Kapitali 43

Assersuutikkut ajoqersuineq

JESUSIP farisæerit naveeramigit Kaper­naumimiin­nguatsiar­poq. Ul­loq taan­na kingusin­nerusuk­kut Galilæap Tasersuanut qanit­tumiit­tumut inup­pas­suit katersuuf­figisaan­nut ater­poq. Tas­sani umiatsiamut ikivoq, avalal­luni inuil­lu nunamiit­tut qilam­miup naalagaaf­fia pil­lugu ajoqersulerlugit. Inuit nalun­ngisaat tas­sani as­sersuutigeqat­taar­pai.

Siul­lermik angut naatsiias­sanik siaruar­terisoq oqalut­tuaraa. Naatsiias­sat ilaat aq­quser­nup sinaanut tup­put tim­mis­sanil­lu nerineqarlutik. Ilaat ujarat­tuumut is­soqarluan­ngitsumut tup­put. Sorlaqarluan­ngin­namik seqineq kis­sam­mat naasut nutaat toqup­put. Ilaat kakil­lar­naqutit akor­nan­nut tup­put, naagamil­lu taak­kunan­nga ipitin­neqarlutik. Ilaal­li is­soris­sumut tup­put, ilaal­lu 100-riak­kanik, ilaat 60-eriak­kanik, ilaat 30-riak­kanik inerititaqar­put.

As­sersuusiami al­lami Guutip naalagaaf­fia angum­mut nak­kalatserisimasumut as­sersuup­paa. Ul­lut ingerlap­put, naatsiias­sal­lu naajar­tor­put, angut sinik­kaangat eq­qumagaangal­lu. Qanoq ilil­lutik naajar­tor­nersut angutip naluaa. Nam­min­nerluin­naq naajar­tor­put inerititas­saqalerlutil­lu. Karrit inerim­mata katersor­pai.

Jesusip pingajus­saanik as­sersuusiaraa angut naatsiias­saris­sunik nak­kalatserisoq. Inuit sinitsil­lugit akeraa tak­kup­poq inerititas­saqalersul­lu naatsiias­sapilun­nik siaruar­terif­figalugit. Angutip kif­faasa aperaat naatsiiapiluit nutsus­sanerlugit, akivaali: „Naagga; naatsiiapiluit nutsuk­kaluarus­sigik qajuusias­sat­taaq sorlaajaqinavasi. Tamarmik naaqatigiik­kilit katersuif­fik nal­liutserlugu, katersuif­fil­lu nal­liutiler­pat katersuisus­sat oqarfigiumaar­pak­ka: ’Naatsiiapiluit katersoq­qaarsigik, qilersorlugil­lu qiler­tan­ngor­tarlugit ikik­kar­neqaq­qul­lugit; qajuusias­sal­li quin­nut katersorsigik!’“

Tatsip sinaani inup­pas­suit Jesusip oqaluf­figitil­lugit suli marlun­nik as­sersuusiorfigai. Nas­suiaavoq Qilam­miup Naalagaaf­fiata as­sigigaa sen­nepip naatsiias­sar­taa angutip ik­kus­saa. Naak naatsiias­saq taan­na tamanit min­nerugaluarluni naajar­tor­poq naatitanil­lu tamanit an­nerulerluni. Or­pin­ngor­poq, tim­mis­sal­lu or­nit­tar­paat oq­quif­figisarlugulu.

Ul­lumik­kut inuit ilaat akerliliisar­put oqarlutik naatsiias­saqar­toq sen­nepip naatsiias­sar­taanit suli min­nerusumik. Tas­sanili Jesus naasunut tun­ngasunik ilin­niar­titsin­ngilaq. Naatsiias­sanit taamanik­kut Galilæamiut ilisimal­luagaan­nit tamanit sen­nepip naatsiias­sar­taa min­nersaasimavoq. Taamaat­tumik paasil­luarsin­naavaat naajar­tor­neq an­ner­tooq Jesusip oqalut­tuarigaa.

Naggataatigut Jesusip „Qilam­miup Naalagaaf­fia“ seer­narsaam­mut ar­nap qajuusanut uut­tuutit pingasut imaan­nut akulius­saanut as­sersuup­paa. Oqalut­tuaraa qajuusat tamaasa seer­nalersik­kumaarai.

Taamatut tal­limanik as­sersuusiorfigereeramigit Jesusip inup­pas­suit aal­lar­tip­pai, il­lumul­lu inisimaf­figisaminut uterluni. Kingunitsian­ngua tas­saniitil­luni apustiliminit aq­qaneq-marlun­nit al­lar­paalun­nil­lu or­nin­neqar­poq.

Assersuutit ajoqersukkanit ilinniutigineqarput

Jesus tatsip sinaani inup­pas­suar­nut oqaloreersorlu ajoqersugaasa or­nik­kamik­ku ajoqersueriaasia nutaaq pil­lugu paasisaqar­nerorusup­put. Aap, sior­natigut as­sersuusior­til­lugu tusar­naareersimagaluar­paat — taamatul­li an­ner­tutigin­ngitsumik. Taamaat­tumik aperaat: „Sooq as­sersuutitigut oqaluf­figaagit?“

Pis­sutaasut ilagaat pruf­fiitip oqaasiinik Jesusip eq­quutitserusun­nera: ’Qanera am­mas­savara as­sersuutileril­lunga, nalorsitsaarutit itsar­nitsat oqaaseris­savak­ka.’ (Nutsik­kamit qanganitsamit.) Al­lamil­li aam­ma pis­suteqar­poq: As­sersuusior­neq inuit uum­mataasa pis­susiinik qulaarisar­poq.

Eq­qor­tumik oqaatigalugu inuit Jesus soqutigaat oqalul­laq­qis­sorsuunera tupin­nar­tulior­tar­neralu piin­narlugit — imaan­ngitsoq nam­minis­sarsioratik Naalak­kamis­sut malik­kusuk­kamik­ku. Inooriaaser­tik pis­sutsinil­li isigin­nit­taaser­tik akor­nusersor­tik­kusun­ngilaat. Tusarlius­saq pigiliul­luin­narusun­ngilaat.

Taamaam­mat Jesus oqar­poq: „Taam­maat­tumik as­sersuutitigut oqaluf­figisaraak­ka. Isigigaluarlutim­mi takun­nin­ngil­lat, tusaraluarlutil­lu tusaan­ngil­lat paasisaqar­natil­lu. Taak­kunun­ngalu eq­quup­poq Esajasip takorluuk­kersaarutaa imaat­toq: ’. . . Inuiaam­mi ukua uum­mataat man­nger­titaap­put.’“

„Ilis­sili,“ Jesus nangip­poq, „isisi pil­luar­put takun­nit­taramik, siutisilu tusaasaramik. Ilumut oqarfigaas­si: pruf­fiitit iluar­tul­lu amerlasuut takusarsi takujumagaluaraat takunagulu, tusagarsilu tusarumagaluaraat tusar­nagulu.“

Apustilit aq­qaneq-marluk ilaal­lu man­nger­tuun­ngitsunik uum­mateqar­put. Taak­ku Jesusip oqarfigai: „Ilis­si tunineqar­pusi an­ngigisat Qilam­miup Naalagaaf­fiata pii ilisareq­qul­lusigik, taak­kuli taama tunineqan­ngil­lat.“ Oqaatsinilu ajoqersuk­kami paaserusum­matigik siaruar­terisumik as­sersuum­mik nas­suiaap­pai.

„Naatsiias­sat tas­sa Guutip oqaasia,“ oqar­poq, is­sorlu tas­sa inuit uum­mataat. Naatsiias­saq aq­quser­nup sinaanut nak­kar­toq pil­lugu nas­suiaavoq: „Diaavulup uum­mataan­nit oqaaseq peeriar­tor­paa, up­peq­qunagit an­naq­qunagil­lu.“

Naatsiias­saq is­sumut ujaraq­qor­tuumut tut­toq inun­nut nuan­naarlutik sal­lusuis­sum­mik ilas­sin­nit­tunut as­sersuutaavoq. Oqaaserli uum­matini taamaat­tuni sorlanil­luarsin­naan­ngim­mat inuit taak­ku misilin­neqalerunik malersor­neqalerunil­luun­niit nak­kaan­nas­sap­put.

Naatsiias­saq kakil­lar­naqutit akor­nan­nut tut­toq Jesusip as­sersuutaanerar­paa inun­nut oqaatsimik tusar­tunut inuunermili isumakuluutinit, pisuus­sutinit nuan­naar­niutinil­lu nusun­neqar­tunut. ’Ipititaap­put inerititaqar­natil­lu’.

Kiisalu naatsiias­saq is­soris­sumut tut­toq Jesusip tas­saanerar­paa ’oqaatsimik tusar­tut toq­qorlugulu uum­mam­mut pitsaasumut ajun­ngitsumut inerititaqalerlutil­lu nikal­lujuil­lutik’.

Ajoqersuk­kat Jesusimik as­sersuusiamik nas­suiaasitsisut pil­luaq­qusaangaar­put! Jesusip siuner­taraa as­sersuusiami paasineqar­nis­saat taamaalil­lutil­lu inun­nik al­lanik sal­lusuis­sum­mut pisitsinis­saat. „Naneruum­mik ikitsisup nap­par­tamik matusarin­ngilaa, is­siaviul­luun­niit ataanut ilisarin­ngilaa.“ Jesus oqar­poq. Aap, „naneruuserfim­mut ilisar­paa.“ Oqaatsinilu ilavai: „Taamaat­tumik sianiginiaritsi, qanoq ilil­lusi tusar­tusi.“

Ajoqersorneqar­nerunermik pilluaqqusaasut

Nak­kalatserisumik as­sersuut ajoqersuk­kat nas­suiar­tereeramik­ku suli paasisaqar­nerorusup­put. „Naatsiiapiluit narsaam­miit­tut pil­lugit as­sersuum­mik tamatumin­nga nas­suiaaf­figitigut,“ qinup­put.

Inuit tusar­naar­tut as­sersuutit paaserusup­piar­nagit qarsupit­tumiin­naq paasisaqar­ner­tik naam­magaat, ajoqersuk­kal­li taamaan­ngivip­put. Ajoqersuk­kat paasisaqarusul­luin­nar­tut im­minut saaf­figin­nit­tut tusar­naar­tul­lu sin­nerisa as­sigiin­ngis­sutaat pil­lugu Jesus oqar­poq:

„Uut­tuutigisas­sin­nik uut­tuif­figineqarumaar­pusi taperfigineqarumaarlusilu.“ Ajoqersuk­kat Jesusimut uut­tuutigisaat tas­sa piviusumik soqutigin­nin­nerat paasisaqarusus­susial­lu; taamaat­tumik ajoqersor­neqar­nerunis­samin­nik pil­luaq­qusaap­put. Qin­nutaat Jesusip akivaa:

„Naatsiias­saris­sunik siaruar­terisoq tas­sa Inuup Er­nera, narsaat tas­sa silarsuaq, naatsiias­saris­sut tas­sa Naalagaaf­fim­mi qitor­naasut, naatsiiapiluil­li tas­sa Ajor­tup qitor­nai. Qin­ngarsuisoq taak­kunin­nga siaruar­terisoq tas­sa Diaavulu; katersuif­fik tas­sa silap matuma naggatis­saa; katersuisus­sat tas­sa in­ngilit.“

As­sersuusiamini ataasiak­kaat taama nas­suiareeramigit iner­nis­saa oqalut­tuaraa. Pis­sutsit aaq­qis­suus­saanerata naggatis­saani, oqar­poq, kristumiut ilumuun­ngitsut, naatsiiapiluit, kristumiunit ilumoor­tunit, „Naalagaaf­fim­mi qitor­naasunit“, „katersuisut“ (in­ngilit) avis­saar­titerumaar­paat. „Ajor­tup qitor­nai“ suujun­naarsitas­san­ngor­tin­neqas­sap­put, Guutil­li naalagaaf­fiani qitor­naasut, „iluar­tut“, Ataatamik naalagaaf­fiani qaamal­luas­sap­put.

Ajoqersuk­kani paasisaqarusul­luar­tut as­sersuutinik aam­ma pingasunik Jesusip pil­luaq­quai. Siul­lermik oqar­poq: „Qilam­miup Naalagaaf­fiata erlin­nar­tuut iser­tugaq narsaam­mi iser­tugaq as­sigaa, taan­na inuup nas­saarigamiuk iser­toq­qip­paa, tipaatsuutigingaaramiul­lu pigisani tamaasa tuniar­tor­pai narsaat taan­na pisiaralugu.“

„Qilam­miup Naalagaaf­fiata,“ nangip­poq, „inuk niuer­tuusoq pitsaaner­nik sapan­ngaris­sorsior­toq as­sigaa; sapan­ngaris­sorlu ataaseq akisoorsuaq takugamiuk pigisani tamaasa tuniar­tor­pai taan­na pisiaralugu.“

Jesusip nam­mineq angut erlin­nar­tuum­mik iser­tuk­kamik nas­saar­toq niuer­torlu sapan­ngaris­sumik akisoorsuarmik nas­saar­toq as­sigai. Inut­tut inuulerumal­luni qilam­mi ataq­qinar­tumik inis­sisimanermi taamaatin­neratigut ’pigisani tamaasa tunisimavai’. Nunami inuunermini kan­ngunarsagaaneq malersor­neqar­nerlu nikal­lujuil­luni atorsimavai, ersersil­lugu Guutip naalagaaf­fiani naalak­kersuisuunis­saminut qin­ngaq­qun­nan­ngin­nini.

Kristusimik naalak­kersueqataaler­nis­samik imaluun­niit taas­suma naalagaaf­fianut in­nut­tan­ngor­nis­samik akis­sarsiamik angingaar­tumik perusul­luni pigisanik tamanik tunisinis­saq Jesusip ajoqersugaanut imaan­naan­ngitsutut is­sin­naavoq. Guutip naalagaaf­fianut ilaaneq inuunitsin­ni sunit tamanit naleqar­nerungaar­tutut, erlin­nar­tuutitut akisoorujus­suar­tut sapan­ngatul­luun­niit akisuutut, isiginer­par­put?

Naggataatigut Jesusip „Guutip Naalagaaf­fia“ aalisak­kanut nalingin­nar­nut qas­sutinut as­sersuup­paa. Aalisak­kat im­mik­koor­titer­neqar­put — atorsin­naan­ngitsut igin­neqar­put ajun­ngitsul­lu katersor­neqarlutik. Pis­sutsit aaq­qis­suus­saanerata naggatis­saanis­saaq taamaas­saaq, Jesus oqar­poq; ajor­tut iluar­tunit in­ngilit im­mik­koor­titis­savaat, ajor­tul­lu suujun­naarsin­neqas­sap­put.

Jesusip suliaq taman­na aal­lar­tip­paa, ajoqersuk­kani siul­liit „inun­nik aalisar­tun­ngor­til­lugit“. Ukiut hundredelik­kuutaat ingerlaneran­ni suliaq taman­na in­ngilinit siulersor­neqarluni ingerlan­neqarsimavoq. Taava „qas­sutit“ — nunami peqatigiif­fiit kristumiuunerar­tut — qaqin­neqarfis­saat nal­liutis­saaq.

Aalisak­kat ator­neqarsin­naan­ngitsut suujun­naarsin­neqas­sap­put, ’aalisak­kanul­li ajun­ngitsunut’ uagut ilaasin­naavugut. Jesusip ajoqersugai as­sigalugit ilumoorluta ilisimasaqar­nerulerusus­suseqarut­ta ajoqersor­neqar­nerunermiin­naan­ngitsoq aam­mat­taarli inuunermik naas­saan­ngitsumik pil­luaq­quneqas­saagut. Mattæus 13:1-52; Markus 4:1-34; Lukas 8:4-18; Tugsiaut 78:2; Jesaja 6:9, 10.

▪ Qanga sumilu Jesus inup­pas­suar­nut as­sersuutitigut oqalup­pa?

▪ Jesusip inup­pas­suit tal­limanik sunik as­sersuusiorfigai?

▪ Sooq Jesus oqar­pa sen­nepip naatsias­sar­taa naatsiias­sani min­nersaasoq?

▪ Sooq Jesus as­sersuutitigut oqalup­pa?

▪ Qanoq ilil­lutik Jesusip ajoqersugaasa ersersip­paat al­laanerul­lutik?

▪ Nak­kalatserisumik as­sersuusiani Jesusip qanoq nas­suiar­paa?

▪ Ajoqersuk­kat tatsip sinaani tusar­naar­tunit qanoq al­laanerup­pat?

▪ Nak­kalatserisoq, narsaat, naatsiias­saris­soq, akeraq, katersuif­fik katersuisul­lu sunut kik­kun­nul­lu as­sersuutaap­pat?

▪ As­sersuutit pingasut suut kingor­natigut Jesusip saq­qum­miup­pai, qanorlu ilin­niutigisin­naavavut?