Kapitali 1

Pilluarnartumik siunissaqalersin­naavutit!

1, 2. Pin­ngor­titsisup il­lit pil­lutit suna kis­saatigaa?

ASASAMIT asan­nip­palut­tumik eqitaar­neqar­neq. Ikin­ngutigil­luak­kat ilagalugit mamar­tunik nereqatigiin­nermi qaman­ngavik il­lar­palaaq. Qitor­nanik qiimal­lutik pin­nguar­tunik nuan­naarluni isigin­naar­neq. Tamak­ku inuunerup nuan­nersor­tarisar­pai. Inup­pas­suar­nul­li inuuneq ajor­nar­torsiutinik an­ner­tuunik tul­leriiaagin­nar­nik atugas­saqarfiusar­poq. Il­lit taamatut atugaqaruit maan­na isumal­luar­nis­samut pis­sutis­saqaler­putit.

² Guutip kis­saatigaa il­lit nuan­nersunik avatangiiseqarlutit pitsaaner­paanil­lu atugaqarlutit pil­luarlutit inuujuar­nis­sat. Taman­na takorluuinerin­naan­ngilaq, Guutim­mi siunis­samut pil­luar­nar­tumut taama it­tumut iser­nis­san­nut matuersaam­mik tuniumavaatit. Matuersaat tas­sa ilisarsineq, imaluun­niit ilisimasaqar­neq.

3. ’Ilisarsineq’ suna pil­luar­nermut ’matuersaataava’, aam­ma sooq qularutigin­ngis­sin­naavar­put ilisarsineq taman­na Guutip uagutsin­nut tun­nius­sin­naagaa?

³ Ilisimasaqar­neq im­mik­kut it­toq inuit ilisimasaan­nit an­nerujus­suaq pineqar­poq. Tas­sa ’Guutimik ilisarsineq’. (Us­satit 2:5) Ukiut 2000-ingajaat matuma sior­na Biibilimik al­lat­tut ilaat ima al­las­simavoq: ’Il­lum­mi tamarmik kimit piareersar­neqar­tar­put; tamanil­li piareersaasoq tas­sa Guuti.’ (Eprîarit 3:4) Tamanik Pin­ngor­titsisup ilisimasaqarsimas­susia eq­qarsaatigerias­sagit! Biibilimi oqaatigineqar­poq Guutip ul­loris­sat tamaasa kisis­sin­naagai tamaasalu im­mik­kut ateqar­til­lugit. Taman­na tupin­narluin­nar­poq, ul­loriaqatigiim­mi uagut nunarsuat­ta ilaaf­figisaat mil­lioninik hundredelik­kuutaanik amerlas­suseqar­put, ilisimatuul­lu oqaatigaat suli al­lanik ul­loriaqatigeeqar­toq hundredemil­liardit mis­saan­niit­tunik! (Tus­siaat 147:4) Aam­ma uagutsinnut  tun­ngasut suut tamaasa Guutip nalun­ngilai, taamaam­mat kia al­lap inuunermi apeq­qutinut pingaar­tunut akis­sutis­sarsisil­luarsin­naanerus­savaatigut? — Matîuse 10:30.

4. Sooq ilimagisin­naavar­put un­nersuus­sutinik siulersor­tis­satsin­nik Guutip tunis­sagaatigut, atuagarlu suna un­nersuus­sutinik taama it­tunik imaqar­pa?

⁴ Takorlooriak­kit angutit marluk biilimin­nik iluarsaas­sisut. Aap­paata uumitsal­luni san­natini igipiloor­pai. Aap­paata nipaal­luni iluarsagas­sani iluarsivaa, aal­lar­tit­taataa qipil­lugu motorialu aal­larmat iluarusun­nerup pianik qungujorujus­suar­poq. Eq­qoriaruminaan­ngilaq kia arlaata biilip sananeqarfianit ilitsersuusiaq malis­simaneraa. Silatusaar­nerus­san­ngin­ner­pa isumaqas­sal­luni Guutip inuuner­put qanoq atus­sanerip­put maleruagas­saliuuk­kumas­sagaatigut? Soorlu im­maqa nalun­ngik­kit Biibili im­minut taama it­tor­piaanerar­poq — tas­sa atuagaq ilitsersuut Pin­ngor­titsisitsin­neersoq, Guuti pil­lugu ilisimasaqaler­nis­sar­put pil­lugu sanaaq. — 2 Timûtiuse 3:16.

5. Ilisimas­sut Biibilip imarisaa qanoq naleqar­tigaa?

⁵ Biibilip im­minut taama it­tuunerar­nera ilumoorsimap­pat, atuagaq taan­na ilisimasas­sanik erlin­nar­tor­pas­suar­nik imaqarsimas­saaq! Us­satit 2:1-5-imi kajumis­saar­neqar­pugut ilisimas­sut ujas­sagip­put, erlin­nar­tuutitul­lusooq ujarlugu as­saal­luta — inuit isumaliutersuutaanut pin­nata, Guutil­li nam­mineq oqaasianut. Tas­sunga ujarlerut­ta ’Guuti ilisarilis­savar­put’. Pigin­naanit­ta kil­leqar­nera pisariaqar­titavul­lu nalun­ngin­namigit Guutip ilitsersuusior­paatigut eq­qis­sil­luta pil­luarlutalu inuunis­satsin­nut iluaqutis­satsin­nik. (Tus­siaat 103:14; Jesaja 48:17) Kiisalu Guutimik ilisarsinitsigut nutaarsias­sanik nuan­neqisunik ilik­kagaqas­saagut.

INUUNEQ NAASSAANNGITSOQ!

6. Guutimik ilisarsineq eq­qarsaatigalugu Jesus Kristus qanoq neriorsueq­qis­saar­pa?

⁶ Inuup oqalut­tuarisaanermi ilisimaneqarluar­tup Jesus Kristusip Guutimik ilisarsinerup ilaa taman­na paasiuminar­tumik nas­suiar­paa, ima oqarluni: ’Tas­saavorli inuuneq naassaanngitsoq: il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ (Juánase 17:3) Eq­qarsaatigeriaruk — ilisarsineq inuunermut naas­saan­ngitsumut sam­misoq!

7. Qanoq ilil­luta nalun­ngis­sin­naavar­put Guutip toqunis­sar­put siuner­tarisiman­ngik­kaa?

 ⁷ Inuunermik naas­saan­ngitsumik eq­qarsaat imaaliin­narlutit takorluuinerin­naanerarlugu tunuar­teqinagu. Tamatumun­nga taarsiul­lugu inuup timaata sananeqaasia misis­sorias­sagit. Takusaqarsin­naavugut, misigisin­naavugut, mamas­sutsimik ooqat­taarisin­naavugut, tusaasaqarsin­naavugut naamasaqarsin­naal­lutalu. Nunarsuarmi sor­pas­suit misigis­sutitsin­nik sun­niisar­put — nuna alianaatsoq, ikin­ngutit pitsaasut, nerisas­sat mamar­tut, tim­mis­sat qarlor­neri tusar­nersut naasul­lu tipigis­sut. Qarasar­pul­lu tupin­narluin­nar­toq qarasaasiamit ator­toris­saar­ner­paamit pigin­naasaqar­neroqaaq, tamak­kunin­ngami tamanik pingaar­titsisin­naas­suseqar­til­lutalu nuan­naarutigin­nis­sin­naatip­paatigut. Isumaqar­pit Guutip kis­saatigigaa toqus­sasugut tamak­kulu tamaasa an­naal­lugit? Silatusaar­nerus­san­ngin­ner­pa isumaqas­sal­luni pil­luarluta naas­saan­ngitsumik inuunis­sar­put kis­saatigigaa? Aap, Guutimik ilisarsiner­put tamatsin­nut taamator­piaq kinguneqarsin­naavoq.

PARATIISIMI INUUNEQ

8. Inuiaat siunis­saat pil­lugu Biibili qanoq oqar­pa?

⁸ Nunarsuup inuiaal­lu siunis­saat­tut Biibilimi eq­qar­tor­neqar­tut oqaatsimik ataatsimik oqaatigineqarsin­naap­put: Paratiisi! Jesus Kristusip taman­na eq­qaavaa angut toqulersoq ima oqarfigigamiuk: „Paratiisimeeqatigiumaar­parma.“ (Lúkarse 23:43, NV) Paratiisi taaneqarmat qular­nan­ngitsumik siuaasat­ta siul­liit Adamip Eval­lu najugarisimasaat nuan­nersoq angutip taas­suma eq­qaasimas­savaa. Inuit siul­liit Guutip pin­ngor­tim­matik naam­mal­luin­nar­tuup­put naatsiivis­suar­tul­lu it­tumi Pin­ngor­titsisup piareersarsimasaani inuul­lutik. Naatsiivis­suaq taman­na naleq­qut­tumik taaneqarsimavoq Edenimik, oqaaseq nuan­naar­nermik kajumin­nermil­lu eq­qaasitsisoq.

9. Paratiisimi siul­lermi inuuneq qanoq it­tuusimava?

⁹ Naatsiivis­suaq taman­na alianaal­luin­nar­tuuvoq, paratiisiviul­luni. Or­piisa kusanar­tut ilaat mamaqisunik paar­naqar­put. Adam Evalu avatangiisimin­ni paasisas­sarsiorsin­naap­put, naatsiiviup er­nganik peq­qin­nar­tumik imeqarlutik or­piisalu paar­naan­nik katersuisarlutik, isumakuluutis­saqaratil­lu ersis­sutis­saqan­ngil­lat. Uumasul­luun­niit ersis­sutigisariaqan­ngilaat, Guutip  inuk taak­kunun­nga asan­nit­tumik naalagan­ngor­tis­simam­magu. Aam­malu aap­pariit siul­liit peq­qil­luin­nar­tuup­put. Guutimut naalat­tuar­til­lutik naas­saan­ngitsumik pil­luar­nar­tumil­lu siunis­saqas­sap­put. Nalerisimaar­nar­tumik sulias­sin­neqar­put, tas­sa angerlarsimaf­fitsik Paratiisi nuan­nersoq paaq­qutaris­sal­lugu. Adam Evalu peq­quneqar­put ’amerliar­tus­sasut nuna tamak­kerlugu im­min­nul­lu naalatsigitil­lugu’, kinguaas­satik peqatigalugit Paratiisi siaruaatsis­sagaat nunarsuup tamarmi kusanar­torsuan­ngor­nis­saa tikil­lugu. — 1 Moses 1:28.

10. Jesusip Paratiisi eq­qar­toramiuk suna eq­qarsaatigaa?

¹⁰ Jesusip Paratiisi eq­qaagamiuk pereersut pin­nagit siunis­saq eq­qarsaatigaa. Nalun­ngilaa nunarsuar­put angerlarsimaf­fip­put tamarmi paratiisin­ngorumaar­toq. Taamaalil­luni Guutip inuian­nut nunarsuatsin­nul­lu aal­laq­qaam­mut siuner­tani naam­mas­sis­savaa. (Jesaja 55:10, 11) Aap, Paratiisi pilerseq­qin­neqas­saaq! Qanorli it­tuus­sava? Taman­na Guutip oqaasianut, Biibilimut, akiteriar­tigu.

PARATIISIMI PILERSEQQIN­NEQARTUMI INUUNEQ

11. Paratiisimi pilerseq­qin­neqar­tus­sami nap­paatit, utoq­qalisar­neq toqulu qanoq pineqas­sap­pat?

¹¹ Nappaatit, utoq­qalisarneq toqulu atuuk­kun­naas­sapput. „Taava tap­piitsut isaat uisitaas­sap­put, tusilar­tut siutaat am­mar­neqas­sap­put. Tusiat­toq tut­tutut pis­sigarumaar­poq, oqajuitsuugaluaq qiim­mat­tarluni ap­pik­kumaar­poq.“ (Jesaja 35:5, 6) ’Guutip nam­mineq [inuit] najorumaar­pai; qul­liil­lu tamaasa isaan­nit al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata.’ — sarĸúmersitat 21:3, 4.

12. Sooq qularin­ngis­sin­naavar­put Paratiisimi pilerseq­qitami pinerlun­neq, nakuuser­neq ajus­suserlu atuutis­san­ngitsut?

¹² Pinerlut­tuliorneq, nakuuser­neq ajus­suserlu naas­saan­ngitsus­samut peer­neqas­sapput. „Ajor­tut piiagaasus­saap­put, . . . Guutiitsoq er­niin­naq peerut­tus­saavoq . . . Kisian­ni qanilaar­tut nuna kingor­nutis­savaat.“ (Tus­siaat 37:9-11) „Guutiitsut piiagaas­sap­put tunus­sisul­lu nunamin­nit aal­larun­neqarlutik.“ — Us­satit 2:22.

13. Guuti qanoq ilil­luni eq­qis­sineqar­titsis­sava?

¹³ Eqqis­sineq nunar­suarmi tamarmi atuutis­saaq. „Nunarsuarmi  tamarmi sorsun­nerit [Guutip] soraarsik­kumaar­pai, pisis­sit nal­lorumaar­pai qalugiusal­lu aseror­terlugit.“ (Tus­siaat 46:10) „Iluar­neq ul­luini ineril­luarsimas­saaq, pigis­saar­nerlu angeqisoq atugaas­saaq qaam­mat qaamaneerutserlugu.“ — Tus­siaat 72:7.

14, 15. Inis­saqar­niar­neq, sulif­fis­saqar­niar­neq nerisas­saqar­niar­nerlu pil­lugit Biibilimi qanoq al­las­simasoqar­pa?

¹⁴ Tamanut inis­saqar­niarneq ajor­nar­tor­siutaas­san­ngilaq nalerisimaar­nar­tumillu sulias­saqas­saaq. „Il­luliorumaar­put nam­min­neq inigisas­samin­nik . . . Il­lulius­san­ngil­lat al­lamiut inis­saan­nik ik­kus­suis­sanatil­lu takor­nar­tat nerisas­saan­nik, in­nut­tak­ka or­piup pisoqaas­susiatut utoq­qaatigilis­sam­mata qinik­kamalu neris­sam­matigit nam­min­neq suliamik inerititaat. Sulilus­sin­nas­san­ngil­lat qitor­nius­sanatil­lu tas­san­ngaan­naq toqusus­sanik.“ — Jesaja 65:21-23.

¹⁵ Peqqin­nar­tunik inuus­sutis­sar­taqarluar­tunillu nerisas­sar­pas­suaqas­saaq. „Karrit naam­mangaar­tut nunami naasimas­sap­put, qaq­qat qaan­ni aalataarumaar­put.“ (Tus­siaat 72:16) „Nunap naatitas­sani naatip­pai; pil­luaq­qutigut, Guuter­put.“ — Tus­siaat 67:7.

16. Sooq Paratiisimi inuuneq nuan­nis­saqaa?

¹⁶ Nunar­suarmi paratiisiusumi naas­saan­ngit­sumik inuuneq nuan­nerluin­nas­saaq. „Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsus­samut.“ (Tus­siat 37:29) „Inoqajuitsoq naggorlut­torlu tipaatsus­sap­put. Nuna naasuitsoq qiim­mat­tas­saaq naasunil­lunilu ruusatut naasor­tanitsiterluni naal­luarluni.“ — Jesaja 35:1, 2.

ILISARSINEQ ILLILLU SIUNISSAT

17. (a) Paratiisimi inuunis­saq kajungeriguk­ku qanoq ilior­tariaqar­pit? (b) Qanoq ilil­luta nalun­ngilar­put Guuti qanit­tuk­kut nunarsuarmi al­lan­ngor­nersuaqar­titsis­sasoq?

¹⁷ Paratiisimi inuuneq kajunger­nar­tik­kuk­ku Guuti pil­lugu ilin­niar­nis­san­nut sunaluun­niit akor­nutigeqinagu. Taas­suma asavaatigut nunarsuat­talu paratiisin­ngor­nis­saanut pisariaqar­tunik al­lan­ngor­titeriniarluni. Il­lit pis­saaneqar­tuuguit naal­liuutit naaper­tuil­luan­ngis­suserlu silarsuarmi atugaaqisut kipitik­kusus­san­ngik­kaluar­ner­pigit? Guutip taamaalior­nis­saa ilimagis­san­ngin­ner­par­put? Biibilimilu takorlooruminar­tumik al­laatigineqar­poq  pif­fis­saq Guutip silarsuarmik aaq­qis­suus­samik avis­saar­tuuf­fiusumik matumin­nga atorun­naarsitsif­fis­saa taarsiul­lugulu naalak­kersuisunik naam­mal­luin­nar­tunik naaper­tuil­luar­tunil­lu pilersitsif­fis­saa. (Daniel 2:44) Tamak­kuin­naan­ngitsul­li Biibilimi oqalut­tuarineqar­put. Aam­ma takutin­neqar­poq qanoq ilil­luta Guutip silarsuas­saani nutaami inuunermut aniguisin­naas­sasugut. — 2 Pîtruse 3:13; 1 Juánase 2:17.

18. Guutimik ilisarsineq qanoq ilil­lutit maan­nangaaq iluaqutigisin­naaviuk?

¹⁸ Guutimik ilisarsineq aam­ma maan­nak­kor­piaq iluaqutigisin­naavat. Biibili inuunermi apeq­qutinut an­ner­paanut isumakuluutaaner­paanul­lu akis­sutis­saqar­poq. Un­nersuus­sutai ilas­siguk­kit Guuti ikin­ngutigileriar­torsin­naavat. Taman­nalu im­mik­kut pisin­naatitaaf­fis­suuvoq! Taamaalil­lutil­lu eq­qis­sineq Guutip kisimi tun­nius­sin­naasaa pigisarilersin­naavat. (Rûmamiut 15:13, 33) Guutimik ilisarsiniar­neq pingaarluin­nar­toq taman­na aal­lutileruk­ku paasilis­savat tas­saasoq sam­misin­naasavit pingaar­ner­paar­taralugulu akis­sarsinar­ner­paar­tarigaat. Guutimik ilisarsinermik inuunermut naas­saan­ngitsumut sam­misumik pigisaqalersimanerit qaquguluun­niit peq­qis­simis­sutiginavian­ngilat.

19. Kapitalimi tul­liut­tumi apeq­qut suna sam­mis­savar­put?

¹⁹ Biibili atuak­katut Guuti pil­lugu ilisimasas­sanik imaqar­tutut in­nersuus­sutigereer­par­put. Qanorli ilil­luta nalun­ngis­sin­naavar­put atuagaq taan­na inuit ilisimas­sutaan­nik imaqarani pingaar­nerujus­suarmik imaqar­toq? Kapitalimi tul­liut­tumi apeq­qut taman­na sam­mis­savar­put.

SUNA ILIKKARPIUK?

Sooq Guutimik ilisarsineq inuunermik naas­saan­ngitsumik kinguneqarsin­naava?

Nunarsuarmi paratiisiusumi inuuneq qanoq is­sava?

Sooq Guutimik ilisarsineq maan­nangaaq iluaqutigisin­naaviuk?

[Atuaqqissaarnermi apeqqutit]