Kapitali 5

Pallorfiginninneq suna Guutip akueraa?

1. Ar­nap Samariamiup pal­lorfigin­nin­neq pil­lugu suna paaserusup­paa?

IMA im­minut aperinikuuit: ’Pal­lorfigin­nin­neq suna Guutip akueraa?’ Im­maqa apeq­qut taman­na ar­nap Samariamiup qaq­qap Garizimip eq­qaani Jesusip oqaloqatigisaata eq­qarsaatigilersimas­savaa. Samariamiut juutil­lu pal­lorfigin­nin­nerata as­sigiin­ngis­sutaat eq­qarsaatigalugu ar­naq oqar­poq: ’Siuaasavut qaq­qami matumani pal­lor­tar­put, ilis­sili oqar­tar­pusi pal­lor­tarfis­saq Jerusalemimiit­toq.’ (Juánase 4:20) Jesus ar­namut Samariamiumut oqar­pa pal­lorfigin­nin­nerit tamaasa Guutip akuerigai? Imaluun­niit Guuti iluarisaanik pal­lorfigis­sagaan­ni aalajangersimasunik pisariaqar­tunik taasaqar­pa?

2. Jesusip ar­naq Samariamiu qanoq akivaa?

² Jesus tupaal­lan­nar­tumik ima akivoq: ’Ul­lut nal­liuk­kumaar­put, taava qaq­qamiluun­niit matumani Jerusalemimiluun­niit Ataataq pal­lorfigis­san­ngilarsi.’ (Juánase 4:21) Samariamiut Jehova guutil­lu al­lat qaq­qami Garizimimi ukior­pas­suar­ni pal­lorfigisimavaat. (2 Kun­ngit 17:25) Maan­na Jesus Kristus oqar­poq pal­lorfigin­nin­nermi ilumoor­tumi qaq­qaq taman­na Jerusalemiluun­niit im­mik­kut pingaaruteqan­ngitsut.

ANERSAAKKUT ILUMOORTUMILLU PALLORFIGINNINNEQ

3. (a) Sooq Samariamiut Guuti ilisimavin­ngilaat? (b) Juutit aalajaatsut al­lal­lu qanoq ilil­lutik Guutimik ilisarsilersin­naap­pat?

³ Jesus nangil­luni ima oqar­poq: ’Ilisiman­ngisarsi pal­lorfigaarsi; uagut ilisimasar­put pal­lorfigaar­put; an­nas­sum­mi  juutinit pivoq.’ (Juánase 4:22) Samariamiut eq­qun­ngitsunik up­perisarsior­nik­kut isumaliutersuuteqar­put Biibilil­lu atuagar­tai siul­liit tal­limat kisiisa — nam­min­neq Samariamiusuun­ngor­titar­tik Samariamiut Pentateukiat­tut ilisimaneqar­toq — isumas­sarsiarititaasutut up­peralugit. Taamaat­tumik tamak­kiisumik Guuti ilisimasaqarfigin­ngilaat. Juutil­li Biibilimik im­mik­kut ilisimasaqar­titaap­put. (Rûmamiut 3:1, 2) Juutit aalajaatsut al­lal­lu piumasut Guuti ilisariler­niarlugu pisariaqar­titatik Biibilimi nas­saarisin­naavaat.

4. Jesusip oqaasii naaper­torlugit juutit Samariamiul­lu pal­lorfigin­nin­ner­tik Guutimit iluarisaas­sap­pat qanoq ilior­tariaqar­pat?

⁴ Jesusip ersersip­paa juutit Samariamiul­lu Guutip iluarisaanik ilior­niarunik pal­lorfigin­nin­ner­tik al­lan­ngor­tit­tariaqaraat. Oqar­poq: ’Ul­lut nal­liuk­kumaar­put, maan­nak­kum­mi nal­lius­simap­put, taava pal­lorfigin­nit­tut ilumoor­tut Ataataq pal­lorfigis­savaat anersaak­kut it­tumik ilumoor­tumil­lu; pal­lorfigisinimi taamaat­tut Ataatap piumavai. Guuti anersaajuvoq, taas­sumin­ngalu pal­lorfigin­nit­tut anersaak­kut it­tumik ilumoor­tumil­lu pal­lorfigis­savaat.’ (Juánase 4:23, 24) Guuti ’anersaak­kut it­tumik’ pal­lorfigisariaqar­par­put, uum­mam­mit up­per­nermik asan­nin­nermil­lu ulik­kaar­tumit kajumis­sisin­neqarluta. Guuti ’ilumoor­tumik’ pal­lorfigineqalersin­naavoq oqaasiata, Biibilip, atuaq­qis­saar­neratigut sal­lusuis­sul­lu taas­suma saq­qum­mersitaa naaper­torlugu pal­lorfigineratigut. Taamaaliorusup­pit?

5. (a) „Pal­lorfigin­nin­neq“ qanoq isumaqar­pa? (b) Pal­lorfigin­nin­ner­put Guutip akueris­sap­pagu qanoq ilior­tariaqar­pugut?

⁵ Jesusip erseq­qis­sar­paa Guutip ilumoortumik pal­lorfigineqar­nis­sani kis­saatigigaa. Tamatuma ersersip­paa pal­lorfigin­nin­neqar­toq Guutip akuerin­ngisaanik. Guutimik pal­lorfigin­nin­neq tas­saavoq taas­sumin­nga ataq­qin­nil­luin­nar­neq taas­sumun­ngalu il­ler­nar­tumik kif­far­tor­neq. Naalak­kamut pis­saanilim­mut ataq­qin­nin­nermik ersersitserusuk­kuit qular­nan­ngitsumik kif­far­tuun­nis­saanut iluarisaanil­lu ilior­nis­san­nut piumas­suseqarluas­saatit. Taava Guutip iluarisaanik ilior­nis­sar­put kis­saatiginerungaas­san­ngin­ner­par­put? Taamaat­tumik imatut oqaan­nar­nata: ’Uanga up­perisara ajorin­ngilara’,  qulak­keer­niar­tariaqar­par­put pal­lorfigin­nin­ner­put Guutip piumasaqaataanut naaper­tuut­tuunersoq.

ATAATAP PIUMASAA MALIGUK

6, 7. Sooq Jesusip im­minut ajoqersugaanerar­tut ilai ilas­siuman­ngilai?

⁶ Matîuse 7:21-23 atuariar­tigu paasiniarlugu pal­lorfigin­nin­nerit tamaasa Guutip akuerinerai. Jesus tas­sani oqar­poq: ’Uan­nut oqar­tut: „Naalagaq, Naalagaq,“ qilam­miup naalagaaf­fianut tamak­keratik isis­sap­put, kisian­ni Ataatama qilam­miusup [piumasaanik] ilior­tut. Ul­lus­sami is­sumani qas­seersuit uan­nut oqarumaar­put: „Naalagaq, Naalagaq, atik­kut pruf­fiitisut oqalun­ngin­ner­pugut? Atik­kut anersaapilun­nik anisitsin­ngin­ner­pugut? Atik­kut qas­siinik kil­lin­nar­tuliun­ngin­ner­pugut?“ Uangali taava nalunaarfigiumaar­pak­ka: Ilisarin­ngisaan­nar­pas­si; qimas­singa, iluaatsuliorumatuususiaa.’

⁷ Jesus Kristusimik naalak­katut isigin­nin­neq pal­lorfigin­nin­nermi ilumoor­tumi tun­ngaviusunut ilaavoq. Ersersin­neqar­porli Jesusimut ajoqersugaanerar­tut ilar­pas­sui arlaatigut kuk­kus­suteqarumaar­tut. Jesus oqar­poq ilaat ’kil­lin­nar­tulior­tarumaar­tut’, soorlu tupin­nar­tulior­nik­kut ajorun­naarsitsisutut ilior­tarlutik. Taamaak­kaluar­torli Jesusip pingaarluin­nar­tutut isigisaatut iliun­ngitsoor­put, tas­sa ’Ataataata qilam­miusup piumasaanik iliun­ngitsoorlutik’. Guutip iluarisaanik ilior­nis­sar­put kis­saatigigutsigu Ataatap piumasaa suunersoq paasiniar­tariaqar­par­put, taavalu malil­lugu.

EQQORLUARTUMIK ILISIMASAQARNEQ SERNISSUUTAAVOQ

8. Guutip piumasaa malis­sagutsigu suut piumasarineqar­pat, qanorlu kuk­kusunik isumaqar­naveersaar­tariaqar­pugut?

⁸ Guutip piumasaanik ilius­sagaan­ni Jehova Guuti Jesus Kristusilu pil­lugit eq­qorluar­tumik ilisimasaqar­nis­saq pisariaqar­poq. Taamatut ilisimasaqar­neq inuunermut naas­saan­ngitsumut sam­mivoq. Taamaat­tumik Guutip oqaasianit Biibilimeersumik eq­qorluar­tumik ilisimasaqaler­nis­sar­put ilumoorul­lugu kis­saatigisariaqar­par­put. Ilaat oqar­tar­put pal­lorfigin­nin­nermi  peq­qusersuitsuugin­naraan­ni ilungersuus­sisuugin­naraan­nilu al­lamik isumakuluutis­saqan­ngitsoq. Al­lat oqar­tar­put: ’Ilisimasakin­nerugaan­ni ilimasuf­figineqar­neq min­nerusar­poq.’ Biibilimili kajumis­saar­neqar­pugut Guuti taas­sumalu siuner­tai pil­lugit ilisimasaqar­neruler­niar­nis­satsin­nik. — Evfisumiut 4:13; Filípimiut 1:9; Kulorsamiut 1:9.

9. Eq­qorluar­tumik ilisimasaqar­nerup qanoq ser­nis­sus­savaatigut, soorlu taamatut ser­nis­sugaanis­sar­put pisariaqar­tip­par­put?

⁹ Ilisimasaqar­neq taama it­toq pal­lorfigin­nin­nermut ilumuun­ngitsumut ser­nis­sor­neqar­nis­samut iluaqutaavoq. Apustilip Paulusip eq­qar­torsimavaa pin­ngor­titaq anersaajusoq ’qaamasup in­ngiliatut pis­suseqar­tuusaar­tar­toq’. (2 Korintumiut 11:14) Pin­ngor­titap anersaajusup taas­suma — Satanip — ajun­ngitsuusaarluni Guutip piumasaata akerlianik ilior­tin­niarluta tam­marsaar­niar­paatigut. Aam­ma pin­ngor­titat anersaajusut al­lat Satanimut ililius­simasut inuit pal­lorfigin­nin­neran­nik mingutsitsip­put, Paulusimi ima oqarsimavoq: ’Guutimik nalusut pil­liutitik anersaapilun­nut pil­liutigisar­paat Guutimut pin­natik.’ (1 Korintumiut 10:20) Inup­pas­suit qular­nan­ngitsumik isumaqar­put eq­qor­tumik pal­lorfigin­neriaaseqarlutik, uf­fa Guutip piumasaatut ilior­natik. Pal­lorfigin­nin­nermut ilumuun­ngitsumut mingut­tuumul­lu tam­mar­titaasimap­put. Satan in­ngilipiluil­lu kingusin­nerusuk­kut paasisaqarfiginerus­savavut, maan­nangaarli oqaatigisariaqar­poq Guutimut akeraasut taak­kua inuiaat pal­lorfigin­nin­neran­nik an­ner­toqisumik mingutsitsisimasut.

10. Piaaraluni imiisivin­nut toqunar­tuliisoqarsimasuup­pat qanoq ilius­sagaluar­pit, Guutilu pil­lugu eq­qorluar­tumik ilisimasaqar­nerup susin­naalersip­paatigut?

¹⁰ Paasitin­neqar­tuuguit imiisivin­nut toqunar­tuliisoqarsimasoq soqutiginagu tas­san­nga imiin­nas­sagaluar­pit? Soorunami al­lamik minguitsumik ajun­ngitsumil­lu imis­sarsiupal­las­sagaluar­putit. Eq­qorluar­tumik ilisimasaqar­neq Guutip oqaasianiit­toq up­perisarsior­nermik ilumoor­tumik nas­saar­nis­samut mingutsitsiner­nil­lu, pal­lorfigin­nin­nerup Guutimit iluarisaajun­naas­sutigisagaanik, ajat­tuinis­samut ikiuutaasar­poq.

 INUINNAAT INATSISAAT AJOQERSUUTIGIGAAT

11. Juutit ilar­pas­suisa pal­lorfigin­nin­nerat suk­kut eq­qun­ngitsuusimava?

¹¹ Jesus nunarsuarmiik­kal­larmat juutit ilar­pas­sui Guuti pil­lugu eq­qorluar­tumik ilisimasaqar­neq naaper­tor­nagu ilior­tarsimap­put. Taamaat­tumik Jehovamut minguitsumik at­taveqarsin­naatitaaner­tik an­naasimavaat. Taak­ku eq­qarsaatigalugit Paulus ima al­las­simavoq: ’Nalunaajaas­sutigaak­kami Guuti ilungersuutigigaat, siuneqarluaratil­li.’ (Rûmamiut 10:2) Guuti qanoq pal­lorfigis­sanerlugu nam­min­neq aalajanger­tar­paat, Guuti tusar­naar­nagu.

12. Israelik­kut pal­lorfigin­nin­nerat suup mingutsis­simavaa, qanorlu kingunilim­mik?

¹² Israelik­kut aal­laq­qaam­mut Guutimeersumik minguitsumik pal­lorfigin­neriaaseqarsimagaluar­put, kingor­nali inuin­naat ajoqersuutaan­nit isumaliutersuutaan­nil­lu mingutsis­simavaat. (Jeremia 8:8, 9; Malaki 2:8, 9; Lúkarse 11:52) Juutit up­perisarsior­nik­kut siut­tui farisiiarisut ilisimaneqar­tut isumaqarput pal­lorfigin­nin­ner­tik Guutip iluarigaa, Jesusil­li ima oqarfigisimavai: ’Eq­qorluarsimasumik Esajasip takorluuk­kersaarutigaasi ilis­si ilumoor­tuusaar­niar­tusi, soorlu al­las­simasoq: „Inuiaat ukua ataq­qisaraan­nga qarlumin­nik uum­mataasali ungasip­paan­nga; asuliin­naq kif­far­tuut­taraan­nga, ajoqersuutit inuin­naat inatsisigisaat ajoqersuutigisaramik­kik.“’ — Mákorse 7:6, 7.

13. Suna nak­karfigisoorsin­naavar­put?

¹³ Uagut farisiiarisut eratarsin­naanerluta? Taamaas­sin­naavoq up­perisarsior­nik­kut ileq­qut kingor­nus­sarsiavut maliin­narutsigik Guutip pal­lorfigin­nin­neq pil­lugu oqaasii misis­sor­nagit. Navianaat piviusoq taman­na pil­lugu Paulus ima al­las­simavoq: ’Anersaaq nas­suitsumik oqar­poq, ul­lus­sani kingul­ler­ni ilaat up­per­nermik tunus­siumaar­tut anersaat tam­mar­titsisut anersaapiluil­lu ajoqersuineri najoq­qutariniarlugit.’ (1 Timûtiuse 4:1) Tas­sa naam­man­ngilaq ilimagiin­nas­sal­lugu pal­lorfigin­nin­ner­put Guutip iluarigaa. Ar­natut Samariamiutut Jesusip naapitaatut im­maqa aam­ma uagut up­perisaqar­pugut angajoq­qaatsin­nit kingor­nus­simasatsin­nik. Guutil­li akuerisin­naasaanik ilior­nerluta qulak­keer­niar­tariaqar­par­put.

 GUUTI AJUALLAATISSIN­NAVEERSAARUK

14, 15. Guutip piumasaa nalun­ngik­kaluarutsiguluun­niit suna mianersuutigisariaqar­par­put?

¹⁴ Mianersun­ngik­kut­ta Guutip iluarin­ngisaanik ilior­toorsin­naavugut. As­sersuutigalugu, apustili Johan­nes in­ngilip isigaasa saan­nut seeq­qum­mersimavoq ’pal­lorfigalugulu’. In­ngilil­li ima mianersoq­qusimavaa: ’Mianersorit, taamaalioqinak; kif­faqatigaarma, qatan­ngutivil­lu Jesusip nalunaajaataanik pigin­nit­tut kif­faqatigaan­nga; Guuti pal­lorfiguuk.’ (sarĸúmersitat 19:10) Pal­lorfigin­nin­nit­ta guutipilus­sior­nermik qanorluun­niit it­tumik mingutsin­neqan­ngin­nis­saata pingaaruteqas­susia paasisin­naaler­piuk? — 1 Korintumiut 10:14.

¹⁵ Kristumiut ilaat Guutip iluarin­ngisaanik up­perisarsior­nik­kut ileq­qulersuuteqar­talermata Paulus ima aperisimavoq: ’Sooq taava ilin­niaq­qaagas­sat kimeqan­ngitsut amigar­tul­lu kingumut saap­pisigik uterlugit tamak­kunun­nga kif­faritik­kumal­lusi? Ul­lul­lu qaam­matil­lu nal­liut­tul­lu ukiul­lu aalajangiut­tar­pasi. Er­numas­sutigiler­pas­si asuliin­naq sulis­sutigisimasoralusi.’ (Galâsiamiut 4:9-11) Kristumiut ataasiak­kaat taak­ku Guutimik ilisarsisimagaluar­put, kingor­nali kuk­kulut­tor­put up­perisarsior­nik­kut ileq­qulersuutit nal­liut­torsiorfiil­lu Jehovap iluarin­ngisai pingaar­tileramik­kik. Soorlu Paulus oqar­toq ’Naalak­kap iluarisas­saa sunaasoq’ misis­sor­tuar­tariaqar­par­put. — Evfisumiut 5:10.

16. Juánase 17:16-ip aam­ma Pîtrusip agdlagai sujugdlît 4:3-p qanoq ilil­lutik paasitip­paatigut nal­liut­torsior­nerit ileq­qul­lu suut Guutip iluarin­ngik­kai?

¹⁶ Up­perisarsior­nik­kut nal­liut­torsiorfiit ileq­qulersuutil­lu al­lat Guutip najoq­qutas­siaanut akerliusut ingalas­simal­luin­nar­tariaqar­pavut. (1 Tásalûníkamiut 5:21) Jesus ajoqersuk­kani pil­lugit ima oqarsimavoq: ’Silarsuup inuisa ilagin­ngilaat, soorlu uangat­taaq silarsuup inuisa ilagin­ngik­kaan­nga.’ (Juánase 17:16) Up­perisarsioqatigiit il­lit ilaaf­figisatit ileq­qulersuutinut nal­liut­torsior­ner­nul­lu peqataasar­pat ersersil­lugu silarsuarmut matumun­nga tun­ngasunut akulerusimal­lutik? Imaluun­niit up­perisarsioqatigiin­nut il­lit ilaaf­figisan­nut ilaasut ilaat ileq­qulersuutinut nal­liut­torsior­ner­nul­lu apustilip  Paulusip eq­qar­tugaatut pis­susilersor­ner­talin­nut peqataasar­pat? Taan­na ima al­las­simavoq: ’Sior­nagut Guutimik nalusut piumasaat naam­mas­sisimavarsi, kan­ngunar­tulior­nerit il­ligutsan­neril­lu nerival­laar­neril­lu viin­nisor­pal­laar­neril­lu imer­pal­laar­neril­lu guutipilus­sior­neril­lu ileq­qus­saan­ngitsut inuuseralugit.’ — 1 Pîtruse 4:3.

17. Sooq iliuutsit silarsuup matuma anersaavanik ersersitsisut ingalas­simasariaqar­pavut?

¹⁷ Iliuutsit silarsuup guutiitsup matuma anersaavanik ersersitsisut suul­luun­niit ingalas­simanis­saata pisariaqas­susia apustili Johan­nesip erseq­qis­sarsimavaa ima al­lal­luni: ’Silarsuarluun­niit silarsuul­luun­niit pii asaqinasigik. Silarsuarmik asan­nit­toq Ataatap asan­nin­neranik ilumiugisaqan­ngilaq. Silarsuarmiit­tum­mi suut tamarmik, uinim­mut pilerinar­tut isinul­lu pilerinar­tut usorsitsaarutil­lu inuunerup matuma pii, Ataatamit pin­ngil­lat, silarsuarmil­li pip­put. Silarsuarlu pilerinar­tuilu nungujar­tor­put; Guutil­li [piumasaanik] naam­mas­sin­nit­toq naas­saan­ngitsumik atas­savoq.’ (1 Juánase 2:15-17) Malugaajuk ’Guutip piumasaanik naam­mas­sin­nit­toq naas­saan­ngitsumik atas­sasoq’? Aap, Guutip piumasaanik iliorut­ta iliuutsil­lu silarsuup matuma anersaavanik ersersitsisut ingalas­simagutsigik naas­saan­ngitsumik inuuler­nis­sar­put neriugisin­naavar­put!

GUUTIP NAJOQQUTASSIAI QUTSISSUT MALERUAKKIT

18. Inooriaaseq eq­qarsaatigalugu Korinthimiut ilaat qanoq kuk­kusumik isumaqarsimap­pat, taman­nalu qanoq ilin­niutigisariaqar­par­put?

¹⁸ Guutip najoq­qutas­siaminik qutsis­sunik maleruaasut pal­lorfigin­nitsigiumavai. Itsaq Korinthimiut ilaat kuk­kul­lutik isumaqarsimap­put inuunerlun­neq Guutip akuersaaraa. Qanoq kuk­kul­luin­nar­tiginerat takusin­naavar­put Korintumiunut agdlagkat sujugdlît 6:9, 10 atuarutsigu. Pal­lorfigin­nin­ner­put Guutip akueris­sap­pagu oqaatsik­kut iliuutsik­kul­lu iluarisaanik pisariaqar­pugut. Il­lit taamatut Guuti pal­lorfigaajuk? — Matîuse 15:8; 23:1-3.

19. Pal­lorfigin­nin­neq ilumoor­toq ingam­mik sumik ilisar­naateqar­pa, tamatumalu apeq­qut suna pin­ngor­tip­paa?

 ¹⁹ Aam­ma inun­nut al­lanut iliorfigin­nin­nitsin­ni Guutip najoq­qutas­siaanik maleruaaner­put takuneqarsin­naasariaqar­poq. Jesus Kristusip kajumis­saar­paatigut al­lat iliorfigisas­sagivut uagut iliorfigineqarusus­sutsitsitut, taman­na pal­lorfigin­nin­nermut ilumoor­tumut ilaam­mat. (Matîuse 7:12) Aam­ma malugiuk qatan­ngutigiit­tut asaqatigiin­neq pil­lugu qanoq oqar­toq: ’Matuman­nga tamarmik ilisaris­savaasi ajoqersugarigis­si: asaqatigiik­kus­si.’ (Juánase 13:35) Jesusip ajoqersugai asaqatigiit­tus­saap­put aam­malu up­peqatimin­nut al­lanul­lu ajun­ngitsulior­tar­tus­saal­lutik. — Galâsiamiut 6:10.

UUMMATIKKUT ILUUNNGARLUNI PALLORFIGINNINNEQ

20, 21. (a) Pal­lorfigin­nin­neq qanoq it­toq Guutip piumavaa? (b) Sooq Malakiasip nalaani Israelik­kut pal­lorfigin­nin­nerat Jehovap iluarin­ngilaa?

²⁰ Guutip iluarisaanik pal­lorfiginis­saa uum­matik­kut iluun­ngarluni kis­saatigisariaqar­poq. Pal­lorfigin­nin­nermik Jehovap isigin­neriaasia pigiler­tariaqar­poq. Ajoqersuk­kap Jakobip erseq­qis­sarsimavaa Guutip isumaa, uagut isumar­put pin­nani, pingaar­ner­paasoq. Jakob ima oqar­poq: ’Guutisior­neq Guutip Ataatap minguitsuutitaa as­suarin­ngisaalu tas­sa imaat­toq: Iliarsuit uil­lar­neril­lu naal­liun­neran­ni takusar­tarlugit, silarsuarmit mingutsin­naveersaarluni.’ (Jâko 1:27) Guutip iluarisaanik ilior­nis­sar­put kis­saatigalugu tamat­ta im­mik­kut pal­lorfigin­nin­ner­put misis­sor­tariaqar­par­put qulak­keer­niarlugu guutiitsut iliuusiinit mingutsin­neqarsiman­ngin­nersoq, Guutil­lu pingaar­tutut isigisaanik qaangiin­nagaqarsiman­ngin­nerluta. — Jâko 1:26.

²¹ Pal­lorfigin­nin­neq minguitsoq uum­matik­kul­lu iluun­ngarluni ingerlan­neqar­toq kisiat Jehovap iluaraa. (Matîuse 22:37; Kulorsamiut 3:23) Inuiaat Israelik­kut taman­na eq­qor­tin­ngim­mas­suk Jehovap ima oqarfigisimavai: „Er­nerup ataatani ataq­qisaraluar­paa, inus­sial­lu naalak­kani mianerisaraluar­paa, uangali ataataasunga kia mianeriner­paanga?“ Nersutit  tap­piitsut, tusiat­tut nap­parsimasul­lu pil­liutigisar­neratigut Guuti ajual­latsis­simavaat. (Malaki 1:6-8) Jehova minguin­ner­paamik pal­lorfigineqar­tus­saavoq, tamak­kiin­ngitsumil­lu tun­niusimaf­figineqar­nis­sani akueriuman­ngilaa. — 2 Moses 20:5; Us­satit 3:9; sarĸúmersitat 4:11.

22. Pal­lorfigin­nin­ner­put Guutip akueris­sap­pagu suut ingalas­simasariaqar­pavut, qanorlu iliorumas­saagut?

²² Ar­nap Samariamiup Jesusip oqaloqatigisaata qular­nan­ngitsumik soqutigaa Guuti iluarisaanik periaaseqarluni pal­lorfiginis­saa. Uagut­taaq taman­na kis­saatigigutsigu ajoqersuutit iliuutsil­lu mingut­tuut ingalas­simajumas­savavut. (2 Korintumiut 6:14-18) Eq­qorluar­tumik Guuti ilisarilerumal­lugu piumasaalu malik­kumal­lugu ilungersuuteqarumas­saagut. Pal­lorfigin­nin­nermut akuerisaminut piumasaqaatai peq­qis­saar­tumik eq­qor­tik­kumas­savavut. (1 Timûtiuse 2:3, 4) Jehovap nalunaajaasui tamatumin­nga ilungersuus­sisuup­put, asan­nit­tumil­lu kajumis­saar­patsigit peqatigaluta Guuti ’anersaak­kut it­tumik ilumoor­tumil­lu’ pal­lorfigeq­qul­lugu. (Juánase 4:24) Jesus ima oqarsimavoq: ’Pal­lorfigisini taamaat­tut Ataatap piumavai.’ (Juánase 4:23) Neriup­pugut taak­kunun­nga ilaasutit. Ar­naq Samariamiu as­sigalugu qular­nan­ngivis­sumik naas­saan­ngitsumik inoorusus­sin­naavutit. (Juánase 4:13-15) Nalun­ngilal­li inuit utoq­qaliar­tor­tar­tut naggataatigul­lu toqul­lutik. Sooq taamaan­nersoq kapitalimi tul­liut­tumi nas­suiar­neqas­saaq.

SUNA ILIKKARPIUK?

Juánase 4:23, 24-mi ersersin­neqar­tutut pal­lorfigin­nin­neq qanoq it­toq Guutip iluaraa?

Ileq­qut nal­liut­torsior­neril­lu aalajangersimasut Guutip iluarinerai iluarin­ngin­neraaluun­niit qanoq ilil­luta paasisin­naavar­put?

Pal­lorfigin­nin­nermut akuerineqarsin­naasumut ilaatigut suut piumasaqaataap­pat?

[Atuaqqissaarnermi apeqqutit]

 [Qupperneq 44-mi tamakkerlugu asseq]