Kapitali 28

Apeqqut iisinngin­niarnermut tunngasoq

30-mi Jesusip poorskisior­neranit ukioq ataasingajak qaangius­simavoq. Johan­nes Kuisisoq qaam­matini arlalin­ni par­naarus­saaq­qasimavoq. Kis­saatigaa ajoqersuk­kami Jesusimut ilan­ngun­nis­saat, tamak­keratil­li taamaaliorsimap­put.

Johan­nesip ajoqersugai Jesusimukar­put aperalugulu: „Sooq uagut farisæeril­lu qas­siinik iisin­ngin­niar­tar­pugut, ajoqersuk­katil­li iisin­ngin­niar­natik?“ Farisæerit sapaatip-akun­neranut marloriarlutik up­perisarsior­nermin­ni iisin­ngin­niar­tar­put, im­maqalu Johan­nesip ajoqersugai taama ileq­qoqar­put. Imaas­sin­naavor­taarli Johan­nesip par­naarus­saaq­qaneranik aliasuutigin­nin­ner­tik ersersin­niarlugu iisin­ngin­niar­tarsimasut, tupigusuutigalugulu Jesusip ajoqersugasa taamatut aliasun­nermik ersersitsin­ngin­nerat.

Jesusip akivai: „Katit­tus­sanut qaaq­qusat aliasus­sin­naap­pat uis­saq najor­til­lugu? Ul­lul­li nal­liuk­kumaar­put uis­sap taak­kunan­nga aal­larun­neqarfis­sai, taavalu iisin­ngin­niarumaar­put.“

Tamatuma Johan­nesip ajoqersugai eq­qaasit­tariaqaraluar­pai sior­natigut Johan­nesip nam­mineerluni Jesus uis­satut eq­qar­torsimagaa. Taamaat­tumil­lu Jesus maan­na tak­kus­simalermat Johan­nesip iisin­ngin­niar­nis­saq naleq­qus­sorinavian­ngilaa. Aam­mat­taaq Jesusip ajoqersugaasa taamaalior­nis­saq naleq­qut­tutut isigin­ngilaat. Kingusin­nerusuk­kut, Jesus toqum­mat, taas­suma ajoqersugai aliasul­lutil­lu iisin­ngin­niar­put. Makititaal­lunili qilaliarmat aliasut­tariaarul­lutil­lu iisin­ngin­niar­tariaarup­put.

Taava Jesus as­sersuusior­poq: „An­noraatoqaq ilaar­tor­tarin­ngilaat an­noraaminermik tasin­neqan­ngitsumik, ilaar­tor­nerminit an­noraaq aleq­qik­kumaarmat alin­neralu ajor­nerulerluni. Viin­nilu nutaaq poorusisoq­qanut im­miut­tarin­ngilaat, poorutsit qaas­sam­magit, viin­ni kuilus­sin­narluni poorutsil­lu aserorlutik; kisian­ni viin­ni nutaaq poorusisaanut im­miut­tar­paat.“ Iisin­ngin­niar­neq pil­lugu apeq­qum­mut qanoq at­tuumas­suteqar­pa?

Johan­nes Kuisisup ajoqersugai Jesusip paasitin­niar­pai nam­mineq ajoqersuk­kani juutit najoq­qutas­satoqaan­nut, soorlu iisin­ngin­niar­nermut najoq­qutas­samut, sungius­siniar­nis­saan­nik kimil­luun­niit ilimasuf­figineqarsin­naan­ngim­mata. Pal­lorfigin­nin­nermik aaq­qis­suus­saanitoqaq ator­tus­saajun­naarsimasoq ilaar­toriar­torlugu Jesus tikius­siman­ngilaq. Kristumius­suseq taamanik­kut juutius­sutsimut, inuit nam­min­neq piliaan­nik ajoqersuutigisalim­mut, naaper­tuut­tun­ngorsar­neqar­tus­saan­ngilaq. An­noraaminer­tut nutaatut an­noraaminitoq­qamut ilaar­tuutaasutut viin­nitul­luun­niit nutaatut poorusisoq­qamiit­tutut is­san­ngilaq. Mattæus 9:14-17; Markus 2:18-22; Lukas 5:33-39; Johannes 3:27-29.

▪ Kik­kut iisin­ngin­niar­tarsimap­pat, soorlu taamaalior­tarsimap­pat?

▪ Sooq Jesusip najoral­larmatik ajoqersugai iisin­ngin­niar­tangil­lat, toquneratalu kingor­na iisin­ngin­niar­nis­saq qanoq ilil­luni pisariaarup­pa?

▪ Jesus qanoq as­sersuusior­pa, qanorlu isumaqar­tip­pai?