Kapitali 7

Inuiaat annaanniarlugit Guuti qanoq iliorsimasoq

1, 2. (a) Romamiut sak­kutuuisa naalagaata qanoq ilil­luni paasivaa kina Guutip er­nerigaa? (b) Sooq Jesusip toqunera Jehovap akueraa?

UKIUNIK 2000-inik man­na sioq­qul­lugu uper­naak­kut ualigaa Romamiut sak­kutuuisa naalagaata angutit pingasut an­niaqalutik arriitsumik toqujar­tor­tut isigin­naar­pai. Ingam­mik ilaat ataaseq maluginiar­paa — Jesus Kristus — qisum­mut nap­pak­kamut kikiat­tor­neqarsimasoq. Toqus­saa nal­lium­mat qilak taar­tuin­narsuan­ngor­poq nunalu sajut­torsuan­ngorluni. Taamaalim­mat sak­kutooq nil­ler­poq: ’Ilumut inuk taan­na Guutip er­nerisimavaa.’ — Mákorse 15:39.

² Guutip er­nera! Sak­kutooq eq­qor­tumik oqar­poq. Nunarsuarmimi pisimasut pingaar­ner­paar­taat takun­nit­tuuf­figeq­qam­mer­paa. Siusin­nerusuk­kul­li Guutip nam­mineq Jesus er­nermisut asasamisut taasimavaa. (Matîuse 3:17; 17:5) Taavali sooq er­nermi toqunera akueraa? Taamaalil­luni inuiaat ajor­timit toqumil­lu an­naan­niaramigit.

IMMIKKUT ITTUMIK NAAMMASSINNIT­TUS­SANNGORTITAQ

3. Sooq pis­susis­samisoor­pa Guutip er­nitua inuiaat eq­qarsaatigalugit sulias­samik im­mik­kut it­tumik naam­mas­sin­nit­tus­satut toq­qar­neqarsimam­mat?

³ Soorlu atuak­kami matumani siusin­nerusuk­kut paasereersimagip­put Jesus inut­tut inun­ngun­ngik­kal­larami qilam­mi inuusimavoq. Guutip ’er­nituanik’ taaneqar­poq Jehovap toq­qaan­nar­tumik siul­liul­luni pin­ngor­titarim­mani. Guutip al­lanik tamanik pin­ngor­titsinermini  Jesus ikior­tigisimavaa. (Juánase 3:18; Kulorsamiut 1:16) Jesusip inuit nuan­narisorujus­suuai. (Us­satit 8:30, 31) Taamaat­tumik tupin­nan­ngilaq inuiaat toqumik qulanger­neqarmata Jehovap er­nituani siuner­taminik im­mik­kut it­tumik naam­mas­sin­nit­tus­satut toq­qarmagu!

4, 5. Jesus nunarsuarmut pin­ngik­kal­larmat kinguaas­saq Mes­siasiusoq pil­lugu Biibili qanoq paasititsisimava?

⁴ Adamimut, Evamut Satanimul­lu eq­qar­tuus­sutini naatsiivim­mi Edenimi nalunaarutigigamiuk Guutip eq­qaavaa an­naas­sisus­saq, „kinguaas­saq“, tak­kuk­kumaar­toq. Kinguaas­sap taas­suma atugarliuuter­pas­suit Satan Diaavulup, ’pulateriaarsutoq­qap’, pilersis­simasai piias­savai. Aap, Satan malit­taalu tamaasa kinguaas­sap suujun­naarsis­savai! — 1 Moses 3:15; 1 Juánase 3:8; sarĸúmersitat 12:9.

⁵ Ukiut hundredelik­kuutaat ingerlaneran­ni kinguaas­saq, aam­ma Mes­siasimik taaneqar­toq, pil­lugu Guuti qulaariar­tuaarsimavoq. Soorlu kapitalimi siusin­nerusumiit­tumi eq­qaaneqar­toq siulit­tuuter­pas­suaqar­poq nunarsuarmi inuunerani as­sigiin­ngitsunut tun­ngasunik, as­sersuutigalugu, Guutip siuner­taani inis­sisimaf­fim­minik naam­mas­sin­nin­niar­nermini peq­qar­niitsumik pineqarumaar­toq. — Jesaja 53:3-5.

SOOQ MESSIAS TOQUSARIAQARSIMASOQ

6. Daniel 9:24-26 naaper­torlugu Mes­sias sunik naam­mas­sin­nit­tus­saasimava, qanorlu ilil­luni?

⁶ Daniel 9:24-26-mi (NV) siulit­tuutigineqar­poq Mes­sias — Guutip tanitaa — siuner­tamik pingaar­torujus­suarmik naam­mas­sin­nit­tus­saasoq. Nunarsuarmut pisus­saasimavoq ’ajor­tulior­neq soraarsitaaq­qul­lugu pinerlut­tulior­nerlu isumak­keerfigineqaq­qul­lugu naaper­tuil­luas­suserlu ataavar­toq atuutileq­qul­lugu’. Mes­siasip toqumit perloq­qus­sutaasumit inuit up­per­tut an­naat­tus­saasimavai. Qanorli ilil­luni taamaalius­sava? Siulit­tuum­mi oqaatigineqar­poq tanitaq ’peersitaajumaar­toq’, imaluun­niit toqutaajumaar­toq.

7. Sooq juutit uumasunik pil­liuteqar­tarsimap­pat, pil­liutil­lu sumut siumut tik­kuus­sip­pat?

⁷ Itsaq Israelik­kut ajor­tulianik saam­maan­neqar­neq nalun­ngil­luar­paat. Inatsisit Guutip Moses aq­qutigalugu tun­nius­saasa atuun­neran­ni pal­lorfigin­nin­nermin­ni uumasunik pil­liuteqar­tar­put. Tamak­kua Israelik­kun­nut eq­qaasitsis­sutaap­put inuiaat ajor­tuliamin­nik  saam­maan­neqar­nis­samin­nik, imaluun­niit isumak­keerfigineqar­nis­samin­nik, pisariaqar­titsisut. Apustilip Paulusip najoq­qutaasoq naatsumik ima oqaatigaa: ’Ajor­tit isumak­keer­neqar­tarin­ngil­lat kisian­ni aam­mik kuisil­luni.’ (Eprîarit 9:22) Mosesip inatsisai piumasaqaataalu, soorlu uumasunik pil­liisaq­qusis­sut, kristumiunut atuutin­ngil­lat. (Rûmamiut 10:4; Kulorsamiut 2:16, 17) Aam­ma nalun­ngilaat uumasunik pil­liuteqar­nerit ajor­tit ataavar­tumik tamak­kiisumil­lu isumak­keerfigineqar­nis­saan­nut aq­qutis­siuus­sisin­naan­ngitsut. Uumasunil­li pil­liuteqar­tarsimanerit pil­lium­mut naleqar­nerungaar­tumut siumut tik­kuus­sisuup­put — tas­sa Mes­siasip, imaluun­niit Kristusip, pil­liutaanut. (Eprîarit 10:4, 10; naleq­qiuguk Galâsiamiunut agdlagkat 3:24.) Im­maqali ima aperiumas­saatit: ’Mes­siasip toqunis­saa pisariaqarluin­narsimagami?’

8, 9. Suut pingaar­tut Adamip Eval­lu maangaan­nar­tip­paat, iliuusiilu kinguaavinut qanoq kinguneqar­pat?

⁸ Aap, inuiaat an­naan­neqas­sap­pata Mes­sias toqusariaqarsimavoq. Sooq taamaat­tariaqarsimasoq paasis­sagutsigu Edenimi Adamip Eval­lu Guutimut pikitsitsigamik an­naasaata qanoq an­ner­tul­luin­nar­tiginera paasiniarsarisariaqar­par­put. Naas­saan­ngitsumik inuunis­samin­nik siunis­saqar­tin­neqaraluar­put! Aam­ma Guutip qitor­naasut taas­sumun­nga toq­qaan­nar­tumik at­taveqar­neq nuan­naarutigisin­naagaluar­paat. Jehoval­li aqutsineranut naalatsigitik­kuman­ngin­namik tamak­ku tamaasa an­naavaat inuian­nul­lu ajor­ti toqulu atuutitilerlugit. — Rûmamiut 5:12.

⁹ Siuaasavut siul­liit pisuus­suter­pas­suar­nik atuilus­sin­narsimasutut im­min­nul­lu an­ner­toorujus­suarmik akiligas­saqar­tilersimasutut ip­put. Adamip Eval­lu akiligas­sar­pas­suatik kinguaamin­nut kingor­nutsip­paat. Naam­mal­luin­nar­tutut ajor­teqan­ngitsutul­lu arlaan­nar­pul­luun­niit inun­ngorsiman­ngim­mat tamavit­ta ajor­tip toqul­lu ataan­niip­pugut. Nap­parsimaleraangat­ta ajual­lan­nar­tumil­luun­niit oqar­tooraangat­ta ugguutigisatsin­nik ’akiligas­sar­put’ kingor­nus­saasoq — inut­tut naam­mal­luin­nan­ngis­suseq — misigisar­par­put. (Rûmamiut 7:21-25) An­nas­sutis­sar­put tas­satuaas­saaq Adamip maangaan­nar­tis­simasaata pis­sarsiareq­qin­nis­saa. Inut­tul­li inuuneq naam­mal­luin­nar­toq arlaan­nat­taluun­niit pisas­sarin­ngilaa. Inuit naam­mal­luin­nan­ngitsut tamat­ta ajor­tulior­tarat­ta toqu, inuuneq pin­nagu, pisas­saraar­put. — Rûmamiut 6:23.

10. Adamip an­naasaa uter­til­lugu akiliuteqar­toqas­sap­pat suna pisariaqarsimava?

¹⁰ Taavami inuunermut Adamip asiutitaanut taar­taasus­samik  neqerooruteqar­toqar­pat? Guutip naaper­tuil­luas­susiata oqimaaqatigiis­suseq piumasaraa, „inuuneq inuunermik“. (2 Moses 21:23) Taamaam­mat inuuneq maangaan­nar­tin­neqarsimasoq uter­tin­niarlugu inuunermik neqerooruteqar­toqar­tariaqar­poq. Inuul­li kialuun­niit inuunera atorsin­naan­ngilaq. Tus­siaat 49:8, 9-mi inuit naam­mal­luin­nan­ngitsut ima oqaatigineqar­put: „Kialuun­niit inoqan­ni akiliul­lugu aniguisis­sin­naan­ngilaa, kinaluun­niit inoqam­mi uter­titaas­sutis­saanik Guutimut akiliuteqarsin­naan­ngilaq. Akiliutis­sarmi uter­titsiniutis­saq inum­mut angival­laas­saqaaq naam­man­ngil­luin­nas­sal­lunilu.“ Tas­sa neriuutis­saqan­ngivip­pugut? Naamerluin­naq.

11. (a) Oqaaseq „uter­titsis­sut“ hebriiarisut qanoq isumaqar­pa? (b) Kina kisimi inuian­nik uter­titsisin­naasimava, sooq?

¹¹ Oqaaseq hebriiarisooq „uter­titsis­sut“-mik nutser­neqar­toq isumaqar­poq tigusaq uter­tin­niarlugu akiliut, aam­mali naleqassutsikkut naligiissutsimik ersersitsivoq. Inuk naam­mal­luin­nar­toq kisimi inuup inuuneranik Adamip an­naasaatut naleqar­tigisumik neqerooruteqarsin­naavoq. Adamip kingor­na inuk naam­mal­luin­nar­tutuaq nunarsuarmi inuusimasoq tas­saavoq Jesus Kristus. Taamaat­tumik taan­na Biibilimi taaneqar­poq ’Adamimik kingul­lermik’, oqaatigineqar­porlu ’taan­na im­minik tun­niut­toq tamarmik uter­titaas­sutis­saan­nik’. (1 Korintumiut 15:45; 1 Timûtiuse 2:5, 6) Adamip kinguaaminut toqu kingor­nus­saritik­kaa Jesusip inuuneq naas­saan­ngitsoq kingor­nus­saritip­paa. Korintumiunut agdlagkat sujudlît 15:22-mi ima nas­suiar­neqar­poq: ’Soorlumi Adamimi tamarmik toqusut, taama Kristusimi tamarmik uum­mar­titaas­sap­put.’ Taamaat­tumik naleq­qul­luar­poq Jesus tas­saanerar­neqarmat „naas­saan­ngitsumik Ataataasoq“. — Jesaja 9:6, 7.

UTERTITSISSUT QANOQ ILILLUNI AKILIUTIGINEQARTOQ

12. Jesus qanga Mes­siasin­ngor­pa, tamatumalu kingor­na suleriler­pa?

¹² Ukiumi 29-mi u.n.k. ukiak­kut Jesus qanigisaminut Johan­nesimukar­poq kuisik­kiar­torluni; taamaalil­luni Guutip piumasaanik ilior­nis­saminut sas­sar­poq. Pisumi tamatumani Jehovap Jesus anersaamik il­ler­nar­tumik tanip­paa. Jesus taamaalil­luni Mes­siasin­ngor­poq, imaluun­niit Kristusin­ngor­poq, Guutip tanitaa. (Matîuse 3:16, 17) Taava Jesusip kif­far­tor­nini ukiunik pingasunik af­farmil­lu sivisus­suseqar­toq aal­lar­tip­paa. Nunagisani tamaat angalaarfigaa Guutip naalagaaf­fia oqaluus­sis­sutigalugu ajoqersugas­saminil­lu  up­per­tunik katersuil­luni. Siulit­tuutigineqar­tutul­li sivitsun­ngitsoq as­sut akerlilersor­neqaler­poq. — Tus­siaat 118:22; apustilit suliait 4:8-11.

13. Jesusip as­suar­naas­sutsiminik at­tas­siuaan­narluni toqun­ngin­nerani suut pip­pat?

¹³ Jesusip sapiil­luni up­perisarsior­nik­kut siut­tut ilumoor­tuusaas­susiat qulaar­paa, taak­kualu toqutaatin­niarsaraat. Naggataatigut pilersaarutipilulior­put kil­luus­sinermik, tigusarin­nin­nermik pis­sutis­saqan­ngitsumik, eq­qar­tuus­sinermik inatsisinik unioq­qutitsisumik pikitsitsiniar­tutul­lu sal­lul­luni un­nerluus­sinermik ilalim­mik. Jesus unatar­neqarlunilu, qitserar­neqarlunilu, mitaatigineqarlunilu iperar­tor­neqar­poq iperaat­tamik timimik alit­tuisus­satut sanaamik. Taava Romamiut nunamut naalagaatitaan­nit Pontius Pilatusimit qisum­mi nap­pak­kami an­niar­titsiviusumi toqutaasus­satut eq­qar­tuun­neqar­poq. Qisum­mut nap­pak­kamut kikiat­tor­neqar­poq tas­sanilu nivingatin­neqarluni. Nivingatil­luni anersaar­nermini tamani an­niar­torujus­suusar­poq, nalunaaqut­tal­lu akun­nerini arlalin­ni naal­lioqaluni toqujar­tor­poq. An­niar­titaaninili tamaat Jesus Guutimut tamak­kiisumik as­suar­naat­tuar­poq.

14. Sooq Guutip er­nermi naal­liun­nera toquneralu akuerai?

¹⁴ Taamaalil­luni nisanip 14-iani ukiumi 33-mi u.n.k. Jesusip inuunini pil­liutigaa ’amerlasuut uter­tin­neqaatis­saan­nik’. (Mákorse 10:45; 1 Timûtiuse 2:5, 6) Jehovap er­nini asasani naal­lioqaluni toqujar­tor­toq qilam­mit isigin­naar­paa. Sooq taama ajor­tigisumik pisoqar­nera Guutip akueraa? Taamaalior­poq inuiaat asagamigit. Jesus oqarsimavoq: ’Silamium­mi Guutip ima asatigai er­nitui tun­niul­lugu kinaluun­niit taas­sumun­nga up­per­toq tam­maq­qunagu, naas­saan­ngitsumil­li inuus­suteqaq­qul­lugu.’ (Juánase 3:16) Jesusip toquneratigut aam­ma ilik­kar­par­put Jehova Guutiusoq naaper­tuil­luarluin­nar­toq. (5 Moses 32:4) Inuit ilaat eq­qarsarsin­naap­put sooq Guutip najoq­qutas­siani naaper­tuil­luar­tut inuunerup inuunermik naleqar­nis­saanik piumasaqar­tut unioq­qutiin­narsiman­ngin­nerai, Adamil­lu ajor­tulior­nerata akis­saa puiuin­narsiman­ngin­neraa. Jehovali inatsisiminik aalajangiusiman­nit­tuaan­nar­tuuvoq, aam­ma im­minut akisugaluaraangal­luun­niit.

15. Jesusip naas­saan­ngitsumik toqunis­saa akuerineqas­sagaluar­pat naaper­tuil­luan­ngitsulior­nerus­sam­mat Jehova qanoq ilior­pa?

¹⁵ Jehoval­li naaper­tuil­luas­susiata aam­ma piumasaraa Jesusip toqunera nuan­nersumik nas­sataqas­sasoq. Naaper­tuil­luar­tulior­nerus­sagaluar­pami Jesusip aalajaatsup naas­saan­ngitsumik  toqunis­saa akueris­sal­lugu? Soorunami naamik! Al­lak­kani Hebriiarisuuni siulit­tuutigineqarsimavoq Guutimut ilumoor­toq ilivermiit­tuaan­nas­san­ngitsoq. (Tus­siaat 16:10; apustilit suliait 13:35) Jesus ul­lut pingajus­saat tikil­lugu toqungavoq, taavalu Jehova Guutip makitip­paa anersaatut pis­saanilit­tut uum­mar­til­lugu. — 1 Pîtruse 3:18.

16. Jesus qilam­mut uterami sua?

¹⁶ Jesusip toqunermini inut­tut inuunini qaqugumut iperar­paa, qilam­milu inuunermut makitin­neqarami anersaan­ngor­poq inuunermik tunisisoq. Aam­malu tamanit il­ler­nar­ner­paamut qilaliarami Ataatani asasani najuleq­qip­paa, inut­tul­lu inuunermi naam­mal­luin­nar­tup nalinga taas­sumun­nga sas­saal­lugu. (Eprîarit 9:23-28) Taava inuunerup naam­mal­luin­nar­tup tamatuma nalinga inuian­nut naalat­tunut iluaqutaasumik ator­neqarsin­naaler­poq. Taman­na ilin­nut qanoq isumaqar­pa?

UTERTITSISSUT — ILLILLU

17. Kristusip pil­liutaa uter­titsis­sutaasoq tun­ngavigalugu qanoq ilil­luta isumak­keerfigineqarsin­naavugut?

¹⁷ Kristusip pil­liutaa uter­titsis­sutaasoq maan­nangaaq pingasutigut iluaqutigisin­naalereer­pat. Siul­lermik, ajortinik isumak­keer­figineqar­nis­samik aq­qutis­siuus­sivoq. Jesusip aavata kuisap up­perineratigut ’uter­titaavugut . . . ajor­titsin­nik isumak­keerfigineqarluta’. (Evfisumiut 1:7) Taamaat­tumik qanorluun­niit ingasatsigisumik ajor­tuliorsimagaluarut­ta Guuti Jesusip aq­qagut qin­nuigisin­naavar­put isumak­keerfigeq­qul­luta. Ilumoorluta peq­qis­simigut­ta Jehovap er­nermi pil­liutaata uter­titsis­sutaasup nalinga uagut iluaqutis­satsin­nut atus­savaa. Guutip isumak­keerfigis­savaatigut, ilerasuutaarun­nermik pil­luaq­qusaatil­luta, ajor­tulior­nitsin­nut toqumik pil­lar­neqar­nis­sar­put sukan­nersumik piumasarinagu. — apustilit suliait 3:19; 1 Pîtruse 3:21.

18. Jesusip pil­liutaata qanoq ilil­luni neriuuteqalersip­paatigut?

¹⁸ Aap­pas­saanik, Kristusip pil­liutaa uter­titsis­sutaasoq siunissamut neriuummik tun­ngavis­siivoq. Apustilip Johan­nesip takorruuisitaal­luni takusimavai ’amerlangaar­tut kisin­neqarsin­naan­ngitsut’ pis­sutsit aaq­qis­suus­saanerata matuma naggatis­saani ajunaar­nis­sarsuarmi aniguiumaar­tus­sat. Sooq Guutip inun­nik al­lanik taama amerlatigisunik piuneerutitsinerani taak­kua an­nas­sap­pat? In­ngilip apustili Johan­nes oqarfigaa taak­kua ’atisatik takisuut savaaq­qap [Jesus Kristusip] aavanik errorsimagaat’. (sarĸúmersitat 7:9, 14) Jesus Kristusip aavanut kuisamut up­per­nermik  ersersitsiuar­til­luta Guutil­lu peq­qus­sutai naaper­torlugit inuujuar­til­luta Guutip isaani minguit­tuas­saagut naas­saan­ngitsumil­lu inuuler­nis­samik neriugisaqas­sal­luta.

19. Kristusip pil­liutaata qanoq ilil­luni up­per­narsar­paa taas­suma Ataataatalu asagaatigut?

¹⁹ Pingajus­saanik, pil­liut uter­titsis­sutaasoq Jehovap asan­nin­neranut upper­nar­saatissat tamarmik an­ner­paar­taraat. Kristusip toquneratigut qilam­mi nunamilu oqalut­tuarisaanermi asan­nin­nik­kut iliuutsit an­ner­paat marluk ersersin­neqarsimap­put: (1) Guutip asan­nin­nera uagut pil­luta er­nerminik, toqunis­saa siuner­taralugu, aal­lar­titsineratigut erser­toq; aam­ma (2) Jesusip asan­nin­nera uter­titsis­sutitut im­minut pil­liutigineratigut erser­toq. (Juánase 15:13; Rûmamiut 5:8) Ilumoorluta up­per­nermik ersersitsisarut­ta asan­nin­neq taman­na tamatsin­nut atuutis­saaq. Apustili Paulus ima oqarsimavoq: ’Guutip er­nera . . . uan­nik asan­nit­toq im­minil­lu tun­niut­toq uanga pil­lunga.’ — Galâsiamiut 2:20; Eprîarit 2:9; 1 Juánase 4:9, 10.

20. Sooq Jesusip pil­liutaanut uter­titsis­sutaasumut up­per­nermik ersersitsisariaqar­pugut?

²⁰ Taamaat­tumik Guutip Kristusil­lu asan­nin­neran­nut qujamasun­ner­put ersersit­tar­niar­tigu Jesusip pil­liutaanut uter­titsis­sutaasumut up­per­nitsigut. Taamaaliorut­ta inuunermik naas­saan­ngitsumik kinguneqas­saaq. (Juánase 3:36) Uagul­li an­naan­neqar­nis­sar­put Jesusip nunarsuarmi inuuneranut toquneranul­lu pis­sutaasut pingaar­ner­paar­tarin­ngilaat. Aap, pingaar­nerujus­suaq pineqar­poq, apeq­qut akerleriis­sutaasoq silarsuarmut tamarmut at­tuumas­suteqar­toq. Soorlu kapitalimi tul­liut­tumi takus­sagip­put apeq­qut akerleriis­sutaasoq taman­na tamatsin­nik at­tuivoq, Guutip nunarsuarmi maani ajus­sutsip naal­liuutil­lu atuun­neran­nik taama sivisutigisumik akuerin­nis­simaneranut at­tuumas­suteqarami.

SUNA ILIKKARPIUK?

Inuiaat an­naan­niarlugit sooq Jesus toqusariaqarsimava?

Uter­titsis­sut qanoq ilil­luni akiliutigineqar­pa?

Uter­titsis­sut sutigut iluaqutigaajuk?

[Atuaqqissaarnermi apeqqutit]

 [Qupperneq 67-mi tamakkerlugu asseq]