Kapitali 53

Inuppassuit Jesus kunnginngortik­kusuppaat

INUP­PAS­SUIT tupigusup­put Jesus tupin­nar­tuliorluni inun­nik taama amerlatigisunik nerisas­siisin­naam­mat. „Ilumut tas­sa pruf­fiiti taan­na silarsuarmut tikiut­tus­saq,“ oqar­put. Eq­qarsar­put taan­na tas­saasimas­sasoq pruf­fiiti Mosesimit an­nerusus­saq, sulilu isumaqarlutik naalagas­savius­sasoq. Taamaat­tumik tigus­samaaler­paat kun­ngin­ngor­tik­kumal­lugu.

Isumaliutaal­li Jesusip nalun­ngilaa pin­ngitsaalineqan­ngin­nias­sagamilu iliuuseqarasuar­poq. Inup­pas­suit al­lamukar­tip­pai ajoqersuk­kanilu kimigiiserfigalugit umiatsiamik Kaper­naumimut angerlar­nis­saan­nik. Nam­minerli avis­saar­poq qinujumal­lunilu qaq­qamukarluni. Un­nuaq naal­lugu kisimi tas­saniip­poq.

Ul­lup qaan­ngitsiar­nerani Jesusip qaq­qamit malugaa anorip sak­kor­tuup taseq mal­lersorsuan­ngor­tileraa. Poorskingajaler­poq; taamaat­tumil­lu qaam­mat imis­singajaler­poq. Qaam­matip qaamar­nani Jesusip takuaa ajoqersuk­kani umiatsiami tamaviaarlutik iput­tut.

Taman­na takugamiuk Jesus ater­poq im­mak­kul­lu mal­lersuk­kut pisul­luni or­nilerlugit. Kilometerit tal­limat-arfinil­lit ingerlavigereeraal­lu anguai. Ingerlaan­nar­porli saneq­qutiin­nar­niar­tuusaarlugit. Ajoqersuk­kat takugamik­ku nil­liap­put: „Tas­sa alior­tugaavoq.“

Jesusip eq­qis­sisar­pai: „Uangaavunga. Erseqinasi.“

Taava Peter oqar­poq: „Naalagaq! Il­liuguit uan­nut or­neq­qugit tatsip qaagut!“ „Qaagit!“ Jesusip akivaa.

Peter umiatsiamit niuvoq Jesusil­lu tungaanut im­mak­kut pisulerluni. Pitoralersorli takugamiuk nangialer­poq, kiviar­tuleramilu nil­lialer­poq: „Naalagaq! An­naan­nga!“

Jesusip Peter isat­torasuarlugu tiguaa oqarfigalugulu: „Taatuuna up­per­nikitsoq, sooq nakimavit?“

Peter Jesusilu umiatsiamut ikim­mata qatsor­poq, ajoqersuk­kal­lu tupigusoqaat. Tupigusut­tariaqar­pal­li? ’If­fiat pineqar­neri’ paasisimagaluarunik­kik — tas­sa nalunaaqut­tap-akun­nialun­nguanik taman­na sioq­qul­lugu Jesusip if­fiat tal­limaan­naat aalisagaaq­qal­lu marluk atorlugit inuit arlalin­nik tuusintil­lit nerisin­nerisigut tupin­nar­tuliaata isumaa paasisimagaluarunik­ku — im­mak­kut pisus­sin­naanera anorlerun­naarsitsisin­naaneralu tupigusuutigisariaqan­ngik­kaluar­paat. Maan­nali ataq­qin­nil­lutik ajoqersuk­kat pal­lor­put oqarlutil­lu: „Ilumut Guutip er­neraatit.“

Kingunitsian­ngua Genezaret, narsaq alianaal­lunilu naggoris­soq Kaper­naumip eq­qaaniit­toq, anguaat. Tas­sani kisar­put. Nunamul­li ikaarmata inuit Jesus ilisaraat, nap­parsimasul­lu ungasin­ngitsumiit­tut aariarlugit akiutimin­niit­tut Jesusimukaal­lugit. An­noraavata nivingatai at­tuin­narlugit ajorun­naar­put.

Taamaalinerani inup­pas­suit tuusintilik­kuutaanik nerisitsisimanermik takun­nis­simasut paasiler­paat Jesus aal­larsimasoq. Taamaat­tumik inuit umiatsianut Tiberiasimeersunut ilaal­lutik Kaper­naumiliaap­put ujar­niarlugu. Nanigamik­ku aperip­put: „Rabbi! Qanga tamaanga pivit?“ Soorluli takus­sagip­put Jesusip naveer­pai. Johannes 6:14-25; Mattæus 14:22-36; Markus 6:45-56.

▪ Jesus tupin­nar­tuliorluni inup­pas­suar­nik nerisitsereermat inup­pas­suit suniaraluar­paat?

▪ Qaq­qamit kisimiif­fim­minit Jesusip suna takuler­paa, qanorlu ilior­pa?

▪ Sooq Jesusip iliuusiinut ajoqersuk­kat taama tupigusutsigisariaqan­ngik­kaluar­pat?

▪ Nunamut ikaarmata qanoq pisoqar­pa?