Kapitali 55

Ajoqersugar­passuit Jesus qimappaat

JESUS naalaf­fim­mi Kaper­naumimiit­tumi ajoqersuivoq tas­saanerarluni neqis­saq piviusoq qilam­meersoq. Oqaasii qular­nan­ngitsumik inun­nut Galilæap Tasersuata kangimut sineriaani tupin­nar­tulior­nik­kut if­fiat aalisak­kal­lu atorlugit nerisitarisimasaminut tamaan­ngaan­niil­lu uter­til­luni im­minik nanisisunut oqaaserisaasa nangin­neraat.

Maan­nalu nangip­poq: „Neqis­saq tun­nius­sara tas­sa uiniga, silamiut inuutis­sal­lugit tun­nius­sas­sara.“ Ukiut marluin­naat tamatuma sior­na, ukiumi 30-mi uper­naak­kut, Jesus Nikodemusimut oqarsimavoq Guutip silamiut ima asatigigamigit an­nas­sutis­saan­nut er­nini tun­nius­simagaa. Jesusip ersersin­niar­paa inuiaat silarsuaan­ni kinaluun­niit uinim­minik as­sersuutaasumik nerisoq, tas­sa er­niin­naq pil­liutigiumaak­kaminik up­per­nermigut, naas­saan­ngitsumik inuulerumaar­toq.

Oqaasiili inuit mamiatsaatigaat. „Qanoq ilil­luni uuma uinim­minik nerlis­savaatigut?“ aperip­put. Jesusip paasitin­niar­pai taman­na as­sersuutitut paasis­sagaat. Taamaat­tumil­lu as­sersuutaan­ngitsutut paasis­sagaan­ni suli akaar­naan­nerusumik maan­na oqaaseqar­poq:

„Inuup er­nerata uin­nga nerin­ngik­kus­siuk, aavalu imin­ngik­kus­siuk, ilus­sigut inuus­suteqas­san­ngilasi. Uinin­nik nerisoq aan­nil­lu imer­toq naas­saan­ngitsumik inuus­suteqar­poq, taan­nalu ul­lut naggatis­saan­ni makitik­kumaar­para. Uinigami ilumut neqis­saavoq, aagalu ilumut imis­saavoq. Uinin­nik nerisoq aan­nil­lu imer­toq uan­niit­tuar­poq, uangalu taas­sumaniit­tuarlunga.“

Jesusip tas­sani pisaa tas­saagaluar­pat inut­tuumasuuneq soorunami ajoqersuutaa suli akaar­naan­nerus­sagaluar­poq. Soorunami iluamik oqaatigalugu nerineq aam­mil­lu imer­neq pin­ngilai. Erseq­qis­sar­niaan­nar­paa naas­saan­ngitsumik inuulerusut­tut tamarmik pil­liutiginiak­kani — inut­tut timini naam­mal­luin­nar­toq aan­nilu inuus­sutaasoq kuisus­saq — up­perisariaqaraat. Al­laal­li ajoqersugaatut taasut ilar­pas­suisa oqaaserisai paasinian­ngilaat: „Oqaatsit tamak­ku mamianaqaat, kia tusarumas­savai?“

Jesusip nalun­ngin­namiuk ajoqersuk­kami ilar­pas­sui mamiatsat­tut, oqar­poq: „Taman­na mamiasuutigaasiuk? Im­maqali Inuup Er­nera inigigaluaminut pavun­nar­toq isigis­sagus­siuk. . . . Oqaatsit ilis­sin­nut oqaaserisak­ka anersaal­lutil­lu uumas­sutaap­put. Kisian­ni ilasi up­pin­ngil­lat.“

Nangip­poq: „Taman­na pil­lugu oqarfigigaluar­pas­si uan­nut pisin­naasoqan­ngitsoq Ataatan­nit taamaalisin­neqan­ngik­kuni.“ Taman­na pis­sutigalugu ajoqersugaasa ilar­pas­suisa qimap­paat malik­kun­naarlugulu. Apustilinili aq­qaneq-marluk Jesusip aperai: „Ilis­sis­saaq aal­las­savisi?“

Peterip akivaa: „Naalagaq! Kimut aal­las­sagat­ta? Il­lit oqaaseqar­putit naas­saan­ngitsumik inuus­sutilin­nik. Up­peralutil­lu ilisaraatsigit il­lit tas­saasutit Guutip Il­ler­nar­tua.“ Taman­na ilumuus­sutsimut ersiutaal­luin­nar­poq kusanar­toq, min­nerun­ngitsumik eq­qarsaatigis­sagaan­ni Peterip apustilil­lu al­lat Jesusip ajoqersuineranik tamatumin­nga im­maqa suli paasisaqarluin­nan­ngin­nerat!

Peterip akis­sutaa Jesusip nuan­naarutigaa, oqarlunilu: „Aq­qaneq-marluususi qinigarin­ngin­ner­pas­si? Ilarsilu ataaseq diaavuluuvoq [mamarliisuuvoq]!“ Judas Iskariot pivaa. Judasip eq­qun­ngitsumik iliuusis­saata ’pileq­qaar­nera’ tas­sani paaseriin­nguatsiar­paa.

Inuit im­minik kun­ngin­ngor­titsiniaraluar­neran­nik itigar­titsinermigut Jesusip pakatsiseq­qam­mer­pai, im­maqalu ima eq­qarsar­put: ’Mes­siasip sulias­saa suliariuman­ngik­kuniuk qanoq ilil­luni Mes­siasiusin­naava?’ Pisimasoq taman­na inup­pas­suit qular­nan­ngitsumik puiun­ngilaat. Johannes 6:51-71; 3:16.

▪ Jesusip timini kik­kun­nut pil­liutigaa, qanorlu ilil­lutik ’neris­savaat’?

▪ Jesusip oqaasii al­lat suut inup­pas­suit mamiatsaatigaat, sunaliuna pigaa?

▪ Ajoqersuk­kat ilar­pas­sui Jesusimik malin­nik­kun­naarmata Peter qanoq qisuariar­pa?