Kapitali 115

Ajoqersukkat assortuupput

UN­NUUP ilaa siusin­nerusuk­kut ajoqersuk­kami isigaasa asan­nerisigut Jesusip torral­laal­luni maniguun­nermik ilin­niagas­sis­simavai. Taavalu toqunis­saminik eq­qaaniaal­luni nal­liut­torsiorfis­samik pilersitsisimavoq. Tamak­ku eq­qarsaatigalugit maan­nak­kut pisoq tupigusuutigineqarsin­naavoq. Tas­sami Jesusip apustiliisa arlar­tik kina an­nerunersoq sak­kor­tuumik as­sor­tuus­sutigiler­paat! As­sor­tuus­sutigisarsimasatoqarigunagaat qaf­faq­qis­simavoq.

Jesusip qaq­qami al­lan­ngor­titaanerata kingor­na apustilit arlar­tik kina an­nerunersoq as­sor­tuus­sutigisimavaat­taaq. Aam­mat­taaq Jakobip Johan­nesil­lu Naalagaaf­fim­mi nuimasumik atorfeqaler­nis­sar­tik qin­nutigisimagaluar­paat, taman­nalu apustilit an­neruniun­neran­nik an­nerulersitsisimavoq. Akioreeq­qilersut takul­lugit qanorli Jesusip aliasuutigitigai — aalimi naggam­mik un­nus­sioqatigalugit! Qanoq qisuariar­pa?

Naveer­nis­saan­nut taarsiul­lugu, aam­maarluni kamagit­tarluni tun­ngaveqar­tumik apustilini eq­qarsalersin­niarsarai: „Inuiaqatigiit kun­ngiisa naalagaaf­figiniar­tar­paat, naalak­kersor­taalu ’ajun­ngitsulior­taan­nik’ taaneqararaat. Ilis­si taamaas­san­ngilasi; . . . Kinami an­nerua: nerrivim­mi is­siasorluun­niit kif­far­tor­torluun­niit? Nerrivim­mi is­siasoq ilaa?“ Maligas­siaminik eq­qaasiitigalugit oqar­poq: „Uangali akor­nas­sin­ni kif­far­tor­tutut ip­punga.“

Naak naam­mal­luin­nangitsuugaluarlutik apustilit an­nikil­lior­nar­tuni Jesus qimas­siman­ngilaat. Taamaat­tumik Jesus oqar­poq: „Angerfigeqatigaas­si, soorlu Ataatama uanga angerfigeqatigigaanga, naalagaaf­fik pil­lugu.“ (NV) Jesusimik angerfigeqatigin­nin­neq taman­na aq­qutigalugu ajoqersugai ilumoor­tut kun­ngitut naalagaas­susianut peqataas­sap­put. Aalajangersimasumik amerlas­susil­lit, 144.000-it, kisimik naalagaaf­fik pil­lugu angerutsimut tamatumun­nga peqataas­sap­put.

Tas­sa apustilit Jesusip kun­ngius­susianut peqataanis­samin­nik neriugisaqar­put, maan­nak­kor­piarli anersaak­kut san­ngiip­put. „Un­nuaq man­na tamas­si mamiatsaatigiumaar­pas­singa,“ Jesus oqar­poq. Peter qin­nus­simanerariarlugu oqaap­paa: „Qaqugu saak­kuit qatan­ngutitit nakus­satsik­kit!“

„Qitor­nan­nguak­ka!“ Jesus nangip­poq, „Najul­latsiaral­las­savas­si. Ujarumaar­pas­singa, soorlulu juutinut oqar­tunga, taamat­taaq maan­na ilis­sin­nut oqar­punga: ’Or­nigas­san­nut pisin­naan­ngilasi.’ Inas­sum­mik nutaamik tunivas­si, asaqatigeeq­qul­lusi; soorlu uanga asagis­si, taamat­taaq ilis­si asaqatigiis­saasi. Matuman­nga tamarmik ilisaris­savaasi ajoqersugarigis­si: asaqatigiik­kus­si.“

„Naalagaq! Sumun­nas­savit?“ Peter aperaaq.

„Or­nigas­san­nut maan­na malis­sin­naan­ngilarma,“ Jesus akivoq, „kingor­nali malik­kumaar­parma.“

„Naalagaq! Sooq maan­na malis­sin­naan­ngilak­kit?“ Peterip paaserusup­paa. „Inuunera pil­lutit iperas­savara.“

„Inuunerit pil­lunga iperas­saviuk?“ Jesus aperaaq. „Ilumut, ilumut oqarfigaak­kit: marloraat angutiviar­taat qarlor­tin­nagu pingasoriarlutit miserratigiumaar­parma.“

„Toqoqatigis­sagaluaruk­kil­luun­niit,“ Peter akerliliivoq, „miserratigis­san­ngilak­kit.“ Apustilit­taaq al­lat taamator­piaq oqariarmata, Peter pingaakujul­luni oqar­poq: „Tamak­kerlutik mamiatsaatigigaluar­patsit, uanga mamiatsaatigin­ngisaan­nas­savak­kit.“

Jesusip apustiliminik aningaasalisaratik taquaratil­lu Galilæamut oqaluus­siar­tor­titsisimanini maan­na eq­qaavaa, aperalugil­lu: „Atugas­sas­sin­nik [taamani] ajorsar­tar­pisi?“

„Naagga!“ akip­put.

„Maan­nali aningaasaliveqar­tup nas­sarliuk, taquarfeqar­torlu taamatut iliorli; panaqan­ngitsul­li qal­lersaan­ni akigiliuk panasiniarluni. Oqarfigaas­simi: al­las­simasut ukut­taaq uan­nut eq­quus­sap­put: ’Pinerlut­tunut ilalius­saavoq.’ Uanga ul­lus­sak­ka ikiliar­tor­put.“

Jesusip taatsiar­paa pinerlut­tut peqatigalugit qisum­mut kikiat­tugaajumaarluni, aam­malu ajoqersuk­kat tamatuma kingor­na sak­kor­tuumik malersor­neqalerumaar­tut. „Naalagaq! Ata, aajuku panat marluk,“ oqar­put.

„Naam­map­poq,“ akivoq. Soorlu takus­sagip­put, apustiliminik pingaaruteqar­tumik ilin­niagas­siinis­saanut panat marluk taak­ku Jesus periarfis­sis­savaat. Mattæus 26:31-35; Markus 14:27-31; Lukas 22:24-38; Johannes 13:31-38; sarĸúmersitat 14:1-3.

▪ Apustilit as­sor­tuutiler­nerat sooq tupigusuutigineqarluarsin­naava?

▪ Jesus qanoq qisuariar­pa?

▪ Jesusip ajoqersuk­kaminut angerusaa sumik siuner­taqar­pa?

▪ Jesusip inas­sutaa nutaaq suua, inas­sul­lu taman­na qanoq pingaar­tigaa?

▪ Peterip qanoq ilil­luni ersersip­paa im­minut tatigival­laarluni, Jesusilu qanoq oqar­pa?

▪ Aningaasiveqar­nis­saq taquaqar­nis­sarlu pil­lugit ilitsersuutini sooq Jesusip al­lan­ngor­tip­pai?