Kapitali 45

Anersaapiloqar­simasoq ajoqersugan­ngorpoq

JESUS nunamut ikaarami an­nilaar­naqisumik takusaqar­poq. Angutit qaasul­luin­nar­tut marluk iliveqarfim­mit qanit­tumiit­tumit agger­put tungaanul­lu ar­palerlutik. Anersaapilun­nit pulaneqarsimasuup­put. Angutip aap­paa aap­parminit qaasun­nerul­lunilu sivisunerusumik anersaapilun­nit sun­nersimaneqar­toor­pasip­poq, taamaat­tumil­lu maluginiar­nar­nerul­luni.

Angut naak­kinar­toq taan­na sivisuumik ilerrit akor­nan­ni najugaqarsimavoq atisaqarsimananilu. Kipisuitsumik, ul­loq un­nuarlu, nil­liasar­poq ujaq­qanil­lu im­minut anaaler­tarluni. Qaasungaarmat saneq­qun­nis­saa qunugineqaqaaq. Qilersor­neqarsimagaluar­poq, kalun­neril­li kit­torar­tar­pai savimer­nil­lu isik­kaminut qilerutsius­sat aseror­tarlugit. Kik­kut tamarmik ar­tor­paat.

Angut anersaapilulik taan­na Jesusimut qanil­liar­tor­til­lugu isigaanul­lu pal­lormat anersaapiluit suaar­tar­tip­paat: „Ilagin­nan­nga, Jesusiaa Guutip qutsin­nerus­saar­tup Er­nera, ilungersorlunga Guuti naq­qis­sigalugu piumaf­figaak­kit an­niar­teq­qunanga.“

„Anersaaq mingut­tooq uumaa, inum­mit uuman­nga aniit!“ Jesus oqar­poq, aperalunili: „Qanoq ateqar­pit?“

„Legion ateraara, amerlaqigat­ta,“ akineqar­poq. Pis­saaneqarfigisamik qanoq an­niar­tis­sin­naatiginerat takul­lugu anersaapiluit nuan­naarutigisarunar­paat, qunutoor­pasil­lutil­lu amerlasuuk­kaarlutik saas­sus­sisarlutik. Jesusili naapik­kamik­ku ilungersorlutik qin­nuigaat itinersuarmukar­teq­qunatik. Jesusip pis­saaneqangaas­susia takoq­qip­par­put; al­laat anersaapiluit ajorluin­nar­tut ajugaaf­figisin­naavai. Pisup tamatuma ersersip­paat­taaq anersaapiluit nalun­ngik­kaat Guutip eq­qar­tuus­sutaata kingunerisaanik siulersor­ter­til­lu, Satan, itinersuarmut igitaajumaarlutik.

Qaq­qami qanit­tumiit­tumi puulukit 2000-it mis­saan­niit­tut ataatsimoor­tut ip­put. Taava Anersaapiluit Jesus qin­nuigaat: „Puulukinut ukunun­nga aal­lar­titsigut taak­kunun­nga pulaq­qul­luta.“ Pin­ngor­titat uinil­lit aal­lil­lu pulaf­figineri qular­nan­ngitsumik anersaapiluit pis­susis­samisuun­ngitsumik an­niar­titsiumatoor­palaar­tumil­lu nalerisimaarutigisar­paat. Puulukinut pulanis­saan­nik Jesusip akuerim­magit nersutit 2000-it qaq­qap sinaanut pangal­lutiler­put tatsimul­lu nak­karamik ajunaarlutik.

Puulukinik paarsisut takusar­tik il­loqarfim­mi eq­qaanilu oqalut­tuaripal­lap­paat. Susoqarsimanersorlu takuniarlugu inuit aggialer­put. Tamaani takuaat angut anersaapiloqarsimasoq Jesusip isigaasa saan­ni is­siasoq — atisaqarluni silaminil­lu silaqarluni!

Angutil­lu qanoq pineqarsimanera puulukil­lu eq­qumiitsumik toqunerat pil­lugu takun­nit­tut oqalut­tuaqat­taar­put. Taman­na inuit tusaramik­ku ersingaaler­put, ilungersorlutil­lu Jesus qin­nuigaat qimaguteq­qul­lugu. Akueriin­nar­pai umiatsiamul­lu ikil­luni. Anersaapiloqarsimasoq ilaajumagaluar­toq Jesusip oqarfigaa: „Il­lun­nut angerlarit ilan­nut, oqalut­tuul­lugil­lu qanoq atsigisumik [Jehovap] pisimagaatit nal­lit­torsimal­lutil­lu.“

Jesusip ajorun­naarsitani al­lanut oqalut­tuaq­quneq ajoraluar­pai, kis­saatigin­ngin­namiuk oqalut­tuat uis­suum­minar­tut tun­ngavigalugit inuit isum­mer­tar­nis­saat. Maan­nali taamaaliun­ngin­nis­saminut pis­sutis­saqarluar­poq, angutim­mi anersaapiloqarsimasup taas­suma inuit nam­mineq at­taveqarfigisin­naan­ngisani oqaluus­sif­figisin­naas­savai. Angul­lu taan­na takus­sutis­saas­saaq Jesusip ajun­ngitsulior­nis­samut pis­saaneqar­neranut, taamaalil­lunilu puulukinik an­naasaqar­neq pis­sutigalugu pitsaan­ngitsumik oqal­lisaasin­naasut il­luatungilerlugit.

Jesusip oqaasii anersaapiloqarsimasup malip­pai. Jesusip im­minut iliuuserisimasai pil­lugit Dekapolisimi tamarmi oqaluus­sivoq, tamarmil­lu tupigusul­luin­nar­put. Mattæus 8:28-34; Markus 5:1-20; Lukas 8:26-39; sarĸúmersitat 20:1-3.

▪ Angutit anersaapilul­lit aap­paata maluginiar­neqar­neruneranut suna pis­sutaan­nguatsiar­pa?

▪ Anersaapiluit qanoq ilil­lutik ersersip­paat qanoq siunis­saqarlutik?

▪ Anersaapiluit inun­nut uumasunul­lu pulajumasar­nerat sumik pis­suteqan­nguatsiar­pa?

▪ Sooq Jesus ajorun­naarsitaminik al­lanut oqalut­tuaq­qusisan­ngik­kaluarluni angut anersaapiloqarsimasoq taamaalioq­quaa?