Kapitali 51

Inuuissiortumik nalliuttorsiutigin­ninnermi inuarneq

JESUSIP apustilini ilitsersuutereeramigit oqaluus­siar­tor­til­lugit marluk­kuutaarlugit aal­lar­tip­pai. Tusagas­samik nuan­nersumik oqaluus­siar­tor­titai marluk­kuutaar­tut arfiniliusut tas­saan­nguatsiar­put qatan­ngutigiit Peter Andreasilu, aam­malu Jakob Johan­nesilu, Filip Bar­tholomæusilu, Thomas Mat­tæusilu, Jakob Taddæusilu, aam­malu Simon Judas Iskariotilu. Tikitamin­ni tamani Naalagaaf­fim­mik tusagas­saq nuan­nersoq siaruar­ter­paat tupin­nar­tulior­nik­kul­lu ajorun­naarsitsisarlutik.

Taamaalinerani Johan­nes Kuisisoq suli par­naarus­sivim­miip­poq. Maan­namut ukiut marlungajaat par­naarus­saaq­qavoq. Taan­na kik­kut tamarmik tutsaan­ni oqarsimavoq Herodes Antipasip qatan­ngum­mi Filipip nulia, Herodias, nulis­sius­simagamiuk eq­qun­ngitsumik ilior­toq. Herodes Antipas oqarsimavoq nam­mineq Mosesip Inatsisai malil­lugit inuul­luni, taamaat­tumik Johan­nes eq­qor­tumik ilior­poq aap­parisamut ilumuun­ngin­neq taman­na qulaaramiuk. Herodesil­li Johan­nes taman­na pil­lugu par­naarus­saatip­paa, im­maqa Herodiasimit tin­nersar­neqarluni.

Herodes Antipasip nalun­ngilaa Johan­nes naaper­tuil­luar­tuusoq, tusar­naas­sal­lugulu nuan­naraa. Taamaat­tumik qanoq pinis­saa nalor­nis­sutigeqaa. Herodiasil­li Johan­nes uumigaa toqutaatin­nis­saanul­lu periarfis­sarsior­poq. Kiisamilu periarfis­sarsivoq.

Ukiumi 32-mi poorskingajalersoq Herodes inuuis­sior­nermini nal­liut­torsior­titsersuar­poq. Atorfilit­tarsui tamarmik, sak­kutuut naalagaat aam­malu Galilæami nuimasor­taasut nal­liut­torsioqataap­put. Un­nuup ingerlanerani niviarsiaq Salome, Herodiasip uigisimasaatalu Filipip paniat, iser­tin­neqar­poq pulaar­tunul­lu qititsin­neqarluni. Qitin­nera angutinit najuut­tunit nuan­narineqaqaaq.

Herodesip Salome ingasat­tumik naam­magisimaar­paa. „Piumasan­nik qin­nuigin­nga, tuniumaar­pak­kit taava,“ oqar­poq. Aap, neriorsor­paa: „Sumil­luun­niit qin­nuigigaluarum­ma tuniumaar­pak­kit naalagaaf­fim­ma af­faanik al­laat.“

Salome akin­ngin­nermini anivoq anaananilu aperalugu: „Suna qin­nutigis­savara?“

Kiisami periarfis­saqaler­poq! „Johan­nesip Kuisisup niaqua,“ nangaan­ngivil­luni Herodias akivoq.

Salome Herodesimut uterasuar­poq oqarlunilu: „Piumavunga maan­narluin­naq tunis­sagim­ma Johan­nesip Kuisisup niaquanik puugut­tamut ilisimal­lugu.“

Herodes aliasungaaler­poq. Pulaal­li up­per­narsaasoq tusareer­paat, neriorsuutimilu unior­tin­nis­saanut qunuvoq, naak nalun­ngik­kaluarlugu inum­mik pisuus­suteqan­ngitsumik toqutsis­sal­luni. Peq­qus­sul­lu amiilaar­nar­toq peq­qus­sutigineqar­poq toqutsisar­torlu par­naarus­sivim­mukar­tin­neqar­poq. Kingunitsian­nguagut Johan­nesip niaqua puugut­tamiit­toq nas­sarlugu uter­poq Salomemul­lu tun­niul­lugu. Taas­sumalu anaanaminut aap­paa. Johan­nesip ajoqersugaasa tusaramik­ku timaa peeriar­tor­paat iliverlugulu. Jesusilu oqalut­tuuk­kiar­tor­paat.

Herodesip tusaramiuk Jesus inun­nik ajorun­naarsitsisar­toq anersaapilun­nil­lu anisitsisar­toq an­nilaangaler­poq Jesus tas­saasoralugu Johan­nes toqusunit makis­simasoq. Maan­na naaperusungaaler­paa — oqaluus­sisoq tusar­niar­nagu, paasil­luarumal­luguli an­nilaanganini pis­sutis­saqar­nersoq. Mattæus 10:1-5; 11:1; 14:1-12; Markus 6:14-29; Lukas 9:7-9.

▪ Sooq Johan­nes par­naarus­saaq­qava, soorlu toqun­nis­saa Herodesip kis­saatigin­ngilaa?

▪ Qanoq ilil­luni Herodiasip Johan­nes kiisami toqutaatip­paa?

▪ Sooq Johan­nesip toqunerata kingor­na Herodesip Jesus naaperusup­paa?