Kapitali 69

Farisæerit kina ataatagaat?

TUPIUSALIORFIUP nal­lius­sineqar­nerani Jesusip juutil­lu pisor­taasa akor­nan­ni oqal­lin­nerit sak­kor­tuneruler­put. „Abrahamip kinguaarigaasi nalun­ngilas­si,“ Jesusip ilaler­pai. „Toqun­niar­pas­sin­ngali oqaasera ilis­sin­ni inis­sarsin­ngim­mat. Ataatan­ni takusak­ka oqaatigaak­ka, ilis­silu ataatas­sin­ni takusasi ileq­qoraasi.“

Tamaani Jesus oqan­ngilaq kina ataatagigaat, erseq­qis­sar­paali Ataatani pineqan­ngisoq. Juutil­lu siut­tuisa Jesusip kina pigaa nalugamik­ku, akip­put: „Abraham ataatagaar­put.“ Abrahamitut, Guutip ikin­ngutaanik taaneqar­tutut, up­perisaqarlutik isumaqar­put.

Jesusil­li akerliler­pai: „Abrahamip qitor­narip­pasi Abrahamip suliai suliareq­qajaqaasi.“ Aap, er­niviup ataatani malit­tar­paa. „Maan­nali toqun­niar­pas­singa,“ Jesus oqar­poq, „uanga sal­lusuis­sum­mik Guutimit tusak­kan­nik ilis­sin­nut oqalut­tunga. Abraham taamaaliun­ngilaq.“ Taamaat­tumik Jesus uteq­qiivoq: „Ataatas­si suliai suliaraasi!“

Suli paasin­ngilaat Jesusip kina pigaa, Abrahamimul­li qitor­naviunerarluin­nar­put. „Uersagaan­ngilagut,“ pin­ngitsuutip­put. „Ataaseq ataatagaar­put, Guuti,“ taamaalil­lutik Abrahamitut Guutimik ilumoor­tumik pal­lorfigin­nit­tuunerar­put.

Guutili ilumut Ataatagaat? Jesusip akivai: „Guuti Ataatagigus­siuk asaq­qajaqaas­singa, Guutimit pisimal­lunga tikiuk­kama. Isuman­nim­mi tikiutin­ngilanga, taas­sumali aal­lar­tip­paanga. Sooq oqaluusera paasin­ngilisiuk?“

Im­minik ajat­tuinerup kingunerisas­saanik Jesusip up­perisarsior­nik­kut siut­tut nas­suiaan­niarsimagaluar­pai maan­nali toq­qaan­nar­tumik oqarfigai: „Ataataq nagguigisarsi tas­sa Diaavulu, ataatas­silu pilerigisai suliariniar­pasi.“ Diaavulu ataatatut qanoq it­tuua? Inun­nik toqutsisuuvoq, Jesus oqar­poq, nangil­lunilu: ’Sal­lutuuvoq sal­luneril­lu ataatagaat.’ Naggataatigut Jesus nalunaar­poq: „Guutimit pisup Guutip oqaasia tusaasar­paa. Taamaat­tumik tusaasarin­ngilasi, Guutimit pin­ngin­nas­si.“

Jesusip as­suarim­matik juutit maan­na puf­faqaat, akil­lutil­lu: „Aarit, oqarluar­pugut. Samariamiuun­ngin­ner­pit anersaapiloqar­tuul­lutil­lu?“ Samariamiut inuiaap­put juutit uumigisaat, taamaat­tumik oqaaseq „Samariamiu“ akerar­tuutaavoq asis­sunermut ersiutaal­luni.

Mital­ler­palut­tumik Samariamiuunerar­neqar­nini Jesusip tusaan­ngitsuusaar­paa. „Anersaapiloqan­ngilanga,“ akivoq, „kisian­ni Ataataga ataq­qivara, ilis­sili narrunar­tip­pas­singa.“ Tupin­nar­tumil­lu neriorsuil­luni nangip­poq: „Oqaatsin­nik maleruaasup toqu takunavian­ngil­luin­nas­savaa.“ Soorunami Jesus isumaqan­ngilaq malin­nitsini tamarmik eq­qor­tumik oqaatigalugu toqunavian­ngitsut. Imaap­porli naas­saan­ngitsumik suujun­naarsitaanis­saq, ’toqup aap­paa’, makif­fis­saqan­ngif­fiusoq, takunavian­ngik­kaat.

Juutil­li Jesusip oqaasii as­sersuutaan­ngitsutut tiguvaat, oqarlutik: „Aatsaat malugil­luar­patsigit anersaapiloqar­tutit. Abraham toquvoq pruf­fiitil­lu, taamaat­toq oqar­putit: ’Oqaatsin­nik maleruaasup toqu misiginavian­ngil­luin­nas­savaa.’ Ataatatsin­nit Abrahamimit toqusimasumit an­neruit? Pruf­fiitit­taaq toqusimap­put. Il­lit kinaatin­niar­pit?“

Oqal­lin­nerup ingerlanerani ersarip­poq Jesusip tas­saanerminik Mes­sias neriorsuutigisaasoq angutit taak­ku paasitin­niarai. Kinaanerminik apeq­qutigisaat toq­qaan­nar­tumik maan­na akin­ngilai, oqarlunili: „Im­minik naalan­nar­tik­kuma naalan­nas­susera suun­ngitsuus­saaq. Ataatamali naalan­nar­tip­paanga. Taan­na pil­lugu oqar­pusi: ’Guutigaar­put’, ilisarin­ngilarsilu, uangali ilisaraara. Oqarumali ilisarin­ngilara, ilis­situt sal­lutooq­qajaqaanga.“

Jesusip Abraham aalajaatsoq eq­qaaq­qip­paa: „Abraham, ataatarsi, nuan­naaqaaq ul­lora takus­sagamiuk. Takuaalumi tipaatsul­lunilu.“ Aap, Mes­siasip neriorsuutigineqar­tup tikiuf­fis­saa Abrahamip up­per­nik­kut qilanarisimavaa. Juutit up­per­natik oqar­put: „Suli 50-inik ukioqan­ngilatit, ilumut Abraham takoreersimaviuk?“

„Ilumut, ilumut oqarfigaas­si: Abraham pin­ngun­ngik­kal­larmal­li uanga ip­punga,“ Jesus akivoq. Tamatumani soorunami pivaa nunami inuun­ngik­kal­larami qilam­mi anersaatut pis­saanilis­suar­tut piusimanini.

Jesusip Abraham pin­ngun­ngik­kal­larmal­li piusimanerar­nera kamaatigeqalugu, juutit ujaq­qat nunamit katersuler­paat Jesus mil­loor­niarlugu. Toq­qor­ter­porli ajoquser­nanilu naalaf­fim­mit anil­luni. Johannes 8:37-59; sarĸúmersitat 3:14; 21:8.

▪ Jesusip qanoq takutip­paa akeq­qanilu ataatsimik Ataataqaratik?

▪ Suna pil­lugu juutit Jesus Samariamiumik taavaat?

▪ Jesus oqarami ajoqersuk­kami toqu takunavian­ngik­kaat, qanoq paasisariaqar­pa?