Kapitali 13

Sooq Guutip piumasaanik iliorneq pillualernartoq

1. Sooq oqarsin­naavugut Jehovap piumasaanik malin­nin­neq pil­luar­nar­tuusoq?

JEHOVA tas­saavoq ’Guuti pil­luar­toq’, inuunermil­lu nuan­naarutigin­nin­nis­sar­put kis­saatigaa. (1 Timûtiuse 1:11) Taas­suma piumasaanik malin­nin­neq iluaqutaavoq iluk­kul­lu eq­qis­sinermik, Biibilimi kuus­suarmut as­sersuun­neqar­tumik, pilersitsisarluni. Aam­ma Guutimut naalat­tut naaper­tuil­luar­tumik ilior­neq eq­qarsaatigalugu „im­map malingisut“ tatiginar­tuunis­sar­tik kis­saatigaat. Taman­na pil­luar­nermik piviusumik nas­sataqar­tar­poq. — Jesaja 48:17, 18.

2. Sooq kristumiut ilaan­nik­kut ajor­tumik pineqar­taraluarlutik pil­luarsin­naap­pat?

² Inuil­li ilaat im­maqa akerliliiumas­sap­put oqarlutik inuit eq­qor­tulior­ner­tik pis­sutigalugu ilaan­nik­kut naal­liut­tar­tut. Taman­na ilumoor­poq, aam­mami Jesusip apustiliisa taman­na misigisimavaat. Naal­li qinugisaagaluarlutik nuan­naarlutik ’Jesus Kristusimik iivangkiiliu oqaluus­sis­sutigiuaan­narsimavaat’. (apustilit suliait 5:40-42) Taman­na pingaaruteqar­tumik ilin­niarfigisin­naavar­put. Ilaatigut paasitip­paatigut naak Guutip piumasaa malil­lugu ilioraluarluni ajun­ngitsumik iliorfigineqar­nis­saq naatsorsuutigineqarsin­naan­ngitsoq. ’Kristus Jesusimimi Guuti mianeralugu inuujumasut tamarmik qinugineqas­sap­put,’ apustili Paulus al­las­simavoq. (2 Timûtiuse 3:12) Tamatumun­nga pis­sutaavoq Satanip silarsuaatalu Guutip piumasaanik malin­nit­tunik akerlilersuinerat. (Juánase 15:18, 19; 1 Pîtruse 5:8) Pil­luar­nerli piviusoq qal­lik­kut pis­sutsinik tun­ngaveqan­ngilaq. Eq­qor­tumik ilior­nermik qularutigin­nin­ngin­nermik taamaat­tumil­lu Guutimit iluarisaanermik aal­laaveqar­poq. — Matîuse 5:10-12; Jâko 1:2, 3; 1 Pîtruse 4:13, 14.

3. Jehovamik pal­lorfigin­nin­neq inuunitsin­nut qanoq an­ner­tutigisumik sun­niuteqar­tariaqar­pa?

 ³ Inuit ilaat isumaqar­put up­perisarsior­nik­kut iliuutsinut ilaan­nik­kuin­naq ilaasar­neq Guutip naam­magigaa, Guutilu eq­qarsaatigiuaan­nar­tariaqan­ngitsoq. Jehova Guutimil­li pal­lorfigin­nin­neq ilumoor­toq taamaan­ngilaq. Nalunaaqut­tap-akun­nerini eq­qumaf­figisani tamani, ul­lut tamaasa, ukiut tamaasa, qanoq ilior­ner­nik tamanik sun­niivoq. Taamaat­tuminguna aam­ma ’aq­qum­mik’ taaneqar­toq. (apustilit suliait 19:9; Jesaja 30:21) ’Aq­qut’ tas­saavoq inooriaaseq, Guutimik malin­nil­luni taas­sumalu oqaasiinut naaper­tuut­tunik oqaloriaaseqarlunilu ilioriaaseqarluni.

4. Sooq Guutip piumasaanik iliuler­nis­samut pisariaqar­tunik al­lan­nguineq iluaqutaava?

⁴ Biibili ima ilisimal­lualereersimatigigaan­ni paasisimal­lugu Jehovamit iluarisaas­sagaan­ni arlaatigut al­lan­nguuteqar­nis­saq pisariaqar­toq, im­maqa im­minut aperisoqarsin­naavoq Guutip piumasaanik ilior­nis­saq im­minut akilersin­naanersoq. Im­minut akilersin­naanera qularutis­saan­ngilaq. Sooq? ’Guuti asas­sutaam­mat’ taamaat­tumil­lu iluaqutaasunik najoq­qutas­siuus­simal­luta. (1 Juánase 4:8) Jehova Guuti aam­ma ilisimasuuvoq sunalu uagutsin­nut ajun­ngin­ner­paasoq nalunagu. Ajugaqan­ngitsuugamilu ileq­qut pitsaan­ngitsut taas­sumun­nga iluarisaajumal­luta asoorun­niar­neran­ni nakus­satsis­sin­naavaatigut. (Filípimiut 4:13) Najoq­qutas­sat Guutip uatsin­nut maleruaq­qusai misis­soriar­tigik, paasiniarlugu tamak­ku maleruar­nerisigut qanoq ilil­luni pil­luar­neq anguneqarsin­naasoq.

UNNEQQARISSUSEQ PILLUALERSITSISARPOQ

5. Sal­luneq til­lin­nerlu Biibilimi qanoq oqaatigineqar­pat?

⁵ Jehova tas­saavoq „Guuti un­neq­qaris­soq“. (Tus­siaat 31:6) Qular­nan­ngitsumik maligas­siaa malerusup­pat, ilumuus­sutsik­kut ilisimaneqarusul­lutit. Un­neq­qaris­suugaan­ni im­minut ataq­qineq iluarusun­nerlu anguneqar­tar­put. Un­neq­qaserlun­neq silarsuarmi maani nalingin­naaqim­mat kristumiut eq­qaasitsis­sum­mik matumin­nga eq­qaaman­nin­nis­saat pisariaqar­poq: ’Ilumoor­tumik inoqatis­sin­nut oqalugitsi . . . Til­lit­tar­toq til­lis­saarli, suliniarlunili as­sam­minik ajun­ngitsuliorli, ajorsar­tunut tun­nius­sas­saqaq­qul­luni.’ (Evfisumiut 4:25, 28) Kristumiut sulif­fim­min­ni un­neq­qaris­sumik sulisar­put. Akuerisaanatik sulif­fim­min­nit arlaan­nik tigusineq ajor­put. Jehovamik pal­lorfigin­nit­toq sulif­fim­mini,  atuarfim­mi angerlarsimaf­fim­minilu ’tamatigut as­suar­naatsutut ilior­tus­saavoq’. (Eprîarit 13:18) Sal­lunermik til­lin­nermil­lu ileq­qoqar­toq Guutimut iluarisaasin­naan­ngilaq. — 5 Moses 5:19; sarĸúmersitat 21:8.

6. Jehovap kif­faasa un­neq­qaris­susiatigut qanoq ilil­luni Jehova naalan­narsisitaasar­pa?

⁶ Un­neq­qaris­suseq pil­luaq­qusaaner­pas­suar­nik nas­sataqar­tar­poq. Taman­na takuneqarsin­naavoq Selinamik, uil­lar­nermik piitsumik Afrikamiumik Jehova Guutimik taas­sumalu najoq­qutas­siaanik naaper­tuil­luar­tunik asan­nit­tumik, pisimasuk­kut. Ul­lut ilaan­ni taskimik bankbogimik aningaasar­pas­suar­nil­lu imalim­mik nas­saar­poq. Oqarasuaatit al­lat­torsimaf­fiat ikior­tigalugu pigin­nit­tua, pisiniarfiutilik ujajaaf­figitis­simasoq, nas­saaraa. Selinap nap­parsimagaluaqaluni or­nigul­luni taskini imarisaminik tamanik imalik tun­nium­magu pisiniarfiutil­lip up­perisin­naan­ngingajap­paa. „Taama un­neq­qaritsigisoq akiler­neqar­tariaqar­poq,“ oqar­poq akilerlugulu. Pingaar­ner­paarli tas­sa Selinap up­perisaa pil­lugu iluarin­nip­pasis­sumik oqaaseqar­nera. Aap, un­neq­qaris­suseq Biibilip ajoqersuutaanut ataq­qinaataavoq; Jehovamik naalan­nar­titsivoq pal­lorfigin­nit­taanil­lu un­neq­qaris­sunik pil­lualersitsil­luni. — Títuse 2:10; 1 Pîtruse 2:12.

TUNISIUMATUSSUSEQ PILLUALERSITSISARPOQ

7. Sooq aningaasanoor­neq eq­qun­ngitsulior­nerua?

⁷ Tunisiumatuut pil­luar­neq angusar­paat, piumatuul­li ’Guutip naalagaaf­fianik kingor­nus­sisus­saan­ngil­lat’. (1 Korintumiut 6:10) Piumatus­sutsip ilisar­naataa nalingin­naasoq tas­saavoq aningaasanoor­neq, al­lat ajunaarutaan­nik iluanaarutigin­nin­neq. Jehovap ’as­suar­nar­tumik akis­sarsiniar­tut’ iluarin­ngilai. (1 Timûtiuse 3:8) Al­laat aningaasanoor­neq inatsisitigut akuerisaagaluar­toq nuan­nariin­narlugulu aningaasanooraluarluni uerisoor­toqarsin­naavoq taamaalil­lunilu ileq­qoq inup­pas­suit inuuneran­nik aseruisimasoq siuarsar­neqas­sal­luni. Aningaasanoor­nermut uerisimasup ilaqutai pis­saaleqisariaqar­tar­put pisariaqavis­sunut, soorlu nerisas­sanut atisanul­lu, akis­saqan­ngin­namik. — 1 Timûtiuse 6:10.

8. Tunisiumatus­suseq eq­qarsaatigalugu Jesus qanoq maligas­siuiva, uagul­lu qanoq ilil­luta tunisiumatus­sutsimik ersersitsisin­naavugut?

⁸ Kristumiut tunisiumatuujup­put taamaat­tumil­lu al­lanut, ingam­mik up­peqatimin­nut pisariaqar­titsisunut, ikiuun­nis­sar­tik  nuan­naarutigisarlugu. (Jâko 2:15, 16) Jesus nunarsuarmut pin­ngik­kal­larami Guutip inun­nut tunisiumatus­susianik takusaqar­tarsimavoq. (apustilit suliait 14:16, 17) Jesusip pif­fis­sani nukinilu, aap, al­laat inuunini, inuit al­lat iluaqutis­saan­nut tun­nius­simavai. Taamaat­tumik eq­qor­tumik ima oqarsin­naasimavoq: ’Tunisineq tigusinermit pil­luar­nar­neruvoq.’ (apustilit suliait 20:35) Jesusip aam­ma uil­lar­neq piitsoq aningaasaminin­nguanik naalaf­fiup nak­kaatitsivianut nak­kar­titsisoq nersualaarsimavaa, ’pini tamaasa ilim­magit inuutis­sarsiutis­saraluani tamak­kerlugit’. (Mákorse 12:41-44) Itsaq Israelik­kut ukiunilu hundredelin­ni siul­ler­ni kristumiut ilagiin­nik Naalagaaf­fiul­lu suliaanik timip piisigut tapersersuineq eq­qarsaatigalugu nuan­naarlutik tunisiumatus­sutsimik­kut uagutsin­nut maligas­saal­luar­put. (1 Israelik­kut 29:9; 2 Korintumiut 9:11-14) Ul­lumik­kut kristumiut siuner­tanut taak­kunun­nga timip piisiguin­naan­ngitsoq tapersersuisar­put, nuan­naarlutil­li aam­ma Guutimut un­nersiutigin­nis­sutinik pil­liuteqar­tar­put inuuner­til­lu taas­sumun­nga kif­far­tor­nermut atorlugu. (Rûmamiut 12:1; Eprîarit 13:15) Jehovap pil­luaq­quai pif­fis­sar­tik, nukitik pigisatil­lu, ilaatigut aningaasaatitik, ator­tarmatigik pal­lorfigin­nin­neq ilumoor­toq Naalagaaf­fim­mil­lu nutaarsias­samik nuan­nersumik oqaluus­sis­sutigin­nin­neq nunarsuarmi tamarmi siuarsarumal­lugit. — Us­satit 3:9, 10.

PILLUARNERMIK SIUARSAASUT ALLAT

9. Sooq kil­leqan­ngitsumik aalakoor­nar­tutor­neq eq­qun­ngitsulior­nerua?

⁹ Kristumiut pil­luarumal­lutik aam­ma ’eq­qarsarsin­naas­sutsimin­nik ser­nis­suisariaqar­put’. (Us­satit 5:1, 2, NV) Taamaat­tumik Guutip oqaasianik atuagas­sianil­lu Biibililersaarutinik iluaqutaasunik atuar­tar­nis­saat eq­qarsaatigin­neq­qis­saar­tar­nis­saal­lu pisariaqar­poq. Aam­mali ingalas­simasariaqagaqar­put. As­sersuutigalugu, kil­leqan­ngitsumik aalakoor­nar­tutor­nik­kut eq­qarsaatit aquk­kun­naar­neqarsin­naap­put. Amerlasuut taamaan­nermin­ni kan­ngunar­tuliorsimap­put, nakuusersimal­lutik ajunaar­toqar­neranul­lu pisuusimal­lutik. Taamaat­tumik tupin­nan­ngilaq Biibilimi al­las­simam­mat imerajut­tut Guutip naalagaaf­fia kingor­nutis­san­ngik­kaat. (1 Korintumiut 6:10) Kristumiut ilumoor­tut im­min­nut ’isumak­kut peq­qis­suutin­nis­sar­tik’ aalajangiusimavaat taamaat­tumil­lu imerajut­tun­ngor­naveersaarlutik. Taamaalior­neq aam­ma pil­luar­nermut al­lisaataavoq. — Títuse 2:2-6, NV.

10. (a) Sooq kristumiut tupator­neq ajor­pat? (b) Pin­ngitsuuisin­naajun­naarsimagaluit asoorus­siner­tik qanoq iluaqutigisar­paat.

 ¹⁰ Timi minguitsoq aam­ma pil­luar­nermut sun­niuteqar­tar­poq. Taamaak­kaluar­toq inup­pas­suit timimut ajoqutaasunik im­min­nut pin­ngitsoorsin­naajun­naarsis­simap­put. Tupa as­sersuutigalugu taasin­naavar­put. Silarsuarmi peq­qin­nis­sak­kut peqatigiif­fiup nalunaarutigaa pujor­tar­tar­neq ’ukiumut inuit 3 mil­lionit inuuneran­nik akeqar­tar­toq’. Timip uerinera pis­sutaal­luni pujor­tar­tarun­naar­nis­saq ar­tor­narsin­naasar­poq, pujor­tar­tarun­naarsimasul­li mil­lionilik­kuutaat un­nersior­put pujor­tar­tarun­naar­nerup iluaqutis­sar­tai ilaatigut tas­saasut peq­qin­neruler­neq ul­luin­nar­nilu pisariaqavis­sunut akis­saqar­neruler­neq. Aap, tupa ikiaroor­nar­tul­luun­niit al­lat uerif­figisimasat asooruk­kaan­ni timi minguitsoq, ilerasuuteqan­ngin­neq pil­luar­nerlu piviusoq nuan­naarutigiler­neqarsin­naap­put. — 2 Korintumiut 7:1.

AAPPARIINNERMI PILLUARNEQ

11. Aap­pariin­neq inatsisinut naaper­tuul­lunilu ataavas­sap­pat suut pisariaqar­pat?

¹¹ Uiusutut nuliaasutul­lu najugaqatigiit­tut aap­pariin­nermik oqar­tus­saasuni inatsisitigut nalunaarsor­neqarsimanis­saa qulak­keer­tariaqar­paat. (Mákorse 12:17) Aam­ma aap­pariin­ner­tik akisus­saaf­fit­tut asuli pisas­saan­ngitsutut isigisariaqar­paat. Aap­paasoq pilersuisus­saanerminik sumigin­naap­pat, nakuuser­tar­pat aap­parmiluun­niit anersaak­kut peq­qis­susianik navianar­torsior­titsip­pat averuser­nis­saq pisariaqalersin­naavoq. (1 Timûtiuse 5:8; Galâsiamiut 5:19-21) Apustilil­li Paulusip Korintumiunut agdlagkat sujugdlît 7:10-17-imi aap­pariit avis­saan­ngin­nis­saan­nik kajumis­saar­pai. Piviusumil­lu pil­luas­sagunik ilumoorfigeqatigiit­tariaqar­put. Paulus aam­ma ima al­las­simavoq: ’Nuliariin­neq tamani kan­ngunaak­kili, nuliariil­lu in­narfiat minguik­kili; uersaasul­li ar­naanil­lil­lu Guutip eq­qar­tuuk­kumaar­pai.’ (Eprîarit 13:4) ’Nuliariit in­narfiat’ angutip ar­nal­lu inatsisinut naaper­tuut­tumik katis­simasut kinguaas­siuutitigut inooqatigiin­neran­nut as­sersuutaavoq. Tamatuma avataatigut kinguaas­siuutitigut atoqatigiin­nerit suul­luun­niit, aam­ma arlalin­nik aap­paqar­neq, ’tamani kan­ngunaatsutut’ oqaatigineqarsin­naan­ngil­lat. Aam­malu katis­simanani kinguaas­siuutitigut atoqatigiin­neq kiisalu angutaan­naat ar­naan­naal­lu atoqatigiin­nerat Biibilimi ajorineqar­put. — Rûmamiut 1:26, 27; 1 Korintumiut 6:18.

12. Kinguaas­siuutitigut kan­ngunar­tulior­nerup kinguneri avaan­ngunar­tut taaguk­kit.

 ¹² Kinguaas­siuutitigut kan­ngunar­tulior­neq im­maqa sivikitsumik nuan­nisas­sutaasin­naavoq, pil­luar­nermil­li piviusumik nas­sataqar­neq ajor­poq. Taamaalior­neq Guutip iluarin­ngilaa, ilerasuutaasin­naavorlu. (1 Tásalûníkamiut 4:3-5) Kinguaas­siuutitigut ileq­qorlun­neq alianar­tumik kinguneqarsin­naavoq, soorlu AIDS-imik nap­paatinil­lu al­lanik kinguaas­siuutitigut tunil­laat­tar­tunik tunil­latsin­nermik. „Mis­siliuun­neqar­poq ukiut tamaasa inuit 250 millionit gonorrémik tunil­latsit­tar­tut, 50 millionillu mis­saat syfilisimik,“ nakorsat atuagas­siaan­ni taama al­las­simasoqar­poq. Aam­ma kis­saatiginagu naar­tulersoor­neq ajor­nar­torsiutaavoq. Nunarsuarmi Tamarmi Ilaqutariin­nik Pilersaarusior­nik­kut Kat­tuf­fik nalunaar­poq nunarsuarmi tamarmi ukiut tamaasa niviarsis­sat 15-it 19-il­lu akor­nan­ni ukiul­lit 15 millioninit amerlanerusut naar­tuler­tar­tut, aggor­nerisalu pingajui naar­tuersit­tar­tut. Nunami Afrikamiit­tumi misis­suinermi erser­poq niviarsiaq­qat inuusut­tuaq­qat toqusut tamarmik 72 procentii naar­tuersin­nermi ajutoor­nermik toq­quteqar­tar­tut. Ilaat kinguaas­siuutitigut kan­ngunar­tulior­nermin­ni nap­paam­mik tunil­latsis­siman­ngik­kaluar­put naar­tulersoorsimanatil­luun­niit, misigis­sutsik­kul­li ar­torsaatis­sin­neqan­ngitsoor­neq ajor­put. Ilar­pas­sui im­minut ataq­qis­suseerut­tar­put al­laal­lu im­minut ajorisorujus­suusarlutik.

13. Al­lasior­neq ajor­nar­torsiutinik al­lanik sunik nas­sataqar­tar­pa, aam­ma kan­ngunar­tulior­tuaan­nar­tut al­lasior­tuaan­nar­tul­lu qanoq pineqar­tus­saap­pat?

¹³ Al­lasior­toq isumak­keerfigineqarsin­naavoq, aam­mali aap­paq pisuus­suteqan­ngitsoq avin­nis­samik piumasaqarsin­naatitaavoq. (Matîuse 5:32; naleq­qiuguk Hosea 3:1-5.) Kan­ngunar­tulior­neq aap­pariin­nermut aseruutaagaangat avit­tunut meeq­qanul­lu misigis­sutsik­kut amerlasuutigut ikiler­neqaataasar­poq. Uagut nam­mineq iluaqutis­satsin­nut Guutip oqaasiani oqaatigineqar­poq kan­ngunar­tulior­tut al­lasior­tul­lu al­lamik isumataaruman­ngitsut Guutip eq­qar­tuuk­kumaarai. Aam­malu erseq­qis­sumik al­las­simavoq kinguaas­siuutitigut ileq­qorlut­tut ’Guutip naalagaaf­fianik kingor­nus­sinavian­ngitsut’. — Galâsiamiut 5:19, 21.

’SILARSUUP ILAGINNGILAI’

14. (a) Guutipilus­sior­neq kristumiut nigorsimasariaqagaat sunaava? (b) Juánase 17:14 aam­ma Jesaja 2:4 naaper­torlugit qanoq ilior­tariaqar­pa?

¹⁴ Jehovamit iluarisaarusut­tut Naalagaaf­fiul­lu pil­luaq­qus­sutis­sar­taanik  nuan­naarutigin­nik­kusut­tut guutipilus­sior­nerit suul­luun­niit nigorsimasariaqar­paat. Biibilimi ersersin­neqar­poq as­silialiorluni tamak­kunin­nga pal­lorfigin­nin­neq, aam­ma Kristusip anaanaatalu, Mariap, as­singinik pal­lorfigin­nin­neq, eq­qungitsulior­nerusoq. (2 Moses 20:4, 5; 1 Juánase 5:21) Taamaat­tumik kristumiut ilumoor­tut inuusalianik, san­ningasulim­mik as­silis­sanil­luun­niit pal­lorfigin­nin­neq ajor­put. Aam­ma malun­narsaan­ngin­nerusumik guutipilus­siorfigin­nin­nerit, soorlu erfalasumik ilas­sin­nin­neq inuiaas­sutsimil­luun­niit pingaar­torsiutigin­nil­luni erinarsor­neq, nigorsimasar­paat. Iliuutsinut tamak­kunun­nga peqataatin­niarsarineqarangaamik Jesusip Satanimut oqaasii uku eq­qaamasar­paat: ’Jehova Guutit pal­lorfigis­savat kif­far­tuul­lugulu taan­na kisiat.’ (Matîuse 4:8-10) Jesus aam­ma oqarsimavoq ajoqersuk­kani ’silarsuup ilagin­ngik­kai’. (Juánase 17:14) Taman­na isumaqar­poq naalak­kersuinermut tun­ngasunut kal­luun­naveersaar­tuus­sasut eq­qis­sinis­samil­lu pingaar­titsil­lutik inuus­sasut Jesaja 2:4-mi un­nersuus­sut naaper­torlugu: „[Jehova Guuti] eq­qar­tuus­siumaar­poq inuiaat akor­nan­ni, inuiaqatigiip­pas­suit eq­qar­tuus­sisutut  aalajangiif­figis­savai; saf­fius­savaat panatik as­sal­latserum­mut savis­saliaralugit, qalugiusatil­lu saviliaralugit viin­nequtileris­sutit; inuiaat im­min­nut panamik silugutis­saas­sap­put, sak­kunik atuinis­samut sungiusarun­naas­sal­lutik.“

15. Babylon Angisooq sunaava, Biibilimil­lu atuaq­qis­saar­tor­pas­suit tamatuman­nga ’aniniarlutik’ qanoq iliorsimap­pat?

¹⁵ ’Silarsuarmut ilaas­saan­ngik­kaan­ni’ aam­ma ’Babylonimut Angisuumut’, up­perisarsior­nerup ilumuun­ngitsup silarsuarmi tamarmi naalagaaf­fis­suanut, at­taveqarun­naarluin­nar­tariaqar­poq. Itsaq Babylonimi pal­lorfigin­nin­neq mingut­tooq nunarsuarmut tamarmut siaruaas­simavoq inuit tamaasa ajoqutaasumik anersaak­kut pis­saaneqarfigilerlugit. ’Babylonimut Angisuumut’ ilaap­put up­perisarsior­nerit Guutimik ilisarsinermut akerliusunik ajoqersuuteqarlutil­lu ileq­qulersuutil­lit tamarmik. (sarĸúmersitat 17:1, 5, 15) Jehovamik pal­lorfigin­nit­toq aalajaatsoq kinaluun­niit oqaluf­feqarfiit imaluun­niit Babylonimut Angisuumut ilaasut al­lat pal­lorfigin­nin­neran­nut peqataajuman­ngilaq. (4 Moses 25:1-9; 2 Korintumiut 6:14) Biibilimik atuaq­qis­saalersor­pas­suit up­perisarsioqatigiin­nit  ilaaf­figisaraluamin­nit anisimam­mata nersor­tariaqar­put. Taamaalil­lutik Guutimut ilumoor­tumut qanil­lisimap­put, soorlumi taan­na ima neriorsuisimasoq: ’„Akor­nan­nit anigitsi avis­saarlugil­lu,“ oqar­poq Jehova, „mingun­nar­torlu at­toqinasiuk“; „taava ilas­siumaar­pas­si.“’ (2 Korintumiut 6:17; sarĸúmersitat 18:4, 5) Ataatatsin­nit qilam­miusumit iluarisaanis­sar­put qaman­nga pisumik kis­saatigin­ngin­ner­par­put?

NALLIUTTORSUIT INUUISSIORNERILLU

16. Sooq kristumiut ilumoor­tut juul­lisior­tan­ngil­lat?

¹⁶ Guutip piumasaanik ilioraangat­ta silamiut nal­liut­torsior­nerinut atatil­lugu pisaris­sersuutit pin­ngitsoor­tar­pavut. As­sersuutigalugu, Biibilimi oqaatigineqan­ngilaq qangar­piaq Jesus inun­ngorsimasoq. ’Isumaqarlunga Jesus decembarip 24-ani imaluun­niit 25-ani inun­ngorsimasoq!’ im­maqa ilaat oqarumas­sap­put. Taamaas­simanavian­ngilarli, inun­ngormam­mi ’eq­qaaniis­simap­put savanik paarsisut narsamiil­lutik un­nuami pigaar­tut nersutaatitik paaralugit’. (Lúkarse 2:8) Israelimi decembarip naggataata tungaa sial­lerajuf­fiusar­poq nil­ler­taqalunilu, ukiuuneralu pis­sutigalugu savaatit un­nuak­kut isersimatin­neqar­tar­put. Decembarip 25-a Romamiut seqinermut guutigisamin­nut inuuis­siorfin­ngor­tis­simavaat. Jesusip nunarsuarmi inuuneranit ukiut hundredelik­kuutaat qaangium­mata kristumiut tunus­sisut ul­loq taman­na Kristusimut inuuis­siorfin­ngor­tip­paat. Taman­na pis­sutigalugu kristumiut ilumoor­tut juul­li nal­liut­torsiorfiil­luun­niit al­lat up­perisarsior­nermik ilumuun­ngitsumik aal­laaveqar­tut nal­liut­torsiutigineq ajor­paat. Jehova tamak­kiisumik tun­niusimaf­figaat taamaat­tumil­lu nal­liut­torsiorfiit inun­nik inuian­nil­lu ajor­tilin­nik guutisiorfigin­nif­fiusut nal­liut­torsiutigineq ajorlugit.

17. Sooq Guutip kif­fai inuuis­sior­neq ajor­pat, soorli taamaak­kaluar­toq meeq­qat kristumiuusut pil­luar­pat?

¹⁷ Biibilimi inuuis­sior­tunik nal­liut­torsiutigin­nin­nerit aalajangersimasut marluin­naat eq­qar­tor­neqar­put, tamarmik angutinik Guutimut kif­far­tor­tuun­ngitsunik ataq­qin­nin­niutaasut. (1 Moses 40:20-22; Matîuse 14:6-11) Ul­loq inuup naam­mal­luin­nar­tup Jesus Kristusip inuuia Biibilimi oqaatigineqan­ngip­pat taava sooq inuit naam­mal­luin­nan­ngitsut inuuii im­mik­kut malun­nar­tin­niar­tas­savavut? (Nalunaajaasup oqaasii 7:1) Soorunami angajoq­qaat Guutimut tun­niusimasut meeq­qamik asan­nin­nermik ersersitsiviginis­saan­nut ul­lormut im­mik­kut it­tumut utaq­qineq ajor­put. Kristumiu niviarsiaraq 13-inik ukiulik ima oqarsimavoq: „Ilaqut­tak­kalu nuan­nisaqatigiit­tar­pugut.  . . . Angajoq­qaan­nut qanit­tuararsuuvunga, aperineqaraangamalu sooq nal­liut­torsuit nal­liut­torsiutigineq ajor­nerik­ka oqar­tar­punga ul­lut tamaasa nuan­nisar­tarlunga.“ Angul­lu inuusut­toq kristumiu 17-inik ukiulik ima oqar­poq: ’Uagutsin­ni ukioq kaajal­lal­lugu suk­kul­luun­niit tunis­sutisisar­pugut.’ Kajumis­suseq naaper­torlugu tunisineq pil­luar­nar­nerusar­poq.

18. Ukiumoor­tumik nal­liut­torsior­neq suna kisiat Jesusip ajoqersuk­kaminut inas­sutigisimavaa, tamatumun­ngalu najuuk­kaangat­ta sumik eq­qaasin­neqar­tar­pugut?

¹⁸ Guutip piumasaanik ilior­nis­samin­nik kis­saateqar­tut ul­lormik aalajangersimasumik ukiut tamaasa nal­liut­torsiorfeqar­put. Tas­sa Naalak­kap un­nuk­korsior­titsinera, aam­ma Kristusip toquneranik eq­qaaniaanermik taaneqar­tar­toq. Taman­na pil­lugu Jesusip ajoqersuk­kani ima peq­qusimavai: ’Taamaalior­taritsi eq­qaal­lunga.’ (Lúkarse 22:19, 20; 1 Korintumiut 11:23-25) Jesusip un­nuk­korsior­neq taman­na ukiumi 33-mi u.n.k. nisanip 14-ani aal­lar­neramiuk if­fiaq seer­narsaateqan­ngitsoq viin­nilu aap­palut­toq timiminut ajor­teqan­ngitsumut aam­minul­lu naam­mal­luin­nar­tumut as­sersuutitut ator­pai. (Matîuse 26:26-29) As­sersuutit tamak­ku kristumiunit Guutip anersaavanit il­ler­nar­tumit tanitaasunit, angerusisaamut Naalagaaf­fil­lu pil­lugu angerutsimut peqataasunit, ilangiif­figineqar­tar­put. Taak­ku qilam­mukar­nis­samin­nik neriugisaqar­put. (Lúkarse 12:32; 22:20, 28-30; Rûmamiut 8:16, 17; sarĸúmersitat 14:1-5) Nal­liut­torsior­nermul­lu ukiumoor­tumut, ul­lormi juutit qaam­matisiutitoqaan­ni nisanip 14-anut naaper­tuut­tumi pisar­tumut, najuut­tut tamarmik taman­na iluaqutigisar­paat. Asan­nin­nermik, Jehova Guutip Jesus Kristusil­lu pil­liut ajor­titsin­nut uter­titsis­sutaasoq Guutil­lu iluarisaasa naas­saan­ngitsumik inuulersin­naanis­saan­nik ajor­narun­naarsitsisoq aq­qutigalugu ersersis­simasaan­nik, eq­qaasin­neqar­tar­put. — Matîuse 20:28; Juánase 3:16.

SULINEQ ALIIKKUSERSORNERLU

19. Kristumiu inuus­sutis­sarsior­niar­nermini sunik akor­nutis­saqarsin­naava?

¹⁹ Kristumiut ilumoor­tut eqiasuil­lutik sulinis­samin­nut im­min­nul­lu pilersor­nis­samin­nut pisus­saap­put. Tamatumin­nga eq­qor­titsineq ilaqutariin­ni it­tuusumut nalerisimaar­nar­tuuvoq. (1 Tásalûníkamiut 4:11, 12) Kristumiup sulif­fia Biibilip peq­qus­sutaanut akerliup­pat soorunami pil­luar­neranik arsaarisuus­saaq. Biibilil­lu najoq­qutas­siaanut naaper­tuut­tumik sulif­fis­sarsinis­saq kristumiumut ilaan­nik­kut ajor­nakusoorsin­naasar­poq.  As­sersuutigalugu, sulisitsisut ilaasa sulisutik sul­litamin­nik uukapaatitsinis­saan­nik piumaf­figisar­paat. Sulisitsisul­li al­lat sulisumik un­neq­qaris­sut nalun­ngeqatigin­nis­sutaan­nik suusupagin­nin­naveersaar­tar­put sulisoq un­neq­qaris­soq eqiasuitsorlu an­naajumanagu. Qanorluun­niil­li ik­kaluar­pat qularutigin­ngis­sin­naavar­put ilerasuuteqar­nani aal­lus­sin­naasamik sulif­fis­sarsiorluni ilumoorluni ilungersor­nerit Guutip pil­luaq­qujumaarai. — 2 Korintumiut 4:2.

20. Sooq kristumiut aliik­kutas­satigut narrutuujusariaqar­pat?

²⁰ Jehovap kif­fami pil­luar­nis­saat kis­saatigim­magu eqiasuil­luta suliner­put sukisaarsaatinik eq­qis­sisimaar­nermil­lu oqimaaqatigiis­sar­tariaqar­par­put, nukis­sanik nutaanik pisarumal­luta. (Mákorse 6:31; Nalunaajaasup oqaasii 3:12, 13) Satanil­li silarsuaani aliik­kutas­siat Guutip najoq­qutas­siaanik suusupagin­nit­tut siuarsar­neqar­tuar­tar­put. Taamaat­tumik atuak­kat, radiomi tusar­naagas­sat, nipilersuk­kat, tusar­naar­titsinerit, isigin­naar­titsis­sutit aam­ma tv-mi videomilu isigin­naagas­siat eq­qarsaatigalugit kristumiut narrutuujusariaqar­put. Mosesimik al­lak­kat tal­limaat 18:10-12-imi, Tus­siaat 11:5-imi aam­malu Evfisumiunut agdlagkat 5:3-5-imi mianersoq­qus­sutigineqar­tunik aliik­kutaqar­niar­tarut­ta al­lan­nguinis­sar­put uagutsin­nut iluaqutaas­saaq.

INUUNERMIK AAMMILLU ATAQQINNINNEQ

21. Inuunermik ataq­qin­nin­ner­put naar­tuersin­nermut ileq­qunul­lu isigin­nin­nitsin­nut qanoq ilil­luni at­tuisar­pa?

²¹ Ilumut pil­luarluin­nas­sagut­ta Jehovatut inuup in­nuunera il­ler­nar­tutut isigisariaqar­par­put. Taas­suma oqaatsimini inuar­nis­samut iner­ter­paatigut. (Matîuse 19:16-18) Guutip Israelimut inatsisaani takuneqarsin­naavoq al­laat naar­tup inuunera akisuutut nungutin­neqar­tus­saan­ngitsutut isigigaa. (2 Moses 21:22, 23) Tupamik atuinik­kut, ikiaroor­nar­tumik imaluun­niit aalakoor­nar­tunik atuival­laar­nik­kut timitsin­nik aseror­terinik­kut, arlaatigul­luun­niit pisariaqan­ngitsumik im­mitsin­nut navianar­torsior­tin­nitsigut inuuner­put naleqan­ngitsutut pis­san­ngilar­put. Aam­ma iliuutsit inuunermik ulorianar­torsior­titsisut peqataaf­figisus­saan­ngilavut isuman­naal­lisaanik­kul­luun­niit maleruaq­qusat sumigin­nar­tus­saanagit, toqusoqar­neranut pisooq­qunata. — 5 Moses 22:8.

22. (a) Aak tamatumin­ngalu atuineq qanoq isigis­sagip­put Guutip kis­saatigaa? (b) Kia aava kisimi inuunermik an­naas­sil­luin­narsin­naava?

²² Noamut ilaqutaanul­lu Jehova oqarsimavoq aak tas­saasoq  tar­neq, inuuneq, qanorluun­niil­lu iliorlutik aam­mik nerinis­saan­nik iner­teq­quteqarfigai. (1 Moses 9:3, 4) Taak­kua kinguaarim­matigut inatsit taman­na tamatsin­nut atuup­poq. Guutip Israelik­kut peq­qusimavai aak nunamut kuutsit­tas­sagaat. Aak nam­min­neq iluaqutis­saan­nut atoq­qun­ngilaa. (5 Moses 12:15, 16) Guutil­lu aak pil­lugu inatsisaa ukiuni hundredelin­ni siul­ler­ni kristumiunut ima uteq­qin­neqarsimavoq: ’Aam­mik neris­san­ngilasi.’ (apustilit suliait 15:28, 29) Inuunerup il­ler­nas­susianut ataq­qin­nil­lutik Guutip piumasaanik ilior­tut aalersor­tis­sin­naan­ngil­lat, al­laat aalajangiusimaneqaraluar­pat aak inuuneq an­naan­neqas­sap­pat pisariaqar­toq. Paasinarsisimavoq nakorsaariaatsit al­lat Jehovap nalunaajaasuisa akuerisin­naasaat sun­niuteqarluar­tar­tut nap­parsimasunil­lu aalersor­tin­nerup navianaataanut ser­nis­suutaal­lutik. Kristumiut nalun­ngilaat Jesusip aava kuisaq kisimi inuunermik an­naas­sil­luin­narsin­naasoq. Tamatumun­nga up­per­nik­kut isumak­keerfigineqar­neq inuunermil­lu naas­saan­ngitsumik neriuut anguneqar­tar­put. — Evfisumiut 1:7.

23. Ul­luin­nar­ni Guutip piumasaanik ilior­neq qanoq pil­luaq­qusaanar­pa?

²³ Erseq­qip­poq ul­luin­nar­ni Guutip piumasaanik ilior­niar­neq imaan­naan­ngitsuusoq. Im­maqa ilaqut­tat ikin­ngutil­luun­niit asis­suisar­put. (Matîuse 10:32-39; 1 Pîtruse 4:4) Akis­sarsiarli misilin­neqar­ner­nit sunil­luun­niit an­nerungaar­poq. Guutip piumasaanik iliulersoq ilerasuutaarut­tar­poq Jehovamil­lu pal­lorfigin­nit­tut akor­nan­ni ineriar­tor­nar­tunik ikin­nguteqaler­tarluni. (Matîuse 19:27, 29) Takorloorul­lu Guutip silarsuas­saani nutaami naaper­tuil­luar­tumi naas­saan­ngitsumik inuul­luni qanoq is­sasoq! (Jesaja 65:17, 18) Aam­ma Biibilimi siun­nersuutinik maleruaaneq Jehoval­lu uum­mataanik nuan­naar­titsineq nuan­naarutis­saqar­nar­torujus­suuvoq. (Us­satit 27:11) Taamaat­tumik tupin­nan­ngilaq Guutip piumasaanik ilior­neq pil­luar­nar­tuum­mat! — Tus­siaat 128:1, 2.

SUNA ILIKKARPIUK?

Guutip piumasaanik ilior­nerup pil­luar­nar­tuuneranut pis­sutaasunik taasaqarit

Guutip piumasaanik ilius­sagaan­ni sutigut al­lan­nguinis­saq pisariaqarsin­naava?

Sooq il­lit Guutip piumasaanik iliorusup­pit?

[Atuaqqissaarnermi apeqqutit]

[Qupp. 124, 125-mi assiliartaq]

Anersaak­kut sam­misas­sanik eq­qis­sisimaar­nermil­lu oqimaaqatigiis­saarinerup Guutip piumasaanik ilior­nermik nuan­naarutigin­nin­neq al­lisit­tar­paa