Kapitali 10

Guutip naalagaaffia aqutsivoq!

1, 2. Qanoq ilil­luni ersersimava inuit naalak­kersuisui naam­man­ngitsumik pigin­naaneqar­tut?

OQAR­TA ator­toris­saarum­mik pisisutit paasil­luguli atorsin­naan­ngitsoq. Iluarsaas­sisar­tumukaap­pat iluarsitil­lugulu. Sivitsun­ngitsorli ator­toris­saarutit aseroq­qip­poq. Ajja, nukil­lalaar­naq!

² Inuit naalak­kersuineri eq­qarsaatigalugit taamatut ip­poq. Inuit eq­qis­sinermik pil­luar­nermil­lu qulak­keerisunik naalak­kersuisoqar­nis­sar­tik kis­saatigiuaan­narsimavaat. Inuiaqatigiil­li ajalusooraangata ’iluarsaan­niarlugit’ an­ner­tuumik ilungersuuteqar­nerit iluatsitsif­fiuneq ajor­put. Oqalut­tuarisaanerup ingerlanerani eq­qis­sinis­samik isumaqatigiis­suter­pas­suit atsioqatigiis­sutigineqar­tarsimap­put — kingor­nali maangaan­nar­tin­neqar­tarsimal­lutik. Aam­malu naalak­kersuisut kik­kut piitsuus­sutsimik, paqumisun­nermik, pinerlun­ner­nik, nap­paatinik pin­ngor­titamil­lu aseror­terinermik nungutitsisin­naasimap­pat? Inuit naalak­kersuineri iluarsineqarsin­naan­ngil­lat. Taman­na tupaal­lan­nan­ngilaq, Israelimimi kun­ngi Salomon ima aperisimavoq: „Inuup ingerlavis­sani qanoq ilil­luni paasisimasin­naavaa?“ — Us­satit 20:24.

3. (a) Jesusip pingaar­nerutil­lugu suna oqaluus­sis­sutigisimavaa? (b) Inuit ilaasa Guutip naalagaaf­fia qanoq nas­suiar­tar­paat?

³ Isumatsaqinal­li! Silarsuarmut naalak­kersuineq aalajaatsoq sin­nat­tuin­naan­ngilaq. Taman­na Jesusip oqaluus­sinerani pingaar­nersaasimavoq. Naalak­kersuineq taman­na taas­suma taasimavaa ’Guutip naalagaaf­fianik’, malitsinilu naalagaaf­fiup tamatuma qin­nutiginis­saanik ilin­niar­tis­simavai. (Lúkarse 11:2; 21:31) Guutip naalagaaf­fia up­perisarsior­tut akor­nan­ni eq­qaaneqar­tar­poq. Ilami ul­lut tamaasa taaneqar­tuar­tar­poq Jesusip qinunermut ilitsersuusiaa (aam­ma „Ataatar­pooq“-mik taaneqar­tar­toq) uteqat­taar­neqaraangat. Guutil­li naalagaaf­fia sunaanersoq aperineqaraangamik inuit akis­sutaat as­sigiin­ngitsor­pas­suusar­put. Ilaat  oqar­tar­put Guutip naalagaaf­fia uum­matitsin­niit­toq. Ilaasa tas­saanerar­tar­paat qilak. Soorluli takus­sagip­put taman­na Biibilimi erseq­qis­sumik akineqar­poq.

Naalagaaffik siunertalik

4, 5. Sooq Jehova aalajanger­pa kisimi oqar­tus­saas­sutsi nutaamik iliuuseqarluni takutin­niarlugu, taamaalil­lunilu suna naam­mas­sineqas­sava?

⁴ Jehova Guuti qilam­mut nunarsuarmul­lu kun­ngiujuaan­narsimavoq, imaluun­niit kisimi oqar­tus­saajuaan­narsimavoq. Tamanik pin­ngor­titsisuunerata tamanit qutsin­ner­paan­ngor­tip­paa. (1 Israelik­kut 29:11; Tus­siaat 103:19; apustilit suliait 4:24) Naalagaaf­fil­li Jesusip oqaluus­sis­sutigisimasaa Guutip kisimi oqar­tus­saas­susianit atsin­neruvoq. Naalagaaf­fik Mes­siasik­koor­toq taman­na im­mik­kut it­tumik siuner­taqar­poq. Sumik?

⁵ Soorlu atuak­kami matumani siusin­nerusuk­kut nas­suiar­neqar­toq inuit aap­pariit siul­liit Guutip oqar­tus­saas­susianut pikitsitsisimap­put. Apeq­qutit pilersin­neqar­tut pis­sutigalugit Jehova aalajanger­poq nutaamik iliuuseqarluni oqar­tus­saas­sutsini takutin­niarlugu. Guuti ingerlaan­naq nalunaar­poq „kinguaas­saq“ pulateriaarsum­mik, Satanimik, aseruisus­saq ajor­til­lu inuiaat kingor­nus­saata kingunipiluinik aaq­qiisus­saq pilersik­kumaarlugu. ’Kinguaas­sap’ pingaar­nersaa tas­saavoq Jesus Kristus, ’Guutil­lu naalagaaf­fia’ Satanip nikanarsagaal­luni ajorsar­titaanis­saanut ator­tus­saavoq. Naalagaaf­fik taman­na ikior­tigalugu Jesus Kristusip Jehovap aq­qani nunarsuarmut naalagaas­suseq pilerseq­qis­savaa Jehoval­lu kisimi oqar­tus­saas­susivia naas­saan­ngitsumut atasus­samik aalajangiutis­sal­lugu. — 1 Moses 3:15; Tus­siaat 2:2-9.

6, 7. (a) Guutip naalagaaf­fia sumiip­pa, kinalu kun­ngiua kik­kul­lu naalak­kersueqatigis­savaat? (b) Guutip naalagaaf­fianut kik­kut in­nut­taap­pat?

⁶ Jesusip farisiiarinut oqaasii Biibilimi kalaal­lisuun­ngor­titami ima is­suar­neqar­put: ’Guutip naalagaaf­fia ilus­sin­niip­poq.’ (Lúkarse 17:21) Jesus isumaqar­pa Guutip naalagaaf­fia inuit peq­quserlut­tut taak­kua uum­mataan­niit­toq? Naamik. Al­las­simaq­qaataa griikerisooq eq­qor­nerusumik nutserlugu imaap­poq: „Guutip naalagaaf­fia akornassinniippoq.“ (Ny Verden-nutsigaq) Taamaalil­luni Jesus taak­kua akor­nan­niil­luni siunis­sami kun­ngiusus­satut im­minut in­nersuus­sutigivoq. Guutip naalagaaf­fia inuit uum­mataan­niin­ngil­luin­narluni tas­saavoq naalak­kersuineq piviusoq naalak­kersuisulik aam­ma in­nut­talik. Tas­saavoq qilam­mi  naalak­kersuineq, tas­saanerar­neqar­pormi ’qilam­miup naalagaaf­fia’ aam­ma ’Guutip naalagaaf­fia’. (Matîuse 13:11; Lúkarse 8:10) Pruf­fiitip Danielip takorruuisitaal­luni takusimavaa naalagaasoq „Inuup Er­neratut isik­koqar­toq“ Guutip ajugaqan­ngitsup saavanut sas­sar­tin­neqar­toq, tunineqar­torlu ’pis­saanermik naalan­naam­mil­lu naalagaas­sutsimil­lu, inuiaal­lu, naggueqatigiit im­mik­kul­lu oqaasil­lit tamarmik kif­far­torfigis­sagaat’. (Daniel 7:13, 14) Kun­ngi taan­na kinaana? Jesus Kristus Biibilimi ’inuup er­neranik’ taaneqar­poq. (Matîuse 12:40; Lúkarse 17:26) Aap, Jehovap er­nini, Jesus Kristus, kun­ngiusus­satut toq­qarsimavaa.

⁷ Jesus kisimiil­luni naalak­kersuin­ngilaq. 144.000-it ’nunamit pisiaasut’ kun­ngioqatigalugulu palasioqatigis­savaat. (sarĸúmersitat 5:9, 10; 14:1, 3; Lúkarse 22:28-30) Guutip naalagaaf­fianut in­nut­taas­sap­put inuit nunarsuaq tamak­kerlugu ilaqutariis­suar­tut it­tut Kristusip siulersuineranut naalatsigitit­tut. (Tus­siaat 72:7, 8) Qanorli ilil­luta qularin­ngis­sin­naavar­put naalagaaf­fiup tamatuma Guutip kisimi oqar­tus­saanera aalajangiul­luin­narumaaraa nunarsuatsin­nilu pis­sutsit paratiiser­palaar­tut pilerseq­qik­kumaarai?

Guutip naalagaaffia piviusuuvoq

8, 9. (a) Guutip naalagaaf­fiata neriorsuutaasa tatiginas­susiat sumut as­sersuun­neqarsin­naava? (b) Sooq Guutip naalagaaf­fiata piviusuunera qularin­ngis­sin­naavar­put?

⁸ Takorlooruk il­lut ikual­lat­toq, pigisatil­lu tamaasa an­naagitit. Taava ikin­ngutivit pisin­naasup neriorsor­paatit il­luit sanaq­qin­nis­saanut ikior­niarlutit ilaqut­tatil­lu nerisas­saan­nik isumaginiarlugit. Ikin­ngutivit taas­suma sal­lul­luni oqaluf­figin­ngisaan­narsimap­patit neriorsuutaa taman­na soorunami up­peris­sagaluar­pat, ilaa? Aqaguani sulereerlutit angerlaravit ikual­lan­nikumik saliil­lutik aal­lar­tereersimasut naam­mat­toor­patit, ilaqut­tatil­lu nerisas­saan­nik isumagineqareersimap­put. Taava qularutis­saarul­luin­nar­putit suut tamarmik iluarseq­qik­kumaar­tut al­laal­lu pitsaanerulerumaar­tut.

⁹ Taamatut­taaq Naalagaaf­fiup piviusuuneranik Jehovap qularun­naarutis­sip­paatigut. Soorlu Biibilimi Eprîarinut agdlagkat-ni takutin­neqar­toq Mosesip inatsisaasa im­mik­koor­tuisa ilar­pas­sui Naalagaaf­fim­mut siumut tik­kuus­sisuup­put. (Eprîarit 10:1) Aam­ma itsaq nunarsuarmi naalagaaf­fik Israel Guutip naalagaaf­fianut arlalitsigut siumut tik­kuar­tuisuuvoq. Naalagaaf­fik taman­na  nalingin­naasuusiman­ngilaq, kun­ngiusum­mi ’Jehovap kun­ngimut is­siavis­saarsuarititaaniit­tarsimap­put’. (1 Israelik­kut 29:23) Man­nalu siulit­tuutigineqarsimavoq: „Piis­san­ngilaq Judamit kun­ngip tigumiaa naalagaas­susermul­luun­niit nalunaaqut isigaasa akor­nan­nit tikiutserlugu naalagaasus­saq — taan­na inuiaat naalas­savaat!“ (1 Moses 49:10) * Aap, Jesus, naas­saan­ngitsumik kun­ngiusus­saq, Judap kinguaavisigut inun­ngor­tus­saasimavoq. — Lúkarse 1:32, 33.

10. (a) Guutip naalagaaf­fia Mes­siasik­koor­toq qanga tun­ngaviler­neqar­pa? (b) Suliaq pingaar­toq suna Jesusip naalak­kersueqatis­saasa nunarsuarmi siut­tuuf­figaat?

¹⁰ Guutip naalagaaf­fia Mes­siasik­koor­toq Jesusip apustiliinik toq­qaanik­kut tun­ngaviler­neqar­poq. (Evfisumiut 2:19, 20; sarĸúmersitat 21:14) Taak­ku 144.000-ini siul­lersaal­lutik Jesus Kristusimut kun­ngioqataasus­satut toq­qar­neqar­put. Naalak­kersueqataasus­sat taak­ku nunarsuarmiin­nermin­ni Jesusip peq­qus­sutaa man­na maleruarlugu oqaluus­sinermi siut­tuusus­saasimap­put: ’Aal­laritsi, . . . inuiaqatigiil­lu tamaasa ajoqersugan­ngor­tis­sigik Ataatap Er­nerul­lu anersaal­lu il­ler­nar­tup aq­qanut kuil­lugit.’ — Matîuse 28:19.

11. Ul­lumik­kut Guutip naalagaaf­fianik oqaluus­sis­sutigin­nin­neq qanoq suliarineqar­pa, taamaalil­lunilu suna naam­mas­sineqar­pa?

¹¹ Ajoqersugan­ngor­titsior­tor­nis­samik peq­qus­sut taman­na sior­natigut naleqan­ngisaan­nar­tumik an­netus­susilim­mik ul­lumik­kut ingerlan­neqar­poq. Jehovap Nalunaajaasuisa nunarsuaq tamak­kerlugu Naalagaaf­fik pil­lugu nutaarsias­saq nuan­nersoq oqaluus­sis­sutigaat, Jesusip oqaasii siulit­tuutaasut uku naaper­torlugit: ’Naalagaaf­fim­mil­lu iivangkiiliu taman­na oqaluus­sis­sutigineqas­savoq inuit najugaan­ni tamarsuarmi inuiaqatigiit tamarmik nalujun­naarutis­saan­nik; taavalu naggatis­saq nal­lius­savoq.’ (Matîuse 24:14) Oqaluus­sis­sutigin­nin­nermi tamatumani ilin­niar­titsinersuaq ingerlan­neqar­poq. Guutip naalagaaf­fiata inatsisaanut najoq­qutas­siaanul­lu naalatsigitit­tut eq­qis­sineq ataasius­suserlu inuit naalak­kersuisuisa angusin­naan­ngisaat maan­nangaaq  misigisalereer­paat. Tamak­kua tamarmik Guutip naalagaaf­fiata ilumut piviusuuneranut up­per­narsaatis­saal­luar­put.

12. (a) Sooq naleq­qup­pa Guutip naalagaaf­fianik oqaluus­sis­sutigin­nit­tar­tut Jehovap nalunaajaasuinik taaguuteqarmata? (b) Guutip naalagaaf­fia inuit naalak­kersuisuinit qanoq al­laanerus­suteqar­pa?

¹² Naleq­qul­luaqaaq Naalagaaf­fim­mik oqaluus­sis­sutigin­nit­tut Jehovap nalunaajaasuinik taaguuteqarmata. Jehovap Israelik­kut ima oqarfigisimavai: „Uanga ilis­si [nalunaajaasigaas­si, NV], . . . kif­faralusilu qinersimasak­ka.“ (Jesaja 43:10-12) Jesus, ’nalunaajaasoq ilumoor­toq’, Guutip naalagaaf­fianik nutaarsias­samik nuan­nersumik ilungersuus­sil­luni oqaluus­sis­sutigin­nis­simavoq.  (sarĸúmersitat 1:5; Matîuse 4:17) Taamaat­tumik naleq­qul­luar­poq ul­lumik­kut Guutip naalagaaf­fianik oqaluus­sis­sutigin­nit­tar­tut Guutimeersumik taaguuteqarmata, tas­saasumik Jehovap nalunaajaasui. Soorli nalunaajaasut Guutip naalagaaf­fianik al­lanut oqaluus­sis­sutigin­nin­nermut pif­fis­saq taama an­ner­tutigisoq ator­tar­paat? Taamaalior­tar­put Guutip naalagaaf­fia inuiaat neriuutis­satuarim­mas­suk. Inuit naalak­kersuisui siusin­nerusuk­kut kingusin­nerusuk­kul­luun­niit ajalusoor­tar­put, Guutil­li naalagaaf­fia naas­saan­ngitsumik atas­saaq. Naalagaaf­fiup tamatuma siut­tua, Jesus, Jesaja 9:6, 7-imi ’Naalak­kamik eq­qis­sisitsisumik’ taaneqar­poq, nangil­lunilu ima al­las­simavoq: „Naalagaaf­fia angis­saqaaq eq­qis­sinerlu ataavas­sal­luni.“ Guutip naalagaaf­fia inuit naalak­kersuisuisut in­ngilaq — inuit naalak­kersuisui imaalial­laan­naq up­pititaasaramik. Daniel 2:44-mi ima al­las­simavoq: „Guutip qilam­miusup naalagaaf­fik qaqugumul­luun­niit atasus­saq pilersik­kumaar­paa, kingor­nalu inuiaat al­lat naalagaaf­fim­mik pilersitsisin­naas­san­ngil­lat . . . soraajuitsumik atas­saaq.“

13. (a) Ajor­nar­torsiutit soorlu suut Guutip naalagaaf­fiata iluatsil­luar­tumik aaq­qis­savai? (b) Sooq qularin­ngis­sin­naavar­put Guutip neriorsuutai eq­quuk­kumaar­tut?

¹³ Inun­nik naalak­kersuisoqar­ner­pa sorsun­ner­nik, pinerlun­ner­nik, nap­paatinik, kaan­nersuarmik angerlarsimaf­fis­saaleqinermil­lu nungutitsisin­naasunik? Nunarsuarmilu naalak­kersuisoqar­ner­pa toqusunik makititsisin­naasunik? Guutip naalagaaf­fia kun­ngialu tamak­kunin­nga tamanik aaq­qiis­sap­put. Guutip naalagaaf­fiata as­sigis­san­ngilaa ator­toris­saarut ajoqutilik iluarsaan­neqar­tuar­tariaqar­toq. Aap, Guutip naalagaaf­fia sutigut tamatigut iluatsitsisas­saaq, Jehovami ima neriorsuivoq: „Taama ip­poq oqaasera qanin­nit anisoq: Susaarluni uan­nut utis­san­ngilaq, kisian­ni suliareq­qusak­ka suliaris­savai naam­mas­seq­qusak­kalu naam­mas­sis­sal­lugit.“ (Jesaja 55:11) Guutip siuner­taa eq­quutin­ngitsoor­navian­ngilaq. Kisian­ni Naalagaaf­fik taman­na qaqugu aqutsilersus­saasimava?

Naalagaaffik qanga aqutsilerpa?

14. Guutip naalagaaf­fia eq­qarsaatigalugu Jesusip ajoqersugai qanoq paasinerluisimap­pat, Jesusil­li naalak­kersuinis­saminut atatil­lugu suna nalun­ngilaa?

¹⁴ ’Naalagaq, taamaalisuk­kut naalagaaf­fik Israelik­kun­nut kingumut iluarsisis­saviuk?’ Jesusip ajoqersugaasa apeq­qutaata tamatuma paasinarsitip­paa Guutip naalagaaf­fianik siuner­taasoq  qaqugulu aqutsiler­nis­saa paasisiman­ngik­kaat. Tamatumin­nga isumakuluutigin­nip­pal­laaq­qunagit Jesusip ima oqarfigai: ’Ilis­sin­nut nalunaariaqan­ngilaq qaquguluun­niit qanoq ilisuk­kul­luun­niit pis­sasoq, Ataatap pis­saanermigut aalajangeriigaa.’ Jesusip nalun­ngilaa nunarsuarmut naalak­kersuiler­nis­sani aatsaat siunis­sami ungasis­sumi piumaar­toq, makititaanermi qilaliar­nermilu kingunerujus­suatigut. (apustilit suliait 1:6-11; Lúkarse 19:11, 12, 15) Taman­na Al­lak­kani Hebriiarisuuni siulit­tuutigineqarsimavoq. Qanoq?

15. Jesusip naalak­kersuilerfis­saa pil­lugu Tus­siaat 110:1-imi Ny Verden-nutsigaq naaper­torlugu qanoq paasis­sutis­sin­neqar­pugut?

¹⁵ Siulit­tuutaasumik Jesus ’Naalak­kamik’ taal­lugu kun­ngi David ima oqarsimavoq: ’Jehova naalak­kan­nut oqar­poq: „Taler­pim­ma tungaanut ingik­kal­laat qin­ngarsor­titit isik­kan­nut tum­magas­san­ngor­titserlugit.“’ (Tus­siaat 110:1, NV; naleq­qiuguk apustilit suliánik agdlagkat 2:34-36.) Siulit­tuutip tamatuma takutip­paa Jesus qilaliar­nermini ingerlaan­naq kun­ngin­ngor­tus­saan­ngitsoq. Guutil­li taler­piata tungaani utaq­qisus­saasimavoq. (Eprîarit 10:12, 13) Qanoq sivisutigisumik utaq­qisus­saasimagami? Qaqugulu naalak­kersuilersus­saasimagami? Apeq­qutit tamak­ku Biibilimi akis­sutis­saqar­put.

16. Ukiumi 607-imi u.n.s. qanoq pisoqar­pa, taman­nalu qanoq ilil­luni Guutip naalagaaf­fianut at­tuumas­suteqar­pa?

¹⁶ Biibili naaper­torlugu Jerusalem nunarsuarmi il­loqarfin­ni kisiar­taal­luni Jehovap aterminut atas­susersimavaa. (1 Kun­ngit 11:36) Aam­ma il­loqarfik taman­na nunarsuarmi naalagaaf­fim­mut Guutip akuerisaanut, Guutip qilam­mi naalagaaf­fianut as­sersuutaasumut, angerlarsimaf­fiusimavoq. Taamaat­tumik ukiumi 607-imi u.n.s. Jerusalemip Babylonimiunit aseror­neqar­nera as­sut maluginiar­nar­tuuvoq. Pisoq taman­na aal­lar­nerfigalugu Guuti nunarsuarmi in­nut­taminut toq­qaan­nar­tumik aqutsiun­naaral­lar­poq. Ukiut 600-t mis­saan­niit­tut tamatuma kingor­na Jesusip ersersip­paa pif­fis­saq taman­na suli qaangius­siman­ngitsoq, ima oqarami: ’Jerusalem Guutimik nalusut tul­laaris­savaat Guutimik nalusut ul­lus­saat naam­matsitserlugit.’ — Lúkarse 21:24.

17. (a) ’Guutimik nalusut ul­lus­saat’ suup­pat, qanorlu sivisutigip­pat? (b) ’Guutimik nalusut ul­lus­saat’ qanga aal­lar­tip­pat, qangalu naap­pat?

¹⁷ ’Guutimik nalusut ul­lus­saasa’ ingerlaneran­ni silarsuarmi naalak­kersuisut naalak­kersuinermut Guutimit akuerisaasumut taarsiul­lugit  atuun­nerat akuerineqaral­lar­poq. Ukiut tamak­ku 607-imi u.n.s. Jerusalemip aseror­neqar­nerani aal­lar­tip­put. ’Guutimik nalusut ul­lus­saat’ qanoq sivisutigigamik? Danielil­lu ersersip­paa pif­fis­sap tamatuma sivisus­susia tas­saasoq biibili kalaal­lisuun­ngor­titaq qanganisaq naaper­torlugu ’ul­lut kaajal­lan­neri arfineq-marluk’. (Dâniale 4:23-25) Tas­sa qanoq? Biibilimi oqaatigineqar­poq ’ul­lut kaajal­lan­neri’ pingasut af­farlu tas­saasut ul­lut 1260-it. (sarĸúmersitat 12:6, 14) Marloriaraan­ni, imaluun­niit ul­lut kaajal­lan­neri arfineq-marluk, tas­saap­put 2520-it. Ul­luiil­li taama amerlatigisut qaangium­mata im­mik­kut it­tumik pisoqan­ngilaq. Danielip siulit­tuutaanut ’ul­loq ataaseq ukiumik ataatsimik naleqar­tik­kutsigu’ ukiul­lu 2520-it 607-imit u.n.s. siumut kisik­kutsigik ukioq 1914 u.n.k. tikis­savar­put. — 4 Moses 14:34; Hesekiel 4:6.

18. Jesus kun­ngin­ngor­nermi kingunitsian­ngua sua, taman­nalu nunarsuarmut qanoq sun­niuteqar­pa?

¹⁸ Tas­sa imaap­pa Jesus 1914-imi naalak­kersuilersimasoq? Taamaan­neranut Biibilimi up­per­narsaatis­sat kapitalimi tul­liut­tumi sam­mineqas­sap­put. Soorunami Jesus naalak­kersuilermat ingerlaan­naq nunarsuarmi eq­qis­sineqar­tus­saasiman­ngilaq. sarĸúmersitat 12:7-12-imi ersersin­neqar­poq Jesusip kun­ngin­ngor­titaanermi kingunitsian­ngua Satan in­ngilipiluilu qilam­mit igik­kai. Taman­na naal­liun­nar­tunik nunarsuarmut kinguneqar­poq, tup­pal­ler­nar­porli paasil­lugu Diaavulu ’pif­fis­sakitsoq’. Ungasin­ngitsuk­kut Guutip naalagaaf­fiata aqutsinera, aam­mali nunarsuarmut inuian­nul­lu naalat­tunut pil­luaq­qus­sutis­sanik kueraanera, nuan­naarutigisin­naalis­savavut. (Tus­siaat 72:7, 8) Tamatuma ungasin­ngitsuk­kut pinis­saa qanoq ilil­luta nalun­ngilar­put?

[Quppernerup ataani ilanngussaq]

SUNA ILIKKARPIUK?

Guutip naalagaaf­fia suua, sumin­ngaan­niil­lu aqutsiva?

Kik­kut Guutip naalagaaf­fiani aqutsip­pat, kik­kul­lu in­nut­taap­pat?

Jehovap qanoq ilil­luni qularun­naarsip­paatigut Naalagaaf­fik piviusuusoq?

’Guutimik nalusut ul­lus­saat’ qanga aal­lar­til­lutil­lu naap­pat?

[Atuaqqissaarnermi apeqqutit]

[Qupp. 94-mi ungalusaq]

GUUTIP NAALAGAAFFIANUT ATATILLUGU PISIMASUT PINGAARTUT

• ’Kinguaas­samik’ Satan Diaavulup niaquanik aseruisus­samik pilersitsinis­sani Jehovap nalunaarutigaa. — 1 Moses 3:15.

• 1943-mi u.n.s. Jehovap ersersip­paa „kinguaas­saq“ taan­na Abrahamip kinguaaris­sagaa. — 1 Moses 12:1-3, 7; 22:18.

• Inatsisit tun­ngavigalugit angeruseq Israelik­kun­nut 1513-imi u.n.s. tun­niun­neqar­toq ’ajun­ngitsuutit nal­liut­tus­sat tarraat­tut’ ip­poq. — 2 Moses 24:6-8; Eprîarit 10:1.

• Nunarsuarmi kun­ngeqarfik Israel 1117-imi u.n.s pilersin­neqar­poq, Davidil­lu kinguaavisigut ingerlateq­qin­neqarluni. — 1 Samuel 11:15; 2 Samuel 7:8, 16.

• Jerusalem 607-imi u.n.s. aseror­neqar­poq; ’Guutimik nalusut ul­lus­saat’ aal­lar­tip­put. — 2 Kun­ngit 25:8-10, 25, 26; Lúkarse 21:24.

• Ukiumi 29-mi u.n.k. Jesus kun­ngitut toq­qak­katut tanin­neqar­poq nunarsuarmilu kif­far­tor­nini aal­lar­til­lugu. — Matîuse 3:16, 17; 4:17; 21:9-11.

• ukiumi 33-mi u.n.k. Jesus qilaliar­poq, naalak­kersuilersitaanis­saminul­lu Guutip taler­piata tungaani utaq­qilerluni. — apustilit suliait 5:30, 31; Eprîarit 10:12, 13.

• 1914-imi ’Guutimik nalusut ul­lus­saat’ naam­mata Jesus naalagaaf­fim­mi qilam­miit­tum kun­ngin­ngor­titaavoq. — sarĸúmersitat 11:15.

• Satan in­ngilipiluilu nunarsuup eq­qaanut igitaap­put nunarsuarmilu an­ner­tunerujar­tuin­nar­tumik atugarlior­titsil­lutik. — sarĸúmersitat 12:9-12.

• Nunarsuaq tamak­kerlugu Guutip naalagaaf­fianik nutaarsias­samik nuan­nersumik oqaluus­sis­sutigin­nin­neq Jesusip siulersor­paa. — Matîuse 24:14; 28:19, 20.