Kapitali 14

Kia oqartussaassusia akuerisariaqar­parput?

1, 2. Oqar­tus­saas­sutsit tamarmik ajor­tuup­pat? Nas­suiaruk.

„OQAR­TUS­SAAS­SUSEQ“ oqaasiuvoq inuit ilar­pas­suinut ’mamaatsoq’. Taman­na paasinar­poq, oqar­tus­saas­susermi amerlasuutigut ator­nerlun­neqar­tar­poq — sulisitsisunit, naalak­kersuisunit ilaqutariin­nilu. Biibilimi piviusorsior­tumik ima al­las­simasoqar­poq: „Man­nat­taaq malugisimavara: Misis­sorsimavara seqer­nup ataani qanoq it­tunik pisoqar­tar­toq inuit ilaat inoqatimin­nut ajoqutaasumik pis­saaneqar­pal­laaleraangata.“ (Nalunaajaasup oqaasii 8:9) Aap, inup­pas­suit qunusiarin­nil­lutik nam­miniin­narlu iluaqutis­sar­tik eq­qarsaatigalugu al­lanik naqisiman­nit­tarsimap­put.

² Oqar­tus­saas­suserli tamatigut al­lanut ajor­tuun­ngilaq. As­sersuutigalugu, oqar­toqarsin­naavoq timit­ta oqar­tus­saas­suseqarfigigaatigut. „Naalak­ker­tar­paatigut“ anersaar­toq­qul­luta, nereq­qul­luta, imeq­qul­luta sineq­qul­lutalu. Naqisimaneqar­tutul­li misigisar­pugut? Naagga. ’Naalak­kiutinik’ tamak­kunin­nga malin­nin­neq uagutsin­nut iluaqutis­saavoq. Timit­ta pisariaqar­titai pin­ngitsoorata maleruuf­figisariaqar­pavut, taamaat­torli al­latut it­tumik oqar­tus­saas­suseqar­poq kajumissutsitsinnik naalatsigitif­figisariaqak­katsin­nik. Atagu misis­soriar­tigu.

OQARTUSSAASSUSEQ QUTSINNERPAAQ

3. Sooq Jehova eq­qor­tumik taaneqarsimava „Naalagaq kisimi oqar­tus­saasoq“?

³ Biibilimi Ny Verden-nutsigaq naaper­tus­sagaan­ni Jehova 300-it sin­nerlugit taaneqar­poq ’Naalak­kamik kisimi oqar­tus­saasumik’. Kisimi oqar­tus­saasoq qutsin­ner­paamik oqar­tus­saas­suseqar­poq. Suna tun­ngavigalugu Jehova taamatut it­tumik oqar­tus­saas­suseqar­pa? sarĸúmersitat 4:11-mi taman­na akineqar­poq: ’Jehova  Guuter­put, ilin­nut pigititas­saap­put naalan­naat ataq­qinaal­lu pis­saanerlu, il­lit suut tamaasa pin­ngor­tik­kak­kit, il­lil­lu peq­qusak­kut ip­put pin­ngor­titaal­lutil­lu.’

4. Jehovap oqar­tus­saas­sutsi qanoq ator­tar­paa?

⁴ Pin­ngor­titsisutut Jehovap oqar­tus­saas­sutsi nam­mineq iluarisaminik atorsin­naavaa. Taman­na siooraam­mer­narsin­naavoq, ingam­mik eq­qarsaatigalugu Guuti ’pis­saaneqangaar­tuusoq’. Aam­ma taaneqar­poq ’Guutimik ajugaqan­ngitsumik’ — taaguut taman­na hebriiarisut pis­saaneqarluin­nar­nermik ersersitsivoq. (Jesaja 40:26; 1 Moses 17:1) Jehoval­li pis­saanini inun­nut asan­nit­tumik ator­tar­paa, pis­susiami malun­nar­ner­paaq tas­saavoq asan­nin­neq. — 1 Juánase 4:16.

5. Sooq Jehovap oqar­tus­saas­susianut naalatsigitin­neq ar­tor­nan­ngila?

⁵ Naak Jehova ajor­tulior­tunut peq­qis­simiuman­ngitsunut pil­laanis­saminik mianersoq­qus­suteqaraluar­toq taamaat­toq Mosesip ingam­mik nalun­ngilaa tas­saasoq „Guuti un­neq­qaris­soq aalajangius­sisimasorlu angerutsiminik isumas­suiumanerminil­lu kinguaariin­ni tusindilin­ni asan­nitsiminut peq­qus­sutiminil­lu maleruaasunut“. (5 Moses 7:9) Eq­qarsaatigerias­sagit! Qilam­mi nunarsuarmilu oqar­tus­saasup qutsin­ner­paap kif­far­tuuteq­qul­luni pin­ngitsaalin­ngilaatigut. Asan­nin­nerali pis­sutigalugu taas­sumun­nga kajunger­tar­pugut. (Rûmamiut 2:4; 5:8) Jehovap oqar­tus­saas­susianut naalatsigitin­neq al­laat nuan­nersuuvoq, inatsisaami tamatigut uagutsin­nut ajun­ngin­ner­paamik iluaqutaasar­put. — Tus­siaat 19:8, 9.

6. Naatsiivim­mi Edenimi qanoq ilil­luni oqar­tus­saas­suseq apeq­quser­neqar­pa, qanorlu kinguneqar­pa?

⁶ Siuaasavut siul­liit Guutip oqar­tus­saas­susianut naalatsigitik­kumasiman­ngil­lat. Kis­saatigaat suna ajun­ngitsuusoq sunalu ajor­tuusoq nam­min­neq aalajangis­sal­lugu. (1 Moses 3:4-6) Tamatuma kingunerisaanik angerlarsimaf­fim­mit paratiisiusumit anisitaap­put. Tamatuma kingor­na Jehovap inuit naam­mal­luin­nan­ngitsuugaluarlutik aaq­qis­suus­saasumik inuunis­sat eq­qarsaatigalugu oqar­tus­saas­suseqar­nik­kut nam­min­neq aaq­qis­suinis­saat akueraa. Oqar­tus­saas­sutsit suut pineqar­pat, qanorlu an­ner­tutigisumik tamak­kunun­nga naalatsigitin­nis­sar­put Guutip naatsorsuutigaa?

 ’NAALAKKERSUISUT AKIMANERIT’

7. ’Naalak­kersuisut akimanerusut’ kik­kuup­pat, inis­sisimaneral­lu Guutip oqar­tus­saas­susianut naleq­qiul­lugu sumiip­pa?

⁷ Apustili Paulus ima al­las­simavoq: ’Inuit tamarmik naalak­kersuisunut akimaner­nut naalat­tuugilit, Guutimit pisitaan­ngitsunik naalak­kersuisoqan­ngim­mat.’ ’Naalak­kersuisut akimanerit’ kik­kuup­pat? Paulusip oqaasiisa tul­liut­tut ersersip­paat inuit oqar­tus­saasut pineqar­tut. (Rûmamiut 13:1-7; Títuse 3:1) Jehovap inuit naalak­kersuineri iver­tin­ngilai, atuun­nis­saal­li akuerisimavaa. Taamaat­tumik Paulus ima al­lap­poq: ’Naalak­kersuisoqaraangat Guutip peq­qusimasar­pai.’ Nunarsuarmi oqar­tus­saas­suseqar­tut pil­lugit taman­na sumik ersersitsiva? Oqar­tus­saas­susiat Guutip oqar­tus­saas­susianit atsin­nerusoq imaluun­niit Guutip oqar­tus­saas­susiata ataaniit­toq. (Juánase 19:10, 11) Taamaat­tumik inuit inatsisaat Guutil­lu inatsisai akerleriik­kaangata kristumiut nalun­ngeqatigin­nis­suser­tik Biibilimit ajoqersor­neqarsimasoq malit­tariaqar­paat. Tas­sa ’Guuti inun­nit naalat­tariaqar­neruaat’. — apustilit suliait 5:29.

8. Oqar­tus­saasut qul­liunerusut qanoq ilil­lutik ilin­nut iluaqutaap­pat, taak­kunun­ngalu naalatsigitin­nerit qanoq ersersis­sin­naaviuk?

 ⁸ Amerlaner­tigul­li ’naalak­kersuisut akimanerusut Guutip kif­faasut uagutsin­nut iluaqutis­samik’ iliuuseqar­tar­put. (Rûmamiut 13:4) Sutigut? Eq­qarsaatigik­kit kif­far­tuus­siner­pas­suit ’naalak­kersuisut akimanerusut’ pilersitaat, soorlu al­lak­keriveqar­neq, politeeqar­neq, qatserisar­toqar­neq, nap­parsim­maveqar­neq ilin­niar­titaanerlu. ’Taman­na pil­lugu aam­ma akileraarutit tun­niut­tar­pasi,’ Paulus al­lap­poq, ’taman­nar­piaq isumageq­qul­lugu Guutip kif­far­tor­tigim­magit.’ (Rûmamiut 13:6) Akileraarutit inatsisitigul­luun­niit pisus­saaf­fiit al­lat eq­qarsaatigalugit ’tamatigut as­suar­naatsutut iliorusup­pugut’, tas­sa un­neq­qaris­suusariaqar­pugut. — Eprîarit 13:18.

9, 10. (a) Oqar­tus­saasut qul­liunerusut Guutip aaq­qis­suus­saanut qanoq ilil­lutik ilaap­pat? (b) Sooq oqar­tus­saasunut qul­liunerusunut akerliuniar­neq eq­qun­ngitsulior­nerua?

⁹ ’Naalak­kersuisut akimanerusut’, imaluun­niit Ny Verden-nutsigaq naaper­tus­sagaan­ni „oqar­tus­saasut qul­liunerusut“, pis­saaner­tik ilaan­nik­kut ator­nerlut­tar­paat. Taama pisoqaraangat taak­kunun­nga naalatsigitik­kumajun­naar­tas­saagut? Naamik. Oqar­tus­saasut iliuusii iluan­ngitsut Jehovap arajutsisiman­ngilai. (Us­satit 15:3) Inuit naalak­kersuinerinik akuerin­nik­kal­lar­nera isumaqan­ngilaq peq­quserlun­nerat akueriin­naraa; uagul­lu taamaaliun­ngin­nis­sar­put naatsorsuutigaa. Qanit­tuk­kum­mi Guutip „naalagaaf­fiit taak­ku tamaasa aserus­savai sequmisil­lugit“ nam­minerlu naalak­kersuisuutitaminik naaper­tuil­luar­tunik taarserlugit. (Daniel 2:44) Taman­nali pitin­nagu oqar­tus­saasut qul­liunerusut iluaqutaasunut ator­neqar­put.

¹⁰ Paulus ima nas­suiaavoq: ’Naalak­kersuisunut akerar­tor­tup Guutip peq­qusaa as­sor­tor­paa.’ (Rûmamiut 13:2) Oqar­tus­saasut qul­liunerusut Guutip ’peq­qusarai’, imaluun­niit aaq­qis­suus­sarai, pis­sutsit aaq­qis­suus­saanis­saan­nik qulak­keerisus­satut, paatsiveerun­neqaq­qunagu inatsiseqaranilu piumasaan­narmik ingerlasoqaq­qunagu. Taamaat­tumik taak­kunun­nga akerliuniar­neq Biibilimut akerliusumik isumaatsumil­lu ilior­neruvoq. Man­na as­sersuutigeriar­tigu: Kilersimagavit ikit mersor­neqar­poq. Naak kilui timin­nut takor­nar­taagaluarlutik pif­fis­sami kil­lilim­mi iluaqutis­satut ator­neqar­put. Siusinaarlutit peeruk­kit ajoqutigiin­nas­savat. Inuit naalak­kersuisui oqar­tus­saas­suseqar­titaasut  Guutip aal­laq­qaam­mul­li siuner­taanut ilaan­ngil­lat. Guutil­li naalagaaf­fiata nunarsuarmut tamak­kiisumik aqutsiler­nis­saata tungaanut inuit naalak­kersuisui inuiaqatigiin­nik aaq­qis­suus­saatitsinermut ator­neqar­put, ul­lumik­kut Guutip piumasaanut naaper­tuus­sak­kamik ingerlaaseqar­titaal­lutik. Taamaat­tumik oqar­tus­saasunut qul­liunerusunut naalatsigitit­tariaqar­pugut, iluaqutaasumik atuut­tuar­til­lugit Guutil­lu inatsisaanut akerliusumik piumasaqan­ngit­tuar­til­lugit.

ILAQUTARIINNI OQARTUSSAASSUSEQ

11. Siulersuinermut najoq­qutas­saq qanoq nas­suias­saviuk?

¹¹ Ilaqutariit ataqatigiiup­put inuiaqatigiin­ni tun­ngaviusut. Ilaqutariin­ni uiusoq nuliaasorlu qanimut peqatigiis­sin­naap­put, meeq­qal­lu ser­nis­sor­neqarsin­naap­put inersimasun­ngor­nis­samin­nul­lu perorsar­neqarlutik. (Us­satit 5:15-21; Evfisumiut 6:1-4) Aaq­qis­suus­saq pitsaasoq taama it­toq aaq­qis­suul­luagaasariaqar­poq ilaqutariin­nut ilaasut tamarmik eq­qis­sinar­tumik oqimaaqatigiis­sumil­lu inuusin­naaq­qul­lugit. Taman­na siuner­taralugu Jehova siulersuinermut najoq­qutas­saqar­titsivoq Korintumiunut agdlagkat sujugdlît 11:3-mi ima oqaatigineqar­tumik: ’Angutip kialuun­niit Kristus niaqoraa, ar­nal­lu angut niaqoraa, Kristusil­lu Guuti niaqoraa.’

12, 13. Kina ilaqutariin­nut niaquua, Jesusil­lu oqar­tus­saas­sutsiminik atuinera qanoq ilin­niarfigineqarsin­naava?

 ¹² Uiusoq ilaqutariin­ni ’niaquuvoq’, tas­sa it­tuuvoq. Taan­nali aam­ma ’niaqoqar­poq’ — Jesus Kristusimik. Paulus ima al­las­simavoq: ’Ilis­si angutit, nuliasi asaniarsigik, soorlut­taaq Kristusip ilagiit asagai im­minil­lu tun­niul­luni taak­ku pis­sutigalugit.’ (Evfisumiut 5:25) Uiusup Kristusimut naalatsigitin­nini ersersit­tar­paa nuliani Jesusip ilagiin­nut iliuuseriuaan­narsimasaatut pigaangamiuk. (1 Juánase 2:6) Jesus an­ner­tuumik oqar­tus­saas­susiler­neqarsimavoq, oqar­tus­saas­sutsili as­sut saamasumik, asan­nit­tumik ingasaas­sinian­ngitsumil­lu ator­tuaan­nar­paa. (Matîuse 20:25-28) Jesus nunarsuarmi inuugal­larami oqar­tus­saas­sutsiminik ator­nerluin­ngisaan­narsimavoq. ’Qanilaar­tuusimavoq uum­mam­migul­lu makitajuitsuul­luni,’ malitsinilu ’kif­faminik’ taanagit ’ikin­ngutiminik’ taasimavai. ’Tar­nis­sin­nut qasuersis­savas­si,’ taama neriorsuisimavoq, taamaalior­tar­porlumi. — Matîuse 11:28, 29; Juánase 15:15.

¹³ Jesusip maligas­siaatigut uiusut paasitin­neqar­put kristumiutut siulersuineq tas­saan­ngitsoq sukan­nersumik naalagaaf­figin­nin­neq. Nuliaminil­li ataq­qin­nit­tumik im­minul­lu pil­liutigeriaan­naas­suseqarluni asan­nit­tumik ator­tus­saavaa. Soorunami nuliani timik­kut oqaatsik­kul­luun­niit ajor­tumik pin­ngisaan­nas­savaa. (Evfisumiut 4:29, 31, 32; 5:28, 29; Kulorsamiut 3:19) Uiusup kristumiup nuliani ajor­tumik pisaruniuk suliai ajun­ngitsut al­lat naleqar­navian­ngil­lat, qin­nutaalu akor­nuser­neqas­sap­put. — 1 Korintumiut 13:1-3; 1 Pîtruse 3:7.

14, 15. Nuliaasup Guutimik ilisarsinini uiminut naalatsigitin­nermini qanoq ilil­luni iluaqutigisin­naavaa?

¹⁴ Uiusup Kristusip maligas­siaa malip­pagu nuliaasup Evfisumiut 5:22, 23-mi al­las­simasut maleruar­nis­saat ajor­nan­ngin­nerutis­savaa: ’Ilis­si ar­nat, uisi naalas­sigik soorlu Naalagaq, ar­nap uini niaqorim­magu, soorlut­taaq ilagiit Kristus niaqorigaat.’ Soorlu uiusoq Kristusimut naalatsigitit­tus­saasoq taamatut nuliaasoq uiminut naalatsigitit­tus­saavoq. Biibilimilu erseq­qis­sumik oqaatigineqar­poq nuliaal­luar­toq Guutimeersumik ilisimas­suseqar­nini eqiasuitsuuninilu pil­lugit ataq­qisas­saasoq nersor­neqar­tus­saal­lunilu. — Us­satit 31:10-31.

¹⁵ Oqar­tus­saasunut qul­liunerusunut naalatsigitin­ner­put kil­leqar­poq, kristumiul­lu nuliaasup uiminut naalatsigitin­nera  tamak­kiisuun­ngilaq. Tas­sa imaap­poq Guutip inatsisaanik unioq­qutitsisumik ilioq­qusaagaan­ni Guuti naalan­nerusariaqar­poq. Al­laat taamaat­toqar­til­lugu nuliaasoq ’anersaamik piuaatsumik sal­laatsumil­lu’ pigisaqar­tariaqar­poq. Takuneqarsin­naasariaqar­poq Guutimik ilisarsinerata nuliaal­luar­nerulersis­simagaa. (1 Pîtruse 3:1-4) Aam­ma kristumiu uiusoq up­pin­ngitsumik nulialik taamaat­tariaqar­poq. Biibilip najoq­qutas­siaanik maleruaanerata uiul­luar­nerulersit­tariaqar­paa.

16. Jesusip meeraagal­larami maligas­siaa meeq­qat qanoq ilil­lutik malis­sin­naavaat?

¹⁶ Evfisumiut 6:1-imi meeq­qat pis­susis­saat oqaatigineqar­poq: ’Ilis­si meeq­qat, angajoq­qaasi naalas­sigik Naalak­kami, taama iluarmat.’ Meeq­qat kristumiut Jesusip maligas­siaa maleruar­tariaqar­paat, taan­nami al­liar­tor­nermini angajoq­qaaminut naalat­tuaan­narsimavoq. Nukap­piaraal­luni taak­kunun­nga naalat­tuusimavoq ’al­liar­torsimal­lunilu ilisimas­sutsimigut ukiumigul­lu nuan­narineqar­nermigul­lu Guutimi inun­nilu’. — Lúkarse 2:51, 52.

17. Angajoq­qaat oqar­tus­saas­sutsimin­nik atuinerat meeraan­nut qanoq sun­niuteqarsin­naava?

¹⁷ Angajoq­qaat meeq­qamin­nut pisus­saaf­fim­min­nik qanoq ingerlatsinerat meeq­qat oqar­tus­saas­suseqar­tunut ataqin­nin­nis­saan­nut imaluun­niit pikitsitsinis­saan­nut aalajangiisuus­saaq. (Us­satit 22:6) Taamaat­tumik angajoq­qaat im­min­nut ima aperis­sap­pata silatusaar­nerus­saaq: ’Oqar­tus­saas­susera asan­nit­tumik imaluun­niit sukan­ner­pal­laamik ator­para? Maleruutiaval­laar­punga?’ Angajoq­qaat Guutimik mianerin­nit­tut asan­nit­tuul­lutil­lu isumas­suisuusus­saap­put, taamaat­torli Guutip najoq­qutas­siai aalajangiusimasus­saal­lugit. Paulus tul­luar­tumik ima al­las­simavoq: ’Ilis­si angajoq­qaat, qitor­nasi narrutsatseqinasigik [nutserluaan­narlugu: uumisaar­taqinasigik], paariniarsigil­lu perorsarlugit iner­ter­tarlugil­lu Jehovamit.’ — Evfisumiut 6:4; Kulorsamiut 3:21.

18. Angajoq­qaat perorsaatis­siinermin­ni qanoq periaaseqar­tariaqar­pat?

¹⁸ Angajoq­qaat perorsaariaatsitik eq­qumaf­figeq­qis­saar­tariaqar­paat, ingam­mik kis­saatigigunik­ku meeq­qatik naalat­tuus­sasut im­min­nul­lu nuan­naarutaas­sasut. (Us­satit 23:24, 25) Perorsaatis­siineq Biibilimi eq­qar­tor­neqaraangami un­nersuus­sineq pineqar­tar­poq. (Us­satit 4:1; 8:33) Perorsaatis­siineq asan­nin­nermik saamanermil­lu ilaqar­poq, kaman­nermik peq­qar­niin­nermil­lu pin­nani. Taamaat­tumik angajoq­qaat kristumiuusut meeq­qamin­nik perorsaatis­siigaangamik  ilisimas­suseqar­tumik ilior­tariaqar­put im­min­nul­lu naalak­kersimaar­tariaqarlutik. — Us­satit 1:7.

ILAGIINNI OQARTUSSAASSUSEQ

19. Guutip ilagiit kristumiut qanoq ilil­luni aaq­qis­suus­saal­luar­tip­pai?

¹⁹ Jehova toris­sutsip Guutigim­magu pis­susis­samisuugin­nas­saaq in­nut­tani oqar­tus­saas­suseqar­tumik aaq­qis­suus­saasumil­lu siulersor­neqar­tip­pagit. Taamaam­mat Jesus ilagiin­ni kristumiuni niaquusus­satut toq­qarsimavaa. (1 Korintumiut 14:33, 40; Evfisumiut 1:20-23) Kristus takus­saan­ngitsumik siulersuisil­lugu Guutip ilagiin­ni tamani utoq­qaaner­tat toq­qak­kat pisus­saatis­simavai kajumit­tumik asan­nit­tumil­lu ilagiin­nut paarsisuunis­saan­nik. (1 Pîtruse 5:2, 3) Taak­ku ilagiin­ni kif­far­tor­tunit ilagiin­ni iluaqutaasumik kif­far­tuuteqar­tunit as­sigiin­ngitsutigut ikior­neqar­tar­put. — Filípimiut 1:1.

20. Sooq kristumiunut utoq­qaaner­tanut toq­qak­kanut naalatsigitit­tariaqar­pugut, taamaalior­ner­pul­lu qanoq ilil­luni iluaqutaas­sava?

²⁰ Kristumiut utoq­qaaner­tat pil­lugit Paulus ima al­las­simavoq: ’Siulersor­tisi naalas­sigik tusar­tarlugil­lu, tar­nisi piggam­matigik aperineqarunik akisus­saal­lutik; tipaatsul­lutik taamaaliorsin­naaq­qul­lugit anersaameq­qunagil­lu, taman­na iluaqutigis­san­ngin­nas­siuk.’ (Eprîarit 13:17) Silatuumik iliorluni Guutip kristumiut nak­kutil­liisut tatigalugit akisus­saaf­filersimavai ilagiin­nut ilaasut anersaak­kut pisariaqar­titaan­nik isumagin­nin­nis­saan­nik. Utoq­qaaner­tat taak­ku palasitut atorfeqan­ngil­lat. Guutimut kif­far­tor­tuup­put, up­peqatimil­lu pisariaqar­titaan­nik isumagin­nit­tus­saal­lutik, soorlu Naalagar­put, Jesus Kristus, taamaalior­tarsimasoq. (Juánase 10:14, 15) Angutit Biibili naaper­torlugu pigin­naas­suseqar­titaasut siumukar­nis­sar­put anersaak­kul­lu ineriar­tor­nis­sar­put soqutigigaat nalun­ngik­kaangatsigu taak­kunun­nga suleqataanis­satsin­nut naalatsigitin­nis­satsin­nul­lu kajumis­sisar­pugut. — 1 Korintumiut 16:16.

21. Utoq­qaaner­tat toq­qak­kat kristumioqatimin­nik qanoq anersaak­kut ikiuiniar­tar­pat?

²¹ Ilagiin­niit­tut ilaan­nik­kut silarsuarmit tam­mar­tin­neqarsin­naap­put silarsuarmil­luun­niit navianar­tor­tin­neqarsin­naal­lutik. Paarsisuunermit siulersor­neqarlutik paarsisutut tul­lersor­taasutut utoq­qaaner­tat paarisamik pisariaqar­titaat eq­qumaf­figisar­paat  kajumil­lutil­lu inut­tut soqutigin­nin­nermik ersersitsivigisarlugit. (1 Pîtruse 5:4) Ilagiin­ni ilaasor­taasunut pulaar­tar­put qiim­mas­saal­lutik. Guutip in­nut­taasa akor­nan­ni eq­qis­sinermik Diaavulup akor­nusersuiniar­nera nalun­ngilaat, taamaat­tumil­lu ajor­nar­torsiutinik sunil­luun­niit iliuuseqarfigin­nin­niaraangamik ilisimas­sut Guutimeersoq ator­tar­paat. (Jâko 3:17, 18) Up­per­nerup ataasius­suseqaataajuar­nis­saa ilungersorlutik sulis­sutigisar­paat, Jesusip nam­mineq qin­nus­sisimanera naaper­torlugu. — Juánase 17:20-22; 1 Korintumiut 1:10.

22. Ajor­tulior­toqar­til­lugu kristumiut qanoq ikiuutaasar­pat?

²² Taavami kristumiu naal­liun­nar­torsior­pat ajor­tuliorsimaniniluun­niit pis­sutigalugu nikal­lungap­pat? Biibilimit un­nersuun­neqar­neq utoq­qaaner­tanil­lu uum­mam­mit pisumik qin­nun­neqar­neq anersaak­kut peq­qis­siar­toq­qin­nis­saminut iluaqutigisin­naavaa. (Jâko 5:13-15) Angutit anersaamit il­ler­nar­tumit toq­qak­kat taak­ku aam­ma ajor­tumik ingerlalersimasunik ilagiin­niluun­niit anersaak­kut ileq­qus­satigul­lu minguis­sutsimik ulorianar­torsior­titsisunik perorsaatis­siinis­samin­nut ilungersor­tumil­lu oqaas­sinis­samin­nut oqar­tus­saas­susiler­neqarsimap­put. (apustilit suliait 20:28; Títuse 1:9; 2:15) Ilagiit minguitsuujuar­nis­saat pil­lugu ataasiak­kaat an­ner­tuumik eq­qun­ngitsuliorsimanermik nalunaarutigin­nin­nis­saat pisariaqarsin­naasar­poq. (3 Moses 5:1) Kristumiup an­ner­tuumik eq­qun­ngitsuliorsimasup Biibili tun­ngavigalugu perorsaatis­sin­neqar­nini ilungersor­tumil­lu oqaan­neqar­nini akuerigunigit, ilumoor­tumil­lu peq­qis­siminermik ersersitsiguni, iluaqutigis­savaa. Soorunami Guutip inatsisaanik piaaralutik peq­qis­siminatil­lu unioq­qutitsiualersut ilagiin­nut ilaasor­taajun­naarsin­neqar­tus­saap­put. — 1 Korintumiut 5:9-13.

23. Kristumiut nak­kutil­liisut ilagiin­nut ajun­ngitsus­samik qanoq suliaqar­tar­pat?

²³ Biibilimi siulit­tuutigineqarsimavoq Jesus Kristusip kun­ngitut naalak­kersuinerani angutit anersaak­kut inersimal­luar­tut toq­qar­neqas­sasut Guutip in­nut­taanik tup­pal­lersaal­lutil­lu, ser­nis­suil­lutil­lu qiim­mas­saasus­sat. (Jesaja 32:1, 2) Nutaarsias­samik nuan­nersumik oqaluus­sis­sutigin­nin­nermi, paarsinermi ajoqersuinermilu siulersor­taasus­saap­put anersaak­kut siumukar­neqaq­qul­lugu. (Evfisumiut 4:11, 12, 16) Naak kristumiut nak­kutil­liisut ilaan­nik­kut ilungersor­tumik oqaas­sisarlutil­lu, naveersisarlutil­lu kajumis­saarisariaqar­taraluar­tut taamaat­toq ajoqersuinerat peq­qin­nar­toq Guutip oqaasiinik tun­ngaveqar­toq aq­qutik­kut inuunermut  sam­misuk­kut ingerlaan­nar­nis­satsin­nut iluaqutigis­savar­put. — Us­satit 3:11, 12; 6:23; Títuse 2:1.

OQARTUSSAASSUTSIMIK JEHOVAP ISIGINNINNERA AKUERIUK

24. Ul­lut tamaasa suk­kut misilin­neqar­tar­pugut?

²⁴ Angutip ar­nal­lu siul­liit misilin­neqar­nerat oqar­tus­saas­suseqar­tumut naalatsigitin­nis­samut tun­ngal­luin­nar­poq. Tupin­nan­ngilaq aam­ma uagut ul­lut tamaasa tamatumani misilin­neqar­tarat­ta. Satan Diaavulu pikitsitsiumatus­sutsip anersaavanik inuit akor­nan­ni siuarsaasimavoq. (Evfisumiut 2:2) Oqar­tus­saaf­figineqaruman­ngis­suseq naalatsigitin­nermit pitsaanerungaar­tutut saq­qum­miun­neqar­tar­poq.

25. Silarsuarmi pikitsitsiumatus­sutsip anersaavanik tunuar­titsineq Guutil­lu oqar­tus­saas­susianut oqar­tus­saas­susilin­nul­luun­niit taas­suma akuerisaanut naalatsigitin­neq qanoq iluaqutaasar­pat?

²⁵ Uagul­li silarsuarmi pikitsitsiumatus­sutsip anersaava akior­tariaqar­par­put. Taamaaliorut­ta paasis­savar­put Guutimik mianerin­nil­luni naalatsigitin­neq pil­luaq­qusaaner­pas­suar­nik kinguneqar­tar­toq. As­sersuutigalugu silarsuarmi oqar­tus­saasunut tun­ngatil­lugu im­min­nut ajor­nar­torsiutis­sit­tar­tut isumakuluutaat pin­ngitsuus­savavut. Aaq­qiagiin­ngin­nerit ul­lumik­kut ilaqutariip­pas­suar­ni nalingin­naasut mil­lisis­savavut. Kristumioqatitsin­nil­lu asan­nit­tumik qanimul­lu najor­tigiit­tar­neq nuan­naarutigisin­naas­savar­put. Tamanil­lu pingaar­ner­paamik, Guutimik mianerin­nil­luta naalatsigitin­ner­put Jehovamut, oqar­tus­saasumut qutsin­ner­paamut, ajun­ngitsumik at­taveqalis­sutigis­savar­put.

SUNA ILIKKARPIUK?

Jehovap oqar­tus­saas­sutsi qanoq ator­tar­paa?

’Naalak­kersuisut akimanerusut’ kik­kuup­pat, qanorlu ilil­luta taak­kunun­nga naalatsigitip­pugut?

Siulersuinermut najoq­qutas­siap ilaqutariin­nut ilaasut tamaasa im­mik­kut qanoq akisus­saaf­filer­pai?

Ilagiin­ni kristumiuni naalatsigitin­ner­put qanoq ilil­luta ersersis­savar­put?

[Atuaqqissaarnermi apeqqutit]

[Qupp. 134-mi ungalusaq]

NAALATSIGITITTUT — PIKITSITSINIAR­TUUNNGITSUT

Tamanut oqaluus­sinermik­kut Jehovap nalunaajaasuisa Guutip naalagaaf­fia inuiaat eq­qis­sinermut isuman­naas­sutsimul­lu neriuutis­satuaat­tut tik­kuar­tar­paat. Guutil­li naalagaaf­fianik ilungersuus­sil­lutik tusarlius­sisar­tut taak­kua nunagisamin­ni naalak­kersuisunut pikitsitsiniar­tuun­ngil­luin­nar­put. Akerlianil­li Jehovap nalunaajaasui in­nut­taasunut ataq­qin­nin­ner­paanut inatsisinil­lu maleruaal­luar­ner­paanut ilaap­put. Afrikami nunat ilaan­ni naalak­kersuisuni atorfilik ima oqarsimavoq: „Up­perisarsioqatigiit tamarmik Jehovap nalunaajaasuisut ik­kaluar­pata toqutsisoqar­tar­nanilu, til­lin­niar­toqar­tar­nanilu, par­naarus­saasoqar­tar­nanilu atomimik qaar­tar­tuliaqas­san­ngik­kaluar­poq. Matut ul­loq un­nuarlu par­naar­tariaqar­tas­san­ngik­kaluar­pavut.“

Taman­na paasil­lugu nunat ilar­pas­suini oqar­tus­saasut Jehovap Nalunaajaasuisa oqaluus­sil­lutik sulinerat akuersis­sutigisimavaat. Nunat ilaan­ni oqaluus­sineran­nut iner­teq­qutit kil­lilersuutil­luun­niit oqar­tus­saasunit atorun­naarsin­neqarsimap­put Jehovap nalunaajaasuisa ajun­ngitsumik sun­niuteqar­nerat paasineqalermat. Soorlumi oqar­tus­saasunut qul­liunerusunut naalan­neq Paulusip ima oqaatigisimagaa: ’Ajun­ngitsuliorit; taava taak­kua nersus­savaatsit.’ — Rûmamiut 13:1, 3.