Kapitali 3

Kina Guutiua ilumoortoq?

1. Sooq oqaatsit Biibilip aal­laq­qaasiutai inup­pas­suit isumaqatigaat?

UN­NUK­KUT qilam­mut al­laaq­qeqisumut qiviaraangavit ul­loriar­pas­suit tupigusuutigisar­pigit? Qanoq ilil­lutik pin­ngorsimasoraagit? Nunarsuarmilu uumas­susil­lit kiamitaava pin­ngor­tip­pai — naasut qalipaatigeqisut, tim­mis­sat tusar­neqisumik qarlor­tut, arfersuit im­mami puisaqat­taar­tut, ilaal­lu ilan­ngul­lugit? Tamak­kua tamarmik nalaatsor­nerin­nak­kut pin­ngorsimanavian­ngil­lat. Taamaat­tumik tupin­nan­ngitsumik inup­pas­suit oqaatsit Biibilip aal­lar­tis­sutai uku isumaqatigaat: „Pileq­qaar­neran­ni Guutip qilak nunarsuarlu pin­ngor­tip­pai.“ — 1 Moses 1:1.

2. Guuti Biibilimi qanoq eq­qar­tor­neqar­pa, tamatumalu qanoq ilior­nis­satsin­nut kajumis­saar­paatigut?

² Guuteqar­nera pil­lugu inuit as­sigiin­ngitsor­pas­suar­nik isumaqar­put. Ilaat isumaqar­put Guuti tas­saasoq pis­saaneq kinaas­suseqan­ngitsoq. Inuit mil­lionilik­kuutaat siuaasatik toqoreersimasut pal­lorfigisaraat, isumaqarlutik Guuti ungaseqigami pal­lin­neqarsin­naan­ngitsoq. Biibilimili ersersin­neqar­poq Guuti ilumoor­toq kinaas­susiliviusoq tamatsin­nik ataasiak­kaanik asan­nil­luni soqutigin­nit­toq. Taamaat­tuminguna Biibilimi kajumis­saar­neqar­tugut ’Guuti ujaq­qul­lugu tamatsin­nit ungasin­ngik­kaluaqim­mat’. — apustilit suliait 17:27.

3. Sooq Guuti timik­kut as­silineqarsin­naan­ngila?

³ Guuti qanoq isik­koqar­pa? Kif­faasa ilaat ikit­tun­nguit takorruuisitaanik­kut Guutip isik­kuanik naalan­nas­susilim­mik takusaqar­tin­neqarsimap­put. Takorruuisitsiner­ni tamak­kunani is­siavis­saarsuarmi is­siasutut, ataq­qinangaar­tumik qaamanilit­tut, takutit­tarsimavoq. Takorruuisitaasul­li Guutip kiinaanik erseq­qis­sumik  takusaqarsiman­ngil­lat. (Daniel 7:9, 10; sarĸúmersitat 4:2, 3) Taamaap­poq ’Guuti anersaajum­mat’, uiniusumik timeqar­nani. (Juánase 4:24) Pin­ngor­titsiser­put timip pianik as­silis­sal­lugu ajor­narluin­nar­poq ’Guutimik takun­nit­toqan­ngisaan­narmat’. (Juánase 1:18; 2 Moses 33:20) Taamaak­kaluar­torli Biibilimi Guuti pil­lugu paasis­sutis­sar­pas­suaqar­poq.

GUUTI ILUMOORTOQ ATEQARPOQ

4. Qanoq naleq­qul­luar­tunik Guuti Biibilimi taagor­neqar­pa?

⁴ Guutimut ilumoor­tumut taaguutit mak­ku Biibilimi ator­neqar­put: „Guuti ajugaqan­ngitsoq“, „Qutsin­nerus­saar­toq“, „Pin­ngor­titsisoq“, „Naalagaq“ aam­malu ’Naas­saan­ngitsumik kun­ngiusoq’. (1 Moses 17:1; Tus­siaat 50:14; Nalunaajaasup oqaasii 12:1; Jesaja 30:20; apustilit suliait 4:24; 1 Timûtiuse 1:17) Taaguutit tamak­kua eq­qarsaatigeq­qis­saar­neratigut Guuti ilisarineqar­nerujar­torsin­naavoq.

5. Guuti qanoq ateqar­pa, Biibilimilu qanoq atukulaneqar­tigaa?

⁵ Guutili aam­ma ateqar­poq, aterlu taman­na Al­lak­kani Hebriiarisuuni 7000-t angungajal­lugit ator­neqar­poq — taaguutaanit al­lanit akulikin­nerusumik ator­neqarluni. Ukiut 1900-t mis­saan­niit­tut matuma sior­na juutit up­perisapalaaqarlutik Guutip aq­qa taanaveersaar­talersimavaat. Hebriiarisut al­lat­taatsimi Biibilimi ator­neqar­tumi ersiutit ator­neqan­ngim­mata Guutip aq­qa aap­persariaan­nar­nik sisamanik al­lan­nilik (יהוה) Mosesip, Davidip itsarluun­niit inuusimasut al­lat qanor­piaq taasarsimaneraat eq­qoq­qis­saar­tumik ilisimaneqan­ngilaq. Biibilimik paasiniaasar­tut ilaat isumaqar­put Guutip aq­qa „Jahve“-mik taaneqar­tus­saasoq, kisian­ni qulak­keerluin­narlugu ilisiman­ngilaat. „Jehova“ ukiuni hundredelik­kuutaani ator­neqarsimavoq, ul­lumik­kul­lu oqaatsini as­sigiin­ngitsuni akuerisaal­luni ator­neqarluni.

SOOQ GUUTIP AQQA ATORTARIAQARIT

6. Tus­siaat 83:19-imi Jehova qanoq oqaatigineqar­pa, aam­ma sooq aq­qa ator­tariaqar­par­put?

⁶ Guutip atini as­seqan­ngitsoq, Jehova, guutinit al­lanit tamanit im­mik­koorutigaa. Taamaat­tumil­luuna aq­qa Biibilimi, ingam­mik hebriiarisuuani, taama ator­neqakulatigisoq. Biibilimik nutserisut ilar­pas­suisa Guutip aq­qa peersimavaat,  taamaak­kaluar­torli Tus­siaat 83:19-imi erseq­qis­sumik al­las­simavoq: „Il­lit kisivit — aq­qit tas­saasoq [Jehova] — qutsin­nerus­saar­tutit nunarsuarmi tamarmi.“ Taamaat­tumik Guuti oqaluuserigaangatsigu nam­mineq aq­qata ator­nis­saa pis­susis­samisoor­poq.

7. Jehovap aq­qata isumaata Guuti pil­lugu qanoq oqalut­tuup­paatigut?

⁷ Ateq Jehova naggueqar­poq oqaluum­mik hebriiarisuumik isumaqar­tumik „piler­poq“. Taamaat­tumik Guutip aq­qa isumaqar­poq „pilersitsivoq“. Jehova Guuti siuner­taqar­tar­tutut im­minut ilisaritip­poq. Siuner­tanimi piviusun­ngor­tit­tuaan­narsimavai. Guutip ilumoor­tup kisimi ateq taan­na eq­qor­tumik aterisin­naavaa, inuum­mi kialuun­niit siuner­tani piviusun­ngus­sanersoq qulak­keersin­naan­ngilaa. (Jâko 4:13, 14) Jehova kisimi ima oqarsin­naavoq: „Taama ip­poq oqaasera qanin­nit anisoq: Susaarluni uan­nut utis­san­ngilaq, kisian­ni suliareq­qusak­ka suliaris­savai naam­mas­seq­qusak­kalu naam­mas­sis­sal­lugit.“ — Jesaja 55:11.

8. Jehovap siuner­tani suna Moses aq­qutigalugu nalunaarutigaa?

⁸ Oqaatigineqar­poq ataataaner­paat hebriiariusut, Abrahamip, Isakip Jakobil­lu, ’Jehova aq­qagut torlorfigisarsimagaat’, aq­qatali isumaa tamak­kiisumik paasisimanagu. (1 Moses 21:33; 26:25; 32:9; 2 Moses 6:3) Taamaat­tumik kingor­na kinguaamik, Israelik­kut, Egyptinimit aniguisin­nis­saan­nik ’nunamil­lu im­mum­mik tungusun­nitsuum­mil­lu kuut­tumik’ tuninis­saan­nik siuner­tani Jehovap saq­qum­mium­magu qular­nan­ngitsumik up­periuminaatsip­paat. (2 Moses 3:17) Atimili isumaa ataavar­tus­saq Guutip pruf­fiitiminut Mosesimut erseq­qis­saatigaa ima oqarluni: „Israelik­kut ima oqarfigis­savatit: ’Uan­nik ilis­sin­nut aal­lar­titsisoq tas­sa [Jehova] siuaasas­si Guutiat, Abrahamip Iisaal­lu Jaakul­lu Guutiat.’ Tas­sa atera naas­saan­ngitsumut aterisara, tas­sa ateriumasara kinguaariik­kuutaani.“ — 2 Moses 3:15.

9. Faraop Jehova qanoq isigaa?

⁹ Mosesip Farao, Egyptenip kun­ngia, qin­nuigisimavaa Israelik­kut inoqajuitsumi Jehovamik pal­lorfigin­nik­kiar­tor­nis­saan­nik akuereq­qul­lugit. Faraoli, nam­mineq guutitut isigineqar­toq Egyptenimiul­lu guutiinik al­lanik pal­lorfigin­nit­toq, ima akivoq: „[Jehova] taan­na kinaam­mat naalas­savara Israelik­kul­lu aal­lar­nis­saat  akueralugu? [Jehova] taan­na naluara, Israelik­kul­lu aal­lar­nis­saat akueris­san­ngilara.“ — 2 Moses 5:1, 2.

10. Israelik­kun­nut Egyptenimiit­tunut atatil­lugu siuner­tani naam­mas­siniarlugu Jehova qanoq iliorsimava?

¹⁰ Taava Jehova iliuuseqar­poq siuner­tani naam­mas­siniarlugu, atimi isumaanut naaper­tuut­tumik iliorluni. Egyptenimiunut perluit qulit nal­liutitip­pai. Perluup kingul­liup Egyptenimiut angajul­liliaat tamaasa toqup­pai, Faraop makitasuup er­nera ilan­ngul­lugu. Taamaalim­mat Israelik­kut aal­lar­nis­saat Egyptenimiut akueripal­lap­paat. Egyptenimiul­lu ilaasa Jehovap pis­saaneqas­susia tupigusuutigingaaramik­ku Israelik­kut Egyptenimit aal­lalermata ilagaat. — 2 Moses 12:35-38.

11. Im­mami Aap­palaar­tumi Jehova qanoq tupin­nar­tuliorsimava, akeraasalu suna nas­suerutigisariaqarsimavaat?

¹¹ Faraoli uteriitsoq sak­kutuunilu, 600-nik sorsuutinik qamutil­lit, aal­lar­put inus­siaatini tigusareq­qik­kiar­tor­niarlugit. Egyptenimiut qanil­lim­mata Guutip tupin­nar­tuliorluni Imaq Aap­palaar­toq avip­paa Israelik­kut im­map naq­qatigut paner­tuk­kut ikaar­nias­sam­mata. Malersuisut im­map naq­qatigut paner­tuk­kuulermata ’qamutaasa as­sakaasui kigaaqusersorlugit Jehovap ingerlaq­qar­tip­pai’. Taava Egyptenimiut sak­kutuui suaar­taler­put: „Israelik­kun­nit qimaaniar­ta, [Jehova] uagutsin­nut sorsum­mat Israelik­kut il­lersorlugit.“ Kingusinaareer­pul­li. Imaq iigarsuar­tut ilisimagaluar­toq uterluni „Faraop sak­kutoor­pas­suisalu qamutaat qimus­sius­sisuilu Israelik­kun­nik malersuisut tamaasa“ ulugup­pai. (2 Moses 14:22-25, 28) Pisumi tamatumani Jehovap aq­qi tusaamasarsuan­ngor­tip­paa, pisimasorlu taman­na ul­loq man­na tikil­lugu suli puior­neqan­ngilaq. — Josva 2:9-11.

12, 13. (a) Guutip aq­qa ul­lumik­kut uagutsin­nut qanoq isumaqar­pa? (b) Inuit suna pin­ngitsooratik ilin­niar­tariaqar­paat, sooq?

¹² Ateq Guutip im­minut atilius­simasaa ul­lumik­kut uagutsin­nut pingaaruteqar­torujus­suuvoq. Aq­qa, Jehova, siuner­taasa tamarmik piviusun­ngor­nis­saan­nut uagutsin­nut qulak­keerisuuvoq. Tamatumun­nga ilaavoq aal­laq­qaam­mul­li siuner­taa: Nunarsuarmik paratiisin­ngor­titsinis­saq. (1 Moses 1:28; 2:8) Aam­ma tamatumun­nga ilaavoq im­minut pal­lorfigin­nit­tut silarsuas­samut nutaamut naaper­tuil­luar­tumut siulersor­nis­saan­nik neriorsuutaa. (2 Pîtruse 3:13) Egyptenimiunik nungutitsisimanermisut Guutip kisimi oqar­tus­saanerminut ul­lumik­kut  akerlilersuisut tamaasa piias­savai, man­na pil­lugu: „Misigis­savaat uanga tas­saasunga [Jehova].“ — Hesekiel 38:23.

¹³ Guutimit iluarisaarusut­tut tamarmik up­per­nik­kut taas­suma aq­qanik torlorfigin­nin­nis­sar­tik ilin­niar­tariaqar­paat, Biibilimimi ima neriorsuuteqar­poq: ’Kinaluun­niim­mi Jehovap aq­qanik torlorfigin­nit­toq an­nak­kumaar­poq.’ (Rûmamiut 10:13) Aap, Jehovap aq­qa isumalerujus­suuvoq. Jehova Guutit­tut An­naas­sisut­tul­lu torlorfigiguk­ku pil­luar­neq naas­saan­ngitsoq angusin­naavaat.

GUUTIP ILUMOORTUP PISSUSII

14. Guutip pis­susii tun­ngaviusut suut Biibilimi erseq­qis­sar­neqar­pat?

¹⁴ Israelip Egyptenimit aniguisitaanera misis­soq­qis­saaraan­ni Guutip pis­susii tun­ngaviusut sisamat oqimaaqatigiil­luin­nar­tumik ersersit­tagai malun­narsisar­put. Faraomik iliuuseqarfigin­nin­neratigut pissaanera tupin­nangaar­toq erser­poq. (2 Moses 9:16) Pisumik ajor­nakusoor­tumik tamatumin­nga pil­laq­qis­sumik iliuuseqar­nermigut Guutip ilisimassutsi as­seqan­ngitsoq ersersip­paa. (Rûmamiut 11:33) Akerlilersuisut malar­titas­saan­ngitsut in­nut­taminil­lu naqisiman­nit­tut pisas­saan­nik pil­lar­neratigut naapertuilluassutsi qulaar­paa. (5 Moses 32:4) Guutip asanninnera qanoq ilil­luni erser­tar­pa? (1 Juánase 4:16) Abrahamip kinguaavinut neriorsuutimi eq­quutin­neratigut Jehova asan­nin­nermik an­ner­tuumik ersersitsivoq. (5 Moses 7:8) Aam­ma Egyptenimiut ilaat guutit ilumuun­ngitsut qimal­lugit Guutimik ilumoor­tutuamik pal­lorfigin­niler­nermik­kut an­ner­tuumik iluaqutis­sarsinis­saan­nik akuerineratigut asan­nin­nermik Guuti ersersitsivoq.

15, 16. Guutip asan­nin­nini sutigut ersersis­simavaa?

¹⁵ Biibili atuaraan­ni malun­nar­tar­poq asan­nin­neq Guutip pis­susiisa pingaar­ner­paar­tarigaat, as­sigiin­ngitsor­pas­suar­nil­lu periaaseqarluni ersersit­taraa. As­sersuutigalugu, asan­nin­nini pis­sutigalugu Pin­ngor­titsisutut anersaanik pin­ngor­titsivoq inuunermik nuan­naarutigin­neqatigilerlugit. In­ngilit mil­lionilip­pas­suit taak­kua Guuti asavaat un­nersiutigalugulu. (Job 38:4, 7; Daniel 7:10) Guuti aam­ma asan­nin­nermik ersersitsivoq nunarsuaq pin­ngor­tik­kamiuk inun­nul­lu pil­luarluni inuuf­fis­san­ngoramiuk. — 1 Moses 1:1, 26-28; Tus­siaat 115:16.

 ¹⁶ Uagut Guutip asan­nin­nera kisis­saan­ngitsutigut iluaqutigisar­par­put. As­sersuutigalugu, Guutip asan­nil­luni timivut ima tupin­nar­tigisumik pin­ngor­tis­simavai inuunermik nuan­naarutigin­nis­sin­naan­ngor­til­luta. (Tus­siaat 139:14) Asan­nin­nera takusin­naavar­put ’qilam­mit tunisarmatigut sialun­nik ukiunil­lu naggorif­fiusunik uum­mativul­lu qaarsil­lar­tit­tarlugit tipaatsutsit­tarlugil­lu’. (apustilit suliait 14:17) Al­laam­mi Guutip ’seqer­ni ajor­tunut ajun­ngitsunul­lu nueq­qusar­paa’. (Matîuse 5:45) Aam­ma asan­nin­nini pis­sutigalugu ikior­tar­paatigut nam­mineq pil­luni ilisarsis­sum­mik iluaqutigin­nis­sin­naalersil­luta im­minul­lu pal­lorfigin­nit­tutut pil­luarluta kif­far­torsin­naalersil­luta. Tas­sami ’Guuti asas­sutaavoq’. (1 Juánase 4:8) Pis­susiili al­lat misis­soriar­tigik.

’GUUTI NALLITTUILLUNILU SAAMMAASOQ’

17. 2 Moses 34:6, 7-imi Guuti pil­lugu qanoq ilik­kagaqar­pugut?

¹⁷ Israelik­kut Imaq Aap­palaar­toq ikaareeramik­ku Guutip suli ilisarinerunis­saanut pisariaqar­titsip­put. Taamaat­tumik Moses ima qinuvoq: „Ilumut ilin­nut saam­maan­narsiguma taava pilersaarutigisan­nik nalujun­naarsin­nga ilisareq­qul­lutit ilin­nul­lu saam­maan­narseq­qul­lunga.“ (2 Moses 33:13) Moses Guuti pil­lugu ilisimasaqar­neruler­poq Guuti nam­mineq ima oqar­toq tusaramiuk: „Uanga tas­sa [Jehova], Guuti nal­lit­tuisoq, saam­maasoq, kamajasuun­ngitsoq, isumas­suingaar­toq un­neq­qaringaar­torlu; asan­nit­toq tusindilin­nut, ajor­tulianik unioq­qutitsiner­nil­lu isumak­kiisoq; kisian­ni pisuusumik pil­laan­ngitsoor­neq ajor­toq.“ (2 Moses 34:6, 7) Guutip asan­nin­nini naaper­tuil­luas­sutsimik oqimaaqatigiis­sar­tar­paa, piaaraluni ajor­tulior­toq ajor­tuliami kingunerinik atuin­ngitsoor­nis­saanik il­lersus­sanagu.

18. Qanoq ilil­luni Jehovap nal­lit­tuisuunini takutis­simavaa?

¹⁸ Soorlu Mosesip paasigaa Jehova aam­ma nal­lit­tuisuuvoq. Nal­lit­tuisup naal­liut­tut nal­ligisar­pai ikior­niar­tarlugil­lu. Taamatut Guuti inun­nut nal­lit­tuinermik ersersitsisimavoq naal­liun­nar­tunit, nap­paatinit toqumil­lu aniguisitaanis­saan­nut aq­qutis­siuun­nerisigut. (sarĸúmersitat 21:3-5) Guutimik pal­lorfigin­nit­tut ilaan­nik­kut atugarliorsin­naasar­put silarsuarmi pis­sutsit ajor­tut imaluun­niit sianiil­liorsimanermik kingunerisaanik  ajor­nar­torsior­ner­tik pis­sutigalugit. Maniguul­lutil­li ikioq­qul­lutik Jehova saaf­figisarunik­ku tup­pal­lersar­neqarlutil­lu ikior­neqar­tas­sap­put. Sooq? Pal­lorfigin­nitsiminut nal­lit­tuil­lunilu isumas­suil­luin­nar­tuum­mat. — Tus­siaat 103:8-14; 1 Pîtruse 5:6, 7.

19. Sooq oqarsin­naavugut Guuti saam­maasuusoq?

¹⁹ Inuit oqar­tus­saas­susil­lit ilar­pas­sui inoqatimin­nik sukan­nersumik pin­nit­tar­put. Jehovali kif­faminut maniguut­tunut saam­maangaar­tuuvoq! Qilam­mi nunamilu qutsin­ner­paamik oqar­tus­saas­suseqaraluarluni inuian­nut tamanut as­seqan­ngitsumik ajun­ngitsulior­tar­poq. (Tus­siaat 8:4, 5; Lúkarse 6:35) Jehova aam­ma inun­nut ataasiak­kaanut saam­maasuuvoq, tamarmil­lu im­mik­kut iluareq­qul­lutik qin­nutaat akisar­pai. (2 Moses 22:26, 27; Lúkarse 18:13, 14) Soorunami Guuti kimil­luun­niit iluarin­nin­nermik nal­lit­tuinermil­luun­niit ersersitsinis­saminut pisus­saan­ngik­kaluar­poq. (2 Moses 33:19) Taamaat­tumik Guutip nal­lit­tuineranut saam­maaneranul­lu pingaar­titsinermik itisuumik ersersitsisariaqar­pugut. — Tus­siaat 145:1, 8.

 KAMAJASUUN­NGITSOQ, NAKERISARSIORTUUN­NGITSOQ NAAPERTUILLUARTORLU

20. Suup takutip­paa Jehova kamajasuunanilu nakerisarsior­tuun­ngitsoq?

²⁰ Jehova kamajasuun­ngilaq. Imaan­ngilarli akuliutin­ngisaan­nar­toq, tas­sami Farao naalas­seriitsoq sak­kutuuilu Im­mami Aap­palaar­tumi nungutis­simavai. Jehova aam­ma nakerisarsior­tuun­ngilaq. Im­mik­kut in­nut­tai, Israelik­kut, naggataatigut taas­sumun­nga iluarisaajun­naarsimap­put eq­qun­ngitsulior­tuar­ner­tik pis­sutigalugu. Guuti paasititsivoq inuit inuian­nit tamaneersut im­minut pal­lorfigin­nin­nis­saan­nut tikil­luaq­qugini, aatsaal­li aq­qutigeq­qusamigut naaper­tuil­luar­tuk­kut ingerlajumap­pata. — apustilit suliait 10:34, 35.

21. (a) sarĸúmersitat 15:2-4-mi Guuti pil­lugu qanoq ilik­kagaqar­pugut? (b) Guutip kis­saatigisaatut ilior­nis­sar­put suup oqin­nerulersis­savaa?

²¹ Guutip ’peq­qus­sutaanik iluar­tunik’ ilin­niar­nis­sap pingaaruteqas­susia Biibilip atuagar­taasa ilaan­ni, sarĸúmersitat-ni, erseq­qis­sar­neqar­poq. Tas­sani oqalut­tuarineqar­poq pin­ngor­titat qilam­miusut ima erinarsor­tut: ’Angeqaat tupin­naqalutil­lu suliatit, Jehova Guuti ajugaqan­ngitsutit; iluar­put ilumoorlutil­lu aq­qutigisatit, inuiaqatigiit kun­ngiat-aa. Kia mianeris­san­ngin­neraatit, Jehova, aq­qil­lu un­nersiutiginagu? Kisivit il­ler­nar­torsuugavit. Inuiaqatigiim­mi tamarmik aggerumaar­put kiin­navit saani pal­lorlutik, peq­qus­sutitit iluar­tut ersermata.’ (sarĸúmersitat 15:2-4) Siooraneq peq­qin­nar­toq, imaluun­niit ataq­qin­nil­luni mianerin­nin­neq, Jehovamut ersersit­tar­par­put taas­suma eq­qor­tutut isigisaanik ilior­nitsigut. Guutip ilisimas­susianik asan­nis­susianil­lu im­mitsin­nut eq­qaasit­tuar­tarut­ta eq­qor­tumik ilior­nis­sar­put ajor­nan­ngin­nerutis­savar­put. Taas­sumami peq­qus­sutai tamarmik uagutsin­nut iluaqutis­saap­put. — Jesaja 48:17, 18.

’JEHOVA GUUTI ATAASIINNAAVOQ’

22. Sooq Biibilimik akuerin­nit­tut ataasiul­lunilu pingasuusumik pal­lorfigin­nin­ngil­lat?

²² Egyptenimiutoq­qat guuter­pas­suar­nik pal­lorfigisaqarsimap­put, Jehovali tas­saavoq „Guuti tamak­kiisumik tun­niusimaf­figineqar­nis­saminik  piumasaqar­toq“. (2 Moses 20:5, NV) Mosesip Israelik­kut eq­qaasis­simavai ’Jehova Guuter­tik ataasiinnaasoq’. (5 Moses 6:4) Jesus Kristusip oqaatsit taak­ku utersimavai. (Mákorse 12:28, 29) Taamaat­tumik Biibilimik Guutip oqaasiatut akuerin­nit­tut ataasiul­lunilu pingasuus­sutsimik ajoqersuut, kinaas­susilin­nit imaluun­niit guutinit pingasunit katitigaasoq, pal­lorfigin­ngilaat. Ilami oqaaseq ’ataasiul­lunilu pingasuus­suseq’ Biibilimi nas­saas­saan­ngil­luin­nar­poq. Guuti ilumoor­toq kinaas­susiliuvoq ataaseq, Jesus Kristusimit im­mik­koor­toq. (Juánase 14:28; 1 Korintumiut 15:28) Guutip anersaava il­ler­nar­toq kinaas­susiliun­ngilaq. Tas­saavorli Jehovap nukinga sulisoq, siuner­taminik naam­mas­sin­nin­niar­nermini ator­tagaa. — 1 Moses 1:2; 2 Pîtruse 1:20, 21.

23. (a) Guutimik asan­nin­nerit qanoq ilil­luni al­liar­tus­sava? (b) Guutimik asan­nin­neq pil­lugu Jesus qanoq oqarsimava, aam­ma Jesus pil­lugu suna ilin­niar­tariaqar­par­put?

²³ Jehovap qanoq tupin­nar­tigis­susia eq­qarsaatigalugu pal­lorfigineqar­tus­saasutut isigin­ngiliuk? Oqaasia, Biibili, atuaq­qis­saar­til­lugu Guuti ilisarinerujar­tus­savat paasil­lugulu naas­saan­ngitsumik inuul­luar­nis­san­nut pil­luar­nis­san­nul­lu sunik piumasaqarfigigaatit. (Matîuse 5:3, 6) Aam­malu Guutimut asan­nin­nerit al­liar­tus­saaq. Taman­na pingaar­torujus­suuvoq, Jesusimi ima oqarsimavoq: ’Asas­savat Jehova Guutit uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit nukisil­lu tamak­kerlugit.’ (Mákorse 12:30) Nalunan­ngitsumik Jesus taamatut Guutimut asan­nis­suseqar­poq. Jesus Kristusili Biibilimi qanoq oqalut­tuarineqar­pa? Jehovap siuner­taani taan­na sumik inis­sisimaf­feqar­pa?

SUNA ILIKKARPIUK?

Guuti qanoq ateqar­pa, qanorlu akulikitsigisumik Biibilimi ator­neqapa?

Sooq Guutip aq­qa ator­tariaqar­pa?

Jehova Guutip pis­susii suut ingam­mik nuan­naraagit?

[Atuaqqissaarnermi apeqqutit]

[Qupp. 29-mi assiliartaq]

Tamanik Pin­ngor­titsisoq qanoq nalun­ngitsigaajuk?