Kapitali 44

Anorip naalappaa

JESUS ul­lumi ulapis­simaqaaq. Ilaatigut inup­pas­suit tatsip sinaaniit­tut ajoqersorsimavai kingor­nalu ajoqersuk­kani kisimiitil­lugit as­sersuutinik nas­suiaas­simal­lugit. Un­num­mat oqar­poq: „Akianut ikaar­ta!“

Galilæap Tasersuata kangisin­nerusor­taani nunap ilaa Dekapolisimik taaguutilik ip­poq. Aq­qip tamatuma nagguigaa grækerit oqaasiat deʹka, isumaqar­toq „qulit“, aam­ma poʹlis, isumaqar­toq „il­loqarfik“. Il­loqarfiit Dekapolisimiit­tut grækerit kulturian­nut qitiup­put, naak qular­nan­ngitsumik juuter­pas­suit­taaq tamaani najugaqaraluar­tut. Tamaanili Jesusip suliai kil­lilerujus­suup­put. Soorlu takujumaarip­put sivisuumik taavaniin­nis­saminut akor­nuser­neqar­poq.

Jesus akianukarusum­mat ajoqersugaasa umiatsiamut ikeqatigaat. Malugin­ngitsoor­neqan­ngil­lal­li. Sivitsorian­ngitsoq al­lat­taaq umiatsiamin­nut is­soraap­put malin­niarlugit. Or­nitaat ungasin­ngilaq. Tas­sami Galilæap Tasersua kilometerit 21-n­naat mis­saan­nisut isorar­tutigaaq an­ner­paamil­lu kilometerisut 12-isut atitutigaluni.

Jesus soorunami qasuvoq, taamaat­tumil­lu avalas­simatsiaan­narlutik umiatsiap aquanut akitserluni in­nar­poq itisuumil­lu sinilerluni. Apustilit ilar­paalui umiar­tor­tuup­put misilit­tagaqarluar­tut Galilæap Tasersuanilu aalisar­tarsimaqisut; taak­kua umiatsiaq ingerlatip­paat.

Paasinarsis­saarli umiar­tupiloor­nialersut. Tatsip, im­map qaavanit meterit 210-t mis­saan­ni qatsin­nerusumiit­tup, qatsunganera pisuul­luni tatsip qaavata kis­sar­nerunera, aam­malu anorit nil­ler­tut qaq­qanit qanit­tuneersut pis­sutaal­lutik, tas­san­ngaan­nar­tumik anoraasuarsuit pilersin­naap­put tatsimil­lu mal­lersorsuan­ngor­titseriataarsin­naal­lutik. Maan­na taamatut anorlileqaaq. Sivitsun­ngitsoq mal­lersorsuan­ngor­poq umiatsiaq im­matsileqalugu. Jesusili suli sinip­poq!

Umiar­tor­tut misilit­tagaqarluar­tut uitsateqalutik umiatsiaq aqun­niarsuaar­paat. Qular­nan­ngitsumik sior­natigut as­singusumik nalaataqareersimap­put. Tamatumuunak­kul­li nukil­laarluin­naler­put. Ajunaar­nis­sar­tik er­num­matigeqaat, Jesusilu itersar­paat. ’Naalagaq, ajunaalersugut soqutigin­ngiliuk?’ nil­ler­put. ’An­naatsigut, ajunaaqinaagut!’

Taava Jesus mas­sip­poq anorilu inal­lugu: „Nipaal­liit, siorsus­saarit!“ Taava anorersuarun­naar­poq qatsorlunilu! Ajoqersuk­kani aperai: ’Sooq nangiar­pisi? Suli up­persuseqalin­ngin­nas­si?’

Ajoqersuk­kat ersisorujus­suan­ngor­put, apereqat­taap­pul­lu: „Kinami-una anorimil­lu im­mamil­lu inatsisoq, naalak­kaal­lu?“

Pis­saaneq Jesusip ersersitaa angingaarami! Pin­ngor­titap nukiinut Kun­ngit­ta pis­saaneqar­nera ilisimal­lugu toq­qis­sinaqaaq. Naalagaaf­fim­minit nunarsuaq tamak­kiisumik isumagiler­pagu kik­kut tamarmik ajunaar­nersuar­nut pin­ngor­titap pilersitaanut isuman­naal­lisagaal­luin­nas­sap­put.

Anorersuarun­naareersoq Jesusip ajoqersugaasalu sineris­sap kip­pasin­nerusor­taa ajoratik tikip­paat. Im­maqa umiatsiat al­lat anorersuarmik nalaan­neqan­ngitsoorluin­narsimap­put utersimagamik ajoratil­lu apuus­simal­lutik. Markus 4:35–5:1; Mattæus 8:18, 23-27; Lukas 8:22-26.

▪ Dekapolis suua, sumiip­palu?

▪ Pin­ngor­titap pis­susii suut pisuul­lutik Galilæap tasersuani anoraasuarujus­suar­tar­pa?

▪ Ajoqersuak­kat umiar­tor­tutut misilit­tak­katik an­nas­sutigisin­naan­ngin­namik­kik qanoq ilior­pat?