Kapitali 131

Arlaleriarluni takutippoq, anersaarlu kuineqarpoq

JESUS apustiliminik aq­qaneq-marluusunik tamanik qaq­qami Galilæamiit­tumi naapeqateqar­nis­saminut piareersaateqar­poq. Ajoqersuk­kat al­lat taman­na tusarsiman­nguatsiar­paat, 500-nil­lu amerlanerusut aggiap­put. Tak­kus­simaner­tik tamarmik nuan­naarutigaat, Jesusimi saq­qum­mer­poq ajoqersulerlugil­lu.

Jesusip inup­pas­suar­nut ilaatigut oqalut­tuaraa qilam­mi nunamilu oqar­tus­saaneq tamaat Guutip im­minut tun­nius­simagaa. „Taamaat­tumik aal­laritsi, inun­nil­lu inuian­nit tamaneersunik ajoqersugan­ngor­titsigitsi,“ (NV) kajumis­saarivoq, „Ataatap Er­nerul­lu anersaal­lu il­ler­nar­tup aq­qanut kuil­lugit, ajoqersorsigil­lu ilis­sin­nut peq­qusak­ka tamaasa maleruaq­qul­lugit.“

Aap, angutit, ar­nat meeq­qal­lu tamarmik peq­quneqar­put ajoqersugan­ngor­titsior­torluni suliamut peqataanis­saan­nik. Oqaluus­sinerat ajoqersuineral­lu as­sor­tuisunit unitsin­niar­neqas­saaq, Jesusili tup­pal­lersaavoq: „Atalu, ul­lut tamaasa najor­pas­si pis­sutsit aaq­qis­suus­saanerata naggatis­saanut al­laat.“ Jesusip anersaaq-il­ler­nar­toq aq­qutigalugu ajoqersuk­kani najor­tuas­savai suliamin­nik naam­mas­sin­nin­niar­neran­ni ikiorlugit.

Makititaanermi kingor­na ul­lut 40-t ingerlaneran­ni pif­fin­ni as­sigiin­ngitsuni Jesus ajoqersuk­kaminut takutit­tar­poq, Guutip naalagaaf­fianik oqalut­tuut­tarlugit im­minul­lu ajoqersuk­katut sumik akisus­saaf­feqar­neran­nik erseq­qis­saaf­figisarlugit. Al­laat af­farmik qatan­ngutini Jakob saq­qum­merfigisimavaa, up­pin­ngitsuusimagaluar­torlu taan­na qularun­naarsil­lugu ilumut Kristusiunerminik.

Apustilit suli Galilæamiitil­lugit qular­nan­ngitsumik Jesusip nalunaarfigai Jerusalemimut uteq­qul­lugit. Jerusalemimilu naapik­kamigit „inap­pai Jerusalem qimaq­qunagu, ataatal­li un­nersuutaa utaq­qeq­qul­lugu oqarluni ’taman­na uan­nit tusar­parsi. Johan­nes imermik kuisigaluarmat ilis­si anersaamik il­ler­nar­tumik kuineqarumaar­pusi ul­lut amerlan­ngitsut qim­muup­pata’“.

Kingusin­nerusuk­kut Jesusip apustilini naapeqatigeq­qip­pai il­loqarfim­mil­lu an­nil­lugit, al­laat Betaniamut, Uuliap qaq­qaata kangimut sivingar­naniit­tumut, apuul­lugit. Naak Jesusip qanit­tuk­kut qilaliar­nis­saminik oqalut­tuut­tareeraluaqigaatik tupin­naan­nar­tumik suli isumaqar­put naalagaaf­fia nunami pilersin­neqas­sasoq. Taamaat­tumik aperip­put: „Naalagaq! Taamaalisuk­kut Naalagaaf­fik Israelik­kun­nut kingumut iluarsisis­saviuk?“

Paasinerluinerat naq­qeq­qin­nagu Jesus akiin­nar­poq: „Ilis­sin­nut nalunaariaqan­ngilaq qaquguluun­niit qanoq ilisuk­kul­luun­niit pis­sasoq, ataatap pis­saanermigut aalajangeriigaa.“ Taava sulias­saat erseq­qis­saq­qip­paa oqarluni: „Anersaap Il­ler­nar­tup ilis­sin­nut piumaar­tup pis­saanera pigilerumaar­parsi; nalunaajaasigiumaar­pas­silu Jerusalemimi Judæami tamarsuarmi Samariamilu nunal­lu isuanut al­laat.“

Taava apustilit isigitil­lugit qilam­mukarluni qangat­tar­poq, nuiamul­lu ersigun­naarmat isigiun­naar­paat. Uiniusumik timeqarun­naarluni Jesus anersaan­ngorluni qilaliar­poq. Apustilil­lu aq­qanil­lit qilam­mut isigitil­lugit angutit marluk qaqor­tunik atisal­lit sanian­ni saq­qum­mer­put. In­ngilit taak­ku inut­tut timilersimasut aperip­put: „Ukorsii angutit Galilæamiuususi sooq qeqar­pisi qilam­mul­lu aarlungal­lusi? Jesus taan­na ilis­sin­nit qilam­mut pavun­nar­titaasoq taamaal­luni tikiuk­kumaar­poq, soorlu qilam­mut aal­lar­toq takugis­si.“

Al­lanit malugineqarani, taamaal­laat apustilini aalajaatsut isigin­naar­toralugit, Jesus nunamit qimagup­poq. Taamatut­taaq is­saaq uter­pat — tas­sa malugineqarani, ajoqersugaasalu aalajaatsut kisimik paasisin­naas­savaat tikiuteq­qis­simasoq Naalagaaf­fiul­lu pis­saanerani najuun­nini aal­lar­nersimagaa.

Apustilit maan­na Uuliap Qaq­qaatigut atiler­put, Kedronip qoorua napil­lugu Jerusalemimul­lu iseq­qil­lutik. Jesusip peq­qus­sutaa naalal­lugu tas­sani unip­put. Ul­lut qulit qaangium­mata, juutit piinsisiorfian­ni ukiumi 33-mi, ajoqersuk­kat 120-t mis­saan­niit­tut Jerusalemimi inimi qul­lermi katersuup­put. Tas­san­ngaan­naq anorersuar­tut pitoraat­tutut qilam­mit it­tup­paluler­poq, il­lul­lu taak­kua katersuuf­figisaata ilua tamak­ker­paa. Taava oq­qat in­ner­tut it­tut saq­qum­mer­put isersimasul­lu tamaasa im­mik­kut qulangerlugit, ajoqersuk­kal­lu tamarmik oqaatsit as­sigiin­ngitsut atorlugit Guutip tupin­nangaar­tuliai oqaluus­sis­sutigisin­naaler­paat. Taman­na Jesusip neriorsuisimaneratut anersaaq-il­ler­nar­tumik kuisineruvoq! Mattæus 28:16-20; Lukas 24:49-52; 1 Korintumiut 15:5-7; Apustilit suliaannik allakkat 1:3-15; 2:1-4.

▪ Qaq­qami Galilæamiit­tumi Jesusip naggam­mik un­nersuus­sutini kik­kun­nut saq­qum­miup­pai, suup­pal­lu?

▪ Jesusip ajoqersuk­kani qanoq tup­pal­lersar­pai, qanorlu ilil­luni najor­tuas­savai?

▪ Makititaanermi kingor­na ul­lut qas­sit ingerlaneran­ni Jesus ajoqersuk­kaminut takutit­tar­pa, sumil­lu ajoqersor­pai?

▪ Toqun­ngik­kal­larami im­minut ajoqersugaasiman­ngin­nguatsiar­tumut kimut Jesus saq­qum­mer­pa?

▪ Jesusip apustiliminik naapeqateqar­nerini kingul­ler­ni marlun­ni susoqar­pa, sumilu pip­pat?

▪ Qanoq ilil­luni Jesus qimagun­nermisut tikiuteq­qis­sava?

▪ Piinsip ul­luani ukiumi 33-mi susoqar­pa?