Kapitali 46

Atisai arnap attorpai

JESUSIP Dekapolisimit utersimaneranik nutaarsias­saq Kaper­naumimut an­ngup­poq, inup­pas­suil­lu tatsip sinaanut niuf­fior­paat. Qular­nan­ngitsumik tusarsimavaat anorersuarun­naarsis­simagaa anersaapilulil­lu ajorun­naarsis­simagaa. Maan­na nium­mat pis­sangar­paseqalutik unguaat.

Taak­kua ilaata, naalagiar­tarfiup pisor­taata, Jesus naaperusut­torujus­suuaa. Jesusip isigai pal­lorfigai qin­nuigiualerlugulu: „Panin­nguara toquler­poq. As­san­nik [at­toriar­toruk] an­naq­qul­lugu, taava uum­mas­saaq!“ Panituarigamiuk aq­qaneq-marluin­nar­nil­lu ukioqarmat Jairusip qanitareqaa.

Jesusip tusaavaa, inup­pas­suar­nil­lu malin­neqarluni Jairusip il­luanukar­poq. Tupin­nar­tuliamik takoq­qin­nis­sar­tik qular­nan­ngitsumik inup­pas­suit pis­san­ngatigaat. Ar­nal­li akor­nan­niit­tup nam­mineq ajor­nar­torsiutini eq­qarsaatigineruaa.

Ar­naq taan­na ukiuni aq­qaneq-marlorsuar­ni aaqar­tuarsimavoq. Nakorsar­pas­suit or­nit­tarsimavai suliaritit­tar­nerminul­lu aningaasaatini tamaasa atorsimal­lugit, iluaqutaan­ngitsumik. Nap­paataa ajorsiar­tuin­narsimavoq.

Takorloor­neqarsin­naavoq an­niaataa san­ngiil­linaan­narani aam­mat­taaq akor­nutaal­lunilu nikanarsaataas­sasoq. Kik­kut tamarmik tutsaan­ni nap­paat taamaat­toq oqaluuserineqar­neq ajorsimavoq. Mosesip inatsisaalu naaper­tus­sagaan­ni ar­naq aaqar­toq mingut­tuuvoq, taas­sumin­ngalu atisaanil­lu aat­talin­nik at­tuisut asat­tariaqar­put un­nul­lu naal­lugu mingut­tuusarlutik.

Jesusip tupin­nar­tulior­tar­neri ar­nap tusarsimavai maan­nalu or­nip­paa. Mingut­tuugami malugitin­naveersaarluni inup­pas­suit akor­nisigut qerler­toruup­poq im­minut oqarfigiitigaluni: „An­noraaluun­niit at­tuin­naruk­ku ajorun­naas­saanga.“ Jesus at­toramiuk er­niin­narluin­naq malugaa aaqar­nini unit­toq!

„Kia atisak­ka at­tor­pai?“ Taamatut Jesusip oqar­nera ar­nap quarsaarutigisimas­saqaa! Atisamigut ar­namit at­tor­neqar­nini qanoq ilil­luni nalun­ngis­sin­naagamiuk? Peter naam­magit­taal­lior­poq: ’Ajoqersuisoq, takuatit inuit nin­nior­tik­kaatsit, taamaat­toq oqar­putit: „Kia at­tor­paanga?“’

Jesusip ar­naq qiner­paa oqarlunilu: „At­tor­neqar­punga; [nukim­mi] uan­nit anisoq misigaara.“ Aap, at­tor­neqar­nera nalingin­naan­ngilaq, tamatumami kingunerisaanik ajorun­naarsitsinermi Jesusip nukiisa ilaat ator­neqar­poq.

Ar­nap takugamiuk malugin­ngitsoor­neqar­nani an­nilaangal­luni sajul­lunilu agger­poq Jesusilu pal­lorfigalugu. Inuit tamarmik tutsaan­ni iser­tuarani ilumoorlunilu nap­paan­ni qanorlu ilil­luni ajorun­naarsitaaq­qam­mer­nini oqalut­tuaraa.

Ar­nap un­neqaris­susia kil­litsis­sutigalugu Jesusip misigin­neqataal­luni tup­pal­lersar­paa oqarlunilu: „Panik-aa! Up­per­ner­pit an­naap­paatit, eq­qis­sil­lutit aal­larit, an­niarun­naarlutil­lu peq­qis­siit!“ Nuan­neqaaq ilisimal­lugu Guutip nunami naalagaasus­san­ngor­tis­simasaa asan­ningaar­tuul­lunilu naak­kin­ningaar­tuusoq, inun­nik soqutigin­niin­narani aam­mat­taarli ikior­nis­saan­nut pis­saaneqar­toq! Mattæus 9:18-22; Markus 5:21-34; Lukas 8:40-48; 3 Mosesimik allakkat 15:25-27.

▪ Jairus kinaava, soorlu Jesusimukar­pa?

▪ Ar­naq inup­pas­suit akor­nan­niit­toq sumik nap­paateqar­pa, Jesusimul­lu saaf­figin­nin­nis­sani ikioq­qunis­sanilu sooq taama ajor­nakusoor­titsigaa?

▪ Qanoq ilil­luni ajorun­naarsin­neqar­pa, qanorlu ilil­luni Jesusip tup­pal­lersar­paa?