Kapitali 65

Anngiortumik Jerusalemiliarneq

UKIUMI 32-mi ukiaavoq, nal­lius­sivil­lu tupiusaliorfik qanil­liar­tor­poq. Ukiumi 31-mi poorskimi juutit toqoriaraluarman­nili Jesusip Galilæami kif­far­tor­nini an­nerusutigut kil­lilersimaarsimavaa. Taamanimiil­li qular­nan­ngitsumik juutit ukiumut nal­lius­sivii pingasut najuuf­figiniaan­narlugit Jerusalemimiit­tar­poq.

Nam­mineq qatan­ngutaasa Jesus kajumis­saaler­paat: „Maan­nga aal­lar­na Judæamul­lu pil­lutit.“ Jerusalem Judæami il­loqarfiit pingaar­nersaraat, nunamilu tamarmi up­perisarsior­nik­kut qitiuvoq. Qatan­ngutai eq­qarsar­put: „Tamanut malugeq­qusoq iser­torluni sulisarin­ngi[laq].“

Naak Jakobip, Simonip, Josefip Judasil­lu angajumik, Jesusip, ilumut Mes­siasiunera up­perin­ngik­kaluarlugu nal­lius­sivim­mi katersuus­simasunut tamanut tupin­nar­tuliorsin­naas­sutsiminik takutitsinis­saa kis­saatigaat. Navianar­toqar­nerali Jesusip nalun­ngilaa. „Silamiut uumis­sorsin­naan­ngilaasi,“ oqar­poq, „uangali uumis­sor­paan­nga suliaat ajor­tuusut nalunaajaatigisarak­kit.“ Taamaat­tumik qatan­ngutini oqarfigai: „Ilis­si tap­pavunga nal­lius­siar­tor­niaritsi; uanga tamatumuuna nal­lius­siar­tun­ngik­kal­las­saanga.“

Nal­lius­sivik tupiusaliorfik ul­lunik arfineq-marlun­nik sivisus­suseqar­poq ul­lul­lu arfineq-pingajuan­ni naggataarutaasumik nal­liut­torsiualaar­neqar­tar­poq. Nal­lius­sivim­mi tamatumani ukiup nunalerif­fiusup naanera malun­nar­tin­niar­neqar­tar­poq, nuan­naarfiul­lunilu qujaniarfiusarluni. Angalasut amerlanersaat ingiaqatigalugit Jesusip qatan­ngutaasa aal­lar­neran­nit ul­lualuit qaangiut­tut Jesus ajoqersugaalu an­ngior­tumik aal­lar­put. Aq­qut amerlanerit ingerlavigisar­tagaat Jordanip kuus­suata sinaatigoor­toq pin­nagu aq­qut Samariak­koor­toq ingerlavigiumaneruaat.

Jesus malitsinilu Samariami nunaqarfiit ilaan­ni il­lusim­mavis­saqar­tariaqaramik ilatik siuar­tip­paat piareersaajar­toq­qul­lugit. Taavanimiul­li paasigamik­ku Jesus Jerusalemiliariar­tor­toq qanoq iliuuseqarfigiuman­ngilaat. Taman­na kamaatigalugu Jakob Johan­nesilu aperip­put: „Naalagaq! In­nermik qilam­mit nak­kaq­quseq­quisigut nungoq­qul­lugit?“ Taama siun­nersuuteqarmata Jesusip naveer­pai, nunaqarfim­mul­lu al­lamut ingerlaq­qip­put.

Ingerlatil­lugit al­lak­kanik ilisimasup Jesus oqarfigaa: „Sumul­luun­niit aal­laraluaruit malis­savak­kit.“ „Terian­niat siseqar­tar­put, tim­misal­lu qilaap ataaniit­tut ineqar­tar­put,“ Jesus akivoq, „Inuul­li er­nera niaq­quminut iigarfis­saqan­ngilarluun­niit.“ Taamalil­luni Jesusip al­lak­kanik ilisimasoq ilisimatin­niar­paa im­minut ajoqersugan­ngoruni arlaan­nik ujariatsisaqarumaar­toq, malun­nar­porlu al­lak­kanik ilisimasoq taan­na taama inooriaaseqar­nis­samut makitaval­laar­toq. Al­lamut Jesus oqar­poq: „Malin­nga.“ „Naalagaq! Iluariguk­ku ataataga iliar­toral­larumagaluar­para,“ angut akivoq.

„Toqungasut toqusor­tatik iliar­torlisigik,“ Jesus nalunaar­poq, „il­lil­li Guutip naalagaaf­fia [tamani, NV] oqaatigiar­toruk.“ Angutip ataataa toqusiman­ngin­nguatsiaraluar­poq, ataatanimi toqoq­qam­meraluar­pat tamaaniin­navian­ngik­kaluar­poq Jesusilu tusar­naarlugu. Angutil­li qin­nutigisaa tas­saavoq ataatami toqunis­saanut utaq­qigal­lar­nis­sani. Inuunermini Guutip naalagaaf­fianik mas­sak­korluin­naq sal­liutitsiler­nis­si piareersimaf­figin­ngilaa.

Jerusalemimut suli ingerlatil­lugit angut al­la Jesusimut oqar­poq: „Naalagaq, malis­savak­kit; iluariguk­kuli il­loqatik­ka inuul­luaq­qujar­toq­qaaral­larumagaluar­pak­ka.“ (NV)

Jesusip akivaa: „Is­sumut as­sal­latserut aqun­nialerlugu tunum­mut qiviar­toq, Guutip naalagaaf­fianut atorluarsin­naan­ngilaq.“ Jesusimut ajoqersugan­ngorumasut Naalagaaf­fim­mik kif­far­tuus­sinis­sar­tik siun­niusimasariaqar­paat. Soorlu as­sal­latserisoq siumut isigin­ngip­pat as­sal­latserutip qiporaasior­neri sangujoraalis­sasut, taamat­taaq pis­sutsit aaq­qis­suus­saanitoqaan­nut qiner­tut aq­qum­mit naas­saan­ngitsumik inuunermut sam­misumit al­lamut sangoriaan­naap­put. Johannes 7:2-10; Lukas 9:51-62; Mattæus 8:19-22.

▪ Jesusip qatan­ngutai qanoq ateqar­pat, qanorlu taan­na isigaat?

▪ Sooq Samariamiut taama inoroorsaan­ngitsigaat, aam­ma Jakobip Johan­nesil­lu qanoq iliorfiginiaraluar­paat?

▪ Aq­qutaani Jesus qanoq oqaloqateqaqat­taar­pa, qanorlu ilil­luni erseq­qis­sar­paa im­minut tunul­liul­luni kif­far­tor­nis­sap pisariaqas­susia?