Kapitali 22

Ajoqersukkat sisamat qaaqquneqarput

NUNAQ­QATIMINIT toqutsiniaraluar­tunit aniguereerami Jesus il­loqarfim­mut Kaper­naumimut, Galilæap tasersuata sinaaniit­tumut, nuup­poq. Taamaalil­luni Esajasip siulit­tuutaasa ilaat eq­quup­poq. Tas­sa siulit­tuut Galilæamiut qaamanermik angisuumik takun­nin­nis­saan­nut tun­ngasoq.

Jesusip Naalagaaf­fim­mik oqaluus­sis­sutigin­nin­nermigut qaamanermik siaruar­teritil­luni, ajoqersuk­kami ilaat sisamat tamaani nas­saarai. Najorsimagaluar­paat, Judæamiil­li uteramik aalisar­ner­tik ingerlateq­qilersimavaat. Qular­nan­ngitsumik mas­sak­kut Jesusip ujar­pai, maan­na pif­fis­san­ngorsimam­mat aalajangersimasunik aalajaatsunil­lu, toquguni oqaluus­sinermik nangitsinis­samut ilin­niar­tis­sin­naasaminik, ikior­teqaler­nis­saminut.

Jesusip tatsip sinaagut ingerlaar­til­luni Simon Peter ikin­ngutaalu qas­sutimin­nik amoorisut takuleramigit or­nip­pai. Peterip umiatsiaanut ikivoq qin­nuigalugulu avalalaaq­qul­lugu. Avalalaareeramik Jesus umiatsiaami ingip­poq inun­nul­lu tatsip sinaaniit­tunut ajoqersuilerluni.

Taava Jesus Peterimut oqar­poq: „Itisuumut avalal­lutit qas­suseritsi pisaqaq­qul­lusi!“

„Ajoqersuisoq,“ Peter akivoq, „un­nuaq naal­lugu piniaraluar­pugut angilut­torlutalu; oqaatsil­li naalal­lugu qas­suserumaar­punga.“

Qas­sutitik ningik­kaal­lu aalisak­kat tak­kus­suutingaarmata qas­sutaat alit­tuler­put. Angutit umiatsiamut al­lamut aalaterinasuar­put ikioriar­toq­qul­lutik. Er­niin­narlu umiatsiat taak­ku marluk aalisak­kanik ulik­kaangaaramik puk­kitsuararsuan­ngor­put. Taman­nalu takugamiuk Peter Jesusimut pal­lor­poq oqarlunilu: „Naalagaq, qiman­nga, inuugama ajor­tilik!“

„Erseqinak!“ Jesus akivoq. „Maan­namiit inun­nik pisaqar­tarumaar­putit.“

Aam­mat­taaq Peterip qatan­ngutaa Andreas Jesusip qaaq­quaa. „Malis­singa,“ oqarfigai, „inun­nik aalisar­tun­ngor­tik­kumaar­pas­si.“ Aalisaqatigisaat, Jakob Johan­nesilu, Zebedæusip er­neri, aam­ma qaaq­quai, taak­kut­taaq akuersinasuar­put. Aalisar­tuuner­tik taamaatip­paat tas­saalerlutil­lu Jesusip ajoqersugai siul­liit sisamat taas­sumin­nga sumul­luun­niit malin­nit­tuar­tut. Lukas 5:1-11; Mattæus 4:13-22; Markus 1:16-20; Jesaja 9:1, 2.

▪ Sooq Jesusip maleq­qul­luni ajoqersuk­kat ilaat kajumis­saar­pai, kik­kuup­pal­lu?

▪ Tupin­nar­tuliap suup Peter ersilersip­paa?

▪ Aalisar­neq qanoq it­toq suliareq­qul­lugu Jesusip ajoqersuk­kani qaaq­quai?