Kapitali 87

Ilisimassuseq atorluarsinnaasoq siunissamik isumannaarisuuvoq

JESUS er­nermik tam­maraluar­tumik as­sersuusioq­qam­mer­poq ajoqersuk­kani, ilan­ngaaserisut un­neq­qaserlut­tut, ajor­tulior­tutut nalun­ngisaasut al­lak­kanil­lu ilisimasut farisæeril­lu ilaatigut tusar­naar­toralugit. Maan­na ajoqersuk­kani as­sersuusiorfigai angum­mik pisuumik pilit­tani pil­lugu ajor­tumik tusatsiagaqarsimasumik.

Jesus oqalut­tuar­poq angutip pisuup pilit­tani qaaq­qugaa soraarsin­niar­neranil­lu nalunaarfigalugu. „Qanoq ilius­saanga, naalak­kama pilit­taajun­naaq­qum­manga?“ pilit­taq im­minut aperaaq. „As­saaneq saper­punga, qinusar­nerlu it­toor­punga. Qanoq ilior­nis­san­nik ilisimaler­punga, pilit­taanin­nit peersin­neqaruma il­lumin­ni ilasiareq­qul­lunga.“

Qanoq pilersaaruteqar­pa? Aap, naalak­kaminut akiligas­sal­lit tamaasa qaaq­quai ataasiak­kaarlugil­lu apersorlugit: „Qanoq atsigisoq naalak­kama ilin­nit pisas­saraa?“

Siul­leq akivoq: ’Uulia 2200-nik literilik.’ (Tas­sa uuliaqutip paar­naata is­sera uuliaasoq.)

’Al­lak­katit tiguk­kit, ingil­lutil­lu 1100-t al­lak­kasuak­kit!’ pilit­taq oqar­poq.

„Taava al­la aperaa: ’Ilin­nim­mi qanoq atsigisoq pisas­saraa?’

Akivaa: ’Qajuusias­sat [22.000-inik literil­lit].’

’Al­lak­katit tiguk­kit [18.000-il­lu] al­lak­kit!’

Pilit­taq naalak­kami pisas­saasa ilaan­nik mil­lisitsinis­saminut pisin­naatitaavoq, suli taas­suma niuer­nermut tun­ngasuutaanut akisus­saagami. Akiligas­sal­lit akiligas­saan­nik mil­liliis­sun­nerisigut ikin­ngutitaar­tor­poq, soraarsitaaguni kif­far­tuutiminik akisil­lutik im­minik ikiuisus­sanik.

Naalagaata pisimasoq tusaramiuk tupigutsap­poq. Aap, „pilit­taasoq taan­na iluaatsoq nersor­paa [atorluarsinnaasumik ilisimassutilittut, NV] ilior­nerarlugu“. Jesusilu nangip­poq: „Silam­mi matuma qitor­nai qaamasup qitor­naanit sugisamin­nut [atorluarsin­naasumik, NV] silatunerup­put.“

Jesusip maan­na as­sersuusiami pik­kunar­tor­taa tik­kuar­paa: „Pisuus­sutit iluaas­sutsip pii ikin­ngutis­sarsiutigisigik, taava sueruk­kus­si taak­kua ininut it­tuin­nar­tunut ilasiaris­savaasi.“

Jesusip pilit­taq iluaas­susia pin­nagu eq­qanaarsar­tuus­susiali atorluarsinnaasumillu ilisimanera pil­lugu nersor­paa. ’Silap matuma qitor­naasa’ aningaasaatitik atorfitsil­lu silasoris­sumik atorlugit ikin­ngutis­sarsior­tar­put ajun­ngisaarfigineqar­nis­sar­tik anguniarlugu. Guutip kif­faasa, ’qaamasup qitor­naasa’, aam­mat­taaq timik­kut pigisatik, tas­sa ’pisuus­sutit iluaas­sutsip pii’ silatuumik ator­tariaqar­paat, iluanaarutigiumal­lugit.

Soorluli Jesus oqar­toq, pisuus­sutitik ator­tariaqar­paat ikin­ngutis­sarsiutigalugit ’ininut it­tuin­nar­tunut ilas­sineqar­niarlutik’. Savar­pan­nguanut init tamak­ku qilam­miip­put, ’savanul­lu al­lanut’ nunami paratiisis­samiip­put. Jehova Guutip er­neratalu kisimik „qaamasup qitor­nai“ ininut tamak­kunun­nga iser­tis­sin­naam­matigik, taak­kunin­nga ikin­ngutis­sarsior­tariaqar­pugut, ’pisuus­sutit iluaas­sutsip pii’ pigisavut atorlugit Naalagaaf­fiup soqutigisaanik siuarsaal­luta. Taava pisuus­sutit timip pii pakatsisitsip­pata nungul­lutil­luun­niit, soorlu qular­nan­ngivis­sumik piumaar­tut, siunis­sar­put soraajuitsoq isuman­naareersimas­savar­put.

Jesus nangil­luni oqalut­tuar­poq pigisamin­nik timip piinik ilumoorlutik nak­kutigin­nit­tut, aam­ma pis­sutsini pingaar­nerusuni ilumoorumaar­tut. „Taava,“ Jesus nangip­poq, „pisuus­sutit iluaatsut ilumoorfigin­ngik­kus­sigik piviusut [tas­sa anersaak­kut it­tut] kia ilis­sin­nut paaritis­savai? Al­lal­li pii [Naalagaaf­fiup soqutigisai Guutip kif­faminut paarititai] ilumoorfigin­ngik­kus­sigik nam­minerisas­sas­sin­nik [inini it­tuin­nar­tuni inuunermik naas­saan­ngitsumik akis­sarsiamik] kia tunis­savaasi?“

Guuti ilumoorluni kif­far­torfigiitigalugu pisuus­sutinut timip piinut iluaatsunut inus­siaataasoqarsin­naan­ngilaq, Jesusimi oqar­poq: „Il­lumi kif­faasoq naalak­kanut marlun­nut kif­far­torsin­naan­ngilaq; arlaat uumigiguniuk aap­paa asas­savaa, arlaal­luun­niit ungagiguniuk aap­paa asigin­nas­savaa; Guuti pisuus­sutil­lu kif­far­torfigisin­naan­ngilasi.“ Lukas 15:1, 2; 16:1-13; Johannes 10:16.

▪ Jesusip as­sersuusiaani pilit­taq qanoq ilil­luni ikior­tis­saminik ikin­ngutis­sarsior­pa?

▪ „Pisuus­sutit iluaas­sutsip pii“ suup­pat, qanorlu ilil­luta ikin­ngutis­sarsiutigisin­naavavut?

▪ Kik­kut „ininut it­tuin­nar­tunut“ iseq­qusin­naavaatigut, inil­lu tamak­ku suup­pat?