Kapitali 119

Annasimukaan­neqarpoq, taavalu Kajfasimukaan­neqarluni

PINERLUT­TUTUT qilersor­neqarsimal­luni Jesus angum­mut sun­niuteqarluar­tumut, aq­qaneq-marlun­nik ukioqarluni naalaf­fim­mi juutit ajoqersuisuinik tupigusutsitsinermi nalaani palasiunerusimasumut, An­nasimukaan­neqar­poq. An­nasip er­nerisa ilaat arlaqar­tut kingor­na palasiunerusarsimap­put, maan­nak­kul­lu ningaava Kajfas taamatut atorfeqar­poq.

Jesus An­nasip angerlarsimaf­fianukaateq­qaar­neqar­poq qular­nan­ngitsumik pis­sutigalugu An­nasip juutit up­perisarsior­neran­ni sivisuumik nuimasor­taasimanera. Taavun­naateq­qaar­neqar­nera iluatsil­lugu palasiunerup Kajfasip Sanhedrinimut, juutit eq­qar­tuus­sisuunerinut, ilaasor­tat 71-iusut, katersor­tip­pai, sal­lul­lutil­lu nalunaajaasus­sanik pis­sarsiupal­lal­luni.

Maan­na palasip qul­lersaasup, An­nasip, Jesus apersor­paa ajoqersugai ajoqersuutaalu pil­lugit. Jesus akivoq: „Iser­tuar­nanga silarsuarmut oqalut­tar­punga; naalagiar­tarfin­ni naalaf­fim­milu ajoqersuisaan­nar­punga, juutit kik­kul­luun­niit katersor­tarfiini; iser­torlunga oqalun­ngisaan­nar­punga. Sooq taava apersor­pinga? Oqaluf­figisak­ka oqaatsin­nik tusarsimasut apersuk­kit, taak­kua oqaatsik­ka ilisimavaat.“

Taamaalisorlu kif­fat ilaata Jesus isap­paa oqarlunilu: „Palasiuneq taama akis­saviuk?“

„Ajor­tumik oqalus­simaguma,“ Jesus akivoq, „ajorsusia nalunaajaruk; iluar­tumil­li oqalus­simaguma sooq patip­pinga?“ Taava An­nasip Jesus qilersorsimasoq Kajfasimukaatsip­paa.

Palasiunerit, utoq­qaaner­tat al­lak­kanil­lu ilisimasut tamarmik, aap Sanhedrinimut ilaasor­tat tamarmik, aggial­lutik tamak­keriar­tor­put. Ataatsimiif­fis­saat tas­saagunar­poq Kajfasip angerlarsimaf­fia. Poorskip un­nuaani eq­qar­tuus­sinis­saq juutit inatsisaan­nut akerliul­luin­nar­poq. Taman­nali soqutiginagu up­perisarsior­nik­kut pisor­tat pilersaarutipilutsik naam­mas­siniar­paat.

Taman­na sapaatit-akun­nerinik arlalin­nik sioq­qul­lugu — tas­sa Jesusip Lazarus makitim­magu — Sanhedrinimut ilaasor­tat tamarmik isumaqatigeereersimap­put Jesus toqumut eq­qar­tuun­niarlugu. Ul­lunil­lu marlun­nik man­na sioq­qul­lugu — pingasun­ngor­nermi — up­perisarsior­nik­kut pisor­tat isumalioqatigiis­simap­put peq­qusersusaar­tumik tigusariniarlugu toqun­niarlugulu. Iluamik oqaatigalugu, Jesus eq­qar­tuun­neqareersimavoq, suliluun­niit eq­qar­tuus­sisunut sas­sar­tin­neqarani!

Maan­na Jesusimik eq­qar­tuus­sisunut sas­sar­titsis­sutaasin­naasumik sal­lusumik un­nerluus­sisus­sarsior­toqar­poq. Un­nerluus­sutaal­li im­min­nut naaper­tuutin­ngil­lat. Taava marluk sas­sar­put oqarlutil­lu: „Tusar­par­put ima oqar­toq: ’Naalaf­fik man­na as­san­nik sanasimasoq ingutserumaar­para, ul­lul­lu pingasut naagin­narlugit al­la as­san­nik sanasiman­ngitsoq qarmas­savara.’“

„Akinian­ngil­luin­nar­pit?“ Kajfas aperaaq. „Ukua qanoq pasil­ler­paatsit?“ Jesusili akin­ngilaq. Sal­lusumik un­nerluus­sisut un­nerluus­sutaata tamatuma up­per­narsaatiginiak­kamin­nut aam­ma naaper­tuutin­ngin­nera Sanhedrinimut ilaasor­tat nikanarsaatigaat. Taamaat­tumik palasiuneq al­latut misiliiniaan­naler­poq.

Kajfasip nalun­ngilaa Guutimut er­nerunerar­toqar­pat juutit aalas­sak­kasuas­sasut. Sior­natigut marloriarlutik Jesus Guutimut mital­lersutut taamaat­tumil­lu toqumut pil­lar­tariaqar­tutut naqis­susipal­las­simavaat, isumaqarlutik Guuti naligineraraa. Taamaat­tumik peq­qusersuumik Kajfas maan­na aperaaq: „Guuti uumasoq naq­qis­sigalugu up­per­narsaaq­quak­kit oqarfigeq­qul­luta il­lit taan­naanersutit Kristus Guutip Er­nera.“

Juutil­li qanorluun­niit isumaqaraluar­pata, Jesus Guutip erneraa. Akin­ngip­pal­lu isumaqas­sap­put Mes­siasiusorineqan­ngin­nini akuerigaa. Taamaat­tumik sapiil­luni Jesus akivoq: „Taan­naavunga. Takujumaar­parsi Inuup Er­nera Pis­saanerup taler­piata tungaani is­siasoq qilaal­lu nuiaasigut aggersoq.“

Kajfasip tupaal­lan­naqisumik atisani alit­tor­pai nil­lerlunilu: „Guuti mitaatigim­magu nalunaajaasumik al­lamik pisariaqar­ner­pa? Tas­sa mital­ler­nera maan­na tusar­parsi. Qanoq isumavisi?“

„Toquteq­qusariaqar­poq,“ Sanhedrinimut ilaasor­tat akip­put. Taava mitaatigalugulu asis­sor­paat. Kiinaatigut qitserar­paat unatarlugulu. Al­lat kiinaa ulip­paat til­luarlugulu mital­lersumil­lu oqarlutik: „Kristus-iaa, eq­quiniarfigitigut, kia patip­paatit?“ Taamatut peq­qar­niitsumik inatsisinil­lu unioq­qutitsisumik ajor­tumeerinerit un­nuak­kut eq­qar­tuus­sinermi pip­put. Mattæus 26:57-68; 26:3, 4; Markus 14:53-65; Lukas 22:54, 63-65; Johannes 18:13-24; 11:45-53; 10:31-39; 5:16-18.

▪ Jesus sumukaan­neqaq­qaar­pa, taavanilu suneqar­pa?

▪ Taavalu Jesus sumukaan­neqar­pa, sunalu siuner­taralugu?

▪ Kajfasip qanoq ilil­luni Sanhedrinimut Jesus toqumut pil­lagas­san­ngor­titip­paa?

▪ Peq­qar­niitsumik inatsisinil­lu unioq­qutitsisumik ajor­tumeerinerit suut eq­qar­tuus­sinermi pip­pat?