Kapitali 70

Inunnguutsiminik tappiitsoq ajorunnaar­sinneqartoq

NAAK juutit ujaq­qanik mil­looriaraluarsimagaan­ni Jesusip Jerusalem qiman­ngilaa. Kingusin­nerusuk­kut sabbatimi Jesus ajoqersuk­kanilu il­loqarfim­mi ingerlaar­til­lutik angut inun­nguutsiminik tap­piitsoq takuler­paat. „Rabbi, (ajoqersuisoq), kina ajor­tuliormat,“ ajoqersuk­kat Jesus aperaat, „taan­naluun­niit angajoq­qaaviluun­niit una tap­piil­luni er­niusimava?“

Im­maqa ajoqersuk­kat, juutit ajoqersuisor­taasa ilaasa isumaqar­nerat­tut, inuk suli anaanami il­liaaniitil­luni ajor­tuliorsin­naasoraat. Jesus akivoq: „Taan­naluun­niit angajoq­qaaviluun­niit ajor­tulioramik pin­ngilaq. Kisian­ni Guutip suliai taas­sumani erseq­qul­lugit.“ Angutip tap­piitsuunerata taas­suma angajoq­qaavisaluun­niit aalajangersimasumik ajor­tuliorsimanerat pis­sutigin­ngilaa. Inuup siul­liup Adamip ajor­tuliaata kinguneraa inuit tamarmik naam­mal­luin­nar­tuunatik er­niusar­nerat timik­kul­lu in­narluutinik atuisariaqar­nerat, as­sersuutigalugu inun­nguutsimik tap­piis­sutsimik. Angutip in­narluuteqar­nerata Jesus maan­na periarfis­sip­paa Guutip suliaanik ersersitsinis­saanik.

Suliat tamak­ku suliarinis­saata qanoq pingaaruteqar­tiginera Jesusip erseq­qis­sar­paa. „Aal­lar­titsisima suliareq­qusai ul­luugal­lar­til­lugu suliaris­sa[vavut, NV],“ oqar­poq. „Un­nuaq sulif­figineqarsin­naan­ngitsoq nal­liuk­kumaar­poq. Silarsuarmiitil­lunga silamiut qaam­maq­qutigaan­nga.“ Jesus qanit­tuk­kut toqutaas­saaq ilerrul­lu taar­neranut pisitaal­luni. Tas­sani sulisin­naas­san­ngilaq; taman­nali tikil­lugu silarsuarmut qaam­maq­qutaavoq.

Taama oqareerluni nunamut qiser­poq marrarmil­lu sanal­luni. Tamatumin­nga tap­piitsup isai tanip­pai oqarlunilu: „Siloamip tasianut ermik­kiar­torit.“ Angut Jesusip oqar­neratut ilior­poq — ajorun­naarlunilu! Uterami inuunerminilu siul­ler­paamik takun­nis­sin­naalerami nuan­naar­nera as­seqan­ngilaq!

Angutip nunaq­qatai ilisarisiman­nit­taalu tupigusoqaat. „Tas­saan­ngila taan­na is­sial­luni qinusar­toq?“ aperip­put. „Taan­naavoq,“ ilaat akip­put. Al­lal­li up­perisin­naan­ngilaat: „[Naamik], as­sigaa.“ Angul­li nam­mineq oqar­poq: „Taan­naavunga.“

„Isitit qanoq ilil­lutik uisitaap­pat?“ inuit paaserusup­paat. „Inuup Jesusimik atil­lup marujuliorluni tamatumin­nga isik­ka tanip­pai oqarfigalungalu: ’Siloamip tasianut ermik­kiar­torit!’ Ermik­kiar­toramalu tap­pis­sivunga.“

„Naak taan­na?“ aperip­put.

„Naluara.“

Maan­na inuit tap­piitsuusimagaluar­toq up­perisarsior­nik­kut siut­tumin­nut, farisæerinukaap­paat. Taak­kuat­taaq qanoq ilil­luni tap­pis­sisimanersoq apersuler­paat. „Marujuk isin­nut ilivaa, ermik­kamalu tap­pis­sivunga,“ angut nas­suiaavoq.

Soorunami farisæerit qinusar­toq ajorun­naarsitaasimasoq nuan­naaqatigisariaqaraluar­paat. Akerlianil­li Jesus as­suariler­paat! Oqar­put: „Inuk taan­na Guutimit pin­ngilaq, sabbat unior­tik­kamiuk.“ Kisian­ni farisæerit al­lat itinerusumik eq­qarsar­put: „Qanoq ilil­luni inuk ajor­tilik taama it­tunik nalunaaq­qutiliorsin­naava?“ Taamaat­tumik akerleriiler­put.

Taava angut aperaat: „Il­lim­mi kinaatip­piuk isitit uisim­magit?“

„Pruf­fiitiuvoq,“ akivoq.

Taman­na farisæerit up­periuman­ngivip­paat. Isumaqavip­put Jesus angul­lu taan­na inuit sal­loq­qit­tar­niarlugit iser­tor­tumik isumaqatigiis­simasut. Pisimasoq paasinarsisin­niarlugu qinusar­tup angajoq­qaavi apersorumal­lugit qaaq­quaat. Johannes 8:59; 9:1-18.

▪ Angutip tap­piin­nera sumik pis­suteqar­pa, sumil­lu pis­suteqan­ngila?

▪ Un­nuaq suna sulif­figineqarsin­naan­ngila?

▪ Angum­mik ilisarisiman­nit­tut ajorun­naarsitaanera qanoq qisuariarfigaat?

▪ Sooq angutip ajorun­naarsitaanera pil­lugu farisæerit as­sor­tuutiler­pat?