Kapitali 16

Qanoq ilillutit Guutimut palligussinnaasutit

1. Up­perisarsior­nerit ilar­pas­sui sutigut as­sigiis­suteqar­pat?

TAKOR­NARIS­SAP kangiani nunat ilaan­ni takor­nariak­kamini buddhistit naalaf­fian­ni ileq­qulersuutit takusani tupigusual­laatigisimavai. Naak Mariap Jesusil­luun­niit as­singinik takus­saasoqan­ngik­kaluar­toq ileq­qulersuutaat nunagisaani oqaluf­feqarfim­mi ileq­qulersuutaasar­tunut as­singoqaat. As­sersuutigalugu, ujam­mit qinunermi ator­tak­kat qin­nutinil­lu erin­nersaarutigin­nin­neq maluginiar­pai. Aam­ma al­lat as­singus­sutit tamak­ku maluginiarsimavaat. Kangiani kitaanilu up­perluar­niar­tut Guutimut al­lamul­luun­niit pal­lorfigisamin­nut pal­ligun­niariaasii maluginiar­nar­tumik as­sigiis­suteqar­put.

2. Qinuneq qanoq nas­suiar­neqarsimava, inuil­lu ilaasa qinunermin­nut suut pis­sutigigajup­paat?

² Inup­pas­suit ingam­mik qinunik­kut Guutimut pal­ligun­niar­tar­put. Qinuneq nas­suiar­neqarsimavoq tas­saasoq „inuup il­ler­nar­tumut — Guutimut, guutinut, inuunerup matuma aap­paaniit­tunut pis­saanilin­nul­luun­niit tupin­nar­tunut — saaf­figin­nin­nera“. (The New Encyclopædia Britannica) Inuil­li ilaat Guutimut qinunik­kut saaf­figin­nit­tar­put nam­min­neq iluaanaarutis­sar­tik piin­narlugu. As­sersuutigalugu, ilaan­ni angutip Jehovap nalunaajaasui ima aperisimavai: „Qin­nuk­kus­singa taava ilaqut­tan­ni sulif­fin­nilu ajor­nar­torsiutik­ka peq­qiil­liuutik­kalu aaq­qin­neqas­sap­pat?“ Qular­nan­ngitsumik angutip taman­na ilimagaa. Inup­pas­suil­li qinusaraluar­tut ajor­nar­torsiutaat atuutiin­nar­tar­put. Taamaat­tumik pis­susis­samisoor­poq ima aperis­sal­luni: ’Sooq taava Guutimut pal­ligut­tariaqar­pugut?’

 SOOQ GUUTIMUT PALLIGUTTARIAQARTUGUT

3. Kimut qinusus­saavugut, sooq?

³ Qinuneq tas­saan­ngilaq ileq­qulersuut isumaqan­ngitsoq arlaan­nil­lu angusaqar­niutis­saan­naq. Jehova Guutimut pal­ligun­nis­samut pis­sutaasoq pingaar­neq tas­saavoq taas­sumun­nga qanimut at­taveqaler­nis­saq. Taamaat­tumik qin­nutivut Jehova Guutimut sam­misariaqar­put. „[Jehova] qanip­poq torlorfigisiminut tamanut,“ tus­siaasior­toq David taama al­las­simavoq. (Tus­siaat 145:18) Jehovap kajumis­saar­paatigut eq­qis­sinar­tumik im­minut at­taveqaler­nis­satsin­nik. (Jesaja 1:18) Kajumis­saarutaanik tamatumin­nga ilas­sin­nit­tut tus­siaasior­tup oqaasiinut ukunun­nga isumaqataap­put: „Guuti qanil­lugu inuuneq tas­sa pil­luar­nar­tora.“ Sooq? Jehova Guutimut pal­ligut­tut pil­luar­neq piviusoq isumak­kul­lu eq­qis­sineq angusarmas­suk. — Tus­siaat 73:28.

4, 5. (a) Sooq Guutimut qinusar­nis­saq pingaar­tuua? (b) Qin­nut ikior­tigalugu Guuti qanoq at­tavigilersin­naavar­put?

⁴ Soorli taava Guutimut ikioq­qul­luta qinus­saagut uf­fa ’qin­nuigin­ngik­kal­lar­til­luni ajorsaativut ilisimagai’? (Matîuse 6:8; Tus­siaat 139:4) Qinunitsigut ersersit­tar­par­put Guutimut up­perluta aam­ma ’tunis­sutit tamarmik ajun­ngitsut tun­nius­sal­lu tamarmik naam­mal­luar­tut’ pilerfiat­tut isigalugu. (Jâko 1:17; Eprîarit 11:6) Jehovap im­minut qinusar­ner­put iluaraa. (Us­satit 15:8) Ilumoorluta qujamasun­ner­put un­nersiutigin­nin­ner­pul­lu tusaraangamiuk nuan­naar­tar­poq, soorlu ataataasoq meeq­qani ilumoorluni qujamasut­toq tusaraangamiuk nuan­naar­tar­toq. (Tus­siaat 119:108) Ataataasoq meeraalu ajun­ngitsumik oqaloqatigiil­luar­tar­tut at­taveqatigiil­luar­tuusar­put. Meeq­qap asaneqar­tup ataatani oqaloqatigis­sal­lugu nuan­narisar­paa. Guutimut­taaq at­taveqar­nitsin­ni taamaap­poq. Jehova pil­lugu ilik­kak­kavut taas­sumalu asan­nin­nera uagutsin­nut ersersis­simasaa qujamasuutigil­luin­narutsigik tamatuma qinunik­kut ersersit­tar­nis­saa kis­saatigil­luin­nas­savar­put. — 1 Juánase 4:16-18.

⁵ Guutimut tamanit qutsin­ner­paamut saaf­figin­nik­kaangat­ta ataq­qin­nit­tumik pis­suseqar­tariaqar­pugut, oqaasis­sat­tali  qanoq oqaatiginis­saat isumakuluutigival­laar­tariaqan­ngilar­put. (Eprîarit 4:16) Suk­kul­luun­niit Jehovamut qinusin­naavugut. Qinunik­kul­lu taas­sumun­nga ’uum­mam­miutsin­nik saq­qum­mius­suisin­naaner­put’ im­mik­kut pisin­naatitaaf­fis­suuvoq! (Tus­siaat 62:9) Jehovamut qujamasul­luta taas­sumun­nga qanimut at­taveqalis­saagut. Abrahamitut Guutimut ikin­ngutaalersin­naavugut. (Jâko 2:23, NV) Qilam­mili nunamilu Naalak­kamut qutsin­ner­paamut qinunik­kut saaf­figin­nik­kaangat­ta naam­mas­sisariaqak­katsin­nik piumasarisaqar­poq.

GUUTIMUT PALLIGUNNISSAMUT PIUMASARISAT

6, 7. Guutip qin­nutit­ta tusar­nis­saan­nut suna piumasarin­ngilaa, qin­nutitsin­nul­li atatil­lugu sunik piumasaqar­pa?

⁶ Guutimut pal­ligun­niaraan­ni akileeq­qaar­tariaqar­pa? Inup­pas­suit palasinut qin­nutsin­nermin­nut akiliisar­put. Al­laat inuit ilaat isumaqar­put akiliutimik an­ner­tus­susia naaper­torlugu qin­nutitik tusar­neqar­tar­tut. Guutil­li oqaasiani oqaatigineqan­ngilaq Jehovamut qinunik­kut pal­ligun­niaraan­ni akileeq­qaar­tariaqar­toq. Qinunik­kut taas­sumun­nga at­taveqar­nik­kut anersaak­kut tunis­sutiminut pil­luaq­qus­sutiminul­lu akiliuteqar­nis­samik piumasaqan­ngilaq. — Jesaja 55:1, 2.

⁷ Suul­li piumasarineqar­pat? Uum­matik­kut eq­qor­tumik pis­suseqar­neq pingaar­tunut ilaavoq. (2 Israelik­kut 6:29, 30; Us­satit 15:11) Uum­matitsin­nit pisumik up­perisariaqar­par­put Jehova Guuti tas­saasoq ’qin­nutinik tusar­tar­toq’ ilumoorlutil­lu ’ujarlersini akilerumaarai’. (Tus­siaat 65:3; Eprîarit 11:6) Aam­ma uum­matik­kut maniguut­tuusariaqar­pugut. (1 Kun­ngit 22:19; Tus­siaat 51:19) Jesus Kristusip as­sersuusiami ilaan­ni ersersip­paa ilan­ngaaserisup maniguut­tup makitanian­ngitsumik uum­matil­lip Guutimut qin­nutaa farisiiarip makitaniar­tup qin­nutaanit iluarineqar­nerusoq. (Lúkarse 18:10-14) Guutimut qinugaangat­ta eq­qaamasar­tigu ’makitasuut tamaasa Jehovap maajugigai’. — Us­satit 16:5.

8. Qin­nutivut Guutimit tusar­neqaq­qugutsigik sutigut minguiar­tariaqar­pugut?

⁸ Kis­saatigigutsigu qin­nutivut Guutip akis­sagai ileq­qut ajor­tut asoorut­tariaqar­pavut. Ajoqersugaq Jakob Guutimut  pal­liguteq­qusil­luni kajumis­saarigami oqaatsini ima ilavai: ’Ajor­tulior­tusiaa, as­sasi ipiiarsigik, ataasiun­ngitsumik isumaqar­tusiaa, uum­matisi minguiarsigik.’ (Jâko 4:8) Al­laat ajor­tulior­tut al­lamik isumataarunik eq­qun­ngitsuliatil­lu qimak­kunik­kik Jehovamut eq­qis­sinar­tumik at­taveqalersin­naap­put. (Us­satit 28:13) Inooriaatsitsigut al­lan­ngorsimasuusaagin­narut­ta Jehovamit tusar­neqarsin­naan­ngilagut. Guutip oqaasiani ima al­las­simasoqar­poq: ’Jehovap isai iluar­tunut sam­mip­put siutaalu qinusar­nerinut, ajor­tulior­tunul­li Jehova kiin­ner­poq [akerliuvoq].’ — 1 Pîtruse 3:12.

9. Kina aq­qutigalugu Jehovamut saaf­figin­nit­tus­saavugut, sooq?

⁹ Biibilimi aam­ma al­las­simavoq: „Nunarsuarmi ima iluas­suseqar­tigisumik inoqan­ngilaq ajun­ngitsuliuin­navil­luni ajor­tuliun­ngisaan­narlunilu inuusumik.“ (Nalunaajaasup oqaasii 7:20) Taamaat­tumik aperisoqarsin­naavoq Guutimut pal­ligun­nis­satsin­nut qin­ngaq­qun­nan­ngin­nersugut. Taman­na Biibilimi akis­sutis­saqar­poq: ’Ajor­tulior­toqaraluar­pat Ataatami il­lersuisoqar­pugut, Jesus Kristusimik iluar­tuusumik.’ (1 Juánase 2:1) Ajor­tulior­tuugaluarlutaluun­niit kisin­nata Guutimut saaf­figin­nis­sin­naavugut Jesus Kristus, uagutsin­nut uter­titsis­sutis­satut toqusimasoq, aq­qutigalugu. (Matîuse 20:28) Aatsaat taan­na aq­qutigalugu Jehova Guutimut pal­ligus­sin­naavugut. (Juánase 14:6) Jesusip pil­liutaa uter­titsis­sutaasoq taamaat­tus­saan­nar­tut isigalugu piaaraluta ajor­tulioqat­taar­tus­saan­ngilagut. (Eprîarit 10:26) Ilaan­nik­kul­li kuk­kusaraluarluta sapin­ngisar­put tamaat ajor­toq nigorsimaniarutsigu isumataarsin­naavugut isumak­keerfigeq­qul­lutalu Guuti qin­nuigisin­naal­lugu. Maniguut­tumik uum­mateqarluta saaf­figisarutsigu qin­nutivut tusas­savai. — Lúkarse 11:4.

GUUTIMUT SAAFFIGINNINNISSAMUT PERIARFISSAT

10. Qinuneq eq­qarsaatigalugu Jesus qanoq ilaarsin­naavar­put, qaquguk­kul­lu inut­tut qinunis­satsin­nut periarfis­saqar­pugut?

¹⁰ Jesus Kristusip Jehovamut at­taveqar­nini pingaar­tit­torujus­suusimavaa. Taamaat­tumik nam­mineq inut­tut Guutimut qinunis­saminut pif­fis­saqar­tit­tarsimavoq. (Mákorse 1:35; Lúkarse 22:40-46) Pitsaas­saaq Jesusip maligas­siaa maleruarlugu  Guutimut qinukulasar­neq ileq­quliutis­sagutsigu. (Rûmamiut 12:12) Pis­susis­samisoor­poq ul­loq qinunermik aal­lar­nis­sal­lugu in­naler­nermilu ul­lormik atoriik­kamik Jehova qutsavigis­sal­lugu. Ul­lup ingerlanerani Guutimut pal­ligun­nis­samut periarfis­sat tamaasa ator­tak­kit. (Evfisumiut 6:18) Al­laat nipaqan­ngitsumik uum­matitsigut qinusin­naavugut, qularinagu Jehovap tusaasin­naagaatigut. Nam­mineq inut­tut Guutimut qinusar­nitsigut taas­sumun­nga at­taveqar­ner­put aalajaal­lisis­savar­put, ul­lul­lu tamaasa qinusar­nitsigut taas­sumun­nga qanil­liar­tuin­nas­saagut.

11. (a) Sooq ilaqutariit­tut ataatsimoorluni qinusariaqar­pa? (b) Qinunermi „amen“-eer­neq qanoq isumaqar­pa?

¹¹ Aam­ma inuit al­lat sin­nerlugit qin­nutit Jehovap tusar­tar­pai. (1 Kun­ngit 8:22-53) Ilaqutariit Guutimut qinunik­kut pal­ligut­tar­put it­tuusumit siulersor­neqarlutik. Taamaalior­nik­kut ilaqutariit­tut ataqatigiin­neq qajan­naal­lisar­neqar­tar­poq, meeq­qal­lu angajoq­qaatik maniguul­lutik Guutimut qinusut tusar­tarunik­kik Jehova piviusutut isigilis­savaat. Qinunermilu al­lamit siulersor­neqaraangat­ta, soorlu Jehovap nalunaajaasuisa ataatsimeersuar­neran­ni, tusar­naaq­qis­saar­tarisa. Taamaaliorut­ta qinunerup naanerani uum­matitsin­nit isumaqataal­luta oqarsin­naas­saagut „amen“, isumaqar­toq „taama pili“. — 1 Korintumiut 14:16.

QINNUTIT JEHOVAP TUSARTAGAI

12. (a) Sooq Guutip qin­nutit tamak­ker­nagit tusar­tar­pai? (b) Sooq qinugaangat­ta im­mitsin­nuin­naq tun­ngasut taagor­tas­san­ngilavut?

¹² Inuit ilaat im­maqa isumaqar­tar­put qin­nutitik tusar­neqar­neq ajor­tut, mas­sa Jesus aq­qutigalugu Guutimut qinusaraluarlutik. Apustilili Johan­nes ima oqarsimavoq: ’Peq­qusaa naaper­torlugu sumik qinugut­ta tusarumaar­paatigut.’ (1 Juánase 5:14) Taamaat­tumik qin­nutit­ta imaat Guutip peq­qusaanut, imaluun­niit piumasaanut, naaper­tuut­tuusariaqar­put. Anersaak­kut ajun­ngitsumik ingerlanis­sar­put Guutip soqutigisarim­magu inuunitsin­ni anersaamut tun­ngas­suteqar­tut suul­luun­niit qin­nutitsin­ni ilaatit­tarsin­naavavut. Timik­kut pisariaqar­titaan­navut qin­nutiginaveersaar­tariaqar­pavut. As­sersuutigalugu  nap­paatip nikal­lujuil­luni ator­nis­saanut ilisimas­sum­mik nakuus­sum­mil­lu qinunis­saq eq­qor­tuuvoq. Peq­qis­sutsik­kul­li ajor­nar­torsiutivut isumakuluutigingaaratsigik anersaak­kut soqutigisavut ipitit­toor­naveersaar­tariaqar­pavut. (Tus­siaat 41:2-4) Ar­nap kristumiup paasileramiuk peq­qis­sutsini isumakuluutigival­laarlugu Jehovamut qinuvoq nap­paam­mut eq­qor­tumik isigin­nin­nis­saminut ikioq­qul­luni. Tamatuma kingunerisaanik nap­paatini ingasat­tumik isukuluutigiun­naar­paa, misigaarlu ’pis­saanermik angingaar­tumik’ tunineqarluni. (2 Korintumiut 4:7) Anersaak­kut al­lanut ikiuutaarusus­susia sak­kor­tusivoq, kiisalu pif­fis­saq tamaat oqaluus­sisar­tun­ngor­poq.

13. Matîuse 6:9-13 naaper­tus­sagaan­ni suut qin­nutigis­sal­lugit eq­qor­tuua?

¹³ Suut qin­nutigigivut tusas­sal­lugit Jehovap iluaraa? Taman­na Jesusip ajoqersuk­kaminut ilitsersuus­sutigisimavaa. Qin­num­mi najoq­qutas­siaasumi, Matîuse 6:9-13-imi atuarsin­naasatsin­ni, as­sigiin­ngitsut qinunitsin­ni ilan­ngus­sin­naasavut taagor­neqar­put. Qin­nutitsin­ni suut pingaar­ner­paatit­tariaqar­pavut? Guutip aq­qa Naalagaaf­fim­minul­lu atatil­lugu siuner­tai. Aam­ma timik­kut pisariaqar­titat­ta matus­sutis­saqar­nis­saat qin­nutigis­sal­lugu naleq­qut­tuuvoq. Taamatut­taaq pingaar­tuuvoq ajor­tinik isumak­keerfigeq­qus­sal­luni aam­malu us­ser­nar­tumit ajor­tumil­lu, Satan Diaavulumit, aniguiseq­qus­sal­luni. Jesusip siuner­tarin­ngilaa qin­nut taman­na alan­ngaagin­narlugu imaalu eq­qarsaatigin­ngivil­lugit uteqat­taar­tas­sagip­put. (Matîuse 6:7) Eq­qumiis­san­ngik­kaluar­ner­pami meeq­qap ataataminut oqalun­nermini tamatigut oqaatsit taak­kuujuar­tut ator­tas­sap­pagit?

14. Piumasat saniatigut aam­ma suut qinunermi ilan­ngun­neqar­tariaqar­pat?

¹⁴ Qin­nutivut piumasaqaataan­nar­nik ilungersorlunilu kutsiuutaan­nar­nik imaqar­tariaqan­ngil­lat, aam­mali Guuti un­nersiutigalugulu qutsavigisariaqar­par­put. (Tus­siaat 34:2; 92:2; 1 Tásalûníkamiut 5:18) Aam­ma al­lat qin­nus­sin­naavavut. Qatan­ngutivut angutit ar­nal­lu atugarlior­tut qinugisaasul­lu qin­nuk­kaangatsigik ersersit­tar­par­put eq­qarsaatigigivut. Isumas­suinermik ersersitsisugut tusaas­sal­luta Jehovap nuan­naraa.  (Lúkarse 22:32; Juánase 17:20; 1 Tásalûníkamiut 5:25) Qinuneq pil­lugu Paulus ima al­las­simavoq: ’Suul­luun­niit pil­lugit isumakulun­naveeritsi, nungul­lugil­li kis­saatigisasi Guutimut nalunaarsigik torlulal­lusi qinul­lusilu qujal­lusilu; eq­qis­sinerul­lu Guutip piata sianiner­nit tamanit an­nerungaar­tup uum­matisi eq­qarsaatisilu ser­nigis­savai Kristus Jesusimi.’ — Filípimiut 4:6, 7.

QASUJUILLUTIT QINUJUARIT

15. Qin­nutivut akineqan­ngitsutut ik­kaangata suna eq­qaamasas­savar­put?

¹⁵ Guuti pil­lugu ilisimasatit amerliar­tuaarsimap­put, im­maqali misigaatit qin­nutitit akineqar­tuaan­nan­ngitsut. Imaas­sin­naavoq qin­nutit aalajangersimasoq akis­sal­lugu Guutimut suli pif­fis­san­ngorsiman­ngitsoq. (Nalunaajaasup oqaasii 3:1-9) Im­maqa Jehovap pis­sutsit aalajangersimasut ilagin­naral­lalaar­pai, akis­saq­qaar­paatil­li, Guutil­lu nalun­ngilaa qaqugu akuliutis­sal­luni pitsaaner­paasoq. — 2 Korintumiut 12:7-9.

16. Sooq qasujuil­luta qinusas­saagut, taman­nalu Guutimut at­taveqar­nitsin­nut qanoq sun­niuteqarsin­naava?

¹⁶ Qasujuil­luta qinusar­nitsigut ersersit­tar­par­put Guutimut oqaatigisavut ilumooruil­luin­narivut. (Lúkarse 18:1-8) As­sersuutigalugu, im­maqa Jehova qin­nuigaar­put san­ngiis­sutsitsin­nik aalajangersimasumik ajugaaf­figin­nin­niar­nitsin­ni ikioq­qul­luta, qasujuil­lutalu qinusar­nitsigut qin­nutivul­lu naaper­torlugit ilior­nitsigut ersersit­tar­par­put ilumooruk­kip­put. Arlaan­nik piumasaqaraangat­ta suunera taasariaqar­par­put un­neq­qaris­sumil­lu pis­suseqar­tariaqarluta. Ingam­mik us­ser­nar­torsiuleraangat­ta ilungersorluta qinusariaqar­pugut. (Matîuse 6:13) Qinusar­nivut ingerlatiin­narutsigik taman­nalu ilutigalugu ajor­tilit­tut ilioriar­tar­nivut naalak­kersimaar­niarsaralugit taava Jehovap ikiuinera misigis­savar­put. Taman­na up­per­nitsigut ineriar­tuutigis­savar­put taas­sumun­ngalu at­taveqar­nitsigut nakus­satsis­sutigis­sal­lugu. — 1 Korintumiut 10:13; Filípimiut 4:13.

17. Guutimut kif­far­tor­nitsin­ni pis­suseq suna ineriar­tor­tis­sagutsigu iluaqutigis­savar­put?

¹⁷ Guuti il­ler­nar­tumik kif­far­torfigiitigalugu qinor­pasis­sumik  pis­suseqar­neq ineriar­tor­tik­kutsigu miserratigis­san­ngilar­put nam­mineq nukitsin­nik kif­far­tuutin­ngik­kip­put. Taman­na Jehovap nersor­naatis­saraa. (1 Korintumiut 4:7) Taman­na miserratigin­ngik­kutsigu maniguut­tun­nguutigis­savar­put taas­sumun­ngalu at­taveqar­nitsigut pisuun­nguutigis­sal­lugu. (1 Pîtruse 5:5, 6) Aap, qasujuil­luta qinusar­nis­satsin­nut pis­sutis­saqarluar­pugut. Qaman­nga pisumik qin­nutivut qanorlu ilil­luta Ataatatsin­nut qilam­miusumut pal­ligus­sin­naaner­put pil­lugu ilisimasavut erlin­nangaar­tut inuunitsin­nik pil­luar­nar­tun­ngor­titsis­sap­put.

JEHOVAMIK ATTAVEQATEQARNEQ ILLUINNAASIORTUUNNGILAQ

18. Qanoq ilil­luta Guuti tusar­naarsin­naavar­put?

¹⁸ Qin­nutitsin­nik Guutip tusar­nis­saa kis­saatigigutsigu taas­suma oqaasii tusar­naar­tariaqar­pavut. (Sakarja 7:13) Pruf­fiitit aq­qutigalugit tusarlius­sisarun­naareersimavoq, anersaarsior­nerlu ator­torin­ngil­luin­nar­paa. Guutili tusar­naarsin­naavar­put taas­suma oqaasiata, Biibilip, atuar­neratigut. (5 Moses 18:10-12; Rûmamiut 15:4; 2 Timûtiuse 3:16, 17) Soorlu timik­kut nerisas­sat peq­qin­nar­tut mamarsisik­kiar­tuaar­neqarsin­naasut, taamatut ’inoorlaan­nguatut im­muup piviusup oqaasiusup kajungerinis­saanik’ kajumis­saarut malit­tariaqar­par­put. Ul­lut tamaasa Guutip oqaasiani atuar­tar­nik­kut anersaak­kut inuus­sutis­sat mamarsisik­kiar­tuaar­niak­kit. — 1 Pîtruse 2:2, 3; apustilit suliait 17:11.

19. Biibilimi atuak­kavut eq­qarsaatigeq­qis­saar­tarutsigik qanoq iluaqutigis­savar­put?

¹⁹ Biibilimi atuak­katit eq­qarsaatigeq­qis­saar­tak­kit. (Tus­siaat 1:1-3; 77:12, 13) Eq­qarsaatigin­neq­qis­saar­nerup as­sigaa nerisas­sat aqajaq­qumi uun­neqar­nerat. Anersaak­kut inuus­sutis­sat ’uus­sin­naavatit’ paasis­sutis­sat ilisimariik­kan­nut atas­suser­tar­nerisigut. Isumaliutigisaruk ilisimalik­katit nutaat ilin­nut inuunin­nul­lu qanoq at­tuumas­suteqar­nersut, aam­malu Jehova taas­sumalu ilioriaasii pil­lugit qanoq oqalut­tuar­nersut. Nam­mineq atuaq­qis­saar­tarit Jehovap anersaak­kut inuus­sutis­siis­sutai ’nerinias­sagak­kit’. Taava Guutimut qanin­nerulis­saatit,  ul­luin­nar­nilu ajor­nar­torsiutit ajor­nan­ngin­nerusumik aaq­qis­sin­naalis­savatit.

20. Kristumiut ataatsimiin­neri qanoq ilil­luta Guutimut qanil­lis­sutigisar­pavut?

²⁰ Aam­ma Guutimut qanil­lisin­naavutit oqaasii kristumiut ataatsimiin­nerini sam­mineqaraangata tusar­naar­taruk­kit, soorlu Israelik­kut Guutip inatsisaasa atuf­fas­sis­sutigineqar­nerat tusar­naar­niarlugu katersuuk­kaangamik tusar­naaq­qis­saar­tarsimasut. Taamanik­kut ajoqersuisut Inatsisit atuak­katik nas­suiar­tarsimavaat, taamaalil­lutik tusar­naar­tut ilin­niutis­sar­taanik paasisaqar­tit­tarlugit maleruaanis­saan­nul­lu kajumis­sisit­tarlugit. Taman­na nuan­naar­nermik an­ner­tuumik pilersitsisarsimavoq. (Nehemja 8:8, 12) Taamaat­tumik Jehovap nalunaajaasuisa ataatsimiit­tar­nerinut najuut­tar­neq ileq­quliun­niaruk. (Eprîarit 10:24, 25) Taamaalioruit Guuti pil­lugu ilisimasatit inuunin­ni atorsin­naanerulis­savatit, taman­nalu pil­luar­nerulis­sutigis­savat. Kristumiunut nunarsuaq tamak­kerlugu qatan­ngutigiis­suar­nut at­taveqar­ner­pit Jehovamut qanil­liniar­nerit oqin­nerulersis­savaa. Soorlulu sam­mis­sagip­put, Guutip in­nut­taasa akor­nan­ni toq­qis­sisimaneq piviusoq nanis­savat.

SUNA ILIKKARPIUK?

Sooq Jehovamut pal­ligut­tariaqar­pit?

Guutimut pal­ligun­niaraan­ni suut pisariaqar­pat?

Qin­nutitsin­nut suut ilan­ngus­sin­naavavut?

Sooq qasujuil­luta qinusas­saagut?

Ul­lumik­kut qanoq ilil­luta Jehovamut tusar­naarsin­naavugut?

[Atuaqqissaarnermi apeqqutit]

 [Qupperneq 157-mi tamakkerlugu asseq]