Kapitali 130

Galilæap Tasersuani

JESUSIP peq­qusisimaneratut apustilit maan­na Galilæamut uter­put. Taavanili sulerinis­sar­tik nalor­nis­sutigaat. Thomas, Natanael, Jakob qatan­ngutaalu Johan­nes apustilil­lu marluk al­lat Peterip oqarfigai: „Qas­susersorlunga aalisarias­saanga.“

„Ilagis­savatsigit,“ apustilit arfinil­lit akip­put.

Un­nuaq naavil­lugu aalisar­put, pisaqan­ngivip­pul­li. Qaam­mariar­tulersoq tatsip sinaani Jesus tak­kup­poq, apustilil­li naluaat taan­naasoq. Jesus suaar­poq: „Qitor­nan­nguak­ka, nerisas­saateqar­pisi?“

„Naagga,“ umiatsiamit akip­put.

„Umiatsiaap taler­piata tungaanut qas­suseritsi, taava aalisagarumaar­pusi,“ Jesus oqar­poq. Taamaalioramil­lu pisatik amerlangaarmata qas­sutitik qaqin­neq ar­tuler­paat.

„Tas­sa Naalagaq,“ Johan­nes nil­ler­poq.

Peterip taman­na tusaramiuk atisani qal­leq atipal­lap­paa, atisaajarsimagamimi. Taava tatsimut pis­sip­poq meteril­lu 90-it mis­saan­niit­tut tatsip sinaanut nal­luserluni. Apustilit ilaat umiatsiaaq­qamin­nik malin­naap­put qas­sutitik kalil­lugit.

Tulak­kamik aalisagaq aamat ikumasut qaavan­niit­toq if­fiarlu takuaat. „Aalisak­kat tas­sa-taava amusas­si ilaan­nik qaatsigitsi,“ Jesus oqar­poq. Peter umiatsiamut ikivoq qas­sutil­lu nunamut amuarlugit. Aalisagarujus­suit 153-it pisarisimavaat!

„Qaal­lusi neriar­toritsi!“ Jesus oqar­poq.

Arlaan­naataluun­niit ima aperinis­sani saper­paa: „Kinaavit?“ tamarmik nalun­ngin­namik­ku Jesusiusoq. Taman­na Jesusip makititaanermi kingor­na arfineq aap­pas­saanik saq­qum­mer­neraa, apustilil­lu ataatsimut isigalugit pingajus­saanik saq­qum­merfigai. Maan­na Jesusip if­fianik aalisak­kanil­lu ul­laak­korsior­tip­pai.

Neril­lutik naam­mas­sigamik qular­nan­ngitsumik aalisagar­tar­pas­sui qiviaatigalugit Jesusip Peter aperaa: „Simon, Johan­nesip er­nera, taak­kunan­nga asaneruinga?“ (NV) Jesusip qular­nan­ngitsumik paaserusup­paa Peterip aalisar­tuunini nuan­narineruneraa sulias­sap taas­sumun­nga piareersarsimasami suliarinis­saanin­ngar­nit.

„Aap, Naalagaq, nalun­ngilat asagik­kit,“ (NV) Peter akivoq.

„Savaaraatik­ka nerlersuk­kit,“ (NV) Jesus oqar­poq.

Maan­na aap­pas­saanik Jesusip aperaa: „Simon, Johan­nesip er­nera, asavinga?“

„Aap, Naalagaq, nalun­ngilat asagik­kit,“ (NV) Peter akivoq.

„Savaaraatin­nut paarsisuugit,“ (NV) Jesusip aam­maarluni peq­quaa.

Taava pingajus­saanik aperaa: „Simon, Johan­nesip er­nera, asavinga?“

Maan­na Peter aliasuler­poq. Im­maqa isumalior­poq ilumoor­nini Jesusip qularutigigaa. Eq­qar­tuus­saaneratami nalaani Peterip pingasoriarluni Jesus miserratigisimavaa. Taamaat­tumik Peter oqar­poq: „Naalagaq! Nalusaqan­ngilatit, ilisimavarma asagik­kit.“

„Savaaraatik­ka nerlersuk­kit,“ (NV) pingajus­saanik Jesus peq­qusivoq.

Peter aq­qutigalugu Jesusip apustilini ilungersor­tumik eq­qaamasas­sin­niar­pai sumik suliaqar­nis­saan­nik kis­saateqar­nerminik. Qanit­tuk­kut Jesus nunamit qimagut­tus­saavoq, naatsorsuutigaalu Guutip savaataanut siulersor­neqar­tunik isumas­suinermut siulersor­taanis­saat.

Jesusip, Guutip im­minut sulias­siis­sutaa pis­sutigalugu qilersor­neqarlunilu toqutaasimasup, maan­na paasinarsisip­paa Peter tamatumun­nga as­singusunik nalaataqarumaar­toq: „Inuusuk­kal­laravit nam­mineq qiterusersar­putit or­nik­kumasan­nut aal­lar­tarlutit; utoq­qaliguil­li as­satit isatsik­kumaar­patit, al­lal­lu qiteruserumaar­paatit, or­nik­kuman­ngisan­nul­lu aal­laruk­kumaar­paatit.“ Naak Peter nalunaajaasutut toqutaanis­samik nalaan­neqas­sagaluar­toq Jesusip kajumis­saar­paa: „Malit­tuaan­nan­nga.“ (NV)

Peter tunumut qiviarami Johan­nes takugamiuk aperaaq: „Naalagaq, unami?“

„Sus­sam­mat tikiutserlunga tas­saniit­tuaq­quguk­ku? Maliin­nan­nga!“ Jesus akivoq. Oqaatsit tamak­ku ajoqersuk­kat ilar­pas­suisa paatsoorlugit isumaqar­put Johan­nes toqun­ngisaan­nas­saneraraa. Apustilil­li Johan­nesip kingusin­nerusuk­kut nas­suiaaneratut, toqun­ngisaan­nas­saneran­ngilaa, taamaal­laal­li: „Sus­sam­mat tikiutserlunga tas­saniit­tuaq­quguk­ku?“

Aam­mat­taaq kingusin­nerusuk­kut Johan­nesip soqutiginar­toq man­na saq­qum­miup­paa: „Jesusil­li suliai al­lat­taaq amerlagaluaqaat; tamak­kulu tamarmik im­mik­kut al­lak­katigut oqaatigineqas­sagaluar­pata isumaqar­punga map­persak­kat al­lat­tariaqas­sasut silarsuup inis­saqar­tis­san­ngik­kai.“ Johannes 21:1-25; Mattæus 26:32; 28:7, 10.

▪ Suk­kut paasineqarsin­naava apustilit Galilæami sulinerinis­sar­tik nalor­nis­sutigigaat?

▪ Qanoq ilil­lutik apustilit Galilæap Tasersuani Jesus ilisaraat?

▪ Jesus makititaanermi kingor­na maan­namut qas­seriarluni takutis­simava?

▪ Apustilit sulerinis­saan­nik naatsorsuutigin­nin­nini Jesusip qanoq ilil­luni erseq­qis­sar­paa?

▪ Jesusip qanoq ilil­luni oqaatigimisaar­paa Peter qanoq toqujumaar­toq?

▪ Johan­nes pil­lugu Jesusip oqaasia suna ajoqersuk­kat ilar­pas­suinit paatsoor­neqar­pa?