Kapitali 86

Erneq tammaraluartoq

JESUSIP farisæerit as­sersuusianik marlun­nik oqalut­tuuteq­qam­mer­pai — sava tam­maraluarluni nanineqar­toq aningaasan­nguarlu tam­maraluarluni nanineqar­toq pil­lugu. Maan­na as­sersuusioq­qip­poq, tamatumuuna ataataq asan­nit­toq marlun­nik as­suar­nar­tulioqisunik er­nilik pil­lugu.

Aal­laq­qaatigalugu er­neq nukarleq, as­sersuusiami pingaar­nersaasoq, kingor­nus­sas­saminik tuneq­quvoq, ataataatalu nangaanani akueraa. Taava er­neq nunagisaminit aal­larluni kan­ngunangaar­tumik inuuler­poq. Jesus as­sersuusior­til­lugu tusar­naariaruk, inuit as­sigiin­ngitsut as­sersuutigisaasut kik­kun­nut as­sersuutaanersut paasiniarlugu:

„Inuk marlun­nik er­neqar­poq. Nukarliul­lu angun­ni oqarfigaa: ’Ataataq! Pigisan­nit agguutis­sarsias­san­nik tunin­nga.’ Taava pini taak­kunun­nga agguar­pai.“ Nukarliup kingor­nus­sani qanoq ilior­pai?

Jesus oqalut­tuar­poq: „Kingunersuarin­ngisaagul­li er­nerata nukarliup pini tamaasa katersor­pai nunamut ungasis­sumut aal­larluni, tas­sanilu qus­salaatsutut inuul­luni pigisani nungulus­sin­nar­pai.“ Ar­nanut ator­tit­tar­tunut aningaasaatini ator­pai. Soorluli Jesus nangil­luni oqalut­tuar­toq, kingusin­nerusuk­kut ul­lut ajor­nar­torsiorfiit atuutiler­put:

„Tamaasa nunguk­kamigit kaan­nerlu sualut­toq nunamut taas­sumun­nga nal­lium­mat ajorsaler­poq. Taava nunap tamatuma inuisa ilaat or­nil­lugu at­taviginiar­paa, taas­sumalu nunaatiminut aal­lar­tip­paa puulukit paareq­qul­lugit. Qaarsil­larumal­ler­porlu or­pigan­nguit naatsiias­sar­taan­nik puulukit nerisaan­nik; tunineqan­ngilarlu.“

Puulukinik, Mosesip inatsisai naaper­torlugit mingut­tuunik paarsineq nikanarsaataaqaaq! Taman­nali pin­nagu pingaar­nerusumik kaangaar­nini er­nerup naal­liuutigaa; al­laat puulukit nerisas­saat il­ligiler­pai. Pis­sutsit naal­liun­nangaar­tut tamak­ku pis­sutigalugit „ilitsoriler­poq“.

Jesus oqalut­tuar­poq er­neq eq­qarsar­toq: „’Ata, ataatama kif­far­tor­tor­pas­sui nerisas­saqangaan­ngin­ner­pat? Uangali maani perlingajaler­punga. Nikuil­lunga ataataga or­nis­savara oqarfigalugulu: „Ataataq! Qilam­mut ilin­nul­lu ajor­tulior­punga, kingor­na er­ner­nik taaneqar­neq qin­ngaq­qup­punga, kif­far­tor­tivit ilaat­tut itin­nga!“’ Taava nikuil­luni angun­ni or­nip­paa.“

Man­na eq­qarsaatigisariaqar­par­put: Er­nini aal­larmat ataataasoq kamal­lunilu nil­liasimagaluar­pat er­neq angerlamut uter­nias­san­ngik­kaluar­poq. Qular­nan­ngitsumik ataatani naapik­kumanagu nunagisamini al­lami sulif­fis­sarsius­sagaluar­poq. Taamaalior­nis­sanili eq­qarsaatigin­ngilaaluun­niit. Qulan­ngivip­poq: Angerlarusup­poq!

Jesusip as­sersuusiaani ataataasoq erseq­qis­sumik tas­saavoq Ataatar­put qilam­miusoq asan­nit­toq naak­kin­nit­torlu, Jehova Guuti. Im­maqa il­lit­taaq isum­mer­putit er­neq tam­mar­toq tas­saasoq inuit ajor­tulior­tumik inooriaaseqalersimasutut nalun­ngisaasut. Farisæerit, Jesusip oqaluf­figisai, siusin­nerusuk­kut inun­nik taamaat­tunik Jesus nereqateqarmat isor­nar­torsiorsimavaat. Er­nerli angajul­leq kik­kun­nut as­sersuutaava?

Erneq tammaraluartoq uterpoq

Jesusip as­sersuusiaani er­neq tam­maraluar­toq ataatami il­luanut uterami qanoq ilas­sineqar­pa? Jesus oqalut­tuar­poq:

„Sulili ungasis­sumiitil­lugu angutaata takuler­paa naak­kigingaalerlugulu, ar­pal­lunilu qungasiagut eqip­paa kunil­lugulu.“ Ataataasoq taan­na naak­kin­nit­toq asan­nit­torlu Ataatatsin­nut, Jehovamut, as­sersuutaal­luar­poq!

Naak er­nermi inuunerlun­nera ataataasup tusarsimagunaraluarlugu, utermat tikil­luaq­qunasuar­paa nas­suiaanis­saa utaq­qeq­qaar­nagu. Taamatut Jesusip ajor­tulior­tut ilan­ngaaserisul­lu er­nermut tam­maraluar­tumut as­sersuun­neqar­tut ilas­sil­luar­tar­pai.

As­sersuusiami ataataasup silatuup er­nermi kiinaatigut nikal­lungasuk­kut erloqer­pasis­suk­kul­lu peq­qis­simineq malugisin­naagunar­paa. Soorlulu Jesus nangil­luni oqalut­tuar­toq, ataatap asan­nin­nera ilas­sin­nil­luar­neralu pis­sutigalugit er­nerup ajor­nan­ngin­nerusumik ajor­tuliorsimanini ataataminut an­ngiiaatigisin­naavai: „Er­neratali oqarfigaa: ’Ataataq! Qilam­mut ilin­nul­lu ajor­tulior­punga, kingor­na er­ner­nik taaneqar­neq qin­ngaq­qup­punga. [Kif­far­tor­tivit ilaat­tut itin­nga]!’“

Er­nini ingiangajal­lugu ataatap kif­fani oqarfigai: „’An­noraaq pitsaaneq aasiuk atitil­lugulu, as­sam­miulersiul­lu aloquserlugulu; norrarlu pual­larsagaq aal­lugu toqus­siuk, neril­lutalu tipaatsut­ta! Er­nera una toqugaluarluni kingumut uum­marmat, tam­maraluarlunilu kingumut nanisaam­mat.’ Taava tipaatsuler­put.“

Taman­na pitil­lugu ataatap er­nera angajul­leq „narsamiip­poq“. Kik­kun­nut as­sersuutaanersoq eq­qarsaatigeriaruk oqalut­tuap sin­nera tusar­naar­til­lugu. Er­neq angajul­leq pil­lugu Jesus oqar­poq: „Tikilerlunilu il­lu pal­lileramiuk nipilersor­tut kaavit­tul­lu tusar­pai. Taava kif­fat ilaat qaaq­quaa aperalugulu suna pil­lugu taamaan­nersut. Taas­sumali akivaa: ’Nuk­kat tikim­mat, ataatavil­li norraq pual­larsagaq toqutip­paa, peq­qis­suutil­lugu pigamiuk.’ Taava kamaler­poq iserumananilu. Taamaat­tumik angutaa anivoq iseq­quniarlugu. Angun­nili akivaa oqarluni: ’Ata, ukiut taama amerlatigisut kif­far­tuuk­kik­kit inas­sutitil­lu sanioq­qus­siman­ngisaan­narlugit, sulilu savaasaaq­qamil­luun­niit tunin­ngisaan­nar­parma ikin­ngutik­ka tipaatsoqatigeq­qul­lugit. Unali er­nerit tikim­mat pisit uersar­tunut nungus­simal­lugit, taava taan­na pil­lugu norraq pual­larsagaq toqutip­pat.’“

Ajor­tulior­tut naak­kin­nit­tuliorfigineqar­nerat isumas­sor­neqar­neral­lu kik­kut angajul­liliatut ilil­lutik isor­nar­torsiorsimavaat? Tas­saan­ngin­ner­pat farisæerit al­lak­kanil­lu ilisimasut? Taak­kua Jesusip ajor­tulior­tunik ilas­sin­nin­neranik isor­nar­torsiuinerat pis­sutigalugu Jesus taama as­sersuusiormat, angajul­leq taak­kunun­nga as­sersuutaasimas­saaq.

Jesusip oqalut­tuani naggaser­paa ataatap er­nerminut angajul­lermut ima oqaq­qis­saaruteqar­neranik: „Er­nera uumaa! Il­lit najor­tuin­nar­parma, pigisak­kalu tamaasa pigaatit. Kisian­ni tipaatsuutigalugu nuan­naarutigisariaqar­poq, nuk­kat una toqugaluarluni kingumut uum­marmat, tam­maraluarlunilu kingumut nanisaam­mat.’“

Er­neq angajul­leq ataatami oqaasiinut qanoq qisuariar­nersoq Jesusip oqalut­tuarin­ngilaa. Jesusil­li toqunerata makin­neratalu kingor­na ’palaser­pas­suit up­per­nermut naalat­tun­ngor­put’, taak­kualu ilaat qular­nan­ngitsumik Jesusip angajul­lermik as­sersuutigisaanut ilaasimap­put.

Ul­lumik­kut kik­kun­nut er­nerit marluk as­sersuutaap­pat? Tas­saasimas­sap­put Guutimut qanit­tumik at­taveqarsin­naanis­samin­nik kinguneqar­tumik taas­suma siuner­taanik paasisiman­nil­luar­tut. Er­neq angajul­leq ’savar­pan­nguit’-nut ilaasor­tat ilaan­nut, ’angajul­lersanut ilagiin­nut qilam­mi al­las­simasunut’, as­sersuutaavoq. Taak­kua angajul­ler­tut ip­put, ’savat al­lat’ nunamiit­tus­sat ilas­sil­luarumanagit, isumaqaramik katersat nutaat taak­ku im­min­nit sam­mineqar­nerual­laar­tut.

Er­neq tam­maraluar­toq silarsuarmi nuan­naar­niutipiluit saan­niarlugit Guutip in­nut­taanit qimagus­simasunut as­sersuutaavoq. Pif­fis­saagal­lar­til­luguli isumataar­put suliaqarlutil­lu Guuti kif­far­tuuteq­qilerumal­lugu uterlutik. Aap, Ataatar­put qilam­miusoq, Jehova, ilumut isumak­keerfigineqar­tariaqar­nermin­nik miserratigin­nin­ngitsunut im­minul­lu uter­tunut asan­nip­poq naak­kin­nil­lunilu! Lukas 15:11-32; 3 Mosesimik allakkat 11:7, 8; Apustilit suliaannik allakkat 6:7; Lukas 12:32; Eprîarit 12:23; Johannes 10:16.

▪ As­sersuusiaq taman­na kik­kun­nut Jesusip oqalut­tuaraa, sunalu pis­sutigalugu?

▪ As­sersuusiami inut­taasoq pingaar­nersaq kinaava, taan­nalu qanoq piva?

▪ Ataataasoq er­nerlu nukarleq Jesusip nalaani kik­kun­nut as­sersuutaap­pat?

▪ Jesusip qanoq ilil­luni ataatap misigin­neqataasup maligas­siaa malip­paa?

▪ Er­nerup angajul­liup nuk­kami ilas­sil­luar­neqar­nera qanoq isumaqarfigaa, farisæeril­lu qanoq angajul­ler­tut isumaqar­pat?

▪ Jesusip as­sersuusiaa ul­lumik­kut qanoq paasisariaqar­pa?