Kapitali 88

Angut pisoorsuaq Lazarusilu

JESUSIP ajoqersuk­kani timip piinik eq­qor­tumik atuinis­samik oqalut­tuuteq­qam­mer­pai, pisuus­sutit Guutilu ataatsik­kut kif­far­torfigineqarsin­naan­ngitsut nas­suiaramiuk. Farisæerit, tamatumin­nga tusar­naar­tut­taaq, aningaaserituugamik Jesus asis­suer­palut­tumik oqarfigisaqat­taaler­paat. Taamaat­tumik oqarfigai: „Ilis­si tas­saavusi inuit saan­ni im­min­nik iluar­tuutit­tut; Guutil­li uum­matisi ilisimavai; inun­nimi akitsisut Guutimut maajun­nar­tar­put.“

Maan­na timip piinik pisoorsuit imaluun­niit up­perisarsior­nik­kut naalak­kersuinik­kul­lu pis­saanil­lit pif­fis­saarutiler­put. Inuit taak­ku nikanarsar­neqarumaar­put, anersak­kul­li pisariaqar­titamin­nik miserratigin­nin­ngitsut qutsis­sisitaajumaar­put. Taman­na Jesusip tik­kuar­paa, farisæerit nangil­luni oqarfigalugit:

„Inatsisit pruf­fiitil­lu Johan­nesimut [Kuisisumut] kil­leqar­put; tas­san­ngalu Guutip naalagaaf­fianik iivangkiiliu oqaluus­sis­sutigineqaler­poq, nalingin­naal­lu angutaaserlutik tas­sunga iser­niar­put. Qilaal­li nunal­lu nungun­nis­saat ajor­nar­toqan­ngin­neruvoq titar­nin­nguup ataatsip inatsisinit [eq­quutin­ngin­nis­saanit].“

Al­lak­kanik ilisimasut farisæeril­lu Mosesip inatsisai maleruar­nerar­paat, usorsisimaarutigalugulu. Jesusip Jerusalemimi tupin­nar­tulior­nik­kut angut tap­piitsoq tap­pis­sisim­magu pingaakujul­lutik oqarsimap­put: „Uagut Mosesip ajoqersugaraatigut. Moses Guutip oqaluf­figigaa ilisimavar­put.“ Maan­nali Mosesip inatsisaasa siuner­tar­tik naam­mas­sereersimavaat, tas­sa maniguut­tut Guutip kun­ngin­ngor­titaanut Jesusimut siulersorlugit. Johan­nesip kif­far­tuler­neranit inuit as­sigiin­ngitsut, ingam­mik maniguut­tut piitsul­lu, Guutip naalagaaf­fiani in­nut­tan­ngor­niarlutik ilungersorsimap­put.

Mosesip inatsisaasa siuner­tar­tik naam­mas­sereermas­suk, maleruar­nis­saat pisariaarup­poq. As­sigiin­ngitsunik peq­quteqarluni avin­neq Mosesip inatsisaani akuerineqar­poq, maan­nali Jesus oqar­poq: „Kinaluun­niit nulii avil­lugu al­lamik nuliar­toq ar­naaneqar­poq; kinaluun­niil­lu uiminit avin­nikumik nuliar­toq ar­naaneqar­poq.“ Farisæerit taman­na uumitsaatigisimas­saqaat, ingam­mik eq­qarsaatigalugu avin­nis­samut peq­qutis­sanik amerlasuunik akuerin­nit­tar­nerat!

Suli farisæerit oqaluf­figalugit Jesus maan­na as­sersuusior­poq angutit marluk inuiaqatigiin­ni inis­sisimanerata pis­sutsil­lu atugaasa al­lan­ngorluin­nar­nerat pil­lugu. Angutit marluk taak­ku kik­kun­nut as­sersuutaanersut, pis­sutsil­lu atugaasa al­lan­ngor­nerat qanoq paasisariaqar­nersut nalun­ngiliuk?

„Inoqar­poq pisoorsuarmik,“ Jesus piler­poq, „taan­na aap­pal­laris­sumik ilupaas­siaris­sumil­lu an­noraaqar­tar­poq, ul­lul­lu tamaasa nuan­naarluni inuul­luaan­nar­poq. Piitsoqar­porlu Lazarusimik atilim­mik, taan­na iser­tarfiata saani nalavoq kilat­torsuul­luni. Nak­kaalanikul­lu pisoorsuup nerrivianit nak­kar­tut qaarsil­laatigiumagaluar­pai; aam­mali qim­mit aggersar­put kilai alut­torlugit.“

Pisoorsuaq juutit up­perisarsior­nik­kut pisor­taan­nut as­sersuutaavoq, farisæerit al­lak­kanil­lu ilisimasut kisimiun­ngitsoq, aam­mali saddukæerit palasiuneril­lu. Anersaak­kut pisin­naatitaaf­fiit eq­qarsaatigalugit pisoorsuup­put, pisoorsuar­tul­lu iliuuseqar­tarlutik. Atisaasa kun­ngik­kormiupalut­tumik aap­pal­laris­suunerat nuimasuuneran­nut as­sersuutaavoq, ilupaas­siaris­sul­lu qaqor­tut as­sersuutaap­put im­min­nut iluar­tuutin­niar­tuuneran­nut.

Pisoorsuit pingaar­niar­tut taak­ku inun­nik piitsunik, nuiman­ngitsunik asis­suisuup­put, ‛am ha’aʹræts-inik (nunaan­narmiut-nik, imaluun­niit asimiut-nik) taasarlugit. Qinusar­toq Lazarus inun­nut taak­kunun­nga as­sersuutaavoq, up­perisarsior­nik­kut pisor­tat pisin­naatitaaf­fin­nik iluamil­lu anersaak­kut inuus­sutis­sanik erliguus­saan­nut. Soorlu Lazarus kilat­torsuusoq, inuit nalingin­naat anersaak­kut nap­parsimasutut qim­mil­lu ilagiin­nagas­saat­tut taak­kua isigaat. Katersal­li Lazarusitut it­tut anersaak­kut inuus­sutis­sanik perliler­put qilalerlutil­lu taamaat­tumil­lu iser­tarfim­mi nalap­put, anersaak­kut inuus­sutis­sat nak­kaalanikut pisorsuup nerrivianit nak­karsin­naasut piniar­niarlugit.

Taava Jesusip pisoorsuarmut Lazarusimul­lu al­lan­ngor­nerit piumaar­tus­sat eq­qar­tor­pai. Taak­ku suup­pat, sumul­lu as­sersuutaal­lutik?

Pisoorsuaq Lazarusilu paarlaapput

Up­perisarsior­nik­kut pisor­tanut anersaak­kut sal­liutitaal­lutil­lu pisin­naatitaaf­feqar­titaasunut pisoorsuaq as­sersuutaavoq. Inun­nut anersaak­kut perlilersunut Lazarus as­sersuutaavoq. Maan­nali Jesus oqalut­tuar­poq pis­sutsit angutit marluk taak­kua atugaat al­lan­ngorluin­nas­sasut.

„Pivorli piitsoq toqum­mat,“ Jesus oqar­poq, „taava in­ngilit Abrahamip saanut aap­paat. Aam­mat­taaq pisoorsuaq toquvoq ilisaal­lunilu. Toqusul­lu inaan­ni isini aarlor­tik­kamigit an­niarisaqarluni, Abraham ungasis­sumi takuler­paa, Lazarusilu saaniit­toq.“

Pisoorsuaq Lazarusilu inuun­ngim­mata piviusut tamarmil­li inun­nut as­sigiin­ngitsunik atugalin­nut as­sersuutaal­lutik, toqunerat aam­ma as­sersuutaasumik paasisariaqar­poq. Toqunerat qanoq paasisariaqar­pa?

Jesusip al­lan­ngor­nis­saq oqalut­tuareq­qam­mer­paa oqarami ’inatsisit pruf­fiitil­lu Johan­nesimut kil­leqar­tut; tas­san­ngalu Guutip naalagaaf­fianik iivangkiiliu oqaluus­sis­sutigineqalersoq’. Taamaat­tumik Johan­nesip Jesusil­lu oqaluus­sinerat pis­sutigalugu pisoorsuaq Lazarusilu tamarmik pis­sutsit atuk­katik eq­qarsaatigalugit ’toqup­put’.

Katersanut Lazarusitut it­tunut maniguul­lutik peq­qis­simisunut ilaasut, anersaak­kut nikanarsutsimin­nit ’toqup­put’ akerlianil­lu Guutimit iluarisaalerlutik. Sior­natigut up­perisarsior­nik­kut pisor­tat nerrivian­nit anersaak­kut nak­kaalanikut isumal­luutigisimagaluarlugit, maan­na ajoqersuutinit ilumoor­tunit Jesusip oqaluus­sis­sutigisaanit anersaak­kut qaarsil­lar­taler­put. Taamaat­tumik sal­liusumi inis­sisimaler­put, Abrahamip an­nerup, Jehova Guutip, saanilusooq inis­sisimalerlutik.

Akerlianil­li katersanut pisoorsuar­tut it­tunut ilaasut Guutimit iluarineerup­put Guutip naalagaaf­fianik tusagas­saq Jesusip oqaluus­sis­sutigisaa ilas­siuman­ngin­namik­ku. Taamaat­tumik sal­liutitaasimaner­tik eq­qarsaatigalugu ’toqup­put’. Aap, as­sersuutitut an­niar­titaasutut al­laatigineqar­put. Pisoorsuup oqaasii tusariak­kit:

„Ataataq Abraham! Naak­kigin­nga, Lazarusilu aal­lar­tik­kiuk, tikermi nuua imermut misul­lugu oqara nil­larsarliuk; matumani ikualasorsuarmi erloqisin­neqangaar­punga.“ Guutip eq­qar­tuus­sutai ikumasutut it­tut Jesusip ajoqersugaanit oqaluus­sis­sutigineqar­tut inun­nit ataasiak­kaanit pisoorsuar­tut katersanut ilaasunit an­niaatigineqar­put. Ajoqersuk­kat tusagas­sanik tamak­kunin­nga oqaluus­siun­naar­nis­saat kis­saatigaat an­niar­ner­tik mil­linias­sam­mat.

„Abrahamil­li akivaa: ’Eq­qaaniarit er­nera, ajun­ngitsorsiatit inuutil­lutit pigak­kit, Lazarusil­li taamaal­luni ajor­tut pim­magit; maan­nali taan­na maani tup­pal­lersar­neqar­poq, il­lil­lu erloqisin­neqar­putit. Tamak­kuli tamaasa ilal­lugit qun­nersuaq uagul­lu ilis­silu akun­nitsin­ni aalajangersagaavoq, tamaan­nga ilis­sin­nut ingerlajumasut sapersil­lugit, ikan­ngaluun­niit uatsin­nut ikaar­toqar­naveersil­lugu.’“

Pis­sutsit katersat Lazarusitut it­tut pisoorsuar­tul­lu it­tut atugaasa akor­nan­ni al­lan­ngor­nersuaq taman­na eq­qorluar­tuuvoq! Pis­sutsit al­lan­ngor­nerat taman­na qaam­matialuit tamatuma kingor­na ikiumi 33-mi ul­lormi piinsimi naam­mas­sineqar­poq, angeruseq tun­ngavigalugu inatsisit pisoq­qat angerusisaamik taarser­neqarmata. Taamanik­kut kik­kut tamarmik paasisin­naas­savaat ajoqersuk­kat Guutimit iluarisaasut, farisæeril­lu up­perisarsior­nik­kul­lu pisor­tat al­lat taamaan­ngitsut. ’Qun­nersuaq’ pisoorsuarmik as­sersuutaasumik Jesusil­lu ajoqersugaanik avis­saaq­qatitsisoq tas­saavoq Guutip eq­qar­tuus­sutaa al­lan­ngor­tus­saan­ngitsoq naaper­tuil­luar­toq.

Pisoorsuup taava ’ataataq Abraham’ qin­nuigaa ’Lazarus ataatami il­luanut aal­lar­teq­qul­lugu — tal­limanik qatan­nguteqarami’. Taamaalil­luni pisoorsup miserratigin­ngilaa ataatamut al­lamut atas­suteqarluni; ataataq taan­na tas­sar­piaavoq Satan Diaavulu. Guutip eq­qar­tuus­sum­mik tusarlius­saanik Lazarusip sak­kukil­lisitsinis­saanik pisoorsuaq qin­nuteqar­poq ’qatan­ngutini tal­limat’, tas­sa up­perisarsior­nik­kut iligisai, „an­niarfim­mut matumun­nga peq­qunagit“.

„Abrahamip akivaa: ’Mosesip pruf­fiitil­lu al­lagaat pigaat, taak­ku tusarlisigik!’“ Aap, ’qatan­ngutit tal­limat’ an­niar­titaarusun­ngik­kunik, Mosesip pruf­fiitil­lu al­lagaat Jesusip Mes­siasiuneranik up­per­narsaasut naalaan­nar­tariaqar­paat, taas­sumun­ngalu ajoqersugan­ngorlutik. Pisoorsuarli akerliliivoq: „Naaggali, ataataq Abraham! Kisian­ni toqusut ilaata or­nip­patik al­lamik isumataaq­qajaqaat.“

Pisoorsuarli oqarfigineqar­poq: „Moses pruf­fiitil­lu tusan­ngik­kunik­kik, up­peris­san­ngilaat­taaq toqusunit makit­toqaraluar­pal­luun­niit.“ Guutip inuit qularun­naarsin­niarlugit nalunaaq­qutit tupin­nar­tulial­luun­niit im­mik­kut it­tut pilersin­nian­ngilai. Guutimit iluarisaaniaraan­ni Bibeli atuar­tariaqar­poq oqaatsil­lu tas­saniitut maleruarlugit. Lukas 16:14-31; Johannes 9:28, 29; Mattæus 19:3-9; Galâsiamiut 3:24; Kulorsamiut 2:14; Johannes 8:44.

▪ Pisoorsuup Lazarusil­lu toqunerat sooq as­sersuutitut paasisariaqar­pa, sumul­lu as­sersuutaava?

▪ Al­lan­ngor­nerit suut Johan­nesip kif­far­tuus­siler­neranit pisimasut Jesusip takutip­pai?

▪ Jesusip toqunerani suna peer­neqar­pa, taman­nalu avin­nermik apeq­qum­mut qanoq sun­niuteqar­pa?

▪ Pisoorsuaq Lazarusilu kik­kun­nut as­sersuutaap­pat?

▪ Pisoorsuaq qanoq ilil­luni an­niar­titaava, an­niarun­naamiumal­lunilu suna qin­nutigaa?

▪ ’Qun­nersuaq’ sumut as­sersuutaava?

▪ Pisoorsuup kina ataatagivip­paa, qatan­ngutaalu tal­limat kik­kun­nut as­sersuutaap­pat?