Kapitali 76

Farisæerimut ullup qeqqasioriartorneq

ISOR­NAR­TORSIUISUT Jesusip angum­mik oqajuitsumik ajorun­naarsitsinermini Guutimiin­ngitsoq pis­saaneqar­titaaneraasut Jesusip akereeraalu farisæerit ilaata ul­lup qeq­qasioriar­toq­quaa. Farisæerit nerisin­natik as­satik tal­litil­lu ikusitik tikil­lugit asat­tar­paat ileq­qulersuut aalajangersimasoq malil­lugu. Nerisin­natik nerereeraangamil­lu taamaalior­tar­put, al­laal­lu nerisas­sanik as­sigiin­ngitsunik nerereer­nerit tamaasa. Ileq­qulersuut taman­na Guutip inatsisaanut al­las­simasunut akerliun­ngik­kaluar­poq, Guutil­li pis­susilersuutitigut minguis­suseq pil­lugu peq­qus­sutaanit ingasan­neroqaaq.

Maan­nalu Jesusip ileq­qoq taman­na malin­ngim­magu pulaar­titsisoq tupigutsap­poq. Im­maqa tupigusun­nini oqaatigin­ngik­kaluar­paa, Jesusil­li malugaa oqarlunilu: „Ilis­si farisiiariususi maan­na ermutsit puugut­tal­lu qaasigut salit­tar­pasi; ilus­sigul­li til­lik­kanik ajorsusermil­lu ulik­kaar­pusi. Taatuuku siuneqan­ngitsut! Qaanik pin­ngor­titsisup iluat­taaq pin­ngor­tin­ngin­ner­paa?“

Taamalil­luni Jesusip farisæerit ilumoor­tuusaar­nerat qulaar­paa, ileq­qulersuut malil­lugu as­satik asat­tarmatigik uum­matimil­li ajus­susiata minguiar­nis­saa puiorlugu. Ima un­nersuup­pai: „Kisian­ni iluaniit­tut piitsunut tun­niut­tarsigik; atalu, tamarmik taava ilis­sin­nut minguitsuus­sap­put!“ Tunisisaraangamik asan­nin­nermik taamaalior­tariaqar­put al­lanit iluarisaaniaan­narlutik naaper­tuil­luar­tuusaarlutik pin­natik.

„Eq­qanaq, ilis­si farisiiarit!“ Jesus nangip­poq. „Naasut akus­sat naasul­lu qajaasaasat naatital­lu nalingin­naat qulinginik tun­nius­sisaras­si, eq­qar­tuus­sisis­sarli Guutimil­lu asan­nin­neq saneq­qut­tarlugit; tamak­ku naam­mas­sil­lugit ik­kulu isumak­keer­nagit pisariaqar­poq.“ Guutip Israelik­kun­nut inatsisaani pis­sarsiat qulerar­terutaan­nik akileraar­tar­nis­saq peq­qus­sutigineqar­poq. Naasut akus­sat naasul­lu qajaasaasat tas­saap­put naasut mikisut nerisas­sanut akuutis­satut ator­neqar­tar­tut. Naasun­nguit tamak­ku pingaan­ngitsut qulerar­terutaan­nit al­laat farisæerit akileraaq­qis­saar­tar­put, inas­sul­li pingaar­neroqisoq asan­nin­nis­samik, inus­siar­ner­nis­samik ingasaas­sinian­ngin­nis­samil­lu peq­qusisoq sumigin­nar­paat — taamaalior­neral­lu pil­lugu Jesusip as­suarai.

As­suareq­qip­pai oqarluni: „Eq­qanaq, ilis­si farisiiarit! Naalagiar­tarfin­ni is­siaviit sal­liit ingif­figiumal­laras­sigik niueriar­tor­tarfim­milu ilas­sineqarumal­larlusi. Eq­qanaq ilis­si, ilerfit malun­nan­ngitsut as­sigigas­sigik, qaatigut inuit ingerlasar­tut nalul­lugil­lu.“ Farisæerit mingut­tuunerat saq­qumilaar­tuun­ngilaq. Guutisior­nermin­ni Guutimik mianerin­nit­tuusaas­suseqar­put ilorlik­kut naleqan­ngitsumik, ilumoor­tuusaar­nermil­lu tun­ngaveqar­tumik.

Inatsisinik ilisimasut ilaata, Inatsisinik paasisimasaqarluar­tup, as­suarler­neq taman­na tusaramiuk, naam­magit­taal­lior­poq: „Ajoqersuisoq! Taama oqaravit, uagut­taaq ajor­nerar­patsigut.“

Jesusil­li taak­kut­taaq inatsisinik ilisimasut akisus­saatip­pai; oqar­poq: „Eq­qanaq ilis­sis­saaq, inatsisinik ilisimasusi! Inuit ersugas­sanik ersun­neq ar­tor­nar­tunik ersuk­ker­taras­sigik, nam­minerlu ersugas­sat tamak­ku as­sas­sin­nik ataatsimil­luun­niit at­tus­sanagit. Eq­qanaq, ilis­si pruf­fiitit ilerfi sanasaras­sigik, siuaasas­sili toqup­paat.“

Ersugas­sat Jesusip taasai tas­saap­put kinguaariit oqaasiin­nak­kut malit­tarisas­siaat, inatsisinim­mi ilisimasut taak­kua iner­teq­qutit min­ner­paan­nguil­luun­niit inun­nut ar­tor­nan­ngin­nerusun­ngor­tik­kuman­ngilaat. Pruf­fiitit toqutaasimanerat al­laat iluarigaat Jesusip qulaar­paa, taamaat­tumil­lu mianersoq­qusivoq: „Pruf­fiitit tamarmik aavi silarsuup tun­ngavileq­qaar­neranit kuisat, eq­qarleriin­nut ukunun­nga apeq­qutigineqaq­qul­lugit Abelip aavanit Zakariasil­lu, tunisiviup naalaf­fiul­lu akor­nan­ni toqutaasup, aavanut; mas­sami oqarfigaas­si: eq­qarleriin­nut ukunun­nga apeq­qutigineqas­sap­put.“

Inuiaat uter­tin­neqarsin­naasut Adam Evalu meeq­qiulermata aal­lar­tis­simap­put; Abel taamaat­tumik „silarsuup tun­ngavileq­qaar­nerani“ inuusimavoq. Zakariasip, imaluun­niit Zekarjap, peq­qar­niitsumik toqutaanerata kingor­na, aramæerit sak­kutoor­pas­suisa Judak­kut ujajaaf­figaat. Jesusil­li siulit­tuutigaa kinguaariit nalimini inuusut nalaan­ni ujajaanis­saq an­nerusoq taak­kua ajor­nerus­susian­nik pis­suteqar­toq piumaar­toq. Ujajaaneq taman­na ukiut 38-t tamatuma kingor­na, ukiumi 70-imi, pivoq.

Jesus nangip­poq oqarluni: „Eq­qanaq ilis­si, inatsisinik ilisimasusi! Matuersaat ilisarsis­sutaasoq tigum­migas­siuk; nam­mineq isersiman­ngilasi, iserumasul­lu iser­taalivasi.“ Inatsisinik ilisimasut Guutip oqaasianik inun­nut nas­suiaanis­sar­tik akisus­saaf­figaat, tas­sa paasin­nin­nis­saan­nut ’map­piul­lugit’. Akisus­saaf­fitsil­li taman­na naam­mas­sin­ngilaat al­laal­lu inuit Guutip oqaasianik paasin­nis­sin­naanis­saan­nik periarfis­saarutsil­lugit.

Farisæearit inatsisinil­lu ilisimasut Jesus kamaatingaar­paat qulaarmatik. Il­lu qimalermagu as­sor­torsuataaler­paat apersorsuataalerlugulu. Kingusin­nerusuk­kut par­naarus­saas­sutigisin­naasaanik oqaaseqar­tin­niarsaraat. Lukas 11:37-54; 5 Moses 14:22; Mika 6:8; 2 Israelikkut 24:20-25.

▪ Sooq Jesusip farisæerit inatsisinil­lu ilisimasut as­suarai?

▪ Inatsisinik ilisimasut inun­nik sunik ersuk­kersuip­pat?

▪ „Silarsuup tun­ngavileq­qaar­nera“ qanga pisimava?