Kapitali 15

Ilaqutariit Guutimik ataqqinartitsisut

1-3. Aap­pariit­tut angajoq­qaatul­lu ajor­nar­torsiutit nalingin­naasut aaq­qin­niar­neran­ni Biibili qanoq ilil­luni iluaqutaasin­naava?

OQAR­TA nam­mineq il­lulior­niar­tutit. Siul­lermik il­luliorfis­san­nik pis­sarsivutit, qilanaaqalutil­lu qanoq isik­koqar­nis­saa takorloor­tar­pat. Taavami san­natis­saqar­nal­lu il­lulior­nermut ilisimasaqan­ngik­kuit? Taamaap­pat soorunami ajor­nar­torsiutinik an­ner­tuunik naapitaqar­tas­saatit.

² Inuit ilar­pas­sui katit­tar­put ilaqutariin­nik pil­luar­tunik pilersitsinis­sar­tik qularinagu, amerlasuutigul­li tamatuma ’sananis­saanut’ pisariaqar­tunik ’san­nateqar­neq’ ajor­put pigin­naaneqaratil­luun­niit. Im­maqa katin­nerup kingunitsian­ngua ileq­qut ajor­tut tak­kus­suutilersar­put. Oq­qan­neq as­sor­tuun­nerlu ul­luin­nar­ni atugaalersar­put. Meerar­taaraangamil­lu paasilersar­paat angajoq­qaajunis­samin­nut aap­pariin­nerup ingerlal­luar­tin­nis­saatul­li pigin­naanikitsigalutik.

³ Qujanar­tumil­li Biibili iluaqutigineqarsin­naavoq. Najoq­qutas­siat tas­saniit­tut ilaqutariin­nik pil­luar­tunik pilersitsinis­samut san­natis­satut ip­put. (Us­satit 24:3) Atagu un­nersuus­sutai misis­soriar­tigik.

AAPPARIINNIK PILLUARTUNIK ’SANANISSAMUT SANNATISSAT’

4. Sooq ilimagisariaqar­pa aap­pariit­tut inuunermi ajor­nar­torsiutit tak­kut­tas­sasut, aap­pariil­lu sumi un­nersuun­neqarfis­sarsisin­naap­pat?

⁴ Aap­pariit qanorluun­niit tul­luar­pasik­kaluar­tut misigis­sutsik­kut, meeraanermin­ni misigisamik­kut ilaqutariin­nil­lu tunuliaqut­tamik­kut as­sigiin­ngis­suteqar­tar­put. Taamaat­tumik katin­nerup kingor­na ajor­nar­torsiutinik tak­kut­toqar­nis­saa ilimagisariaqar­poq.  Tamak­ku qanoq iliuuseqarfigineqar­tas­sap­pat? Sanasut il­lulioraangamik il­lulias­sap titar­tagar­taanik ilitsersuus­sutaasunik najoq­qutaqar­tar­put. Ilaqutariit­tut pil­luarluni inuuler­nis­samut Guutip najoq­qutas­siai Biibilimi nas­saas­saap­put. Tamak­ku ilamer­ngi misis­soriar­tigik.

5. Aap­pariit­tut ilumoorfigeqatigiin­nerup pingaaruteqas­susia Biibilimi qanoq erseq­qis­sar­neqar­pa?

⁵ Ilumoor­figeqatigiinneq. Jesus ima oqarsimavoq: ’Guutip katititai inuup avis­saar­tis­san­ngilai.’ * (Matîuse 19:6) Apustililu Paulus ima al­las­simavoq: ’Nuliariin­neq tamani kan­ngunaak­kili, nuliariil­lu in­narfiat minguik­kili; uersaasul­li ar­naanil­lil­lu Guutip eq­qar­tuuk­kumaar­pai.’ (Eprîarit 13:4) Taamaat­tumik katis­simasut aap­pamin­nik ilumoorfigin­nit­tuaan­nar­nis­sar­tik Jehovamut pisus­saaf­fit­tut isigisariaqar­paat. — 1 Moses 39:7-9.

6. Ilumoorfigeqatigiin­neq sooq aap­pariin­nermik ataan­nar­titseqataasar­pa?

⁶ Ilumoorfigeqatigiin­nerup aap­pariin­neq ataq­qinas­suseqalersil­lugulu toq­qis­sisimanar­tun­ngor­tit­tar­paa. Aap­pariit ilumoorfigeqatigiit­tut naluneq ajor­paat qanorluun­niit pisoqas­sagaluar­pat tapersersoqatigiis­sal­lutik. (Nalunaajaasup oqaasii 4:9-12) Aap­pariit ajor­nar­torsiut siul­leq tak­kutiin­nar­toq qimat­tut atugaat al­laanerul­luin­nar­put. Taamatut qimat­tut oqar­tar­put ’kuk­kusumik aap­panis­simagaluarlutik’, ’aap­par­tik asajun­naarsimal­lugu’ aap­par­taar­til­lu ajor­nar­torsiutinut aaq­qiis­sutis­saasoq. Taman­nali aap­pariit arlaan­naataluun­niit misigis­sutsik­kut ineriar­tor­nis­saanut periarfis­siineq ajor­poq. Ilumoorfigin­nin­ngitsut aap­par­taamin­nut aam­ma ilumoorfigin­nin­ngeriaan­naasar­put. Qaliaq kuser­tar­toq sumigin­naan­narlugu, pequtit taarsiin­narlugit imaluun­niit il­lumit nuugin­narluni iluarsineqarsin­naan­ngilaq. Taamatut­taaq aap­pariin­nermi ajor­nar­torsiutit isumaqatigiin­ngerujoor­tuar­nerup aal­laavigisai al­lamik aap­par­taar­nerin­nak­kut aaq­qin­neqar­navian­ngil­lat. Ajor­nar­torsiutinik tak­kut­toqar­pat aap­pariin­nersi  kipitiin­nar­nias­san­ngilarsi, ataan­nar­nis­saali ilungersorlusi sulis­sutiginiarisiuk. Taamatut ilumoorfigeqatigiin­nik­kut takutin­neqar­tar­poq aap­pariin­nermik aaq­qis­suus­saq ser­nis­sor­neqar­tariaqar­tutut ataq­qineqar­tariaqar­tutul­lu isigalugu pingaar­til­luin­narlugulu.

7. Sooq aap­pariit ilaasa oqaloqatigiin­nis­sar­tik ajor­nakusoor­tit­tar­paat, ’inut­taamil­li’ atisineq qanoq iluaqutaas­sava?

⁷ Attaveqatigiinneq. „Tatigeqatigiil­luni isumalioqatigiit­toqarsiman­ngik­kaangat pilersaarutit iluatsin­ngitsoor­tar­put,“ Biibilimi al­las­simavoq. (Us­satit 15:22, NV) Aap­pariil­li ilaasa oqaloqatigiin­neq ajor­nakusoor­tit­tar­paat. Sooq taamaap­pa? Inuit as­sigiin­ngitsunik at­taveqatigin­neriaaseqarmata. Taman­na paatsooqatigiin­ner­nut isumakuluutinul­lu an­ner­tuunut pis­sutaagajup­poq. Perorsar­neqarsimaneq tamatumani pisooqataasin­naavoq. Im­maqa ilaat as­sor­tuutikulasunik angajoq­qaaqarlutik peroriar­torsimap­put. Taava aap­paqaleraangamik isumas­suisumik asan­nit­tumil­lu aap­pamin­nik oqaloqateqar­nis­sar­tik nalusar­paat. Il­lil­li angerlarsimaf­fiit tas­saasariaqan­ngilaq ’il­lu saqitsaaf­fiusoq’. (Us­satit 17:1) ’Inut­taap’ atinis­saata pingaaruteqas­susia  Biibilimi erseq­qis­saatigineqar­poq, pis­sutsil­lu ajor­tut soorlu kaman­neq, nil­lianeq mital­ler­nerlu akuerineqan­ngil­lat. — Evfisumiut 4:22-24, 31.

8. Aap­pat isumaqatigin­ngik­kaangak­ku suna iluaqutigisin­naaviuk?

⁸ Isumaqatigiin­ngin­neqaleraangat qanoq ilior­toqarsin­naava? Puf­fak­kiar­tuleraan­ni silatusaar­nerus­saaq oqaaq­qis­saarut Us­satit 17:14-imiit­toq malis­sal­lugu: „Nipangiin­nar­tarit saqitsaat­toqalin­ngin­nerani.“ Aap, oq­qas­sutigiligarsi eq­qis­siiminerunis­sas­sin­nut utaq­qit­tariaqar­parsi. (Nalunaajaasup oqaasii 3:1, 7) Tamatigut ’tusarasuar­nis­saq, oqaluk­kumaar­ner­tunis­saq kamak­kumaar­ner­tunis­sarlu’ ilungersorlusi sulis­sutigisarsiuk. (Jâko 1:19) Anguniagarsi tas­saasariaqar­poq pis­sutsit aaq­qin­niar­nis­saat, as­sor­tuun­nermi ajugaanis­saq pin­nagu. (1 Moses 13:8, 9) Ilin­nut aap­pan­nul­lu eq­qis­sinar­tunik oqaaseqarlutil­lu nipeqar­niar­tarit. (Us­satit 12:18; 15:1, 4; 29:11) Narrutsas­simaar­tuaan­nar­neq pinaveersaarsiuk, maniguul­lusili Guutimut qinoqatigiin­nik­kut ikior­neqar­nis­sarsi ujar­tor­tarsiuk. — Evfisumiut 4:26, 27; 6:18.

9. Sooq oqar­toqarsin­naava at­taveqatigiin­neq uum­mam­mit aal­laaveqar­toq?

⁹ Biibilimi ima us­sateqar­poq: „Uum­matik­kut ilisimas­suseqar­nerup silatuumik oqalun­neq pilersik­kaangagu inuup ilisimasai an­ner­tunerujar­tuin­nar­tar­put.“ (Us­satit 16:23) Tas­sa ajun­ngitsumik oqaloqatigiin­nis­samut uum­mat, qaneq pin­nani, aal­laaviuvoq. Il­lit aap­pan­nut qanoq pis­suseqar­pit? Kristumiut Biibilimi kajumis­saar­neqar­put ’nal­lit­tuisuunis­saan­nik’. (1 Pîtruse 3:8) Aap­pat isumakuluuteqaraangat nal­lit­tuinermik ersersitsivigisar­piuk? Taamaap­pat qanoq akinis­sat nalor­nisiginavian­ngilat. — Jesaja 50:4.

10, 11. Un­nersuus­sut Pîtrusip agdlagai sujugdlît 3:7-imiit­toq uiusup qanoq ilil­luni atorsin­naavaa?

¹⁰ Ataqqin­nin­nermik erser­sitsisarit. Kristumiut uiusut paasitin­neqar­put nuliatik ’silalim­mik inooqatigis­sagaat, pisat­tatut qajan­nar­nerusutut iliorlugit ataq­qil­lugil­lu’. (1 Pîtruse 3:7) Nuliamik ataq­qin­nin­neq ilaatigut ersersin­neqar­tar­poq taas­sumin­nga nalilit­tut isigin­nin­nik­kut. Uiusoq nuliaminik ’silalim­mik inooqatigin­nit­toq’ nuliami misigis­susiinik,  nakuus­sutaanik, silas­soris­susianik ataq­qinas­susianil­lu pingaar­titsil­luin­nar­tuuvoq. Aam­ma Jehovap ar­nanut isigin­nin­nera qanorlu taak­kunin­nga iliorfigin­neq­qunera paasiniar­tar­pai.

¹¹ Oqar­ta il­lun­ni nutaami ator­tuuteqar­tutit iluaqutaasorujus­suarmik qajan­nakulut­tumil­li. Mianersuuteq­qis­saas­san­ngin­ner­piuk? Peterip oqaaseq ’pisataq qajan­nar­nerusoq’ nuliaasumut ator­paa taamatut pineqar­nis­saa eq­qarsaatigalugu, taman­nalu kristumiup uiusup nuliaminik asasaminik qajas­suus­sinis­saminut kil­lis­sutigisariaqar­paa.

12. Nuliaasup qanoq ilil­luni ersersis­sin­naavaa uini ataq­qil­luin­narini?

¹² Nuliaasormi Biibilimi qanoq un­nersuun­neqar­pa? Paulus ima al­las­simavoq: „Ar­nap uini ataq­qil­luin­nar­tariaqar­paa.“ (Evfisumiut 5:33, NV) Soorlu nuliaasoq uiminit ataq­qineqar­nermik asaneqar­nermil­lu misigitin­neqar­tariaqar­toq, taamatut uiusoq nuliaminit ataq­qineqar­nermik misigitin­neqar­tariaqar­poq. Nuliaasup ataq­qin­nit­tup isumaatsuliorluni uimi kuk­kus­sutai tamanut oqal­lisigiumanavian­ngilai, kristumiuugaluar­pat kristumiuun­ngik­kaluar­pal­luun­niit. Isor­nar­torsior­neratigut nikanarsar­neratigul­luun­niit ataq­qinaataajarumanavian­ngilaa, kisimiitil­lutik al­lanil­luun­niit ilaqar­til­lutik. — 1 Timûtiuse 3:11; 5:13.

13. Isum­mat qanoq eq­qis­sisimasumik anin­neqarsin­naap­pat?

¹³ Taman­na isumaqan­ngilaq nuliaasup isum­mani anis­sin­naan­ngik­kaa. Soorunami arlaan­nik iluarin­ngisaqaruni ataq­qin­nil­luni oqaatigisin­naavaa. (1 Moses 21:9-12) Eq­qarsaatinik anitsineq arsamik milorius­sinermut as­sersuun­neqarsin­naavoq. Nuliaasup arsaq uiminut sal­laatsumik milorius­sin­naavaa akorluar­nias­sam­magu, aam­mali sak­kor­tuumik milorius­sin­naavaa uini an­nersil­lugu. Nuan­ner­nerus­saqaaq aap­pariit im­min­nut pisuutit­taqat­taan­ner­nik ’mil­luun­natik’ inus­siar­nersumik saamasumil­lu nipilim­mik oqaloqatigiip­pata! — Matîuse 7:12; Kulorsamiut 4:6; 1 Pîtruse 3:3, 4.

14. Aap­paq aap­pariin­nermut Biibilimi najoq­qutas­sianik atuinis­saminut soqutigisaqan­ngip­pat il­lit qanoq ilior­tariaqar­pit?

¹⁴ Soorlu misis­soreerip­put Biibilimi najoq­qutas­siat ikior­tigalugit  aap­pariin­nik pil­luar­tunik ’sanasoqarsin­naavoq’. Taavami aap­paasoq Biibilimi al­las­simasunik soqutigisaqar­pian­ngip­pat? Taamaak­kaluar­toq illit inis­sisimaf­fin­ni Guutimik ilisarsinerit atoruk­ku angusaqarfiul­luarsin­naavoq. Peter ima al­las­simavoq: ’Taamat­taaq nuliaasusi uis­sin­nut naalat­tuugitsi, oqaatsimut naalas­seriitsoqar­pat taak­ku oqaaseqan­ngitsuk­kut nuliamik saqineratigut ilataarineqaq­qul­lugit, mianerin­nil­lusi piitaajuitsumik saqinersi isigisaraangamik­ku.’ (1 Pîtruse 3:1, 2) Soorunami aam­ma uiusumut Biibilimik soqutigin­nin­ngitsumik nulialim­mut taman­na atuup­poq. Aap­pavit qanoq ilior­nis­sani qineraluar­paguluun­niit Biibilimi najoq­qutas­siat illit aap­paal­luar­neruler­nis­san­nut ator­tariaqar­patit. Guutimik ilisarsinerit aam­ma meeq­qanik perorsaanermut pik­korin­nerulis­sutigis­savat.

GUUTIMIK ILISARSINEQ NAAPERTORLUGU MEEQQANIK PERORSAANEQ

15. Meeq­qanik kuk­kusumik perorsaariaatsit pitsaan­ngitsut qanoq ilil­lutik ingerlaq­qit­toor­tar­pat, qanorlu ilil­luni taman­na al­lan­ngor­tin­neqarsin­naava?

¹⁵ Pilat­tuum­mik kaat­tamil­luun­niit pigisaqar­nerin­naq sanasuul­luar­tun­nguutaasin­naan­ngilaq. Taamatut­taaq meeraqar­nerin­naq perorsaal­laq­qis­sun­nguutaaneq ajor­poq. Piaaralutik piaarinatil­luun­niit angajoq­qaat meeq­qatik nam­min­neq perorsar­neqarsimanermis­sut amerlasuutigut perorsar­niar­tar­paat. Taamaam­mat perorsaariaatsit pitsaan­ngitsut kinguaariin­nit kinguaariin­nut amerlasuutigut ingerlateq­qin­neqar­tar­put. Hebriiarit ima us­satitoqaqar­put: „Siuaasatik paar­nar­tor­tarsimam­mata kinguaavi kigul­lut­tun­ngor­put.“ Biibilimili ersersin­neqar­poq angajoq­qaat periaaserisimasaata maliin­nar­nis­saa pisariaqan­ngitsoq. Periaaseq al­la qinerlugu Jehovap najoq­qutas­siai malin­neqalersin­naap­put. — Hesekiel 18:2, 14, 17.

16. Sooq ilaqut­tanik isumas­suinis­saq pingaar­torujus­suua, tamatumun­ngalu suut ilaap­pat?

¹⁶ Jehovap naatsorsuutigaa angajoq­qaat kristumiuusut meeq­qamin­nik eq­qor­tumik un­nersuus­sil­lutil­lu isumas­suis­sasut. Paulus ima al­las­simavoq: ’Kialuun­niit ilani an­nerusumil­lu  inoqutini isumagin­ngik­kunigit, taas­suma up­per­neq soraarus­simavaa up­pin­ngitsumit ajor­nerul­luni.’ (1 Timûtiuse 5:8) Kak­kaak! Tas­sa inoqutinik isumagin­nin­neq, soorlu meeq­qat timik­kut, anersaak­kut misigis­sutsik­kul­lu pisariaqar­titaan­nik pilersuineq, il­lit kristumiutut Guutimik mianerin­nit­tutut Guutimit im­mik­kut pisin­naatitaaf­figalugulu akisus­saaf­figaat. Angajoq­qaat meeq­qamin­nut avatangiisinik pil­luar­nar­tunik pilersitsinis­saan­nut ikiuutaasunik Biibili najoq­qutas­saqar­titsivoq. Atagu misis­soriar­tigik.

17. Meeq­qavit Guutip inatsisai uum­mam­miuliutis­sap­patigik suna pisariaqar­pa?

¹⁷ Maligas­siuil­luaritsi. Israelitoq­qami angajoq­qaat ima peq­quneqarsimap­put: „[Guutip oqaasii] qitor­nan­nut nangeq­qit­tuar­tas­savatit eq­qar­tor­tarlugil­lu angerlarsimatil­lutit is­siasaraangavit, angalaar­taraangavit, in­nar­taraangavit makit­taraangavil­lu.“ Tas­sa Guutip najoq­qutas­siai angajoq­qaat meeq­qamin­nut ilin­niar­titsis­sutigisus­saasimavaat. Peq­qus­sul­li taman­na oqaatsinik ukunin­nga aal­lar­ner­neqar­poq: „Oqaatsit taak­ku peq­qus­sutil­lu ul­lumi ilin­nut tun­nius­sak­ka uum­mam­miugiuas­savatit.“ (5 Moses 6:6, 7) Soorunami angajoq­qaat pigin­ngisatik meeq­qamin­nut tun­nius­sin­naan­ngilaat. Angajoq­qaat Guutip inatsisai nam­min­neq uum­mam­miuliuteq­qaar­tariaqar­paat kis­saatigigunik­ku meeq­qamik uum­mam­miuliutis­sagaat. — Us­satit 20:7; naleq­qiuguk Lúkarse 6:40.

18. Asan­nin­nermik oqaatigin­nin­nik­kut Jehova qanoq angajoq­qaanut maligas­siuil­luarsimava?

¹⁸ Meeqqanut asannin­nersi oqaatigisarsiuk. Jesusip kuisin­nerani Jehova ima nalunaar­poq: ’Il­lit tas­sa er­nera asanar­toq, il­lit nuan­naraak­kit.’ (Lúkarse 3:22) Jehovap er­nini iluaraa, taman­nalu ersersil­lugu taas­sumin­nga asan­nin­nini am­masumik nalunaarlugu. Kingor­na Jesus Ataataminut ima oqarsimavoq: ’Silarsuaq tun­ngaviler­neqan­ngik­kal­larmat asavarma.’ (Juánase 17:24) Taamaat­tumik angajoq­qaat Guutimit siulersor­neqarusut­tut meeq­qamin­nut asan­nin­nermin­nik oqaatsik­kut timik­kul­lu ersersitsisar­nis­saat pingaar­torujus­suuvoq. Taamaaliukulasariaqar­pul­lu. Eq­qaamajuarsiuk ’asan­nin­neq ineriar­tuutaasar­toq’. — 1 Korintumiut 8:1.

19, 20. Meeq­qanik eq­qor­tumik perorsaatis­siinermut suut ilaap­pat, Jehoval­lu maligas­siaa angajoq­qaat qanoq ilil­lutik ilin­niutigisin­naavaat?

 ¹⁹ Perorsaatissiineq. Asan­nit­tumik perorsaatis­siinis­sap pingaaruteqas­susia Biibilimi erseq­qis­sar­neqar­poq. (Us­satit 1:8) Ul­lumik­kut angajoq­qaat meeq­qamin­nik un­nersuus­sinis­samut akisus­saaf­fim­min­nik sumigin­naasut tamatuma kinguneri alianar­tut siunis­sami qular­nan­ngivis­sumik misigis­savaat. Aam­mali angajoq­qaat kil­lormut ingasaas­sin­ngin­nis­samin­nik mianersoq­quneqar­put. ’Angajoq­qaat ilis­si,’ Paulus al­lap­poq, ’qitor­nasi uumitsatseqinasigik anusin­ngoq­qunagit.’ (Kulorsamiut 3:21) Angajoq­qaat ingasaas­sinaveersaar­tariaqar­put meeq­qamil­lu qanoq ilior­nin­ngui tamaasa isor­nar­torsior­naveersaar­tariaqarlugit.

²⁰ Ataatar­put qilam­miusoq, Jehova Guuti, perorsaatis­siisar­nik­kut maligas­siuisimavoq. Taan­na ingasaas­sin­ngisaan­nar­poq. „Misil­lersik­kumaar­pas­si, ingasaas­saan­ngitsumil­li.“ (Jeremia 46:28) Tamatumani angajoq­qaat Jehova malit­tariaqar­paat. Perorsaatis­siineq, imaluun­niit naveersineq, ingasaas­saq ilitsersuus­sinis­samil­luun­niit ilin­niutis­siinis­samil­lu siuner­taqan­ngitsoq meeq­qat uumitsas­sutigerujus­suar­tar­paat.

21. Perorsaatis­siiner­tik qanoq kis­saatigisamit­tut sun­niuteqas­sanersoq angajoq­qaat qanoq paasiniarsin­naavaat?

²¹ Angajoq­qaat qanoq ilil­lutik paasisin­naavaat perorsaariaatsitik kis­saatigisamit­tut sun­niuteqas­sanersut? Im­min­nut ima aperisin­naap­put: ’Perorsaatis­siinik­kut suna anguara?’ Perorsaatis­siineq ilin­niutis­siisariaqar­poq. Meeq­qap sooq perorsaatis­sin­neqar­nerluni paasisariaqar­paa. Aam­ma naveersinerup kingunerisas­sai angajoq­qaat eq­qarsaatigisariaqar­paat. Meeq­qat tamangajam­mik naveer­neqar­ner­tik aal­laq­qaam­mut narrutsaatigisar­paat. (Eprîarit 12:11) Perorsaatis­sin­neratigul­li meeraq qunusiarineqar­tutut imaluun­niit naalan­ngeqigami tunun­neqar­tutut misigilersin­neqan­ngisaan­nar­tariaqar­poq. Jehovap in­nut­tani naviin­ngin­neran­ni ima oqarfigeq­qaarsimavai: „Siooraqinasi, . . . uanga najoras­si.“ (Jeremia 46:28) Aap, meeq­qavit naveer­neqar­nermini misigisin­naasariaqar­paa angajoq­qaatut asagit tapersersorusuk­kil­lu.

 ’PAASISIMANNITTUMIT UNNERSUUNNEQAR­FISSARSIORITSI’

22, 23. Un­nersuus­sutit ilaqutariin­nik pil­luar­tunik ’sananis­samut’ pisariaqar­tut sumi pis­sarsiarisin­naavigit?

²² Ilaqutariin­nik pil­luar­tunik ’sananis­satsin­nut san­natis­satsin­nik’ pisariaqar­tunik Jehovap pilersorsimam­matigut qujamasuutigisin­naavar­put. San­natinil­li pigisaqar­nerin­naq naam­man­ngilaq. Eq­qor­tumik ator­nis­saat ilin­niar­tariaqar­par­put. As­sersuutigalugu, sanasup ileq­quliut­toorsin­naavaa san­natini kuk­kul­luin­nar­tumik ator­tarlugit. Taamaap­pat qular­nan­ngilaq sanaava equngas­suteqas­sasoq. Taamatut­taaq im­maqa ileq­qunik pitsaan­ngitsunik ilaqutariin­ni pileriar­tuaarsimasunik maluginiagaqalersimavutit. Ilaat ileq­quliul­luin­nar­neqarsimasin­naap­put al­lan­ngor­tik­kuminaatsorujus­suusin­naal­lutil­lu. Taamaak­kaluar­torli siun­nersuut Biibilimiit­toq man­na maleruaraan­ni iluaqutaas­saaq: „Ilisimasoq tusar­naar­tar­poq an­nerusumil­lu ajoqersor­neqarumasarluni, paasisiman­nit­tumil­lu un­nersuun­neqarfis­sarsisoq silatuujuvoq.“ — Us­satit 1:5 NV.

²³ Paasisiman­nit­tumit un­nersuun­neqarfis­sarsisin­naavutit Guuti pil­lugu ilin­niar­nerit ingerlatiin­naruk­ku. Biibilimi najoq­qutas­siat ilaqutariit­tut inuunermut tun­ngasut eq­qumaf­figik­kit, pisariaqar­tunil­lu al­lan­nguisarit. Kristumiut inersimal­luar­tut aap­paasutut angajoq­qaajusutul­lu maligas­saal­luar­tut qimerloor­tak­kit. Oqaloqatigisak­kit. Tamanil­lu pingaar­nerusumik, isumakuluutitit tamaasa Jehovamut qinunik­kut saq­qum­miut­tak­kit. (Tus­siaat 55:23; Filípimiut 4:6, 7) Ilaqutariit­tut pil­luarluni inuunermik Guutimik ataq­qinar­titsisumik angusinis­san­nut taas­suma ikius­savaatit.

[Quppernerup ataani ilanngussaq]

SUNA ILIKKARPIUK?

Ilumoorfigeqatigiin­neq, oqaloqatigiit­tar­neq ataq­qeqatigiin­nerlu qanoq ilil­lutik aap­pariin­nermik pil­luar­nar­tuutitseqataasar­pat?

Angajoq­qaat meeq­qamin­nut asan­nin­ner­tik qanoq ilil­lutik ersersis­sin­naavaat?

Eq­qor­tumik perorsaatis­siinermut suut ilaap­pat?

[Atuaqqissaarnermi apeqqutit]

 [Qupperneq 147-mi tamakkerlugu asseq]