Kapitali 114

Eqqaaniaalluni nalliuttorsiorneq

AJOQERSUK­KAMI isigai asareeramigit Tus­siaat 41:10 Jesusip is­suar­paa: „Nereqatima kim­mis­sar­paanga.“ Taava anersaak­kut er­numatsangaar­poq nas­suiaal­lunilu: „Ilas­si kil­luutigiumaar­paanga.“ (NV)

Apustilit aliatsap­put, kinguleriis­saarlutil­lu apersorlugu: ’Uangaan­n­ngilaq, ilaa?’ Al­laat Judas Iskariot taama aperaaq. Johan­nes, Jesusip saniani is­siasoq, Jesusip sakiaanut iigar­poq aperalunilu: „Naalagaq! kina piviuk?“

„Aq­qaneq-marluugas­si puugut­tamut misus­seqatiga taan­naavoq,“ Jesus akivoq. „Inuup Er­nera qimagutis­sagaluar­poq im­minik al­las­simasut eq­qorlugit, eq­qanarli inuk taan­na Inuup Er­neranik [kil­luutigin­nit­toq, NV], inuk taan­na iluanaaq­qajaqaaq inun­ngun­ngik­kuni.“ Satan Judasimut pulaq­qip­poq uum­mam­minil­lu ajor­tumik am­maanera iluatsil­lugu atorlugu. Un­nuup ilaa kingusin­nerusuk­kut Jesusip eq­qor­tumik Judas taavaa „tam­mar­nerup er­nera“.

Maan­na Jesusip Judas oqarfigaa: „Pinasuarit!“ Apustilit al­lat Jesusip suna pigaa paasin­ngilaat. Ilaat isumaqar­put Judas aningaasivilisar­tuum­mat Jesusip inak­kaa ’nal­lius­sivik­kut atugas­samin­nik pisiniaq­qul­lugu’, imaluun­niit piitsunik tunisiar­toq­qul­lugu.

Judas anereermat Jesus nal­liut­torsiorfis­samik, imaluun­niit ul­lormik eq­qaaniaaf­fis­samik, nutaarluin­narmik apustilini ilagalugit atuutilersitsivoq. Timiusamik tigusivoq qujas­sum­mil­lu qinul­luni, taavalu aggor­paa tuniorarlugil­lu oqarluni: „Tigusil­lusi nerigitsi.“ Nas­suiaavoq: „Tas­sa timiga pil­lusi tun­niun­neqar­toq; taamaalior­taritsi eq­qaal­lunga!“

Tamarmik timiusar­toreermata ermuseq viin­nimik imalik, qular­nan­ngitsumik poorskimi nerinermi viin­nit ermutsit sisamat imer­neqar­tar­tut kingul­lersaat, tiguaa. Qin­nutik­kut qujas­sutigereeramiuk isaap­paa imerfigeq­qul­lugu oqarluni: „Ermuseq man­na tas­sa angerusisaaq aak­kut pil­lusi kuisuk­kut.“

Taman­na tas­sar­piaavoq Jesusip toquneranik eq­qaaniaal­luni nal­liut­torsior­neq. Jesusip inatsineratut ukiut tamaasa nisanip 14-ani taan­na eq­qaaniarlugu nal­liut­torsior­toqar­tas­saaq. Toqup kingunipiluinit inuiaat naal­liuutigisaan­nit aniguinis­samut aq­qutis­siuus­siniarlutik Jesusip Ataataatalu qilam­miusup iliuuserisimasaan­nik eq­qaaman­nit­tuaan­nar­nis­saan­nik nal­liut­torsior­nermut peqataasut ikior­neqar­tas­sap­put. Juutit Kristusimut ajoqersugan­ngorsimasut eq­qarsaatigis­sagaan­ni, nal­liut­torsuup tamatuma juutit poorskiat taarser­paa.

Angerusisaap, Jesusip aavagut kuisuk­kut ator­tuulersin­neqar­tup, inatsisit tun­ngavigalugit angerusitoqaq taarser­paa. Im­mik­kooqatigiit marluk — Jehova Guutip kristumiul­lu anersaak­kut kinguaas­siarititaasut 144.000-iusut — akor­nan­ni Jesus Kristus akun­nermiliut­toralugu angerusisaaq ator­tuulersin­neqar­poq. Angerusisaaq ajor­tit isumak­keerfigineqar­nis­saan­nik aq­qutis­siuiin­narani aam­mat­taaq qilam­mi inuian­nik kun­nginik palasiusunik pilersitsinis­samut periarfis­siivoq. Mattæus 26:21-29; Markus 14:18-25; Lukas 22:19-23; Johannes 13:18-30; 17:12; 1 Korintumiut 5:7.

▪ Ajoqersuk­kami ilaat ataaseq eq­qarsaatigalugu Jesusip Bibelimi siulit­tuut suna is­suar­paa, qanorlu ilil­lugu ator­paa?

▪ Sooq apustilit aliasungaaler­pat, tamarmil­lu suna apeq­qutigaat?

▪ Jesusip Judas soq­quaa, apustilil­li al­lat taman­na qanoq paatsoor­paat?

▪ Judas anereermat Jesusip nal­liut­torsior­neq suna pilersip­paa, tamatumuunalu suna siuner­taava?

▪ Angerusisaaq im­mik­kooqatigiit marluk kik­kut akor­nan­ni angerusaava, angerusisaak­kul­lu suut naam­mas­sineqas­sap­pat?