Kapitali 17

Toqqissisimaneq Guutip innuttaani naniuk

1, 2. Pis­sutsit inuiaat atugaat qanoq ilil­lutik anorersuarsior­nermut as­singup­pat?

TAKORLOORUK najuk­kan­ni anorersuar­toq. Angerlarsimaf­fiit aseror­neqar­poq, pigisatil­lu tamaviisa an­naavatit. Inuus­sutis­sanik amigaateqar­putit. Suna tamarmi neriuutis­saqan­ngitsutut ilivoq. Ilimagin­ngil­luin­nak­kan­nil­li ajor­nar­toor­tunut ikiuutis­sanik tikius­sisoqar­poq. Atisanik nerisas­sanil­lu naam­mat­torsuar­nik pis­sarsivutit, nutaamil­lu il­luliuun­neqar­putit. Qular­nan­ngivis­sumik tamak­kunin­nga tamanik isumagin­nit­tumut qujamasut­torujus­suus­saatit.

² Tamatumun­nga as­singusumik ul­lumik­kut pisoqar­poq. Anorersuar­tut aseruisutut Adamip Eval­lu pikitsitsinerat inuian­nik an­ner­tuumik ajoqusiisimavoq. Inuit angerlarsimaf­fiat paratiisiusoq maangaan­nar­poq. Taamanimiil­li nunarsuarmi naalak­kersuisut sorsun­nermut, pinerlun­nermut naaper­tuil­luan­ngis­sutsimul­lu in­nut­taasunik ser­nis­suisin­naasiman­ngil­lat. Up­perisarsior­nerup inup­pas­suit pakatsisis­simavai anersaak­kul­lu inuus­sutis­sanik peq­qin­nar­tunik qiiler­nerup ataanul­lusooq qimaan­narsimal­lugit. Maan­nak­kul­li Jehova Guuti inuus­sutis­sanik, atisas­sanik il­lus­sanil­lu anersaak­kut pilersuivoq. Qanoq iliorluni?

„INUSSIAQ AALAJAALLUNILU SILATOOQ“

3. Jehovap inuiaat qanoq isumas­sor­pai, taman­nalu suk­kut erser­pa?

³ Ajor­nar­toor­tunut ikiuutis­sat aaq­qis­suus­sak­kut aalajangersimasuk­kut agguaan­neqarajup­put, as­singusumil­lu Jehova  in­nut­taminut anersaak­kut aaq­qis­suus­sisimavoq. As­sersuutigalugu taaneqarsin­naap­put Israelik­kut ukiuni 1500-t mis­saan­niit­tuni ’Jehovap ilagiis­saanik’ taaneqar­tarsimasut. Taak­kua akor­nan­ni inuit aalajangersimasut aq­qutigalugit Guuti inatsisiminik ajoqersuisarsimavoq. (1 Israelik­kut 28:8; 2 Israelik­kut 17:7-9) Ukiuni hundredelin­ni siul­ler­ni Jehova kristumiunik peqatigiis­sor­taminik aaq­qis­suus­sivoq. Ilagiit siulersuisoqatigiin­nit, apustilinik utoq­qaaner­tanil­lu ilaasor­taqar­tunit, siulersor­neqar­tut pilersior­tor­neqar­put. (apustilit suliait 15:22-31) Ul­lumik­kut­taaq Jehovap eqimat­tat aaq­qis­suus­saasut aq­qutigalugit in­nut­tani iliuuseqarfigisar­pai. Taman­na qanoq ilil­luta nalun­ngilar­put?

4. Ul­lumik­kut kik­kut paasinarsisimap­pat tas­saasut „inus­siaq aalajaal­lunilu silatooq“, Guutil­lu anersaak­kut aaq­qis­suus­sai qanoq ilil­lutik pineqarsin­naap­pat?

⁴ Jesus siulit­tuisimavoq pif­fis­sami Naalagaaf­fiup pis­saanerani najuuf­fim­mini ’inus­siamik aalajaal­lunilu silatuumik’, ajoqersuk­kaminik pif­fis­saq eq­qorlugu nerisas­sanik pilersuisumik, nas­saas­saqarumaar­toq. (Matîuse 24:45-47, NV) Jesus 1914-imi qilam­mi kun­ngin­ngor­tin­neqarmat „inus­siaq“ taan­na kinaasoq paasinarsiva? Kristumiuunerar­tut palasii? Naamerluin­naq! Taak­kuami amerlanersaat taamanik­kut ’paarsamik’ akor­nan­ni isumaqatis­sarsiulerut­tor­put taamaalil­lutil­lu sorsun­nersuup siul­liup nalaani inuiat­tut naalak­kersuisumin­nik tapersersuilerut­torlutik. Kristumiul­li ilumoor­tut eqimat­tat Jesusip ’savar­pan­nguanik’ taasaanut ilaasut Guutil­lu anersaavanik il­ler­nar­tumik tanitaasut anersaak­kut inuus­sutis­sanik pif­fis­saal­luar­tuk­kut agguaas­siler­put. (Lúkarse 12:32) Kristumiut tanitaasut taak­kua Guutip naalagaaf­fia, nunarsuarmiut naalak­kersuineri pin­nagit, oqaluus­sis­sutigaat. Taman­na ukiut ingerlaneran­ni tanitat, ataatsimut ’inus­siamik’ taaneqar­tut, eq­qor­tumik up­perisarsior­neran­nut ’savanut al­lanut’ ilaasut mil­lionilik­kuutaat ilaaq­qus­sor­neran­nik kinguneqar­poq. (Juánase 10:16) ’Ul­lumik­kut ’inus­siaq aalajaatsoq’ taak­kualu siulersuisoqatigiivi siulersuisitaralugit in­nut­tani aaq­qis­suus­saasut atorlugit Guuti inuus­sutis­sanik, atisas­sanik il­lus­sanil­lu anersaak­kut it­tunik perusut­tunut tamanut pilersuivoq.

 INUUSSUTISSAT PIFFISSAKKUT EQQORTUKKUT

5. Ul­lumik­kut silarsuarmi anersaak­kut pis­sutsit qanoq ip­pat, Jehoval­lu tamak­ku qanoq iliuuseqarfigai?

⁵ Jesus ima oqarsimavoq: ’Timiusaan­naq inuup inuus­sutigin­ngilaa, oqaaserli sunaluun­niit Guutip qar­nanit anisoq inuus­sutigisaraa.’ (Matîuse 4:4) Ajoraluar­tumil­li inuit amerlaner­paar­taat Guutip oqaasiinik eq­qumaf­figin­nin­ngil­lat. Jehovap pruf­fiitianit Amosimit siulit­tuutigineqarsimasutut „imaan­ngitsoq if­fiamik nererusun­neq, imaan­ngitsoq imermik imerusun­neq, [Jehoval­li] oqaasia tusarusul­lugu noq­qaaneq“ nal­lius­simavoq. (Amos 8:11) Al­laat inuit up­per­niar­torujus­suit anersaak­kut perlimoor­put. Jehoval­li kis­saatigaa inuit kik­kul­luun­niit an­nas­sasut sal­lusuis­sul­lu pil­lugu eq­qorluar­tumik ilisimasaqalis­sasut. (1 Timûtiuse 2:3, 4) Taamaat­tumik anersaak­kut inuus­sutis­sanik naam­mat­torsuar­nik pilersuivoq. Inuus­sutis­sal­li tamak­ku sumi pis­sarsiarineqarsin­naap­pat?

6. Jehovap itsaq in­nut­tani qanoq ilil­luni anersaak­kut inuus­sutis­sanik isumas­sor­tarsimavai?

⁶ Oqalut­tuarisaanerup ingerlanerani Jehovap in­nut­tani ataatsimut isigalugit anersaak­kut inuus­sutis­salersor­tarsimavai. (Jesaja 65:13) Soorlu Israelik­kut palasiisa angutit, ar­nat meeq­qal­lu katersor­tit­tarsimavaat, ataatsimoorlutik Guutip inatsisaanik ajoqersor­neqar­nias­sam­mata. (5 Moses 31:9, 12) Ukiuni hundredelin­ni siul­ler­ni kristumiut siulersuisoqatigiit siulersuineratigut ilagiik­kuutaarlugit aaq­qis­suus­saasimap­put, ataatsimiit­toqar­tarsimavorlu tamarmik ilin­niar­tin­neqarlutil­lu qiim­mas­sar­neqarfigisin­naasaan­nik. (Rûmamiut 16:5; Fîlimût 1, 2) Jehovap Nalunaajaasuisa periaaseq taman­na malip­paat. Naalagaaf­filersaar­tarfim­mut najuk­kan­niit­tumut suli isersiman­ngik­kuit as­sut tikil­luaq­qusaavutit tamaani ataatsimiin­ner­nut najuun­nis­san­nut.

7. Up­per­neq, ilisimasat ataatsimiigiar­tuaan­nar­nerlu qanoq im­min­nut atas­suteqar­pat?

⁷ Biibilimik atuaq­qis­saar­nin­ni qular­nan­ngitsumik ilik­kagaqangaatsiareer­putit. Im­maqa arlaan­nit ikior­neqarsimavutit. (apustilit suliait 8:30-35) Up­per­neril­li naasutut eq­qor­tumik  paaq­qutarineqan­ngik­kuni toqus­saaq. Taamaat­tumik peq­qin­nar­tunik anersaak­kut neril­luar­tariaqar­putit. (1 Timûtiuse 4:6) Kristumiut ataatsimiin­nerini ilin­niar­titsineq siuariar­tor­toq, inuus­sutis­sar­taqarluar­tunik anersaak­kut nerinis­san­nik Guutilu pil­lugu ilisimasaqar­nerujar­tor­til­lutit up­per­nik­kut ineriar­tor­tuar­nis­san­nik siuner­taqar­toq, ingerlan­neqar­tar­poq. — Kulorsamiut 1:9, 10.

8. Kristumiunik ilumoor­tunik peqateqar­tar­ner­put qanoq ilil­luni iluaqutaava?

⁸ Ataatsimiin­nerit aam­ma al­lamik pingaar­tumik siuner­taqar­put. Paulus ima al­las­simavoq: ’Misis­soqatigiin­niar­ta asan­nin­nermut ajun­ngitsulior­nermul­lu kajumis­saaqatigiil­luta, katisimasarfip­pul­lu qiman­naveer­tigu.’ (Eprîarit 10:24, 25) Oqaaseq griikerisooq ’kajumis­saarinermik’ nutser­neqarsimasoq aam­ma isumaqarsin­naavoq „ipis­sar­paa“. Biibilimi ima us­sateqar­poq: „Savimineq saviminermik ipis­sar­neqar­tar­poq, inuil­lu im­min­nut ipis­saqatigiit­tar­pul­lusooq.“ (Us­satit 27:17) Tamat­ta ’ipis­sar­neqar­tuar­nis­sar­put’ pisariaqar­tip­par­put. Ul­luin­nar­ni silarsuarmit tatineqar­tar­nit­ta up­per­nik­kut san­ngiil­lisis­sin­naavaatigut. Kristumiutut ataatsimiin­ner­nut najuuk­kaangat­ta qiim­mas­saqatigiit­tar­pugut. (Rûmamiut 1:11, 12) Ilagiin­nut ilaasut Paulusip kajumis­saarutaa malil­lugu ’oqaaq­qis­saaqatigiil­lutil­lu ineriar­toqatigiit­tar­put’, taamaalil­lutil­lu up­per­nik­kut nakus­satsin­neqar­tarlutik. (1 Tásalûníkamiut 5:11) Tamatigut ataatsimiigiar­tar­nitsigut aam­ma ersersit­tar­par­put Guuti asagip­put, taamaalil­lutalu un­nersiutiginis­saanut periarfis­saqar­tar­pugut. — Tus­siaat 35:18.

’ASANNINNEQ ATINIARSIUK’

9. Asan­nin­nermik ersersitsinik­kut Jehova qanoq maligas­siuisimava?

⁹ Paulus aam­ma ima al­las­simavoq: ’Tamak­kua tamarmik qaasigut atiniarsiuk asan­nin­neq; taman­na iluarluin­nas­sutsip nimeraa.’ (Kulorsamiut 3:14) Asan­nin­nermik atisatut atisinis­satsin­nik Jehovap saam­maan­nersuarmini periarfis­sis­simavaatigut. Qanoq ilil­luni? Kristumiut asan­nin­nermik ersersitsisin­naap­put asan­nin­neq Jehovap anersaavata inerititaasa ilagim­mas­suk. (Galâsiamiut 5:22, 23) Jehova asan­nin­nermik  an­ner­paamik ersersitsisimavoq er­nituani nunarsuarmut aal­lar­tik­kamiuk, tas­suuna inuunermik naas­saan­ngitsumik neriugisaqalersil­luta. (Juánase 3:16) Asan­nin­nermik takutitsinerup as­seqan­ngitsup tamatuma tik­kuar­tuup­paatigut qanoq ilil­luta asan­nin­nermik ersersitsisar­nis­satsin­nik. ’Guutip taama asam­matigut,’ apustili Johan­nes al­lap­poq, ’uagut­taaq asaqatigiin­nias­saagut.’ — 1 Juánase 4:11.

10. ’Qatan­ngutigiit tamaasa’ qanoq iluaqutigisin­naavavut?

¹⁰ Naalagaaf­filersaar­tarfim­mi ataatsimiin­ner­nut najuut­tar­nik­kut asan­nin­nermik ersersitsinis­san­nut periarfis­saqarluas­saatit. Tamaani inuit as­sigiin­ngitsor­pas­suit naapis­savatit. Qular­nan­ngitsumik amerlaner­paar­taat ingerlaan­naq nuan­narilis­savatit. Soorunami inut­tut pis­sutsit as­sigiin­ngeqaat, aam­ma Jehovamut kif­far­tor­tut akor­nan­ni. Sior­natigut im­maqa soqutigisaqaqatigin­ngisatit imaluun­niit iluarin­ngisatit ingalas­simaniaan­nar­tarsimavatit. Kristumiul­li ’qatan­ngutigiit tamaasa’ asasus­saavaat. (1 Pîtruse 2:17, NV) Taamaat­tumik naalagaaf­filersaar­tarfim­mukar­tar­tut ilisarisimaler­niar­nis­saat anguniagarileruk — aam­ma utoq­qaas­sutsik­kut, inut­tut pis­sutsik­kut, am­mip qalipaataatigut ilin­niagaqar­nik­kul­luun­niit ilin­nit al­laas­suteqaraluar­tut al­laat. Qular­nan­ngitsumik paasilis­savat arlaatigut iluarinar­tumik pis­suseqar­tut.

11. Sooq Jehovap in­nut­taasa akor­nan­ni inut­tut as­sigiin­ngitsor­pas­suar­nik pis­suseqar­toqar­nera isumakululis­sutigisariaqan­ngiliuk?

¹¹ Ilagiin­niit­tut inut­tut pis­sutsimik­kut as­sigiin­ngitsor­pas­suunerat eq­qis­siun­naarutigis­san­ngilat. Takorloorsin­naavat soorlu biilerlutit biilit as­sigiin­ngitsor­pas­suit aq­qusinik­kut ingerlaaqatigigitit. Tamarmik as­sigiin­ngitsumik suk­kas­suseqar­put pitsaas­sutsimik­kul­lu tamarmik as­sigiin­natik. Ilaat kilometerer­pas­suar­ni ingerlareersimap­put, ilaal­li ilit­tul­li aatsaat aal­lalaarlutik. Naak tamak­kunatigut as­sigiin­ngis­suteqaraluarlusi tamas­si ingerlaaqatigiip­pusi. Aam­ma taamaap­poq inuit ataasiak­kaat ilagiin­niit­tut eq­qarsaatigalugit. Tamarmik kristumiutut pis­sutsinik ineriar­tor­titsinermin­ni suk­kaqatigiin­ngil­lat. Aam­malu timik­kut misigis­sutsik­kul­lu tamat­ta as­sigiin­ngitsuuvugut. Ilat­ta Jehova ukior­pas­suar­ni  pal­lorfigisimavaat; ilavut aatsaat aal­lar­tilaar­put. Tamat­tali aq­qum­mi inuunermut naas­saan­ngitsumut sam­misumi ingerlaar­pugut, ’as­sigiis­sumik eq­qarsarluta as­sigiis­sumil­lu isumaliorluta’. (1 Korintumiut 1:10) Taamaat­tumik ilagiin­niit­tut qimerlooraangak­kit pis­susii ajun­ngitsut, ajor­tut pin­nagit, maluginiar­tar­niak­kit. Taman­na uum­matik­kut asan­nium­mis­sutigis­savat, paasilis­savam­mi ilumut Guuti inuit taak­ku akor­nan­niit­toq. Aam­malu il­lit tamaaniik­kusup­putit. — 1 Korintumiut 14:25.

12, 13. (a) Ilagiin­niit­tut ilaan­nit ajual­latsin­neqaruit qanoq iliorsin­naavit? (b) Sooq put­tarsisaqan­ngin­nis­saq pingaar­tuua?

¹² Tamat­ta naam­mal­luin­nan­ngitsuugat­ta ilagiin­niit­tut ilaat ilaan­neeriarlutik ilin­nut ajual­laataasumik ilior­toorsin­naal­lutil­lu oqar­toorsin­naap­put. (Rûmamiut 3:23) Ajoqersugaq Jakob ilumoorluin­nar­tumik ima al­las­simavoq: ’Tamat­ta qas­siinik naak­kiut­tar­pugut [kuk­kusar­pugut]; oqalun­nik­kut naak­kiun­naveersoqar­pat [kuk­kujuitsoqar­pat], taan­na angutaavoq iluarluin­nar­toq.’ (Jâko 3:2) Ajual­latsin­neqaruit qanoq qisuarias­savit? Biibilimi ima us­sateqar­poq: „Inuk silatus­susiata kamajaatsun­ngor­tit­tar­paa, iluaatsuliorfigineqaraluarluni akiniaan­ngin­neq inum­mut ataq­qinaataavoq.“ (Us­satit 19:11) Silatuujuneq isumaqar­poq pis­sutsit tunuliaqutaan­nik takun­nis­sin­naaneq, paasil­lugu sor­piaap inuk aalajangersimasumik oqaaseqar­tik­kaa imaluun­niit iliuuseqar­tik­kaa. Amerlaner­paasugut nam­mineq kuk­kus­sutitsin­nut atatil­lugu ’silatoorsuuvugut’. Taman­na ator­tariaqan­ngin­ner­par­put al­lat naam­mal­luin­nan­ngitsutut periar­tar­nerinik paasin­nin­nis­samut matusinis­samul­lu? — Matîuse 7:1-5; Kulorsamiut 3:13.

¹³ Puiun­ngisaan­nar­tigu Jehovamit isumak­keerfigineqarusuk­kut­ta uagut inuit al­lat isumak­keerfigisariaqaratsigik. (Matîuse 6:9, 12, 14, 15) Sal­lusuis­sut malil­lugu inuugut­ta inuit al­lat asan­nit­tumik iliorfigisas­savavut. (1 Juánase 1:6, 7; 3:14-16; 4:20, 21) Taamaat­tumik ilagiin­niit­tut ilaan­nik isumaqatigin­ngisaqalis­sagaluaruit put­tarsisaqar­naveersaar­tariaqar­putit. Asan­nin­neq atisimaguk­ku ajor­nar­torsiutip aaq­qin­nis­saa ilungersuutigiumas­savat, ajual­latsitaqaruil­lu nangaanak utoq­qatserumas­saatit. — Matîuse 5:23, 24; 18:15-17.

14. Pis­sutsit suut atisariaqar­pavut?

 ¹⁴ Anersaak­kut atisar­put aam­ma pis­sutsinik al­lanik asan­nin­nermut qanit­tunik ’pisataqar­tariaqar­poq’. Paulus ima al­las­simavoq: ’Atiniarsigik imaat­tut: nal­lit­tuingaar­neq avaagin­nin­nerlu nikanar­tin­nerlu qanilaar­nerlu kamajuin­nerlu.’ Pis­sutsit tamak­ku, asan­nin­neq ilan­ngul­lugu ’inut­taamut’ Guutimeersumut ilaap­put. (Kulorsamiut 3:10, 12) ’Inut­taaq’ atiniarlugu ilungersorusup­pit? Qatan­ngutinut asan­nin­nerup atineratigut Jesusip ajoqersugaasa ilisar­naataat pigilis­savat, taan­na ima oqarsimam­mat: ’Matuman­nga tamarmik ilisaris­savaasi ajoqersugarigis­si: asaqatigiik­kus­si.’ — Juánase 13:35.

TOQQISSISIMANARTOQ

15. Ilagiit qanoq ilil­lutik oq­quif­fit­tut ip­pat?

¹⁵ Ilagiit oq­quif­fit­tut, qimaaf­fit­tut toq­qis­sinar­tutut, ip­put. Tamaani inuit peq­qusersuitsut Guutip isaani eq­qor­tumik iliorusut­tut naapis­sin­naavatit. Ilar­pas­suisa ileq­qut pitsaan­ngitsut im­maqa il­lit mas­sak­kut qaanger­niak­katit ajugaaf­figisimavaat. (Títuse 3:3) Taak­kua ikiorsin­naavaatsit, peq­quneqarsimap­pum­mi ’naner­tor­tigisamin­nik ersoqatigiis­sasut’. (Galâsiamiut 6:2) Soorunami aq­qutik­kut inuunermut naas­saan­ngitsumut sam­misuk­kut ingerlanis­saq il­lit nam­mineq akisus­saaf­figaat. (Galâsiamiut 6:5; Filípimiut 2:12) Jehoval­li ilagiin­nik kristumiunik tapersersor­tis­satsin­nik ikior­tis­satsin­nil­lu tunisimavaatigut. Ajor­nar­torsiutinik qanorluun­niit ar­tor­nar­tigisunik akiugas­saqaruit tas­sani naleqaqisumik ikior­tis­saqar­putit. Ilagiil­lu asan­nit­tut nikal­lungagaangavit ujariagisaqaraangavil­luun­niit an­ner­toq­qusersorumas­savaatsit. — Naleq­qiuguk Lúkarse 10:29-37; apustilit suliait 20:35.

16. Ilagiin­ni utoq­qaaner­tat qanoq ikiuisar­pat?

¹⁶ Ilin­nik an­ner­toq­qusersuisunut ilaas­sap­put ’inuit tunis­sutaasut’, ilagiin­ni utoq­qaaner­tat imaluun­niit nak­kutil­liisut toq­qak­kat, kajumil­lutik ilagiin­niit­tunik paarsisutut kif­far­tor­tut. (Evfisumiut 4:8, 11, 12; apustilit suliait 20:28; 1 Pîtruse 5:2, 3) Angutit taak­ku pil­lugit pruf­fiiti Esajas ima siulit­tuisimavoq: „Tamarmik as­sigis­savaat anorersuarmut oq­quif­fik sialus­suarmul­lu oq­qif­fik, inoqajuitsumi kuun­nguit kuut­tut, nunami imis­saaleqisumi qaarsorsuup alan­ngor­taa.“ — Jesaja 32:2.

17. (a) Jesus ingam­mik suk­kut ikiuiumasarsimava? (b) Guutip in­nut­taminik pilersuinis­sani qanoq neriorsuutigisimavaa?

 ¹⁷ Jesus nunarsuarmiik­kal­larmat up­perisarsior­nik­kut siut­tut taamatut asan­nit­tumik nak­kutil­liinis­sar­tik ajoraluaqisumik sumigin­narsimavaat. Pis­sutsit inuit atugaat Jesusip as­sut kil­litsis­sutigisimavai, ingam­mil­lu anersaak­kut ikior­nis­saat as­sut kis­saatigisimal­lugu. Nal­ligai ’paarinerlugaal­lutil­lu isumak­kiigaam­mata savatut paarsisoqan­ngitsutut’. (Matîuse 9:36) Aam­ma taamator­piaq oqaatigineqarluarsin­naap­put ul­lumik­kut inup­pas­suit ajor­ner­paanik atugarliuutil­lit, anersaak­kut ikiuisin­naasunik an­ner­toq­qusersuisin­naasunil­lu or­nitas­saqan­ngitsut. Jehoval­li in­nut­tai anersaak­kut ikior­neqar­put, Jehovami ima neriorsuisimavoq:“Paarsisus­saan­nik iver­titsiumaar­punga, taak­kualu paaris­savaat; taava ersiun­naarlutik sioorajun­naas­sap­put, tam­mar­toqas­san­ngilarlu.“ — Jeremia 23:4.

18. Sooq anersaak­kut ikior­neqar­nis­sar­put pisariaqar­tik­kutsigu utoq­qaaner­tat saaf­figisariaqar­pavut?

¹⁸ Ilagiin­ni utoq­qaaner­tat ilisarisimaler­niak­kit. Guuti pil­lugu ilisimasamin­nik maleruaanermik­kut an­ner­tuumik misilit­tagaqar­put, nak­kutil­liisunut Biibilimi piumasaqaatinik eq­qor­titsil­lutik. (1 Timûtiuse 3:1-7; Títuse 1:5-9) Ileq­qumik pis­sutsimil­luun­niit Guutip piumasaqaataanut akerliusumik akiuiniar­nin­ni anersaak­kut ikior­neqar­nis­san­nik pisariaqar­titsigaangavit nangaanak taak­kunun­nga saaf­figin­nit­tarit. Paasilis­savat utoq­qaaner­tat Paulusip kajumis­saarutaanik uumin­nga malin­nit­tuusut: ’Nikal­lor­tut tup­pal­lersarsigik, san­ngiitsut il­lersorsigik, tamanul­lu kamajuil­lusi.’ — 1 Tásalûníkamiut 2:7, 8; 5:14.

JEHOVAP INNUTTAI ILAGALUGIT TOQQISSISIMANEQ NANIUK

19. Peqatigiis­sor­taminut toq­qis­sisimanermik ujar­tuisut Jehovap qanoq naam­mat­torsuarmik pil­luaq­qusaatis­simavai?

¹⁹ Naak pis­sutsinik naam­mal­luin­nan­ngitsunik atugaqaraluar­tugut Jehovap inuus­sutis­sanik, atisas­sanik il­lus­sanil­lu anersaak­kut it­tunik pilersor­paatigut. Soorunami aatsaat Guutip silarsuas­saani nutaami paratiisip timik­kut it­tup iluaqutis­sar­tai malugisin­naalis­savavut. Jehoval­li peqatigiis­sor­taanut ilaasut  toq­qis­sisimaneq anersaak­kut paratiisimi maan­nangaaq misigisin­naalereer­paat. Taak­ku Ezekielip ima siulit­tuutigisimavai: „Eq­qis­sisimal­lutik nunamin­niis­sap­put an­nilaarsar­neqaratil­lu.“ — Hesekiel 34:28; Tus­siaat 4:9.

20. Jehovap im­minut pal­lorfigin­nin­nitsin­ni pil­liutigiumaak­kavut qanoq taarsis­savai?

²⁰ Jehovap oqaatsini peqatigiis­sor­tanilu aq­qutigalugit asan­nit­tumik anersaak­kut aaq­qis­suus­sai qujamasuutigingaar­tariaqar­pavut! Guutip in­nut­tai qanimut at­taviginiak­kit. Guutimik ilisarsiniar­nerit pil­lugu ikin­ngutivit qanigisavil­luun­niit qanoq eq­qarsar­nis­saat siooragiin­narlugu nangaaqinak. Im­maqa Jehovap nalunaajaasuinik peqateqar­tar­nerit naalagaaf­filersaar­tarfian­nilu ataatsimiit­tar­nerinut peqataasar­nerit pil­lugu ilaasa alas­savaatsit. Guutil­li im­minut pal­lorfigin­nin­nin­ni pil­liutigiumaak­kan­nik tamanik sin­nilis­suarmik taar­tisiaqar­tis­savaatit. (Malaki 3:10) Aam­malu Jesus ima oqarsimavoq: ’Ilumut oqarfigaas­si: Inuup kialuun­niit il­luni qatan­ngutiniluun­niit angutit qatan­ngutiniluun­niit ar­nat ar­niluun­niit angun­niluun­niit qitor­naniluun­niit nunaatiniluun­niit qimak­kaluarunigit uanga iivangkiiliulu pil­luta, hundredeleriarlugit maan­na matumani pisaas­savoq il­lus­saminik qatan­ngutis­saminil­lu ar­nas­saminil­lu qitor­nas­saminil­lu nunaatis­saminil­lu, qinugineqaraluar­til­luni, silal­lu aap­paani inuuneq naas­saan­ngitsoq pis­savaa.’ (Mákorse 10:29, 30) Aap, qanorluun­niit an­naasaqar­tigigaluaruit imaluun­niit naal­liutsigigaluaruit Guutip in­nut­taani peqatigiin­neq nuan­ningaar­toq anersaak­kul­lu toq­qis­sisimaneq angusin­naavatit.

SUNA ILIKKARPIUK?

Kik­kut tas­saap­pat „inus­siaq aalajaal­lunilu silatooq“?

Anersaak­kut inuus­sutis­saqar­tik­kumal­luta Jehova qanoq iliorsimava?

Ilagiin­nut kristumiunut ilaasut qanoq ikiorsin­naavaatigut?

[Atuaqqissaarnermi apeqqutit]

 [Qupperneq 165-mi tamakkerlugu asseq]