Kapitali 3

Aqqutissamik piareersaasussap inunngornera

ELISABET meerar­taangajaler­poq. Qaam­matini pingasuni kingul­ler­ni Maria Elisabetimiip­poq. Maan­nali pif­fis­san­ngor­poq Nazaretimut ungaseqisumut angerlarluni aal­lar­nis­saanut. Ukiup af­faata mis­saa qaangiup­pat Mariat­taaq meerar­taas­saaq.

Mariap aal­lar­nerata kingunin­nguagut Elisabet meerar­taar­poq. Er­ninerup anigorluar­neqar­nera Elisabetil­lu meerar­taan­nguatalu peq­qil­luar­nerat kik­kun­nit tamanit nuan­naarutigineqaqaat! Meerar­taan­nguani saniliminut eq­qarliminul­lu takutim­magu tamarmik tipaatsoqatigaat.

Guutip inatsisai malil­lugit Israelimi nukap­piaraq inun­ngor­nermi kingor­nagut ul­lut arfineq pingajus­saan­ni kipineqar­tus­saavoq. Taman­na pil­lugu ikin­ngutit qanigisal­lu tak­kup­put. Oqar­put nukap­piaraq angutaanut Zakariasimut atsiun­neqar­tariaqar­toq. Elisabetili al­lamik isumaqar­poq. „Naaggali,“ oqar­poq. „Johan­nesimik ateqas­saaq.“ Eq­qaamajuk ateq taan­na meeq­qap atis­saatut in­ngili Gabrielip taasimam­magu.

Ikin­ngutaal­li akerliliip­put: „Taama atilim­mik eq­qarleqan­ngilatit.“ Ataataa us­sersorfigalugu aperaat nukap­piaraq qanoq ateqar­tik­kusun­neraa. Zakarias al­lat­tarfeeq­qamik tuneq­quvoq tamarmil­lu tupaal­laatigeqisaan­nik al­lal­luni: „Johan­nes ateraa.“

Taamaalisorlu tupin­nar­tuliak­kut Zakarias oqalus­sin­naaleq­qip­poq. Eq­qaamajun­narsivat Elisabetip meerar­taarumaar­nis­saanik in­ngilip oqaatigisaa up­periuman­ngin­namiuk Zakarias oqajuitsun­ngor­tin­neqar­toq. Maan­na Zakarias oqalulermat eq­qaan­ni najugal­lit tupigusuup­put im­min­nul­lu oqarfigalutik: „Naalungiaq taan­na qanormi taava iliumaar­pa?“

Maan­na Zakarias anersaamik il­ler­nar­tumik ilumioqangaaler­poq tipaatsoqalunilu oqarluni: ’Qujanarsili Jehovap Israelip Guutiata in­nut­tani tikeraarmagit uter­titaas­sutis­sarsil­lugit, naalersitsivigim­matigul­lu nas­sum­mik an­nas­sumik kif­fami Davidip il­luani.“ ’Nas­suk an­nas­sut’ soorunami tas­saavoq Naalagaq Jesus, suli inun­ngorsiman­ngitsoq. Taas­sumuuna, Zakarias oqar­poq, Guutip ’tuniumavaatigut, ersiorata qin­ngarsor­tit­talu as­saan­nit an­nas­simal­luta kif­far­tuutis­sagitsin­ni il­ler­narluta iluarlutalu kiin­nami saani ul­lut inuuf­figisas­savut tamaasa naal­lugit’.

Nangil­luni Zakarias er­nini pil­lugu ima siulit­tuivoq: ’Il­lit naalungiaq-aa, Qutsin­nerus­saar­tup pruf­fiitianik taaneqas­saatit, Jehovap sior­nagut ingerlas­sagavit aq­qutis­saa iluarsas­sal­lugu in­nut­taalu ilisarsisis­sal­lugit an­nas­sum­mik ajor­taasa isumak­keer­neqar­neratigut pisumik Guutit­ta nal­lit­tuingaar­neragut. Tamatumuuna qutsin­nermit qaamasup tikeraar­paatigut qaam­marsarumal­lugit taarmiusut toqul­lu taar­titaani ineqar­tut isik­kavul­lu sam­misik­kumal­lugit aq­qum­mut eq­qis­sinar­tumut.’

Taamaalinerani Maria — suli katis­siman­ngin­nguatsiar­toq — Nazaretimut apuutereersimavoq. Naar­tunera paasinarsip­pat qanoq pineqas­saner­pa? Lukas 1:56-80; 3 Mosesimik allakkat 12:2, 3.

▪ Johan­nes Jesusimit qanoq utoq­qaanerutigaa?

▪ Johan­nes ul­lunik arfineq-pingasunik utoq­qaas­suseqalermat qanoq pisoqar­pa?

▪ Jehovap qanoq ilil­luni in­nut­tani sam­milersimavai?

▪ Johan­nes qanoq iliorumaar­toq siulit­tuutigineqar­pa?