Kapitali 95

Avinneq meeqqanillu asanninneq

JESUS ajoqersugaalu Jerusalemiliar­put ukiumi 33-mi poorskisioriar­tor­niarlutik. Jordanip kuus­sua ikaar­paat Peræalu aq­qutigalugu ingerlaq­qil­lutik. Taman­na sapaatit-akun­nialun­nguanik sioq­qul­lugu Jesus aam­ma tamaaniis­simavoq, taamanik­kul­li Judæamut aggeq­quneqarsimal­luni ikin­ngun­ni Lazarus nap­parsimam­mat. Taamani Jesus Peræamiik­kami farisæerit ilaat avin­neq pil­lugu oqaloqatigisimavai, maan­nalu taman­na eq­qar­toq­qiler­paat.

Farisæerit akor­nan­ni avin­neq pil­lugu as­sigiin­ngitsunik isumaqar­toqar­poq. Moses oqarsimavoq angut nuliaminit avis­sin­naasoq ’ajorisaminik nas­saaruni’. Ilaasa qularin­ngilaat tamatumani al­lasior­neq kisimi pineqar­toq, al­lal­li isumaqar­put ’ajorisat’ tas­saasin­naasut kuk­kunerit min­nerit al­laat. Jesus misilin­niarlugu farisæerit ilaat aperip­put: „Inuup nulii suna nalingin­naq patsisigalugu avik­kuniuk iluar­pa?“ Naatsorsuutigaat Jesus qanorluun­niit akigaluaruni farisæerinit al­lamik isumaqar­tunit ajor­nar­torsior­tin­neqalis­sasoq.

Jesus akil­luar­torujus­suuvoq. Inun­nit iluarisaaniarsarin­ngilaq, aap­pariin­nermil­li aal­laq­qaataanit siuner­tarisaasoq in­nersuus­sutigaa. Aperaaq: „Atuarsiman­ngilasi, pileq­qaar­nerani Pin­ngor­titsisup pin­ngor­tik­kai angul­lu ar­narlu? oqar­torlu: ’Taman­na pil­lugu inuup angun­ni ar­nilu qimas­savai nuliilu at­tavigalugu, taak­kulu marluk uinius­sap­put ataaseq?’ Taman­na pil­lugu marluujun­naarlutik uiniup­put ataaseq. Taamaat­tumik Guutip katititai inuup avis­saar­tis­san­ngilai.“

Soorlu Jesusip nas­suiaraa, Guutip aal­laq­qaataanit siuner­taraa aap­pariit aap­pariit­tuar­nis­saat, avin­natik. Taamaap­pal­li, farisæerit akip­put, „soormi taava Moses al­lak­kanik avis­sutis­sanik tuniseq­qusiva ar­naq aveq­qul­lugu“?

„Uum­matisi man­nger­torsuum­mata Mosesip akueraasi nuliasi aveq­qul­lugit; pileq­qaar­neranil­li taamaan­ngilaq,“ Jesus akivoq. Aap, taamani Edenip naatsiiviani Guutip aap­pariin­nut najoq­qutas­siaq eq­qor­toq aalajangersaramiuk, avin­nis­samik periarfis­samik pilersitsin­ngilaq.

Jesus farisæerit saaf­figalugit nangip­poq: „Uangali oqarfigaas­si: nuliaminik uersan­ngitsumik [grækerisunit: porneiʹa] avit­toq al­lamik nuliaruni ar­naaneqar­poq, avitamil­lu nuliar­toq ar­naaneqar­poq.“ Taamalil­luni takutip­paa porneiʹai, kinguaas­siuutitigut ingasat­tumik kan­ngunar­tulior­neq, avin­nis­samut patsisis­satuatut Guutip akuerigaa.

Ajoqersuk­kat paasigamik­ku aap­pariin­neq ataavar­tuusus­saasoq kan­ngunar­tulior­nerlu avin­nermut patsisis­satuaasoq oqar­put: „Angutip nuliaminut patsisigisas­saa taamaas­sap­pat, nuliarluni pitsaas­san­ngilaq.“ Katik­kusuk­kaan­ni, eq­qarsaatigeq­qis­saar­tariaqar­poq aap­pariin­neq ataavar­tuusus­saam­mat!

Nangil­luni Jesusip aap­paqan­ngin­neq eq­qar­tor­paa. Nas­suiaavoq angutit ilaat inun­nguutsimin­nit angutaas­suteqan­ngitsuusut, katis­sin­naanatik kinguaas­siuutimik­kut ineriar­torsiman­ngin­namik. Al­lat inun­nit angutaas­susiiar­neqarsimap­put, naak­kitaatsumik kinguaas­siuutitigut avataajar­neqarsimal­lutik. Al­lal­lu katin­nis­sar­tik kinguaas­siuutitigul­lu atoqateqar­nis­sar­tik pingaar­tin­ngilaat, uum­matik­kut iluun­ngar­nerul­lutik qilam­miup naalagaaf­fianut at­tuumas­suteqar­tut sam­misin­naajumal­lugit. „[Aap­paqan­ngin­nermik] siunersisaqarsin­naasup siunersiliuk!“ Jesus naggasiivoq.

Inuit maan­na meeraaraatitik ilagalugit Jesus or­niler­paat. Ajoqersuk­kal­li meeq­qat naveer­paat, qular­nan­ngitsumik Jesus pisariaqan­ngitsumik akor­nusersoq­qunagu. Jesusili oqar­poq: „Meeran­nguit uan­nut qaagin­narlit; pitsaaleqinasigil­lu, taamaat­tut Guutip naalagaaf­fia pigim­mas­suk. Ilumut oqarfigaas­si: kialuun­niit Guutip naalagaaf­fia meeran­nguatut pin­ngik­kuniuk iserfigis­san­ngilaa.“

Taman­na ilik­kar­naqaaq! Guutip naalagaaf­fia ilas­siumagutsigu meeraaq­qatut maniguut­tuusariaqarlutalu ilin­niar­tik­kuminar­tuusariaqar­pugut. Jesusip maligas­siaata aam­ma takutip­paa ingam­mik angajoq­qaat meeq­qamin­nut pif­fis­saqar­tar­nis­saat qanoq pingaaruteqar­tigisoq. Jesusip maan­na meeq­qanut taak­kunun­nga asan­nin­nini takutip­paa pak­kul­lugit pil­luaq­qul­lugil­lu. Mattæus 19:1-15; 5 Mosesimik allakkat 24:1; Lukas 16:18; Markus 10:1-16; Lukas 18:15-17.

▪ Avin­neq pil­lugu farisæerit qanoq as­sigiin­ngitsunik isumaqar­pat, qanorlu Jesus misilip­paat?

▪ Farisæerit im­minik misiliinerat Jesusip qanoq ilil­luni akerliler­paa, avin­nermul­lu patsisis­satuaq suna eq­qaavaa?

▪ Sooq Jesusip ajoqersugai oqar­pat nuliarluni pitsaas­sangitsoq, tamatumun­ngalu atatil­lugu Jesus qanoq siun­nersuiva?

▪ Jesusip meeraaq­qanut iliorfigin­nin­nermigut sumik ilin­niar­tin­niar­paatigut?