Kapitali 8

Sooq naalliunnartut atuunnerat Guutip akueraa?

1, 2. Naal­liun­nar­tut inun­nit amerlasuutigut qanoq qisuariarfigineqar­tar­pat?

INUIT ajunaar­ner­nik, pigisanik inuil­lu inuuneran­nik aseruisunik, eq­qor­neqaraangamik ilar­pas­suisa paasisin­naan­ngil­luin­nar­tar­paat sooq taama ajor­tigisunik pisoqar­tar­toq. Al­lat pinerlun­nerit  nakuuser­neril­lu peq­qar­niitsut as­sut eq­qis­siun­naarutigisar­paat. Im­maqa aam­ma il­lit ima eq­qarsar­tar­putit: ’Sooq naal­liun­nar­tut atuun­nerat Guutip akueraa?’

² Apeq­qum­mut tamatumun­nga naam­maginar­tumik akis­sutis­sarsisiman­ngin­ner­tik pis­sutigalugu inup­pas­suit Guutimut up­perun­naarsimap­put. Misigisimap­put Guutip inuit soqutigin­ngik­kai. Al­lat naal­liun­nar­tut inuunermut al­latut ajor­nar­tumik ilaasus­saaneran­nik akuerin­nit­tut inuiaqatigiin­ni ajor­tor­pas­suit pil­lugit kamaam­mer­tar­put Guutilu tamak­kunun­nga pisuutit­tarlugu. Il­lit taamatut misigisimaguit qular­nan­ngitsumik tamak­ku pil­lugit Biibilimi al­las­simasut soqutigis­savatit.

NAALLIUNNARTUT GUUTIMIT PINNGILLAT

3, 4. Qanoq ilil­luta nalun­ngilar­put ajus­suseq naal­liun­nar­tul­lu Jehovameersuun­ngitsut?

³ Biibilip qular­naatsumik erseq­qis­saaf­figaatigut naal­liun­nar­tut avatangiisitsin­ni takusin­naasavut Jehova Guutip pisuus­sutigin­ngik­kai. As­sersuutigalugu, kristumiu ajoqersugaq Jakob ima al­las­simavoq: ’Us­ser­neqarsimasumik oqar­toqar­naveerli ima: „Guutimit us­ser­neqar­punga.“ Guutimi ajor­tumut us­ser­tin­navian­ngilaq, nam­minerlu kinaluun­niit [ajor­tumik, NV] us­ser­tan­ngilaa.’ (Jâko 1:13) Taamaam­mat inuiaat atugarliuuter­pas­sui Guutip pisuus­sutigisin­naan­ngilai. Inuit qilam­mi inuuler­nis­saan­nut naleq­qus­sar­niarlugit misilin­neqaatinik atugaqar­tin­neq ajor­pai, imaluun­niit inuit ilaasa isumaqar­nerat­tut ajor­tuliarisimasaat pil­lugit naal­liutsin­neq ajorlugit. — Rûmamiut 6:7.

⁴ Guutip Kristusil­luun­niit aq­qani ajor­tor­pas­suit iliuuserineqarsimap­put, Biibilimili ataasin­nguamil­luun­niit takus­sutis­saqan­ngilaq taak­kua arlaan­naataluun­niit iliuutsinut tamak­kunun­nga akuersaarsimaneran­nik. Guuti Kristusilu im­min­nut kif­far­tor­neraraluarlutik uukapaatitsil­lutil­lu peq­quserlut­tar­tunut, inuar­tarlutil­lu ujajaasar­tunut, al­lar­pas­suar­nil­lu inuit naal­liun­neran­nut pis­sutaasunik ilior­tar­tunut at­tuumas­suteqan­ngil­luin­nar­put. Tas­sami „iluaatsup ingerlavii [Jehovap] maajun­narai“. Guuti „inun­nit iluaatsunit ungaseqaaq“. — Us­satit 15:9, 29.

5. Jehova qanoq pis­suseqar­pa, pin­ngor­titaminul­lu qanoq misigis­suseqar­pa?

⁵ Jehova ’nal­lit­tuisutut isumas­suiner­toqisutul­lu’ Biibilimi eq­qar­tor­neqar­poq. (Jâko 5:11) Aam­ma oqaatigineqar­poq  ’Jehovap naaper­tuil­luar­neq iluarigaa’. (Tus­siaat 37:28; Jesaja 61:8) Jehova akiniaajumatuujun­ngilaq. Pin­ngor­titaminut nal­lit­tuisuuvoq, isumas­sor­tarlugit tamaasalu iluaqutis­saan­nik tunisarlugit. (apustilit suliait 14:16, 17) Nunarsuarmi inuuneq aal­lar­tim­mal­li Guuti taamaalior­tuarsimavoq.

AALLARTINNEQ PITSAALLUINNARTOQ

6. Oqalut­tuatoq­qani inuiaat oqalut­tuarisaanerata aal­lar­tin­nera qanoq eq­qar­tor­neqar­pa?

⁶ Uagut inuit an­niaatit naal­liuutil­lu sungiusimavavut. Taamaat­tumik im­maqa inuuneq naal­liun­nar­toqan­ngitsoq takorlooruminaatsis­savar­put, taamaak­kaluar­torli inuiaat oqalut­tuarisaanerata aal­lar­tin­nerani naal­liun­nar­tut atuus­siman­ngil­lat. Inuiaat ilaasa oqalut­tuatoqaataan­ni taamatut nuan­nersumik aal­lar­tis­simaneq oqalut­tuarineqar­poq. Griikerit up­perisaan­ni inuit kinguaariit siul­liit tal­limat nalaat ’ukiunik pil­luar­nar­tunik’ taaneqarsimavoq. Taamani inuit pil­luarlutik inuusimap­put, ilungersuuteqaratik, an­niaateqaratik utoq­qaliar­tor­nerul­lu nas­sataanik ajuuteqaratik. Kinamiut oqar­tar­put Kaasarip Sungaar­tup (Huang-Ti) nalaani inuit eq­qis­sil­lutik inuusimasut, pin­ngor­titarsuarmi oqimaaqatigiis­suseq atuul­luni uumasul­lu nujuar­tat eq­qis­seqatigalugit. Persiamiut, Egyptenimiut, Tibetimiut, Perumiut Mexicomiul­lu tamarmik oqalut­tuatoqaataan­ni inuiaat oqalut­tuarisaanerata aal­laq­qaataata tungaa pil­luar­nar­toq naam­mal­luin­nar­torlu eq­qar­tor­neqar­poq.

7. Sooq Guutip nunarsuaq inuil­lu pin­ngor­tip­pai?

⁷ Inuiaat as­sigiin­ngitsut oqalut­tuatoqaataat inuiaat oqalut­tuarisaaneran­ni atuak­kat al­lan­neqarsimasut pisoqaaner­paar­taan­ni, Biibilimi, oqalut­tuarineqar­tunik oqalut­tuareq­qin­neruin­naap­put. Biibilimi oqalut­tuarineqar­poq Guutip aap­pariit siul­liit, Adam Evalu, paratiisimut naatsiivim­mik Edenimik taaneqar­tumut inis­sis­simagai imalu peq­qul­lugit: „Kinguaas­siorlusi amerliar­toritsi nuna tamak­kerlugu ilis­sin­nul­lu naalatsigitil­lugu.“ (1 Moses 1:28) Siuaasavut siul­liit naam­mal­luin­nar­tuup­put, nunarsuarlu tamarmi paratiisin­ngor­toq inun­nik naam­mal­luin­nar­tunik ilaqutariis­suar­tut it­tunik eq­qis­seqatigiil­lutil­lu pil­luar­tunik inulik siunis­saraat. Taman­na Guutip nunarsuaq inuil­lu pin­ngor­tik­kamigit siuner­taraa. — Jesaja 45:18.

 UNAMMILLERNIPALAAQ

8. Adam Evalu qanoq peq­quneqar­pat, qanorli pisoqar­pa?

⁸ Guutimit iluarisaagin­nas­sagunik Adam Evalu „or­pik ajun­ngitsumil­lu ajor­tumil­lu nalujun­naarutaasoq“ nerif­figinaveersaar­tariaqar­paat. (1 Moses 2:16, 17) Jehovap inatsisaanut naalap­pata inuit inuuneran­nik aseruisunik naal­liun­nar­toqaler­navian­ngilaq. Guutip peq­qus­sutaanut naalan­nermik­kut Jehovamut asan­nin­ner­tik taas­sumun­ngalu ilumoorfigin­nin­ner­tik ersersis­sin­naavaat. (1 Juánase 5:3) Soorluli kapitali 6-imi paasigip­put taamatut pisoqarsiman­ngilaq. Satanimit kajumis­saar­neqarluni Eva or­piup tamatuma paar­naanik nerivoq. Kingor­na aam­ma Adam or­piup nerif­figeq­qusaan­ngitsup paar­naanik nerivoq.

9. Jehovamut atatil­lugu apeq­qut akerleriis­sutaasoq suna Satanip pilersip­paa?

⁹ Pisimasup ilungersor­nas­susia paasisin­naaviuk? Iluamik oqaatigalugu Jehovap Qutsin­ner­paatut inis­sisimaf­fia Satanip saas­sup­paa. Evamut oqar­nermigut: „Naamik, toqus­san­ngivip­pusi,“ Diaavulup Guutip oqaasii uku akerliler­pai: „Toqus­saatit“. Satanip nangil­luni oqaasii isumaqalersitsip­put Guutip Adam Evalu im­misut ilersin­naaneran­nik paasitin­naveersaarai, taan­nalu ajun­ngitsumik ajor­tumil­lu aalajangiisuutit­tariaarutis­sagaluaraat. Taamaat­tumik Satanip unam­mil­ler­nera Jehovap qilam­mi nunamilu kisimi oqar­tus­saas­susianik apeq­qusiineruvoq. — 1 Moses 2:17; 3:1-6.

10. Satanip inuit qanoq oqaatiginerlup­pai?

¹⁰ Satan Diaavulup aam­ma oqaatigimisaar­paa inuit aatsaat im­min­nut iluaqutaap­pat Jehovamut naalak­kumas­sasut. Al­latut oqaatigalugu, inuup as­suar­naas­susia apeq­quser­paa. Satan mital­lerluni oqar­poq inuit nam­min­neq kajumis­sutsimin­nik Guutimut ilumoor­navian­ngitsut. Satanip taamaan­neraanera ajungaaqisoq saq­qum­miun­neqar­poq Job, Jehovap kif­faa aalajaatsoq ukiup 1600-p u.n.s. sior­nagut an­ner­tuumik misilin­neqarsimasoq, pil­lugu Biibilimi oqalut­tuami. Jobimik al­lak­kat kapitalii siul­liit marluk atuaruk­kit inuit naal­liuutaan­nut pis­sutaasoq aam­malu sooq Guutip tamak­kunin­nga akuerin­nik­kal­larsimanera pil­lugit paasisaqarsin­naavutit.

11. Job inut­tut qanoq it­tuua, Satanili qanoq un­ner­pa?

 ¹¹ Job, angut ’as­suar­naatsuul­lunilu peq­qusersuitsoq’, Satanimit saas­sun­neqar­poq. Siul­lermik, Satanip Job ajor­tumik pis­sutiginiagaqar­nerar­paa ima oqarluni: „Job pis­sutis­saqarluarunar­poq Guutimik mianerin­nin­nerminut.“ Taava Diaavulup peq­qusersoqaluni Guuti Jobilu mamarler­pai, Jehova un­nerluutigalugu im­minut Jobip ilumoorfigin­nin­nera pisiarisimagaa ser­nis­sor­neratigut pil­luaq­qusaatin­neratigul­lu. Taamaat­tumik Jehovamut unam­mil­ler­poq, oqarlunilu: „Ataguli as­sat isatsil­lugu pigisaanik piiaaf­figerias­sagit, taava kiin­nat toq­qavil­lugu perloq­qus­sagaluar­paatit.“ — Job 1:8-11.

12. (a) Apeq­qutit suut akineqar­pat aatsaat Satanip Jobimik misiliinis­saa Guutip akuerim­magu? (b) Jobip misilin­neqar­nera qanoq kinguneqar­pa?

¹² Jobip Jehova kif­far­tuun­ner­paa ajun­ngitsor­pas­suit taas­suman­nga pisani pis­sutigiin­narlugit? Misilin­neqaruni Job as­suar­naat­tuaan­nas­saner­pa? Jehovap kif­fani misilin­neqar­nis­saa akueris­sal­lugu naam­mat­tumik tatiginer­paa? Apeq­qutit tamak­ku akineqarsin­naas­sap­put Satanip Jobimik an­ner­tuumik misiliinis­saa Jehovap akuerip­pagu. Jobip misilin­neqar­nermini Guutip akuerisaani aalajaat­tuaan­nar­nera, Jobimik al­lak­kani oqalut­tuarineqar­toq, Jehovap naaper­tuil­luas­susianut inuul­lu as­suar­naat­tuaan­narsin­naaneranut tamak­kiisumik up­per­narsaataaler­poq. — Job 42:1, 2, 12.

13. Edenimi Jobimul­lu pisimasunit uagut qanoq at­tor­neqar­pugut?

¹³ Edenimi Jobimul­lu pisimasut itinerusumik isumaqar­put. Apeq­qutit akerleriis­sutaasut Satanip pilersitai inuian­nut tamanut, aam­ma uagutsin­nut ul­lumik­kut inuusunut, at­tuumas­suteqar­put. Guutip aq­qa mamarler­neqar­poq kisimilu oqar­tus­saanera apeq­quser­neqarluni. Guutil­lu pin­ngor­titaata, inuup, as­suar­naas­susia apeq­quser­neqar­poq. Apeq­qutit akerleriis­sutaasut tamak­ku akineqar­tariaqar­put.

APEQQUTIT QANOQ AKISSUTISSARSINEQARTUT

14. Ajor­tumik un­nerluutigineqaraan­ni qanoq ilior­toqarsin­naava?

¹⁴ As­sersuutigalugu oqariar­ta il­lit arlalin­nik meeraqar­tutit  ilaqutariit­tul­lu pil­luarlusi inuususi. Sanilivit sal­luliuutigisimavaatit, angajoq­qaajul­luan­ngitsutut nam­minis­sarsior­tutut pingaar­niar­tutul­lu un­nerluutigalutit. Oqarsimavoq meeq­qavit asan­ngik­kaatsit, al­lamil­lu periarfis­saqan­ngin­ner­tik pis­sutigiin­narlugu najoraatsit, arlaan­nil­lu periarfis­sin­neqar­tuugunik qimas­sagaluaraatsit. ’Ilumut sal­luliuut ingasak!’ im­maqa oqas­sagaluar­putit. Aap, qanorli ilil­lutit tamatuma ilumuun­ngitsuunera up­per­narsas­sagaluar­piuk? Im­maqa angajoq­qaat ilaat kamat­torujus­suus­sagaluar­put un­nerluus­sisorlu saas­sul­lugu, im­maqaluun­niit al­laat toqul­lugu. Nakuuser­nerli taama it­toq ajor­nar­torsiutinik amerlanerusunik pilersitsiin­narani aam­ma nam­minis­sarsior­tuunin­nik pingaar­niar­tuunin­nil­lu sal­luliuutit up­per­nar­pasin­neruler­neran­nik kinguneqarsin­naavoq. Aam­mami meeq­qatit eq­qarsaatigisariaqar­patit. Taak­ku qujasuitsutut isigineqalersin­naap­put angerlarsimaf­fis­sin­nil­lu nuun­niapal­las­sagaluarlutik. Pitsaaner­paas­saaq ilin­nik unerluutigin­nit­toq sal­luliuutiminik up­per­narsaaniar­nis­saanut periarfis­sis­sal­lugu, meeq­qatil­lu ilisiman­nit­tuutis­sal­lugit.

15. Apeq­qutit Satanip akerleriis­sutin­ngor­titai qanoq ilil­luni akis­sutis­sarsisin­neqar­nis­saat Jehovap qiner­paa?

 ¹⁵ Jehova ataatamut anaanamul­luun­niit asan­nit­tumut as­sersuun­neqarsin­naavoq. Adam Evalu meeq­qanut as­sersuun­neqarsin­naap­put, Satanilu sanilimut sal­lulior­tumut as­sersuutis­sal­lugu naleq­quteqaaq. Guutip silatuumik iliorluni Satan, Adam Evalu ingerlaan­naq suujun­naarsin­ngilai, eq­qun­ngitsulior­tul­lu taak­ku inuugal­lar­nis­saat akueralugu. Taamaalil­lutik siuaasavut siul­liit kinguaas­sior­nis­samin­nut periarfis­saqaler­put, taamaalil­lunilu Diaavulu sal­luliuutimi up­per­narsar­niaraluar­nis­saan­nut periarfis­saler­neqar­poq, apeq­qutil­lu akerleriis­sutaalersut akineqarsin­naan­ngus­sap­put. Aal­laq­qaataaniil­li Guutip nalun­ngilaa inuit ilaat im­minut ilumoor­tuaan­narumaar­tut taamaalil­lutil­lu Satanip sal­lutuujuneranik up­per­narsaal­lutik. Qujamasoqaagut Jehovap im­minik asan­nit­tut pil­luaq­qusaatit­tuarlugil­lu ikior­tuarmagit! — 2 Israelik­kut 16:9; Us­satit 15:3.

SUUT UPPERNARSINEQARTUT

16. Satanip qanoq ilil­luni silarsuaq pis­saaneqarfigilersimavaa?

¹⁶ Inuiaat oqalut­tuarisaanerat tamak­kingajal­lugu Satan peq­qusersior­nis­saminut inun­nil­lu naalagaaf­figin­nin­nis­saminut kif­faan­ngis­suseqarluin­nar­titaasimavoq. Ilaatigut naalak­kersuinermut akuliusimasimavoq, nakutitseriaal­laq­qis­sutul­lu iliorluni up­perisarsior­nermik tapersersuisimavoq iluamik oqaatigalugu inuit Jehovamut taarsiul­lugu im­minut pal­lorfigin­nitsilersimal­lugit. Taamaalil­luni Diaavulu tas­saalersimavoq „pis­sutsit aaq­qis­suus­saanerata matuma guutia“, aam­malu taaneqarsimavoq ’silap matuma naalagaa’-nik. (2 Korintumiut 4:4, NV; Juánase 12:31) Ilumum­mi „silarsuaq tamaat ajor­tup pis­saaneqarfigaa“. (1 Juánase 5:19, NV) Taman­na isumaqar­pa Satanip inun­nik tamanik Jehovamit tunus­sititsisin­naanerarsimanini up­per­narsarsimagaa? Naamerluin­naq! Satanip piunera akueriitigalugu Jehovap nam­mineq siuner­tani naam­mas­siar­tuaar­paa. Taavami ajus­sutsip atuuk­kal­lar­nis­saanik Guutip akuersisimanera pil­lugu Biibilimi sunik paasis­sutis­saqar­pa?

17. Ajus­sutsimut naal­liun­nar­tunul­lu atatil­lugu suna eq­qaamasariaqar­par­put?

¹⁷ Ajus­suseq naalliun­nartullu Jehovap pisuus­sutigin­ngilai. Satan  silarsuup matuma naalagarim­magu pis­sutsil­lu aaq­qis­suus­saanerata matuma guutigim­magu taan­na taas­sumun­ngalu ililiut­tut ul­lumik­kut inuiaat akor­nan­ni pis­sutsinut naal­liun­nar­tor­pas­suar­nul­lu akisus­saap­put. Guuti atugarliuutinut pisuutin­neqarsin­naan­ngil­luin­nar­poq. — Rûmamiut 9:14.

18. Jehovap ajus­sutsimik naal­liun­nar­tunil­lu akuerin­nin­nera Guutimut at­taviitsuuniar­neq eq­qarsaatigalugu sumik up­per­narsaasimava?

¹⁸ Jehovap ajus­sutsimik naal­liuutinil­lu akuerin­nin­neratigut up­per­narsar­neqarsimavoq Guutimut atanani inuuneq silar­suarmik pitsaanerusumik kinguneqar­siman­ngitsoq. Inuiaat Jehovap najoq­qutas­siaanik sumigin­naasimagamik umiarsuaq aquuteqan­ngitsoq malis­sior­torujus­suaq as­sigilersimavaat. Nobelip nersor­naasiut­tagaanik nersor­naasigaasimasoq ilisimatooq Linus Pauling ima oqarsimavoq: „Avatangiisit, ilin­niar­titaaneq, peq­qin­nis­sak­kut aningaasar­tuutit, inuiaqatigiin­nut kif­far­tuutinik aserfal­lan­naveersaar­titsinermik aal­lus­sinikin­neq naalagaaf­fiul­lu aningaasaqar­neratigut amigar­toorutit eq­qarsaatigalugit ajunaar­nersuup tungaanut uersimavugul­lusooq. Nunani al­lani unam­miniar­nar­toq tas­saavoq naggueqatigiit qaam­marsagaan­ngitsut peq­qar­niisaar­tar­neran­nut, kaan­nersuar­nut, nap­paatinut inuil­lu amerliar­tupiloor­neran­nut, aam­ma [USA-mi] takor­nar­taan­ngik­kaluanut, aaq­qiis­sutis­samik nas­saar­niar­neq. Inuit paasivaat nam­minis­sarsior­nerin­naan­ngitsoq ulorianar­torsior­toq; inuiaqatigiit inuul­luar­nis­saat ataatsimut isigalugu ulorianar­torsior­poq.“ As­sor­tugas­saan­ngitsumik oqalut­tuarisaanerup ingerlanerani ajunaar­nersuit tul­leriiaagin­naat misigisarsimavavut.

19. Satanip inun­nik tamanik Guutimit tunus­sititsisin­naan­ngin­nera suk­kut up­per­narsar­neqar­pa?

¹⁹ Guutip ajus­sutsimik naal­liun­nar­tunil­lu akuerin­nis­simaneratigut aam­ma up­per­narsar­neqarsimavoq Satanip inuit tamaasa Jehovamit tunutsis­sin­naasiman­ngikkai. Oqalut­tuarisaanerup ersersip­paa inoqar­tuaan­narsimasoq qanorluun­niit us­ser­nar­torsior­tin­neqar­tigigaluarlutik atugarlior­titaatigigaluarlutil­luun­niit Guutimut aalajaat­tuaan­narsimasunik. Ukiut hundredelik­kuutaat ingerlaneran­ni Jehovap pis­saanini kif­fami iluaqutis­saan­nut ator­tarsimavaa, aq­qalu nunarsuarmi tamarmi oqaluus­sis­sutigineqarsimavoq.  (2 Moses 9:16; 1 Samuel 12:22) Eprîarinut agdlagkat kapitaliisa 11-an­ni up­perluar­tor­pas­suit taagor­neqar­put, ilaatigut Abel, Enok, Noa, Abraham Mosesilu. Eprîarit 12:1-imi taak­ku ’nalunaajaasunik eqimasunik’ taaneqar­put. Jehovamut up­perluin­nar­nermik ersersitsisarsimap­put. Aam­ma nalitsin­ni amerlaqisut inuunermin­nik pil­liuteqarsimap­put Guutimut as­suar­naal­luin­nar­ner­tik pis­sutigalugu. Up­pis­sutsimik­kut asan­nis­sutsimik­kul­lu as­sor­tugas­saan­ngitsumik up­per­narsarsimavaat Satanip inuit tamaasa Guutimit tunutsis­sin­naan­ngik­kai.

20. Jehovap ajus­sutsimik naal­liun­nar­tunil­lu akuerin­nik­kal­lar­neratigut Guutimut inuian­nul­lu tun­ngatil­lugu suna up­per­narsar­neqar­pa?

²⁰ Kiisalu Jehovap ajus­sutsimik naal­liun­nar­tunil­lu akuerin­nik­kal­larsimaneratigut up­per­narsineqar­poq Jehova, Pinngor­titsisoq, kisimi inuiannik aqutsinis­samut pigin­naas­suseqar­lunilu pissaaneqartoq taak­kunun­nga naas­saan­ngitsumik pil­luaataal­lunilu pil­luaq­qus­sutaasumik. Ukiut hundredelik­kuutaat ingerlaneran­ni inuit naalak­kersueriaatsinik as­sigiin­ngitsor­pas­suar­nik misileraasimap­put. Taman­nali qanoq kinguneqarsimava? Ajor­nar­torsiutit an­ner­toqisut aaq­qik­kuminaaqisul­lu inuiaat ul­lumik­kut atugaat Biibilip oqaaserisaanik eq­quutitsip­put, al­las­simagami ’inuit inoqatimin­nut pis­saaneqar­pal­laaleraangata’ ajor­tumik kinguneqar­tar­toq. (Nalunaajaasup oqaasii 8:9) Jehovap kisimi aniguisis­sin­naavaatigut aal­laq­qaam­mul­lu siuner­tani naam­mas­sil­lugu. Qanoq ilil­luni qaqugulu taamaalius­sagami?

21. Satan qanoq pineqas­sava, kialu taamaalius­savaa?

²¹ Adam Evalu Satanimit uukapaatin­neqarsimatsiaan­nar­tut Guutip qanoq ilil­luni inun­nik an­naas­sinis­samik siuner­tani nalunaarutigaa. Jehova Satanimut ima nalunaar­poq: ’Akerariis­sik­kumaar­pas­si il­lil­lu ar­narlu, il­lit kinguaas­sat taas­sumalu kinguaas­saa; taas­suma niaq­qut aseror­tis­savaa, il­lil­li kim­mia aseror­terumaar­pat.’ (1 Môrsase 3:15, nutsigaq pisoqaq.) Tamatuma qulak­keer­paa Diaavulu ajor­tumik ilior­tuar­nis­saminut naas­saan­ngitsumik akuerisaanavian­ngitsoq. Naalagaaf­fim­mi Mes­siasik­koor­tumi kun­ngiusutut kinguaas­sap neriorsuutigisaasup,  Jesus Kristusip, ’Satanip niaqua aseror­terumaar­paa’. Aap, Jesusip Satan pikitsitsiumatooq ungasin­ngitsuk­kut aseror­tis­savaa! — Rûmamiut 16:20.

QANOQ ILIUSSAVIT?

22. (a) Apeq­qutit suut isum­merfigisariaqar­pavut? (b) Guutimut aalajaatsut Satanimit persarineqaraluarlutik suna qularutigin­ngis­sin­naavaat?

²² Apeq­qutit akerleriis­sutaasut pilersitaasimasut paasereerlugit il­lit kimut ililiuk­kumas­savit? Iliuutsik­kut takutik­kusup­piuk ilumoorlutit Jehovamik tapersersuisuul­lutit? Satanip pif­fis­saarutilerluni nalun­ngin­namiuk kamaqaluni Guutimut as­suar­naak­kusut­tut sapin­ngisani tamaat persarai. (sarĸúmersitat 12:12) Guutimul­li ikioq­qusin­naavutit ’Jehovap mianerin­nitsini us­ser­nar­tumit an­naan­neq nalun­ngim­magit’. (2 Pîtruse 2:9) Sapin­ngisat qaangerlugu misilin­neqar­nis­sat Guutip akuerinavian­ngilaa, us­ser­nar­tul­lu akiorsin­naanis­saan­nut aq­qutis­siuut­tas­savaatit. — 1 Korintumiut 10:13.

23. Suna isumal­luarluta qilanaarisin­naavar­put?

²³ Isumal­luarluta kun­ngip Jesus Kristusip Satanimik taas­sumalu malit­taanik iliuuseqarfigin­nin­nis­saa qilanaariniar­tigu. (sarĸúmersitat 20:1-3) Taamanik­kus­samut Jesusip erloqinar­tor­pas­suar­nut inuiaat atugaan­nut eq­qis­siviil­lior­ner­nul­lu akisus­saasut tamaasa suujun­naarsis­savai. Taman­na pitin­nagu asasatsin­nik toquk­kut an­naasaqar­tar­neq ator­tariaqar­taral­las­savar­put. Toqusut qanoq pisar­nersut paasiniarlugu kapitali tul­liut­toq atuariaruk.

SUNA ILIKKARPIUK?

Qanoq ilil­luta nalun­ngilar­put Jehova inuiaat naal­liuutaan­nut pisuun­ngitsoq?

Apeq­qutit suut Satanip Edenimi Jobil­lu nalaani pilersip­pai?

Guutip naal­liun­nar­tunik akuerin­nik­kal­lar­neratigut suut up­per­narsar­neqar­pat?

[Atuaqqissaarnermi apeqqutit]