Kapitali 2

Inunngun­ngik­kallaramili ataqqinar­tin­neqarpoq

NAAS­SAAN­NGITSUMIK kun­ngiusus­samik er­ner­taarumaar­nis­saminik In­ngili Gabrielip oqalut­tuutereermani Maria aperaaq: „Qanoq ilil­luni taman­na pis­sava, angum­mik ilisarisaqan­ngin­nama?“

„Anersaaq il­ler­nar­toq ilin­nut piumaar­poq,“ Gabriel nas­suiaavoq, „Qutsin­nerus­saar­tul­lu pis­saanerata ulik­kumaar­paatit; taman­nalu pil­lugu il­ler­nar­toq er­nias­sat Guutip er­neranik taaneqas­saaq.“

Tamatumin­nga Maria paasin­neq­qul­lugu Gabriel nas­suiaaq­qip­poq: „Atalu, Elisabetis­saaq eq­qarlerisat er­ner­taas­saminik naar­tuler­poq utoq­qaanermini, qaam­matil­lu arfinilin­ngor­pai taas­suma er­nisuitsuuneragaasup. Guutimum­mi sumik ajor­nar­toqan­ngilaq.“

Gabrielip oqaasii Mariap up­perai. Qanoq qisuariar­paa? ’Tas­sa Jehovap kif­faraanga,’ oqar­poq. „Oqaatsit naaper­torlugu pineqar­naanga!“

Gabrielip qimagun­nerata kingunin­ngua Maria pikivoq Elisabet uialu Zakarias Judæap qaq­qalit­taani najugaqar­tut tikeraar­niarlugit. Nazaretimi Mariap angerlarsimaf­fianit tikeraarfis­saa ungasip­poq ul­lut pingasut sisamal­luun­niit ingerlasariaqarluni.

Kiisami Maria apuuk­kami Zakariasik­kut il­luan­nut iser­poq ilas­sil­lugil­lu. Taava Elisabet anersaamik il­ler­nar­tumik ilumioqangaaler­poq, Marialu oqarfigaa: „Pil­luaq­qusaavutit ar­nani, pil­luaq­qusaavorlu timivit ilumiua. Sunalu taama pineqaatiginer­para Naalak­kama ar­naata or­nim­manga? Ata, ilas­sin­nit­tutit tusalerak­kit ilumiuga nuan­naarluni ilun­ni aalaler­poq.“

Maria qujamasoqaluni oqar­poq: ’Jehova tar­nima naalan­nar­tip­paa, anersaaralu nuan­naar­poq Guutimi An­naas­sisin­ni, kif­fami ar­nap nikanarsusia isigisimam­magu. Ata, matuma kingor­nagut kinguaariit tamarmik pil­luar­neras­savaan­nga, Sapin­ngitsup taas­suma malun­nangaar­tuliorfigim­manga.’ Naak taamatut sal­liutitaatigigaluarluni ataq­qinaat tamaat Mariap Jehovamut tun­niup­paa. „Taas­suma aq­qa il­ler­nar­poq,“ oqar­poq, „nal­lit­tuineralu kinguaariis­soqar­til­lugu mianerin­nit­taanut atajuar­poq.“

Taava Mariap Jehova un­nersiutigaa isumas­sarsiarititaasumik erinarsuum­mik ap­pil­luni: „Pis­saanilis­suar­tut ilior­poq talerminik siam­mar­til­lugil­lu uum­matimik­kut makitasuunik eq­qarsaatil­lit. Pis­sarsuit ajat­tar­pai is­siavis­saarsuinit, nikanar­tul­lu akitsisit­tar­pai. Kaat­tut qaarsil­lar­tit­tar­pai ajun­ngitsunik, pisuul­lu aal­lar­tit­tar­pai soqar­tin­nagit. Kif­fani Israel isumagaa, nal­lit­tuis­sutsi eq­qaagamiuk, soorlu siuaasatsin­nut oqalus­simasoq Abrahamimut kinguaas­saanul­lu naas­saan­ngitsumik taamaak­kumal­luni.“

Maria qaam­matit pingasut mis­saan­ni Elisabetimiip­poq, sapaatit-akun­nerinilu kingul­ler­ni Elisabetip naar­tuf­fiini qular­nan­ngitsumik ikiuutaal­luaqaluni. Aap, ar­nanut aalajaatsunut taak­kunun­nga Guutip ikiuineratigut naar­tulersimasunut nuan­neqaaq inuunermik ilaan­ni pil­luaq­qusaaf­fiusumi tamatumani najor­tigiis­sin­naagamik.

Inun­ngun­ngik­kal­laramili Jesus ataq­qinar­tin­neqar­toq malugaajuk? Elisabetip Jesus ’Naalak­kaminik’ taavaa, Marialu isermat Elisabetip naar­tua nuan­naar­nermik pikip­poq. Soorluli takus­sagip­put, kingor­na inuit al­lat Maria meeras­saalu ataq­qin­nin­ngitsumik iliorfigaat. Lukas 1:26-56.

▪ Qanoq ilil­luni naar­tulerumaar­nis­saminik paasin­nin­nis­saanik Maria ikior­niarlugu Gabriel qanoq oqar­pa?

▪ Qanoq ilil­luni Jesus inun­ngun­ngik­kal­laramili ataq­qinar­tin­neqar­pa?

▪ Erinarsuum­mik isumas­sarsiarititaasumik Mariap qanoq Jehova un­nersiutigaa?

▪ Qanoq sivisutigisumik Maria Elisabetimiip­pa, aam­ma sooq pitsaava pif­fis­sami tamatumani Maria Elisabetimiim­mat?