Kapitali 79

Inuiagatigiit tunuartinneqarput, ilaalli annatsitaassapput

INUIT farisæerip il­luata silataani Jesusip oqaloqatigereermagit, ilaasa „galilæerinik oqalut­tuup­paat, taak­kua aavi [nunasianut naalagarsuaatitap Romamiusup Pontiusip] Pilatusip [pil­liutis­saan­nut] akuliuk­kai.“ Tas­sani pineqan­nguatsiar­put galilæerit, naalaf­fiup aningaasivianit akilerlugu Jerusalemimut imermut aq­qutiliamik Pilatusip sanatitsisimaneranik juutit tuusintilik­kuutaat akerliliineran­ni, toqutaasimasut. Pisimasumik tamatumin­nga Jesusimik oqalut­tuus­sisut isumaqan­nguatsiar­put galilæerit nam­min­neq ajor­tuliatik pis­sutigalugit tamatumin­nga eq­qor­neqarsimasut.

Jesusil­li naq­qip­pai ima aperalugit: „Isumaqar­pisi galilæerit taak­ku galilæerinit tamanit ajor­tulior­nerugamik taama pineqar­tut? Naagga, oqarfigaas­si,“ nam­mineq akivoq, pisimasorlu taman­na atorlugu juutit mianersoq­quai: „Kisian­ni al­lamik isumataan­ngik­kus­si tamas­si taama nungutin­neqarumaar­pusi.“

Jesusip nangil­luni tamaani pisimasoq alinar­toq al­la eq­qar­tor­paa, im­maqa aam­ma imermut aq­qutilior­nermut at­tuumas­suteqar­toq. Aperaaq: „Isumaqar­pisiluun­niit arfersaneq-pingasut ik­ku qaqif­filiap Siloamimiit­tup nak­karfigisai toqul­lugil­lu inun­nit Jerusalemimiit­tunit pil­lagas­saanerum­mata?“ Naagga, Jesus oqar­poq, toquneran­nut ajus­susiat pis­sutaan­ngilaq. Amerlaner­tigut ajunaar­ner­nut tamak­kunun­nga ’periarfis­sat nalaatsor­neril­lu’ pis­sutaasar­put. Mianersoq­qoq­qip­paalu: „Kisian­ni al­lamik isumataan­ngik­kus­si tamas­si taama nungutin­neqarumaar­pusi.“

Nangil­luni Jesusip as­sersuusiaq man­na naleq­qul­luar­toq oqalut­tuaraa: „Inuup fiigequs­suaq naatsiivim­minut viin­nequtilim­mut ik­kus­simasoq pigivaa; inerititarsioraluaramiul­lu nas­saan­ngilaq. Taava viin­nequtilerisumut oqar­poq: ’Ata, fiigequs­suaq taman­na ukiut pingasut inerititarsioriar­toraluariga nas­saar­nangali; kipiuk; sooq nuna (al­lanut) ator­taalis­savaa?’ Taas­sumali akivaa oqarluni: ’Naalagaq! Ukioq taman­nat­taaq taamaak­kal­larli, avataa as­sal­lugu naggoris­saaserumaar­para; taava im­maqa siunis­sami inerititaqar­talerumaar­poq; peqalin­ngip­pal­li kingor­na kipiumaar­pat!’“

Jesusip ukiut pingasut sin­nerlugit inuiaqatigiit juutit up­pis­suseqalersin­niarsimagaluar­pai. Suliaatali ajoqersuk­kat hundredel­lit ikit­tuin­naat inerititarai. Maan­na Jesusip kif­far­tuus­sinermi ukiuisa sisamas­saat aal­lar­tik­kamiuk sulinini sak­kor­tusaler­paa, as­sersuutik­kul­lu „fiigequs­suaq“ juutiusoq as­saal­luni naggoris­saasersor­paa Judæami Peræamilu ilungersor­tumik oqaluus­sil­lunilu ajoqersuinermigut. Iluaqutaan­ngitsumil­li! Inuiaqatigiit­tut isigalugit juutit al­lamik isumataaruman­ngivip­put taamaat­tumil­lu aseror­nis­samin­nut ingerlal­lutik. Taamaal­laat inuit ikit­tun­nguit inuiaqatigiin­nit taak­kunaneersut tusarlius­saanik ilas­sin­nip­put.

Kingunin­nguagut sabbatimi Jesus naalagiar­tarfim­mi ajoqersuivoq. Tas­sani ar­naq ukiut 18-it anersaapilum­mit naal­liutsin­neqarluni peqingasuusoq takuler­paa. Jesusip misigeqatigalugu oqarfigaa: „Ar­naq-aa! Nap­paataarutin­neqar­putit.“ Taava at­tor­paa, er­niin­narlu ar­naq isuip­poq Guutilu un­nersiutigalugu.

Naalagiar­tarfiul­li misis­sor­taata taman­na kamaatigiler­paa: „Ul­lut sulif­fis­saasut arfiniliup­put, taak­ku ul­luutil­lugit katsorsar­tik­kiar­tor­taritsi, sabbatimi pin­nasi!“ Taamaalil­luni misis­sor­taasup miserratigin­ngilaa Jesus ajorun­naarsitsisin­naasoq, sabbatimili katsorsar­tik­kiar­tor­tut as­suarai!

„Taatuuku ilumoor­tuusaar­niar­tusi!“ Jesus akivoq, paasisimal­luagaan­nil­lu uparuul­lugit: ’Ilas­si kialuun­niit us­siutini siutituutiniluun­niit nerrivianit sabbatimi pituus­saar­tarin­ngin­ner­paa imeriar­tor­til­lugu? Unali Abrahamip panigisaa, Satanip ukiut arfersaneq-pingasut qilersugarisaa, ata, qilerum­mit tamatuman­nga sabbatimi qilerus­saar­neqas­san­ngin­ner­pa?“

Jesusip akerar­tor­taasa taman­na tusaramik­ku kan­ngusuler­put. Inup­pas­suil­li tamarmik Jesusip naam­mas­sisai tupin­nar­tut takusatik nuan­naarutigingaar­paat. Taamaat­tumik Jesusip as­sersuusiat siulit­tuutaasut marluk Guutip naalagaaf­fianut tun­ngasut, ukioq ataaseq tamatuma sior­na Galilæap tasersuani umiatsiamiil­luni oqalut­tuarisimasani, uter­pai. Lukas 13:1-21; Nalunaajaasup oqaasii 9:11; Mattæus 13:31-33.

▪ Ajunaar­nerit suut maani eq­qaaneqar­pat, taak­kunan­ngalu ilin­niutis­saq suna Jesusip tik­kuar­paa?

▪ Fiigequs­suarmik inerititaqan­ngitsumik taas­sumin­ngalu inerititaqalersitseriaraluar­nermik as­sersuusiaq qanoq paasineqarsin­naava?

▪ Naalagiar­tarfiup misis­sor­taata Jesusip ajorun­naarsitsisin­naaneranik miserratigin­nin­ngin­nini qanoq ersersip­paa, ilumoor­tuusaar­niar­neralu Jesusip qanoq ersersip­paa?