Kapitali 93

Inuup Ernera saqqummersin­neqarpat

JESUS suli avan­naaniitil­lugu (Samariamiun­ngik­kuni Galilæami), farisæerit Naalagaaf­fiup tikiun­nis­saa pil­lugu apersor­paat. Alutor­nangaas­suseqarluni tikiutis­sasoq qularin­ngil­luin­nar­paat, Jesusili oqar­poq: „Guutip naalagaaf­fia alaper­naarsugas­saal­luni tikiutis­san­ngilaq. Ima oqas­san­ngil­lal­luun­niit: ’Ata, uaniip­poq!’ imaluun­niit: ’Ata, ikaniip­poq!’ imaam­mat ata, Guutip naalagaaf­fia [akor­nas­sin­niip­poq, NV].“

Oqaaseq „akor­nas­sin­niip­poq“ ilaan­nik­kut ima nutser­neqarsimavoq: „ilus­sin­niip­poq“. Taamaat­tumik inup­pas­suit Jesus isumaqarsoraat Guutip naalagaaf­fia Guutip kif­faasa uum­mataan­ni naalagaaf­fiusoq. Nalunan­ngitsumil­li Guutip naalagaaf­fia Jesusip oqaloqatigisaasa, farisæerit up­pin­ngitsut, uum­mataan­niin­ngilaq. Aap, akornanniippoq, Guutip naalagaaf­fiani kun­ngin­ngor­tus­saq, Jesus Kristus, akor­nan­niim­mat.

Qular­nan­ngitsumik farisæerit qimagutereermata Jesusip ajoqersuk­kat Guutip naalagaaf­fiata tikiun­nis­saanik oqalut­tuuteq­qip­pai. Siunis­sami Naalagaaf­fiup pis­saaneqar­nerani najuun­nis­sani eq­qar­tor­paa, ima mianersoq­qul­lugit: „Oqarfigiumaar­paasilu: ’Ata, uaniip­poq!’ imaluun­niit: ’Ata, ikaniip­poq!’ aal­laqinasili malin­naanasilu. Soorlumi in­naal­lagiaq in­naal­lal­luni qaamasar­toq qilaap il­luata tungaanit il­luanut, taamat­taaq Inuup Er­nera ul­lus­samini ik­kumaar­poq.“ Jesusip paasitip­pai, soorlu kal­lerup in­naal­lan­nera ungasis­sorsuarmit takuneqarsin­naasar­toq, taamat­taaq Naalagaaf­fiup pis­saaneqar­nerani najuun­nis­saminut nalunaaq­qutit tamak­kunin­nga takun­nik­kumasunut tamanut ersaril­luas­sasut.

Taava Jesusip qanga pisimasut naleq­qiup­pai, takutin­niarlugu siunis­sami najuunis­samini qanoq inuit it­tuujumaar­tut. Nas­suiaavoq: „Soorlulu Noap ul­luini it­toq, taamat­taaq Inuup Er­nerata ul­lus­saani ik­kumaar­poq . . . Soorlut­taaq Lotip ul­luini it­toq: neril­lutil­lu imerlutil­lu pisil­lutil­lu tuniniaal­lutil­lu naasus­sanil­lu ik­kus­suil­lutik il­lulior­tut, ul­lormili Lotip Sodomamit anif­fiani in­nermil­lu ikual­las­saam­mil­lu qilam­mit sial­ler­poq tamaasa nungutil­lugit. Taamat­taaq ul­lormi Inuup Er­nerata saq­qum­merfis­saani ik­kumaar­poq.“

Jesus oqan­ngilaq inuit Noap Lotil­lu nalaan­ni nungutitaaneran­nut pis­sutaasoq ul­luin­nar­ni suliarisar­tak­kamin­nik, soorlu nerinermik, imer­nermik, pisiniar­nermik, tuniniaanermik, naasus­sanik ik­kus­suinermik il­lulior­nermil­lu, ingerlatsiuar­nerat. Noak­kut Lotik­kul­lu aam­ma tamak­kunin­nga suliaqar­tariaqar­tarsimap­put. Aap, inuit nungutitaap­put ul­luin­nar­ni iliuuserisar­tak­katik ulap­putigingaaramik­kik Guutip piumasaa sunaanersoq soqutigin­ngin­namik­ku. Taman­nat­taaq pis­sutigalugu inuit suujun­naarsitaajumaar­put pis­sutsit aaq­qis­suus­saaneran­nut matumun­nga an­nikil­lior­nar­tus­sami angisuumi Kristus saq­qum­mersin­neqar­pat.

Siunis­sami Naalagaaf­fiup pis­saaneqar­nerani najuun­nis­saminut takus­sutis­sanut qisuariarasuar­tariaqar­nerup pingaaruteqas­susia erseq­qis­sar­niarlugu Jesus nangip­poq: „Ul­lormi taas­sumani il­lup qaaniit­toq aq­qan­ngik­kili pequtini il­lumiit­tut aas­sal­lugit; taamat­taaq nunaatiminiit­toq uter­nian­ngik­kili. Lotip nulia eq­qaaniarsiuk!“

Kristusip najuuneranut nalunaaq­qutit tak­kup­pata, piler­tor­tumik qisuariar­nis­satsin­nut nunap piinik asan­nin­neq akor­nutigisariaqan­ngivip­par­put. Sodoma qimak­kiar­tor­til­lugu Lotip nulia tunum­mut qiviar­poq, qular­nan­ngitsumik qimatani maqaasigalugit, taamaat­tumil­lu napasun­ngor­poq tarajoq.

Nangil­luni Jesusip najuunis­samini pis­sutsit al­laatigai, ajoqersuk­kat oqarfigalugit: „Un­nuami taas­sumani marluk sinif­fim­mi ataatsimi in­nangaqatigiis­sap­put; arlaat ilasiarineqas­saaq, aap­paali qimagaas­saaq. Ar­nat marluk aseror­tereqatigiis­sap­put; arlaat ilasiarineqas­saaq aap­paali qimagaas­saaq.“

Ilasiarineqar­nerup as­sigaa Noak­kut umiarsuarmut isersimanerat, Lotik­kul­lu in­ngilinit Sodomamit aniguisineqarsimanerat. An­nan­neruvoq. Qimagaanis­sarli tas­sa toqutaanis­saq.

Taamaat­tumik ajoqersuk­kat aperip­put: „Naalagaq, sumi?“

„[Timi toqungasoq nat­toral­lit katersuuf­figis­savaat, NV],“ Jesus akivoq. ’Ilasiarineqar­tus­sat’ an­nal­lutil­lu nat­toralit­tut siumut isigisutut ip­put, timi toqungasoq katersuuf­figigamik­ku. Timi toqungasoq Mes­siasimut ilumoor­tumut taas­sumalu Naalagaaf­fiup pis­saneqar­nerani takus­saan­ngitsumik najuun­nis­saanut, anersaak­kul­lu nerersuar­nis­samut Jehovap pilersitas­saanut as­sersuutaavoq. Lukas 17:20-37; 1 Mosesimik allakkat 19:26.

▪ Naalagaaf­fiup farisæerit akor­nan­niin­nera qanoq paasisariaqar­pa?

▪ Kristusip najuun­nera qanoq ilil­luni kal­lerup in­naal­lan­neratut ip­pa?

▪ Sooq inuit Kristusip najuun­neratigut iliuuser­tik pis­sutigalugu nunguk­kumaar­pat?

▪ Ilasiarineqar­nis­saq qimagaanis­sarlu qanoq paasisariaqar­pat?