Kapitali 18

Guutip naassaanngitsumik kiffartuunnissaa anguniagariuk

1, 2. Guuti pil­lugu ilisimasaqar­nerup saniatigut suna pisariaqar­pa?

MATUERSAAM­MIK pigisaqaruit nalul­luguli sumut naam­maan­nersoq, taava ator­tar­navian­ngilat. Qular­nan­ngivip­poq matuersaat taama it­toq soqutigin­ngil­luin­nas­sagit. Im­maqa sakaluul­luni amusaris­sap iluaniigin­nas­saaq, naggataatigut puior­neqaan­nas­sal­luni. Taamatut­taaq ilisimasat atun­ngik­kaan­ni iluaqutaaneq ajor­put, atoraan­nili mator­pas­suar­nut am­maas­sisuusin­naasar­put.

² Ingam­mik taamaap­poq Guuti pil­lugu ilisimasat. Jehova Guuti Jesus Kristusilu pil­lugit eq­qorluar­tumik ilisimasaqar­neq inuunermik naas­saan­ngitsumik kinguneqarsin­naavoq. (Juánase 17:3) Ilisimasaqar­nerli im­mini inuunermik naas­saan­ngitsumik angusaqar­nermik kinguneqar­navian­ngilaq. Guuti pil­lugu ilisimasatit inuunin­ni ator­tariaqar­patit, soorlu matuersaat iluaqutaasoq ator­tarit. Jesus oqarsimavoq Guutip piumasaanik iliortut ’qilam­miup naalagaaf­fianut iserumaar­tut’ im­mik­kut pisin­naatitaaf­fit­tut Guuti naas­saan­ngitsumik kif­far­tuutis­sal­lugu. — Matîuse 7:21; 1 Juánase 2:17.

3. Guutip uagutsin­nut suna piumasaraa?

³ Guutip piumasaa ilik­karutsigu pingaar­torujus­suuvoq aam­ma inuunitsin­ni malis­sal­lugu. Guutip ilin­nut piumasaa sunaasoraajuk? Imaaliin­narlugu oqaatigineqarsin­naavoq: Jesus ilaas­sagit. Pîtrusip agdlagai sujugdlît 2:21-mi ima al­las­simavoq:  ’Tamatumun­ngami qaaq­qusimavusi, Kristusis­saaq an­niarmim­mat ilis­si pil­lusi maligas­saqar­til­lusi, tumini atuaq­qul­lusigik.’ Tas­sa Guutip piumasaanik ilius­sagut­ta Jesusip maligas­siaa sapin­ngisar­put tamaat malin­niar­tariaqar­par­put. Taamaalil­luta Guuti pil­lugu ilisimasavut atus­savavut.

JESUSIP GUUTI PILLUGU ILISIMASANI QANOQ ATORSIMAGAI

4. Sooq Jesusip Jehova taama ilisarisimatigaa, ilisarisiman­nin­ninilu taman­na qanoq atorsimavaa?

⁴ Jesus Kristus Guuti pil­lugu pin­ngor­titanit al­lanit tamanit ilisimasaqar­nersaavoq. Nunarsuarmut pin­ngik­kal­larami ukior­par­pas­suar­ni Jehova Guuti inooqatigalugulu suleqatigisimavaa. (Kulorsamiut 1:15, 16) Jesusip ilisimasar­pas­suani tamak­ku sumut atorsimavai? Ilisimasami pigiin­nar­nis­saat naam­magisiman­ngilaa. Aam­ma ilisimasani naaper­torlugit inuusimavoq. Taamaam­mat inoqatiminut inus­siar­neqalunilu, naam­magit­taqalunilu asan­nis­simaqaaq. Jesusip taamaalil­luni Ataatani qilam­miusoq ilaarsimavaa Jehoval­lu aq­qutigeq­qusai pis­susiilu pil­lugit ilisimasani naaper­torlugit iliuuseqar­tarsimal­luni. — Juánase 8:23, 28, 29, 38; 1 Juánase 4:8.

5. Sooq Jesus kuisip­pa, kuis­sutimilu isumaa qanoq ilil­luni eq­qor­tip­paa?

⁵ Jesusip ilisimasani aam­ma pingaar­torujus­suarmik iliuuseqas­sutigisimavai. Galileamit kuus­suarmut Jordaniliarsimavoq Johan­nesimut kuisik­kiar­torluni. (Matîuse 3:13-15) Jesusip kuisin­nera sumut as­sersuutaava? Juutitut Jesus inuian­ni Guutimut tun­niul­luin­narsimasuni inun­ngorsimavoq. Taamaat­tumik inun­ngor­nerminiil­li Guutimut tun­niul­luin­narsimavoq. (2 Moses 19:5, 6) Kuisin­nermigut Jehovamut sassarpoq taamanik­kut Guutip im­minut piumasaa naam­mas­siumal­lugu. (Eprîarit 10:5, 7) Kuisin­nermilu isumaa Jesusip eq­qor­tip­paa. Jehovamut kif­far­tor­nermut im­minut tun­niup­poq, Guutilu pil­lugu ilisimasani periarfis­sani tamani inun­nut oqaluus­sis­sutigisarsimal­lugit. Jesus nuan­naarluni Guutip piumasaanik iliorsimavoq, taamaalior­ninilu neriner­tut in­nerarsimavaa. — Juánase 4:34.

6. Jesus qanoq ilil­luni im­minut naaggaar­pa?

⁶ Jesusip ilisimal­luin­narsimavaa Jehovap piumasaanik ilior­neq an­ner­tuumik pil­liuteqarfius­sasoq, aap, al­laat  inuunerminik akeqas­sasoq. Taamaak­kaluar­toq im­minut naaggaarluni nam­mineq soqutigisani tunul­lin­ngor­tis­simavai. Guutip piumasaanik ilior­neq inuunermini sal­liutit­tuaan­narsimavaa. Tamatumun­nga atatil­lugu qanoq ilil­luta Jesusip tumai naam­mal­luin­nar­tut maleq­qis­saar­niarsin­naavavut?

ALLORIARNERIT INUUNERMUT NAASSAANNGITSUMUT SAMMISUT

7. Kuisis­sin­naan­ngor­niaraan­ni al­loriar­nerit suut angoq­qaar­tariaqar­pat?

⁷ Jesusitut naam­mal­luin­nar­tuun­ngilagut, kuisin­nerul­lu pingaaqisup angun­ngin­nerani pingaar­tunik iliuuseqaq­qaar­tariaqar­pugut. Siul­lermik uum­mater­put Jehova Guuti Jesus Kristusilu pil­lugit ilisimasas­sanik eq­qorluar­tunik im­mer­tariaqar­par­put. Taamaaliorut­ta up­pis­suseqalis­saagut Guutimul­lu itisuumik asan­nis­suseqalis­sal­luta. (Matîuse 22:37-40; Rûmamiut 10:17; Eprîarit 11:6) Guutip inatsisai najoq­qutas­siaalu maleruarutsigik al­lamik isumataar­tariaqar­pugut ajor­tuliarisimasavul­lu Guutimik mianerin­nil­luta peq­qis­simis­sutigisariaqarlugit. Taman­na al­lamut saan­nitsin­nik kinguneqas­saaq, tas­sa Guuti pil­lugu ilisimasaqan­ngik­kal­larat­ta inooriaaserisimasar­put qimas­savar­put. (apustilit suliait 3:19) Iser­tor­tumik ajor­tulior­tuaan­narut­ta iluar­tumik ilior­nata soorunami iluamik al­lamut saas­simas­san­ngilagut, Guutilu uukapaatin­navian­ngilar­put. Jehovap ilumoor­tuusaar­nerit tamaasa ilisimavai. — Lúkarse 12:2, 3.

8. Qanoq ilil­luni Guutimut tun­niul­luin­nar­toqar­tar­pa, tun­niul­luin­nar­nerlu inuunermut qanoq sun­niuteqar­tar­pa?

⁸ Guuti pil­lugu ilisimasaqalersimaguit pitsaas­saaq isumaliutigis­sal­lugu ilisimasatit nam­mineq inut­tut qanoq ilil­lutit atorsin­naanerlugit. Qular­nan­ngitsumik qanigisatit, ikin­ngutitit al­lal­lu ilik­kak­kan­nik pilereqalutit oqalut­tuun­niar­tar­patit. Im­maqa taamaalil­lutit Jesusip sumiik­kaluaraangamiluun­niit pisarsimaneratut oqaluus­sisalereer­putit. (Lúkarse 10:38, 39; Juánase 4:6-15) Im­maqalu maan­na iliuuseqar­neruler­nis­sat kis­saatigaat. Kristumiut utoq­qaaner­tat nuan­naarlutik oqaloqatigiumas­savaatsit paasiniarlugu piumasaqaatinik eq­qor­titsilereersimanersutit Jehoval­lu Nalunaajaasuisa oqaluus­sineran­nut aaq­qis­suus­saasumut  peqataasin­naaler­nis­san­nut pigin­naan­ngorsimanersutit. Taamaap­pat utoq­qaaner­tat oqaluus­siar­toqatis­san­nik pis­sarsis­sun­nias­savaatsit. Jesusip ajoqersugaasa taas­suma ilitsersuus­sutai malis­simavaat aaq­qis­suus­saasumik oqaluus­sisin­naajumal­lutik. (Mákorse 6:7, 30; Lúkarse 10:1) Naalagaaf­fim­mik tusarlius­saq il­lumiit il­lumut al­latul­luun­niit oqaluus­sis­sutiginialeruk­ku as­singusumik ikior­neqas­saatit. — apustilit suliait 20:20, 21.

9. Oqaluus­sinermut peqataalerumagaan­ni qanoq ilior­tariaqar­pa?

⁹ Ilagiit oqaluus­sif­fis­saan­ni inun­nut qanorluun­niit it­tunut nutaarsias­samik nuan­nersumik oqaluus­sis­sutigin­nin­nik­kut inuit eq­qor­tumik isumal­lit nas­saarineqarsin­naap­put, taamaalior­nerlu sulianut up­per­nermik ersersitsis­sutaasunut ilaavoq. (apustilit suliait 10:34, 35; Jâko 2:17, 18, 26) Aam­ma kristumiut ataatsimiin­nerinut najuut­tuaan­nar­nik­kut oqaluus­sinermul­lu isumaqarluar­tumik peqataanik­kut isumataarsimaneq al­lamul­lu saas­simaneq, Guutilu pil­lugu ilisimasat naaper­torlugit inuuler­nis­samik aalajangersimaneq, takutin­neqar­tar­put. Taava al­loriar­neq suna pis­susis­samisoor­toq tul­lin­nguut­tar­pa? Jehova Guutimut tun­niul­luin­nar­neq. Taamaaliorsin­naavutit qaman­nga pisumik Guutimut qinunik­kut nalunaarlutit taas­suma piumasaanik ilior­niarlutit inuunerit uum­matik­kut iluun­ngarlutit taas­sumun­nga tun­niuk­kusuk­kit. Taamatut Jehovamut tun­niul­luin­nar­toqar­tar­poq Jesus Kristusil­lu nam­maataa qajas­suus­sisoq nam­mak­kiun­neqar­tarluni. — Matîuse 11:29, 30.

KUISINNERUP ISUMAA

10. Sooq Jehovamut tun­niul­luin­nareeraan­ni kuisit­tariaqar­pa?

¹⁰ Jesusimut ajoqersugan­ngor­tut tamarmik taas­suma peq­qusineratut kuisit­tus­saap­put. (Matîuse 28:19, 20) Sooq Guutimut tun­niul­luin­nareeruit taamaalior­nis­sat pisariaqar­pa? Jehovamut asan­nik­kuit taas­sumun­ngalu tun­niul­luin­narsimaguit tamatuma takutin­nis­saa kis­saatigis­savat. Taas­sumun­ngami asan­nin­nerit taas­sumun­ngalu tun­niul­luin­narsimanerit iser­tuuk­kusun­ngilat, ilaa? Jehova Guutimut tun­niul­luin­narsimaner­pit tamanut takutin­nis­saanut kuisin­nik­kut periarfis­saqar­putit. — Rûmamiut 10:9, 10.

11. Kuisin­neq qanoq isumaqar­pa?

 ¹¹ Kuisin­neq as­sersuutaasumik pingaar­torujus­suarmik isumaqar­poq. Imermut morsutsitaanerup imaluun­niit „iliver­neqar­nerup“ as­sigaa inooriaaserisimasamut atatil­lugu toquneq. Imermit qaqititaanerup as­sigaa inuunermut nutaamut makin­neq Guutil­lu piumasaanit, nam­mineq piumasamiun­ngitsoq, siulersor­tiler­neq. Soorunami taman­na isumaqan­ngilaq kuk­kusarun­naas­sasutit, tamat­tami naam­mal­luin­nan­ngitsuuvugut ul­lul­lu tamaasa ajor­tulior­toor­tarluta. Jehovamul­li kif­fatut tun­niul­luin­narsimasutut kuisimasutul­lu im­mik­kut it­tumik taas­sumun­nga at­taveqalis­saatit. Isumataarsimagavit maniguul­lutil­lu kuisis­simagavit Jesusip pil­liutaa uter­titsis­sutaasoq tun­ngavigalugu Jehovap ajor­tin­nik isumak­keerfigiumas­savaatit. Taamaalil­luni kuisin­neq Guutimut ilerasuutaarun­nermik kinguneqar­tar­poq. — 1 Pîtruse 3:21.

12. Qanoq paasisariaqar­pa kuisin­neq (a) ’Ataatap aq­qani’? (b) ’Er­nerup aq­qani’? (c) ’anersaap il­ler­nar­tup aq­qani’?

¹² Jesusip malitsini peq­qusimavai ajoqersuk­kat nutaat ’Ataatap Er­nerul­lu anersaal­lu il­ler­nar­tup aq­qani’ kuisas­sagaat. (Matîuse 28:19) Jesus taamatut oqarami qanoq isumaqar­pa? ’Ataatap aq­qani’ kuisin­neq isumaqar­poq uum­matik­kut iluun­ngarluni Jehova Guutimik Pin­ngor­titsisutut kisimilu oqar­tus­saasutut akuerin­nin­neq. (Tus­siaat 36:10; 83:19; Nalunaajaasup oqaasii 12:1) ’Er­nerup aq­qani’ kuisin­neq isumaqar­poq Jesus Kristusimik — ingam­mik pil­liutaanik uter­titsis­sutaasumik — an­naas­sis­sutis­satuatut Guutimeersutut akuerin­nin­neq. (apustilit suliait 4:12) ’Anersaap il­ler­nar­tup aq­qani’ kuisin­nik­kut kuisit­tup ersersit­tar­paa paasigini Jehovap anersaava il­ler­nar­toq, nukia sulisoq, tas­saasoq Guutip siuner­taminik naam­mas­sin­nin­nermini ator­torisaa kif­faanil­lu peqatigiis­sor­tai anersaamit il­ler­nar­tumit siulersor­neqar­tut suleqatigalugit piumasaanik naaper­tuil­luar­tumik iliorsin­naalersitsisoq. — 1 Moses 1:2; Tus­siaat 104:30; Juánase 14:26; 2 Pîtruse 1:21.

KUISINNISSANNUT PIAREERPIT?

13, 14. Sooq Guuti Jesus Kristusilu Naalak­katsitut qinis­sal­lugit an­nilaangasariaqan­ngilagut?

¹³ Kuisin­nerup pingaarluin­nar­tuunera eq­qarsaatigalugu kuisin­nis­saq ersis­sutigisariaqar­pa? Naamerluin­naq. Naak soorunami  kuisin­neq asuleerus­sas­saan­ngik­kaluar­toq taamaat­toq aalajanger­neruvoq aalajangigas­sanit al­lanit tamanit silatusaar­ner­paaq.

¹⁴ Kuisik­kuit takutis­savat Jehova Guutimut kif­far­tor­nis­sat qinersimagit. Ilisarisimasatit eq­qarsaatigeriak­kit. Tamarmik arlaatigut naalagaqan­ngin­ner­pat kif­far­torfigisamin­nik? Inuit ilaat pisuus­sutinut inus­siaataap­put. (Matîuse 6:24) Al­lat qaf­fak­kiar­tor­niar­nermut inus­siaataap­put imaluun­niit nam­miniin­naq kis­saatigisamik anguniar­nerisigut pingaar­ner­paamik im­min­nut kif­far­torfigalutik. Al­lal­lu guutinut ilumuun­ngitsunut kif­far­tor­put. Al­lamil­li Jehova Guutimit pitsaanerusumik kif­far­torfis­saqan­ngilatit. Al­lap inus­siar­ner­nermik, misigin­neqataanermik asan­nin­nermil­lu taama atsigisumik ersersitsivigisin­naaner­paatit? Kia suliamit nersor­nar­tumit isumaqarluar­tumil­lu inun­nut al­lanut an­nas­sutaasumit pitsaanerusumik sulias­sis­sin­naavaatit? Kialu al­lap inuunermik naas­saan­ngitsumik tunisin­naavaatit? Taamaat­tumik Jesusip maligas­siaanik malin­niler­nis­samut inuunermil­lu Jehovamut tun­nius­sinis­samut an­nilaangas­sutis­saqan­ngil­luin­nar­putit. Taamaalior­nerli silatusaar­nituaavoq, Guutil­lu iluaraa. — 1 Kun­ngit 18:21.

15. Ilaasa suut kuisinis­samin­nut tunuarsimaas­sutigisar­paat?

¹⁵ Tatineqar­tutul­li misigineq pis­sutigiin­narlugu kuisit­tariaqan­ngilaq. Kuisin­neq il­lit Jehoval­lu kisis­si susas­saraarsi. (Galâsiamiut 6:4) Im­maqa anersaak­kut siumukariar­tor­til­lutit ima eq­qarsarsimavutit: ’Kuisis­sal­lunga sumik akor­nuteqar­ner­punga?’ (apustilit suliait 8:35, 36) Im­minut ima apereriarit: ’Uan­nik nangaatitsisoq tas­saava ilaqut­tama akerlilersuinerat? Arlaan­nik Biibilimut akerliusumik suli sam­misaqar­tar­punga imaluun­niit ajor­tulior­tar­punga? Inuiaqatigiin­ni iluarisaanerma an­naanis­saa an­nilaangas­sutigaara?’ Tamak­ku isumaliutigineqarsin­naap­put, piviusorsior­tumil­li naliler­neqar­tus­saap­put.

16. Kristusip tumaanik atuaanerit qanoq iluaqutigis­saviuk?

¹⁶ As­sersuutigalugu, pil­liutigiumaak­kat piviusorsior­tumik naatsorsor­neqarsin­naan­ngil­lat iluaqutis­sar­tai eq­qarsaatigin­ngik­kaan­ni. Ilaqut­tanit akerlilersor­neqar­neq as­sersuutigeriar­tigu. Jesus neriorsuisimavoq ajoqersuk­kani im­minut malin­nit­tun­ngor­ner­tik pis­sutigalugu qanigisamin­nit tunun­neqaraluarunik amerlanerungaar­tunik anersaak­kut ilaqutar­taas­sasut.  (Mákorse 10:29, 30) Up­peqatitaavit taak­kua qatan­ngutitut asan­nin­nermik ersersitsivigis­savaatsit, qinugineqar­nin­ni nikal­lujuin­nis­san­nik ikiorlutit inuunerul­lu aq­qutaatigoor­nin­ni an­ner­toq­qusersorlutit. (1 Pîtruse 5:9) Ingam­mik ilagiin­ni utoq­qaaner­tat ajor­nar­torsiutinik unam­miniar­nar­tunil­lu naapik­kumaak­kan­nik qaangiinis­san­nik ikiorsin­naavaatsit. (Jâko 5:14-16) Silarsuarmi matumani nuan­narisaajun­naar­neq eq­qarsaatigalugu ima im­minut aperisoqarsin­naavoq: ’Tamanik Pin­ngor­titsisumit iluarisaanermut inooriaatsimil­lu qinik­kan­nik iluarin­nin­neranik ilisiman­nin­nermut naleq­qersuus­sin­naasoqar­ner­pa?’ — Us­satit 27:11.

TUNNIULLUINNARNEQ KUISINNERLU QANOQ EQQORTINNEQASSASUT

17. Sooq kuisin­neq aal­lar­tin­ner­tut isigisariaqar­pa, anguniak­kat naggataat­tut pin­nagu?

¹⁷ Pingaar­tuuvoq eq­qaamas­sal­lugu anersaak­kut siumukar­neq kuisin­nermut kil­leqan­ngim­mat. Kuisin­neq inuuneq naal­lugu Guutimut kif­far­tor­tun­ngor­nermut Jehoval­lu nalunaajaasuinut ilaaler­nermut ersiutaavoq. Kuisin­neq pingaar­torujus­suuvoq, im­minili an­nan­nis­samut qulak­keerisuun­ngilaq. Jesus ima oqarsiman­ngilaq: ’Kuisit­tut tamarmik an­nak­kumaar­put.’ Imali oqarsimavoq: ’Naggatis­samut aalajangersoq an­nak­kumaar­poq.’ (Matîuse 24:13) Taamaat­tumik Guutip naalagaaf­fiata inuunermi pingaar­ner­paatin­neratigut sal­liutin­nis­saa pingaar­torujus­suuvoq. — Matîuse 6:25-34.

18. Kuisereer­nermi sunik anguniagaqar­toqarsin­naava?

¹⁸ Jehovamut kif­far­tor­nin­ni nikal­lujuis­sin­naaq­qul­lutit nam­mineq inut­tut anguniagaler­tar­nis­sat pisariaqar­poq. Anguniagas­saq pitsaasoq tas­saavoq Biibilimik nam­mineq atuaq­qis­saar­tar­nik­kut Guuti pil­lugu ilisimasat an­ner­tusar­nis­saat. Ul­lormut Biibilimit atuagas­san­nik pilersaarusiorsin­naavutit. (Tus­siaat 1:1, 2) Kristumiut ataatsimiin­nerinut tamanut najuut­tarit, katerisimaar­nerim­mi tamak­ku anersaak­kut nukit­tuun­nguutigis­savatit. Aam­ma ataatsimiin­ner­ni oqaaseqar­tar­neq anguniagariuk. Taamaalior­nik­kut Jehova un­nersiutigis­savat al­lal­lu ineriar­tuutis­sil­lugit. (Rûmamiut 1:11, 12) Anguniagarisin­naasat al­la tas­saavoq qin­nutivit pitsaanerulersin­nis­saat. — Lúkarse 11:2-4.

19. Pis­sutsit suut anersaaq il­ler­nar­toq ikior­tigalugu ineriar­tor­tis­sin­naavigit?

 ¹⁹ Kuisin­ner­pit isumaa eq­qor­tis­saguk­ku ileq­qutit eq­qumaf­figisariaqar­patit Guutil­lu anersaavanit il­ler­nar­tumit ikior­neqarlutit asan­nin­neq, nuan­naar­neq, eq­qis­sineq, kamagin­nin­neq, inus­siar­ner­neq, ajun­ngis­suseq, up­per­neq, saamaneq im­minul­lu naalak­kersin­naaneq ineriar­tor­tit­tariaqarlugit. (Galâsiamiut 5:22, 23; 2 Pîtruse 3:11) Eq­qaamas­savat Jehovap anersaaminik il­ler­nar­tumik qinusut im­minul­lu kif­fatut aalajaatsutut naalat­tut tamaasa tamatumin­nga tunisarmagit. (Lúkarse 11:13; apustilit suliait 5:32) Taamaat­tumik Guuti anersaavanik qin­nuvigisaruk pis­sutsinil­lu taas­suma iluarisaanik ersersitsisaler­nis­san­nut ikioq­qusarit. Guutip anersaavanit siulersor­neqar­tik­kuit pis­sutsit tamak­ku oqalun­nik­kut iliuutsik­kul­lu ersaril­lualis­sap­put. Soorunami ilagiin­nut kristumiunut ilaasut tamarmik ’inut­taamik’ ineriar­tor­titsinermik­kut Jesusip as­sigineruleriar­tuin­nar­nis­saa sulis­sutigaat. (Kulorsamiut 3:9-14) Tamatumun­nga atatil­lugu unam­miniar­nar­tunik as­sigiin­ngitsunik naapitas­saqar­tar­pugut tamat­ta anersaak­kut ineriar­tor­nitsin­ni kil­lif­fivut as­sigiin­ngim­mata. Naam­mal­luin­nan­ngitsuugavit kristumiutut ’inut­taaq’ atiniarlugu ilungersor­tariaqar­putit. Nak­kaan­nan­ngisaan­narit. Guutip ikiuineratigut taman­na ajor­nan­ngilaq.

20. Oqaluus­sinermi Jesus qanoq ilaarsin­naaviuk?

²⁰ Anersaak­kut anguniagaq al­la tas­saasin­naavoq nuan­naar­nermik an­ner­tunerujar­tuin­nar­tumik ersersitsiniar­nik­kut Jesusip maligas­siaanik malin­nin­neruler­niar­neq. (Eprîarit 12:1-3) Jesusip oqaluus­sineq as­sut nuan­narisimavaa. Oqaluus­sisin­naatitaalereersimaguit oqaluus­sineq sulias­satut taamaat­tus­saan­nar­tut isigiler­naveersaar­niaruk. Jesusitut iliorlutit inun­nik al­lanik Guutip naalagaaf­fia pil­lugu ilin­niar­titsinerup nuan­nersisin­nis­saa ilungersuutigiuk. Ilagiit aq­qutigalugit ilin­niar­titsineq, ilin­niar­titsinermut pik­korin­nerulis­sutigisas­sat, atorluar­niaruk. Aam­malu qularutigis­san­ngilat kif­far­tor­nin­ni Jehovap nakus­satsit­tas­sam­matit. — 1 Korintumiut 9:19-23.

21. (a) Qanoq ilil­luta nalun­ngilar­put kuisit­tut aalajaat­tuar­tul­lu Jehovap pingaar­tit­torujus­suugai? (b) Suup takutip­paa kuisin­neq pingaaruteqar­toq Guutip pis­sutsit aaq­qis­suus­saaneran­nik ajor­tumik matumin­nga eq­qar­tuus­sutini naam­mas­sip­pagu an­nas­sagaan­ni?

²¹ Guutip im­minut tun­niul­luin­narsimasoq kuisis­simasorlu,  aam­malu Jesus malin­niarlugu aalajaal­luni ilungersor­toq, im­mik­korluin­naq it­tutut isigaa. Jehovap inuit mil­liardilik­kuutaat uum­mataat misis­sor­tar­pai, nalun­ngilaalu inuit taama it­tut qanoq qaqutigoor­tigisut. ’Erlin­nar­tuutitut akisuutut’ isigai. (Haggaj 2:7, NV) Aam­ma Biibilimi siulit­tuutit ilaan­ni ersersin­neqar­poq Guutip inuit taama it­tut pis­sutsit aaq­qis­suus­saaneran­nut ajor­tumut matumun­nga eq­qar­tuus­sutini qanit­tuk­kut naam­mas­siguniuk an­naan­neqar­nis­samin­nut nalunaaqutaasumik qaamik­kut ilisar­naatilit­tut isigigai. (Hesekiel 9:1-6; Malaki 3:16, 18) Il­lit ’inuunermik naas­saan­ngitsumik pis­saqaq­qusaavit’? (apustilit suliait 13:48) Guutimut kif­faasutut ilisar­naateqar­nis­sat ilumoorlutit kis­saatigaajuk? Tun­niul­luin­nar­nerit kuisin­neril­lu ilisar­naam­mut tamatumun­nga ilaap­put, ilisar­naal­lu taman­na an­nas­sagaan­ni pingaar­torujus­suuvoq.

22. ’Amerlangaar­tut’ suna qilanaarisin­naavaat?

²² Nunarsuaq tamak­kerlugu ulersuaqareermat Noa ilaqutaalu nunarsuarmut salin­neqarsimasumut pisimap­put. Ul­lumik­kut ’amerlangaar­tut’, Guuti pil­lugu ilisimasamin­nik inuunermin­ni atuisut Jehovamil­lu iluarisaasut, pis­sutsit aaq­qis­suus­saanerata ajor­tup matuma naggaser­neqar­nis­saani aniguinis­samin­nik nunarsuul­lu naas­saan­ngitsus­samut minguiar­neqar­nis­saanik misigisaqar­nis­samin­nik neriugisaqar­put. (sarĸúmersitat 7:9, 14) Paratiisis­sami tamatumani inuuneq qanormitaava is­sava?

SUNA ILIKKARPIUK?

Jehovap nam­mineq pil­luni ilisimasatit qanoq atus­sagitit kis­saatigaa?

Al­loriar­nerit suut kuisin­nermik kinguneqar­tar­pat?

Sooq kuisin­neq tas­saan­ngila anguniagas­sat naggataat, tas­saal­lunili aal­lar­tif­fik?

Tun­niul­luin­nar­ner­put kuisin­ner­pul­lu qanoq ilil­luta eq­qor­tis­sin­naavavut?

[Atuaqqissaarnermi apeqqutit]

 [Qupp. 172-mi assiliartaq]

Qinunik­kut Guutimut tun­niul­luin­nareer­pit?

 [Qupp. 174-mi assiliartat]

Kuisin­nis­san­nut suna tunuarsimaas­sutigaajuk?