Kapitali 11

Ullussani kingullerni inuuvugut!

1. Sooq silarsuarmi pis­sutsit qimerlooraangamik­kik inuit ilaat nikal­lor­tar­pat, silarsuarmili pisunut nas­suiaatis­saq tatiginar­toq sumi nas­saas­saava?

QANORUNA ILIL­LUNI silarsuaq taama aquk­kuminaatsigilersimasoq? Siunis­sami qanoq pisoqas­sava? Im­minut taamatut aperinikuuit? Inuit ilar­pas­sui silarsuarmi pis­sutsit eq­qarsaatigileraangamik­kik nikal­lor­tar­put. Sorsun­nerit, nap­paatit pinerlun­neril­lu siunis­samut er­numalersitsisar­put. Naalak­kersuinik­kut siut­tut neriuutis­saqar­titsival­laan­ngil­lat. USA-mi aningaasaqar­nik­kut ministeriusimasoq Michael Blumenthal angutit pis­saanilis­suit pil­lugit ima oqarsimavoq: „Soorlu il­lit ul­laak­kut aviisi qup­peraangak­ku misigisar­tutit taamatul­li taak­ku paatsiveeruteq­qatigalutil­lu nalor­nisooq­qatigip­put.“ Taamaak­kaluar­toq ul­lut eq­qis­siun­naar­nar­tut atuk­kat­ta sooq taamaan­neran­nut tatiginar­tumik nas­suiaatis­saqar­poq. Nas­suiaat taman­na naalak­kersuinik­kut siut­tunit pin­nani Guutimit pivoq, oqaatsimini saq­qum­mersis­simasaa. Biibilimi paasitin­neqar­pugut pif­fis­sap qanoq ilinerani inuunitsin­nik. Paasitip­paatigut ul­lumik­kut pis­sutsit aaq­qis­suus­saanerata ’ul­luini kingul­ler­ni’ inuusugut. — 2 Timûtiuse 3:1.

2. Jesus ajoqersuk­kaminit qanoq aperineqar­pa, qanorlu akiva?

² Jesusip ajoqersuk­kami apeq­qutaan­nut akis­sutai atagu misis­soriar­tigik. Jesus toqunis­saa ul­lunik pingasunik sioq­qul­lugu ajoqersugaasa ima aperaat: ’Suna tikiuf­fis­san­nut silarsuul­lu matuma naggatis­saanut nalunaaq­qutaas­sava?’ * (Matîuse 24:3) Akis­sutimini Jesusip silarsuarmi  pisut pis­sutsil­lu aalajangersimal­luin­nar­tut silarsuarmi aaq­qis­suus­saanerup guutiitsup matuma ul­lus­saminut kingul­ler­nut isersimaneranut nalunaatsumik takus­sutis­saasut taak­kar­tor­pai.

„PISSUTSIT AAQQISSUUS­SAANERATA NAGGATISSAA“

3. Sooq Jesus kun­ngin­ngormat silarsuarmi pis­sutsit ajorsip­pat?

³ Soorlu kapitalimi matuma siulianiit­tumi takutin­neqar­toq Biibilip ukiunik naatsorsueriaasiata ersersip­paa Guutip naalagaaf­fia aqutsilereersimasoq. Qanorli ilil­luni taamaas­sin­naava? Pis­sutsim­mi ajorsiar­tuin­nar­put, iluarsiar­toratik. Filosof­fi tuluk Ber­trand Rus­sel­l ima oqarsimavoq: „1914-imiil­li silarsuarmi pisunik eq­qumaf­figin­nit­tup kialuun­niit ajunaar­nersuit an­ner­tunerujar­tuin­nar­tut tungaan­nut ingerlaaler­neq siumut aalajangeriigaasorinar­toq isumakuluutigiualersimavaa.“ Taman­na Guutip naalagaaf­fiata aqutsilersimaneranut up­per­narsaatis­saal­luar­poq. Qanoq ilil­luni? Tus­siaat 110:2-mi paasitin­neqar­pugut Jesus ’akeq­qami akor­nan­ni’ naalak­kersuigal­las­sasoq. Taas­suma qilam­mi kun­ngitut iliuusia siul­leq tas­sa Satan in­ngilipiluil­lu nunarsuup eq­qaanut igik­kamigit. (sarĸúmersitat 12:9) Taman­na qanoq kinguneqar­pa? Taman­nar­piaq sarĸúmersitat 12:12-imi siulit­tuutigineqarsimavoq: ’Eq­qanaq nuna imarlu, Diaavulu ilis­sin­nut aq­qarmat kamat­torsuul­luni, pif­fis­sakis­sutsi nalun­ngin­namiuk.’ ’Pif­fis­sakin­nerani’ ul­lumik­kut inuuvugut.

4. Ul­lus­sanut kingul­ler­nut suut ilisar­naataap­pat, sumil­lu ersersitsip­pat? (Ilan­ngus­saq takuuk.)

⁴ Tikiun­nis­saminut, imaluun­niit Ny Verden-nutsigaq naaper­torlugu ’najuun­nis­saminut’, pis­sutsil­lu aaq­qis­suus­saanerata naggatis­saanut suna nalunaaqutaajumaar­nersoq aperineqarami Jesusip akis­sutaa eq­qarsariaal­lan­nar­tuuvoq. Nalunaaqutip im­mik­koor­tui as­sigiin­ngitsut kapitalimi matumani ilan­ngus­sami al­lat­tor­neqarsimap­put. Soorlu tas­sani takusin­naagit apustilit Paulus, Peter Johan­nesilu ul­lut kingul­liit pil­lugit an­nikitsualun­nik amerlanerusunik saq­qum­mius­suip­put. Ul­lus­sanut kingul­ler­nut nalunaaqutip im­mik­koor­tui alianar­tunik ilaqar­put. Siulit­tuutil­li tamak­kua eq­quus­sor­neri qularun­naarutigisariaqar­pavut aaq­qis­suus­saanerup ajor­tup matuma naggatis­sani qanil­ligaa. Ul­lus­sanut kingul­ler­nut ilisar­naataasus­sat pingaar­nerit ilaat qanimut misis­soriar­tigik.

ULLUSSAT KINGULLIIT ILISARNAATAAT

5, 6. Sorsun­nerit kaan­nersuil­lu pil­lugit siulit­tuutit qanoq eq­quus­simap­pat?

⁵ ’Inuiaat pikitsitsiumaarput inuiaqatiminnut, naalagaaffillu naalagaaf­feqatiminut.’  (Matîuse 24:7; sarĸúmersitat 6:4) Atuak­kior­tup Er­nest Hemingway-p sorsun­nersuaq siul­leq tas­saanerarsimavaa „asuli toqoraanersuaq nunarsuarmi pisimasoq aatsaat taama ingasatsigalunilu toqutsiumatoor­palutsigisoq“. Atuak­kami The World in the Crucible — 1914-1919-imi (Silarsuaq aatsitsivim­mi — 1914-1919) sorsun­nersuaq taman­na tas­saanerar­neqar­poq „sorsun­neq aatsaat taama an­ner­tutigisoq, tamak­kiisumik sorsun­neq inuiaat sior­natigut misigisiman­ngisaan­nagaat. Sivisus­sutsimigut, sak­kor­tus­sutsimigut an­ner­tus­sutsimigul­lu sior­natigut ilisimaneqar­tut imaluun­niit takorloorsimasat akimorujus­suar­pai“. Taavali sorsun­nersuup aap­paa pivoq, siul­lermer­nit an­ner­tunerujus­suarmik aseruif­fiusoq. „1900-kkut,“ oqalut­tuarisaanermik ilisimatooq Hugh Thomas oqar­poq, „aal­laasinik eq­qarasuar­taatinik, qamus­suar­nik sorsuutinik, tim­misar­tunik B-52-inik, atomimik qaar­tar­torsualianik kiisalu qaar­tar­tunik igeriut­tak­kanik mis­silinik nas­saajor­torfiup­put. Oqalut­tuarisaanermi aatsaat taama aat­taqar­tigisumik aseruif­fiutigisumil­lu  sorsuf­fiup­put.“ Sorsun­neq nil­ler­toq naam­mat sak­kus­sakil­lisar­nis­saq oqal­lisaasimaqaaq. Taamaak­kaluar­torli nalunaarusiami ataatsimi mis­siliuun­neqar­poq pilersaarutigineqar­tutut ikililerereer­nermi atomimik qaar­tar­tuliat suli 10.000-it 20.000-il­lu akor­nan­niit­tut sin­nerutis­sasut — sak­kus­siat sak­kus­sianit sorsun­nersuup aap­paani ator­neqar­tunit 900-riaam­mik sak­kor­tunerusut.

⁶ ’Kaan­nersuarlu nalliut­tarumaarpoq.’ (Matîuse 24:7; sarĸúmersitat 6:5, 6, 8) 1914-imiil­li kaan­nersuit an­nerusut min­ner­paamik 20-t pisimap­put. Eq­qor­neqar­tut ilagaat Bangladesh, Burundi, Cambodja, Etiopia, Grækenland, India, Kina, Nigeria, Rusland, Rwanda, Somalia Sudanilu. Kaan­nersuarli nerisas­sanik amigaateqar­nermik pis­suteqar­tuaan­nan­ngilaq. „Ukiuni qulik­kuutaani kingul­ler­ni silarsuarmi nerisas­samaatit inuit amerliar­tor­neran­nit suk­kanerusumik amerliar­torsimap­put,“ The Washington Post National Weekly Edition-imi taama al­las­simasoqar­poq. „Inuil­li min­ner­paamik 800 mil­lionit piitsuul­luin­nar­ner­tik pis­sutigalugu . . . kuk­kusumik amigar­tunil­lu nerisaqar­tuar­nermin­nit aniguinis­samin­nut akis­saqan­ngil­lat, mas­sa nerisas­sarsuar­nik ulik­kaar­toq.“ Naalak­kersuineq ilaatigut kaan­nersuarmut pis­sutaaqataasar­poq. Dr. Abdelgalil Elmek­kip Torontomi universitetimeersup eq­qaavai nunat marluk inuit tuusintilik­kuutaat perlimoorfigisaat, uf­fa nunat taak­kua nerisas­sar­pas­suar­nik avam­mut  nioq­quteqar­tar­tut. Nunani taak­kunani naalak­kersuisut qular­nan­ngitsumik in­nut­taasut nerisas­saqar­tin­nis­saat pin­nagu sorsun­nitik aningaasalersor­nias­sagamik­kik nunat al­lat aningaasaan­nik pis­sarsinis­sar­tik isumakuluutigineruaat. Dr. Elmik­ki qanoq iner­niliiva? Kaan­nersuaqar­neq amerlasuutigut „agguaas­sinerlun­nermik nunamilu politik­kiusumik pis­suteqar­tar­poq“.

7. Ul­lumik­kut toqorar­nerit eq­qarsaatigalugit pis­sutsit piviusut qanoq it­tuup­pat?

⁷ ’Toqorarneq nalliut­tarumaarpoq.’ (Lúkarse 21:11; sarĸúmersitat 6:8) Spaniamiut nap­paataat 1918-19-imi inuit min­ner­paamik 21 mil­lionit inuuneran­nik akeqar­poq. „Silarsuaq oqalut­tuarisaanermi sior­natigut nap­paam­mik taama suk­katigisumik toqoraataasumik eq­qor­neqarsiman­ngisaan­nar­poq,“ A. A. Hoehling atuak­kami The Great Epidemic-imi (Nap­paalanersuaq) taama al­lap­poq. Ul­lumik­kut nap­paatit as­sigiin­ngitsor­pas­suit toqoraataasar­put. Ukiut tamaasa inuit 5 millionit kræftimik toq­quteqar­tar­put, tim­min­nermik nap­paatit naalungiarsuit meeq­qal­lu 3 millioninit amerlanerusut inuuneran­nik akeqar­tar­put, tuberkulosimil­lu toq­quteqar­tut 3 millioniusarlutik. Anersaar­tuutik­kut aseruut­toor­nerit, ingam­mik puak­kut aseruut­toor­neq, ukiumut meeq­qat tal­limat ataal­lugit ukiul­lit 3,5 millionit toq­qutigisar­paat. Inuil­lu tupaal­lan­nar­tumik amerlas­susil­lit, tas­sa 2,5 milliardit — nunarsuup inuisa af­faat — naam­man­ngitsumik imaluun­niit mingutsitamik imeqar­nermik eq­qiluisaan­ngin­nermil­lu pis­suteqar­tunik nap­paateqar­put. Aam­malu AIDS-ip eq­qaasit­tar­paatigul­lusooq inuit naak nakorsaatitigut an­ner­tuumik angusaqarsimagaluarlutik nap­paatinik toqoraataasunik nungutitsisin­naan­ngitsut.

8. Inuit ’aningaaserituujusut’ qanoq ilil­luni erser­pa?

⁸ ’Inuit inuujumaarmata . . . aningaaserituut.’ (2 Timûtiuse 3:2) Nunarsuarmi sumi tamaani inuit pisuus­sutinik naam­matsis­sin­naan­ngitsutut ip­put. „Iluatsitsineq“ qanoq aningaasaateqar­tiginik­kut naliler­neqar­tar­poq, angusaqarsimanerlu qanoq pigisaqar­tiginik­kut naliler­neqar­tarluni. 1980-ikkut piumatus­sutsip ukiuinik inuit ilaasa taasimavaat. „Pigisaqarumatus­suseq Amerikami inuiaqatigiin­ni ukiuni qulini tul­liut­tuni iliuuseqar­nis­samut kajumis­sutaajuas­saaq, . . . niuer­ner­nilu an­ner­ni al­lani pingaar­ner­paajuas­sal­luni,“ taama nalunaar­poq 1989-imi us­sas­saarusior­tarfim­mi siut­tuusumut tul­lersor­taasoq. Il­lit najuk­kan­ni aam­ma taamaap­pa?

9. Meeq­qat angajoq­qaamin­nut naalan­ngitsut pil­lugit siulit­tuut qanoq ilil­luni eq­quus­simava?

⁹ ’Angajoqqaaminnut naalanngitsut.’ (2 Timûtiuse 3:2) Torontomi  aviisimi Star-imi al­las­simavoq nalitsin­ni meerar­tavut tas­saasut „kinguaariit sorraatsut, saas­sus­siumatuut meerapalaal­lu ataq­qisaqan­ngitsut“. Meeq­qat ilaat taamaat­tar­put angajoq­qaamik pis­suseris­saan­ngin­neran­nut qisuariarlutik imaluun­niit angajoq­qaatik ilaagin­narlugit. Meeq­qat amerliar­tuin­nar­tut atuarfim­mut, inatsisinut, up­perisarsior­nermut angajoq­qaamin­nul­lu tatigin­nik­kun­naarsimap­put, taamaat­tumil­lu pikitsitsisarlutik. Ilin­niar­titsisoq misilit­tagar­tooq ima oqarsimavoq: „Ataatsimut oqaatigis­sagaan­ni sumil­luun­niit ataq­qisaqan­ngil­lat.“ Qujanar­tumil­li aam­ma meerar­pas­suaqar­poq Guutimik mianerin­nit­tunik pis­suseris­saar­nermik­kul­lu maligas­saal­luar­tunik.

10, 11. Inuit soq­qusaatsuuneran­nut tun­niusimanermil­lu pis­susis­samisoor­tumik pigisaqan­ngin­neran­nut suut takus­sutis­saap­pat?

¹⁰ ’Qiningasut.’ (2 Timûtiuse 3:3) Oqaaseq griikerisooq ’qiningasoq’-mik nutser­neqarsimasoq isumaqar­poq ’nujuar­toq, qaasut­toq, inoqatinut misigis­suseqar­nanilu misigin­neqataas­suseqan­ngitsoq’. Ul­lumik­kut pinerlun­niar­tar­tor­pas­suit taamatorluin­naq ip­put. „Inuuneq ima erloqinar­tigaaq, ima tataan­nar­toqar­tigaluni ul­lormut nutaarsias­sat atuar­niaraan­ni sisan­nil­lusooq sianiuteqar­tariaqarluni,“ aviisit ilaan­ni al­laaserisami pingaar­nerutitami taama al­las­simasoqar­poq. Pigaar­tul­lu ataatsip malugisimavaa meerar­pas­suit iliuutsimik kingunis­saat eq­qarsaatigineq ajoraat. Taan­na oqar­poq: „Eq­qarsar­tan­nguatsiar­put aqagus­saq nalugamik­ku ul­lumik­kut pisin­naasatik tiguin­nas­sal­lugit.’“

¹¹ ’Asanniuitsut.’ (2 Timûtiuse 3:3) Oqaaseq taman­na oqaatsimit griikerisuumit nutsigaavoq, isumaqar­tumit „misigit­taatsoq, naak­kit­taatsoq“, ersersin­neqarluni „pis­susis­samisoor­tumik ilaqut­tatut tun­niusimas­suseqan­ngin­neq“. (The New International Dictionary of New Testament Theology) Aap, tun­niusimaneq al­laat avatangiisini atuun­ner­paaf­fis­saraluamini — ilaqutariit angerlarsimaf­fian­ni — amerlasuutigut amigaatigineqar­poq. Aap­parmik, meeq­qanik al­laal­lu angajoq­qaanik utoq­qan­ngor­tunik pinerliiner­nik nalunaarutit eq­qis­siun­naar­nar­tumik nalingin­naajar­tor­put. Paasiniaaqatigiit ima nalunaar­put: „Nakuuser­neq — patit­taan­neq imaluun­niit ajat­taan­neq, savilersor­neq imaluun­niit aal­laasersor­neq — inuiaqatigiit iluan­ni al­lanit tamanit akulikin­nermik ilaqutariin­ni pisar­poq.“

12. Sooq oqar­toqarsin­naava inuit qal­lik­kuin­naq Guutimik mianerin­nit­tuusaar­tuusut?

¹² ’Guutimik mianerin­ninneq ileq­qorisuusaarlugu, pissaaneqar­figiumanaguli.’ (2 Timûtiuse 3:5) Biibili inuit inuuneran­nik ajun­ngitsup  tungaanut al­lan­ngor­titsinis­samut pis­saaneqar­poq. (Evfisumiut 4:22-24) Ul­lumik­kul­li inuit ilar­pas­suisa Biibili iliuutsimin­nut iluaatsunut Guutip iluarin­ngisaanut as­siaqut­tatut ator­tar­paat. Sal­lulior­neq, til­lin­neq kinguaas­siuutitigul­lu kan­ngunar­tumik inooriaaseqar­neq up­perisarsior­nik­kut siut­tuusunit amerlasuutigut isigin­ngitsuusaar­neqar­tar­put. Up­perisarsior­tul­lu ilar­pas­sui asan­nin­nis­samik oqaluus­sis­sutigin­niitigalutik sorsun­ner­nik tapersersuisar­put. Atuagas­siami India Today-mi pingaar­nerutitami ima al­las­simasoqar­poq: „Pin­ngor­titsisup Ajugaqan­ngitsup aq­qani inuit inoqatimin­nut maajun­nar­ner­paamik peq­qar­niitsulior­tarsimap­put.“ Ilami nalitsin­ni akersuun­nerit aam­mik kuisiner­paaf­fiusut — sorsun­nersuit siul­leq kingul­lerlu — kristumiuunerar­tut iluini aal­lar­tis­simap­put.

13. Nunarsuup aseror­ter­neqar­neranut suut takus­sutis­saap­pat?

¹³ ’Nunamik aseruisut.’ (sarĸúmersitat 11:18) Ilisimatuut nunarsuarmit tamarmeersut 1600-nit amerlanerusut, ilaatigut Nobelip nersor­naasiut­tagaanik nersor­naaser­neqarsimasut 104-t, Union of Concer­ned Scientistsimit (Ilisimatuut Aarlerisut Peqatigiit) mianersoq­qus­sut atsiorsimavaat, ilaatigut ima ilalik: „Inuit pin­ngor­titarsuarlu im­min­nul­lusooq aporujus­suariar­tor­put. . . . Ukiut qulik­kaat ikit­tun­nguit tul­liut­tut ingerlaneran­ni ajunaar­nersuar­nik pinaveersimatitsisin­naajun­naas­saagut.“ Nalunaarusiami oqaatigineqar­poq inuit iliuusii inuunermik navianar­torsior­titsisut „silarsuarmik ima al­lan­ngor­titsil­luin­narsin­naatigisut uumas­suseqar­titsinis­samut pigin­naas­suseerutsis­sin­naal­lugu“. Ozonimik nungutitsiar­tor­neq, imermik mingutsitsineq, or­pin­nik nungusaaneq, nunamik naatitsif­fis­samik aseror­terineq kiisalu uumasunik naasunil­lu pis­suseqatigiin­neq nungutitsisar­neq ajor­nar­torsiutitut an­ner­tuutut aaq­qin­niapal­lan­neqar­tariaqar­tutut eq­qaaneqar­put. „Uumas­susilin­nik im­min­nut pin­ngitsoorsin­naan­ngitsunik akor­nusersuiner­put an­ner­tuumik sun­niuteqarsin­naavoq, uumas­susil­lit aaq­qis­sugaanerata, uagut ilisimasaqarfigival­laan­ngisatsin­nik sun­niisin­naas­suseqar­tup, ajalusoor­neranik kinguneqarsin­naal­luni,“ ilisimatuut aam­ma taama al­lap­put.

14. Qanoq ilil­lutit up­per­narsarsin­naaviuk Matîuse 24:14 ul­lumik­kut eq­quut­toq?

¹⁴ ’Naalagaaf­fimmillu iivangkiiliu tamanna oqaluus­sis­sutigineqas­savoq inuit najugaanni tamar­suarmi.’ (Matîuse 24:14) Jesus siulit­tuivoq Guutip naalagaaf­fianik iivangkiiliu, nutaarsias­saq nuan­nersoq, nunarsuarmi tamarmi oqaluus­sis­sutigineqas­sasoq inuian­nut tamanut nalunaajaataasumik. Guutimit ikior­neqarlutik pil­luaq­qusaal­lutil­lu Jehovap nalunaajaasui mil­lionilik­kuutaat nalunaaqut­tap-akun­neri  mil­liardit arlal­lit ator­tar­paat oqaluus­sil­lutik ajoqersugan­ngor­titsior­torlutil­lu. (Matîuse 28:19, 20) Aap, Jehovap nalunaajaasuisa nalun­ngilaat nutaarsias­samik nuan­nersumik oqaluus­sis­sutigin­nin­ngik­kunik aam­mik kuisisutut pisuutitaas­sal­lutik. (Hesekiel 3:18, 19) Nuan­naarutigeqaat ukiut tamaasa inuit tuusintilik­kuutaat Guutip naalagaaf­fia pil­lugu tusarlius­samin­nut qisuariarlutik kristumiun­ngor­tarmata ilumoor­tut Jehovamut nalunaajaasuusut. Jehovamut kif­far­tor­neq taamaalil­lunilu Guutimik ilisarsinermik siaruar­terineq im­mik­kut pisin­naatitaaf­fis­suuvoq nalis­saqan­ngitsoq. Nutaarsias­sarlu nuan­nersoq taman­na nunarsuarmi inun­nut tamanut oqaluus­sis­sutigineqareer­pat aaq­qis­suus­saanerup ajor­tup matuma naggatis­saa nal­liutis­saaq.

NALUNAAJAATIT ILIUUSEQARNIS­SANNUT KILLITTARIAQAR­PAATSIT

15. Ul­lumik­kut aaq­qis­suus­saaneq ajor­toq qanoq ilil­luni naggaser­neqas­sava?

¹⁵ Aaq­qis­suus­saaneq ajor­toq man­na qanoq peer­neqas­sava? Biibilimi siulit­tuutigineqar­poq ’an­nikil­lior­nar­toqas­sasoq angisuumik’ silarsuarmi maani naalak­kersuinermut at­tuumas­suteqar­tut ’Babylonimik angisuumik’, silarsuarmi up­perisarsior­nerit eq­qun­ngitsut naalagaaf­fis­suan­nik, saas­sus­sineratigut aal­lar­tit­tus­samik. (Matîuse 24:21; sarĸúmersitat 17:5, 16) Jesus oqar­poq pif­fis­sami tamatumani ’seqineq taarsis­sasoq qaam­mal­lu qaamajun­naarluni, ul­loris­sal­lu qilam­mit nak­karumaar­tut qilaal­lu pis­saaneri aalajumaarlutik’. (Matîuse 24:29) Pisus­sat tupin­nar­tut inuit isaan­nut qilam­mi takus­saasut pineqan­nguatsiar­put. Silarsuarmi up­perisarsior­nik­kut qaamaner­tut it­tut qulaar­neqarlutil­lu peer­neqas­sap­put. Taava Satanip, ’Gogimik Magogimeersumik’ taaneqar­tup, inuit ajor­tut atorlugit Jehovap in­nut­tai tamak­kiisumik saas­sutis­savai. Iluatsitsis­san­ngilarli, Guutimi akuliutis­saaq in­nut­tanilu an­naal­lugit. (Heseliel 38:1, 2, 14-23) ’An­nikil­lior­nar­tup angisuup’ sak­kor­tuner­paaf­fis­sani nal­lis­savaa Harmagedoni, ’Guutip ajugaqan­ngitsup ul­lus­sarsuani sorsun­neq’, piler­pat. Satanip silarsuaata sin­nerut­tor­taa nungutin­neqas­saaq, inuiaal­lu aniguisut naas­saan­ngitsumik pil­luaq­qusaanis­saat aq­qutis­siuun­neqarluni. — sarĸúmersitat 7:9, 14; 11:15; 16:14, 16; 21:3, 4.

16. Qanoq ilil­luta nalun­ngilar­put ul­lus­sanut kingul­ler­nut ilisar­naatit siulit­tuutigineqarsimasut nalitsin­ni eq­quut­tut?

¹⁶ Ul­lus­sanut kingul­ler­nut ilisar­naataasus­satut siulit­tuutaasut ataasiak­kaat im­maqa oqalut­tuarisaanermi pif­fis­sanut al­lanut naleq­quk­kaluar­put.  Ataatsimul­li isigalugit siulit­tuutigineqar­tut nalitsin­nut naleq­quteq­qis­saar­put. Man­na as­sersuutigeriar­tigu: Inuup as­saata inuaata naqigun­neqarluni inaa al­lanit as­sigineqan­ngilaq. Taamatut­taaq ul­lus­sat kingul­liit pisunik pif­fis­sani al­lani tamani pisimasunit al­laanerus­suteqar­tunik im­mik­kooruteqar­put. Im­mik­koorutaat tamak­ku Guutip qilam­mi naalagaaf­fiata aqutsilereersimaneranut takus­sutis­sanut Biibilimiit­tunut naleq­qiuk­kutsigik pis­sutis­saqarluar­pugut isumaqas­sal­luta ilumut ul­lus­sani kingul­ler­ni inuul­luta. Aam­malu aaq­qis­suus­saanerup ajor­tup matuma aseror­neqangajaler­neranut Biibilimi nalunaatsunik up­per­narsaatis­saqar­poq.

17. Ul­lus­sani kingul­ler­ni inuuner­put paasigatsigu taava qanoq ilior­tariaqar­pugut?

¹⁷ Ul­lumik­kut ul­luni kingul­ler­ni inuunitsin­nut takus­sutis­sat paasereerlugit qanoq qisuarias­savit? Man­na eq­qarsaatigeriaruk: Anorersuar­nis­saa aarlerisaarutigineqar­pat nangaanata isuman­naal­lisaajumas­saagut. Taamatut­taaq Biibilip aaq­qis­suus­saaneq man­na pil­lugu siulit­tuutaasa iliuuseqar­nis­satsin­nut kil­lit­tariaqar­paatigut. (Matîuse 16:1-3) Nalor­ninaatsumik takusin­naavar­put silarsuarmik aaq­qis­suus­sap matuma ul­luini kingul­ler­ni inuul­luta. Taman­na Jehovamit iluarisaaler­nis­satsin­nut pisariaqar­tunik arlaatigut al­lan­nguis­sutigisariaqar­par­put. (2 Pîtruse 3:3, 10-12) Uagutsin­nik an­naas­sisin­naasutut im­minut in­nersuus­sutigaluni Jesus ilungersorluni ima kajumis­saarivoq: ’Mianersoritsi uum­matisi putumanermut imerajun­nermul­lu inuunerul­lu matuma piinik isumakulun­nermut naner­tor­teq­qunagit; ul­lup taas­suma tas­san­ngaan­naq tikeqinavaasi; nigatum­mi nunap tamarmi qaani ineqar­tunut tamanut nal­liuk­kumaar­poq. Eq­qumat­tuin­naritsilu qinul­lusi tamak­kunin­nga piumaar­tus­sanik tamanik qimarratigin­nis­sin­naaq­qul­lusi Inuul­lu Er­nerata saani atasin­naaq­qul­lusi.’ — Lúkarse 21:34-36.

[Quppernerup ataani ilanngussaq]

SUNA ILIKKARPIUK?

Kristusip naalak­kersuiler­nerani silarsuarmi pisut suut Biibilimi siulit­tuutigineqarsimap­pat?

Ul­lus­sanut kingul­ler­nut suut ilisar­naataap­pat?

Ul­lus­sani kingul­ler­ni inuusugut suup qularun­naarsip­paatit?

[Atuaqqissaarnermi apeqqutit]

[Qupp. 102-mi ungalusaq]

ULLUSSANUT KINGULLERNUT ILISARNAATIT

• Sorsun­nerit aatsaat taama ingasatsigisut. — Matîuse 24:7; sarĸúmersitat 6:4.

• Kaan­nersuit. — Matîuse 24:7; sarĸúmersitat 6:5, 6, 8.

• Toqorar­nerit. — Lúkarse 21:11; sarĸúmersitat 6:8.

• Inatsisaak­kalut­tuin­nar­neq. — Matîuse 24:12.

• Nunarsuarmik aseror­terineq. — sarĸúmersitat 11:18.

• Nunap sajut­tar­neri. — Matîuse 24:7.

• Ul­lut atoruminaatsut. — 2 Timûtiuse 3:1.

• Aningaaseritunersuaq. — 2 Timûtiuse 3:2.

• Angajoq­qaanut naalan­ngin­neq. — 2 Timûtiuse 3:2.

• Pis­susis­samisoor­tumik tun­niusimas­suseqan­ngin­neq. — 2 Timûtiuse 3:3.

• Guuti pin­nagu nuan­naar­niutinut kajumin­neruneq. — 2 Timûtiuse 3:4.

• Im­minut naalak­kersin­naan­ngin­neq. — 2 Timûtiuse 3:3.

• Ajun­ngitsunut asan­nis­suseqan­ngin­neq. — 2 Timûtiuse 3:3.

• An­nikil­lior­nar­tus­sarsuarmik sumigin­naaneq. — Matîuse 24:39.

• Il­laruarlutik ul­lus­sanik kingul­ler­nik up­perin­nik­kuman­ngitsut. — 2 Pîtruse 3:3, 4.

• Guutip naalagaaf­fianik nunarsuarmi tamarmi oqaluus­sis­sutigin­nin­neq. — Matîuse 24:14.

 [Qupperneq 101-mi tamakkerlugu asseq]