­tin­neqas­sap­pat naggataatigul­lu misilin­neqarlutik?

Paratiisimut atatil­lugu suna neriugisaraajuk?

[Atuaqqissaarnermi apeqqutit]

 [Qupp. 188, 189-mi assiliartaq]

 Paratiisimi Guutimik ilisarsinerup nunarsuarmi tamarmi atuuf­figisaani inuuler­nis­sat neriugisaraajuk?