Kapitali 64

Isumakkeerfigin­nin­nissamik ajoqersuut

JESUS ajoqersuk­kanilu qular­nan­ngitsumik suli il­lumi Kaper­naumimiit­tumiip­put. Qatan­ngutit akor­nan­ni isumaqatigiin­ngis­suteqaleraangat qanoq ilior­tar­nis­saat pil­lugu oqaluutereer­pai. Peter apeq­qutis­saqaler­poq: „Naalagaq! Qatan­ngutiga uan­nut ajor­tulior­tar­til­lugu qas­sinik isumak­keerfigisas­savara?“ Juutit up­perisarsior­nik­kut ajoqersuisui pingasut tikil­lugit isumak­keerfigin­nin­nis­samik siun­nersuisarmata Peter isumaqan­nguatsiar­poq ima siun­nersuuteqarami torral­laal­luni: „Arfineq-marlun­nik al­laat?“

Tamak­kunin­ngali naatsorsuineq kuk­kuneruvoq. Taamaat­tumik Jesusip naq­qip­paa: „Oqarfigaak­kit, arfineq-marlun­nik pin­natit, arfineq-marlun­nil­li qulil­lit arfineq-marlun­nik ilal­lugit al­laat.“ (NV) Taamaalil­luni ersersip­paa Peterip qatan­ngutiminik isumak­keerfigin­nit­tar­nis­saa kil­leqar­tariaqan­ngil­luin­nar­toq.

Ajoqersuk­kat isumak­keerfigin­nit­tar­nis­saan­nik puiuik­kius­sitin­niarlugit Jesus maan­na as­sersuusior­poq. As­sersuusiaraa kun­ngi kif­faminik paarisaan­nik naatsorsueqatigiuman­nit­toq. Kif­faq im­minut aningaasar­pas­suar­nik, 60.000.000 denarinik, akiligas­salik im­minut sas­sar­tip­paa. Kif­fal­li taas­suma akiligas­sani akis­saqar­tin­ngil­luin­nar­pai. Taamaat­tumik kun­ngip peq­quaa nuliani meeq­qanilu ilagalugit akigineqas­sasoq akiligas­saalu akiler­neqas­sasut.

Kif­fap taman­na tusaramiuk ilungersorluni qin­nuigaa: „Kamajuil­lutit pin­nga, tamaasa ilin­nut akilerumaar­pak­ka.“ Kun­ngip kif­faq nal­ligiler­paa akiligas­sar­pas­suanil­lu isumak­keerfigalugu. Sivitsun­ngitsorli kif­fap taas­suma kif­faqatini im­minut 100 denariin­nar­nik akiligas­saqar­toq or­nip­paa toq­qusas­sil­lugulu qimingajal­lugu oqarfigalugu: „Uan­nut akiligas­satit akilik­kit.“

Angut aningaasaateqan­ngin­nami kif­faqatini akiligas­saqarfigisani pal­lorfigalugu ilungersorluni qin­nuigaa: „Kamajuil­lutit pin­nga, tamaasa ilin­nut akilerumaar­pak­ka.“ Kif­farli naalak­kamisul­li naak­kin­nit­tuliun­ngilaq angul­lu par­naarus­saatil­lugu.

Kif­fat al­lat tamatumin­nga takun­nit­tut naalagar­tik oqalut­tuuk­kiar­tor­paat. Naalak­kal­lu kamaqaluni kif­faq qaaq­quaa. „Taatuuna kif­faq ajor­toq! Akiligas­satit ik­ku tamarsuisa isumak­keerik­ka qin­nuigigam­ma; il­lit­taaq kif­faqatit naak­kigis­san­ngiliuk, soorlu uanga naak­kigigik­kit?“ Naalagaata kamaqaluni par­naarus­saatip­paa akiligas­sai tamaasa akilerserlugit. Jesus naggasiivoq: „Taamat­taaq ataatama qilam­miusup ilis­si pis­savaasi, tamas­si qatan­ngutisi uum­matis­sigut isumak­keerfigisarin­ngik­kus­sigik.“

Isumak­keerfigin­nin­nis­sap pisariaqas­susianik ajoqersuil­luar­nerus­susia! Kristumioqatit­ta uagutsin­nut kuk­kuneri suul­luun­niit Guutimut akiitsugarujus­suatsin­nut taas­suma isumak­keerfigisimasaanut naleq­qiul­lugit suun­ngeqaat. Jehova Guutit­taaq tuusintilip­pas­suariarluni isumak­keerfigisimavaatigut. Taas­sumun­nga ajor­tuliorfigin­nin­ner­put amerlasuutigut ilisimanerluun­niit ajor­par­put. Taava qatan­nguter­put arlaqan­ngitsuin­nar­nil­luun­niit isumak­keerfigis­san­ngin­ner­par­put, naam­magit­taal­liuutis­saqaraluarlutaluun­niit? Eq­qaamajuk Guutip, Jesusip Qaq­qami Oqaluutsimini oqar­neratut, ’isumak­keerfigis­sam­matigut, soorlu uagut­taaq akiitsor­tivut isumak­keerfigigivut’. Mattæus 18:21-35; 6:12; Kulorsamiut 3:13.

▪ Sooq Peter aperaaq qas­seriarluni qatan­ngutini isumak­keerfigisas­sanerlugu, aam­malu sooq isumaqan­nguatsiar­pa arfineq-marloriarluni isumak­keerfigin­nin­nis­samik siun­nersuuteqarami torral­laal­luni?

▪ Kun­ngip kif­fami qin­nutaanut akis­sutaa aam­ma kif­fap kif­faqatimi qin­nutaanut akis­sutaa qanoq as­sigiin­ngis­suteqar­pat?

▪ Jesusip as­sersuusiaa suk­kut ilin­niutigisin­naavar­put?