Kapitali 71

Farisæerit upperumanngillat

QINUSAR­TUP tap­piitsuusimasup angajoq­qaavisa farisæerinit qaaq­quneqar­ner­tik an­nilaangas­sutigaat. Nalun­ngilaat kialuun­niit Jesusimut up­per­nerminik ersersitsisup juutit naalaf­fian­nut ilaasor­taajun­naarsitaanis­sa aalajangiun­neqarsimasoq. Inuiaqatigiin­ni peqatigiin­nit anisitaaneq ajor­nar­torsiutinik an­ner­tuunik kinguneqarsin­naavoq, ingam­mik ilaqutariin­nut piitsunut. Taamaat­tumik angajoq­qaat mianersorluin­narlutik oqalup­put.

„Tas­saava er­nersi tap­piil­luni er­niusoq oqaatigisarsi?“ farisæerit aperip­put. „Qanoq ilil­luni maan­na tap­pis­siva?“

„Er­nerigip­put tap­piil­lunilu er­niusoq nalun­ngilar­put,“ angajoq­qaat akuersaar­put. „Qanorli ilil­luni maan­na tap­pis­sisoq naluar­put. Isaalu kia uisik­kai naluar­put.“ Qular­nan­ngitsumik er­nerata pisimasunik tamanik oqalut­tuus­simavai, pisuutin­neqarumanatil­li akip­put: „Apersorsiuk, ukiui naam­map­put, nam­mineq oqarli.“

Farisæerit taava angut qaaq­qoq­qip­paat. Tamatumuuna angut siooralersin­niar­paat Jesus pil­lugu ilungersor­nar­tumik paasisaqarsimasuusaarlutik. „Guuti naalan­nar­tiguk,“ peq­qus­sip­put. „Inuk taan­na ajor­tulior­toq ilisimavar­put.“

Angutip tap­piitsuusimasup un­nerluutaat akerlilin­ngilaa, oqarlunili: „Ajor­tulior­tuunersoq naluara; kisian­ni tap­piik­kaluar­tunga maan­nalu tap­pis­sisunga nalun­ngilanga.“

Nalunaajaanera kuk­kunersior­niarlugu farisæerit apereq­qip­put: „Qanoq ilior­paatit? Qanoq ilil­luni isitit uisip­pai?“

„Oqarfigereeras­si tusaruman­ngilasi; sooq tusaq­qik­kumavisiuk?“ angut naam­magit­taal­lior­poq, tusangiasaarlugil­lu oqar­poq: „Ilis­sis­saaq taas­sumun­nga ajoqersugan­ngorumagas­si?“

Akis­sut taman­na farisæerit kamaatigeqaat. „Il­lit taas­suma ajoqersugaraatit,“ pasil­ler­paat, „uagul­li Mosesip ajoqersugaraatigut. Moses Guutip oqaluf­figigaa ilisimavar­put, unali sumit pisoq naluar­put.“

Qinusar­toq maniguut­toq tupaal­lal­luni akivoq: „Tupin­naqaaq sumit pisoq nalugas­siuk, isik­kalu uisik­kai.“ Aap, kik­kut tamarmik qanoq isum­mersin­naasariaqaraluar­ner­pat? Qinusar­tup farisæerit ilumoor­tumut nalingin­naasumik akuerisaasumut in­nersuup­pai: „Ilisimavugut ajor­tulior­tut Guutip tusan­ngik­kai, kisian­ni Guutimik mianerin­nit­tut peq­qusaanil­lu ilior­tut tusar­pai. Silarsuaqar­til­lugu tap­piitsuul­luni er­niusup isaanik uisitsisumik tusar­toqan­ngisaan­nar­poq.“ Kinaluun­niit im­minut oqarfigisin­naasariaqaraluar­poq: „Una Guutimit pin­ngik­kuni qanoq iliorsin­naan­ngeq­qajaqaaq!“

Isum­mamut tun­ngaveqarluar­tumut tamatumun­nga farisæerit akis­sutigs­saarup­put. Akerlianik angut asis­suler­paat: „Iluun­ngar­pit ajor­tiliul­lutit er­niusutit ajoqersorumavisigut?“ Taava ajal­lugu anisip­paat, taman­nalu isumaqarunar­poq naalagiar­tarfim­min­nut ilaasor­taajun­narsik­kaat.

Qanoq iliorsimanerat Jesusip tusaramiuk angut or­nip­paa oqarfigalugulu: „Guutip Er­neranut up­per­pit?“

„Naalagaq,“ qinusar­toq tap­piitsuusimasoq aperaaq, „kinaana taan­na up­perfigisas­sara?“

„Maan­na oqaloqatigisat taan­naavoq,“ Jesus akivoq. Angutip Jesus pal­lorfiginasuar­paa oqarlunilu: „Naalagaq, up­per­punga.“

Jesus taava oqar­poq: „Silamut matumun­nga pivunga eq­qar­tuus­sinis­saq pil­lugu, tap­piitsut tap­pis­seq­qul­lugit tap­pis­sul­lu tap­piil­leq­qul­lugit.“

Taman­na pis­sutigalugu farisæerit ilaat aperip­put: „Uagut­taaq tap­piik­kat­ta?“ Anersaak­kut tap­piis­suser­tik nas­suerutigigaluarunik­ku Jesusimut as­sor­tuinermin­nik pin­ngitsuutitaasin­naas­sagaluar­put. Soorlu Jesusip oqarfigigai: „Tap­piik­kus­si ajor­tuliaqan­ngeq­qajaqaasi.“ Farisæerit uteriil­lutik tap­piitsuun­ngin­nerar­put anersaak­kul­lu qaam­marsagaasariaqan­ngin­nerarlutik. Taamaat­tumik Jesus naggasiivoq: „Im­minil­li tap­pin­neraras­si ajor­tuliarsi aalas­san­ngilaq.“ Johannes 9:19-41.

▪ Sooq angajoq­qaat farisæerinit qaaq­quneqar­ner­tik an­nilaangas­sutigaat, pisuutin­neqarumanatil­lu qanoq akip­pat?

▪ Farisæerit qanoq ilil­lutik tap­piitsuusimasoq siooralersin­niar­paat?

▪ Angutip oqaasii tun­ngaveqarluar­tut suut farisæerit kamaatigaat?

▪ Farisæerit Jesusimik as­sor­tuinermin­nik sooq pin­ngitsuutin­neqarsin­naan­ngil­lat?