Kapitali 48

Jairusip illua qimappaa Nazaretiliaq­qillunilu

JESUS ul­lumi ulapis­simaqaaq. Dekapolisimit taseq ikaarlugu angalasimavoq, ar­naq aaqar­tuar­toq ajorun­naarsis­simavaa Jairusil­lu pania makitis­simal­lugu. Ul­lorli suli naan­ngilaq. Jairusip il­lua qimam­magu, tap­piitsut marluk malin­nguatsiar­paat, suaar­tarlutik: „Davidip kinguaava uumaa, naak­kigitigut!“

Jesus „Davidip kinguaava“-nik taagamik­ku tap­piitsut marluk ersersip­paat up­perigitsik Davidip is­siavis­saarsuanut kingor­nus­sisus­saasoq taamalil­lunilu Mes­siasiusoq neriorsuutigisaq. Jesusip ikioq­qunerat tusaan­ngitsuusaan­nguatsiar­paa, im­maqa nikal­lujuis­susiat misilin­niarlugu. Tap­piitsul­li marluk nak­kaan­nan­ngil­lat. Il­lumut najugaanut Jesus malip­paat, isermal­lu malil­lugu iser­put.

Tas­sani Jesusip aperai: „Taamaaliorsin­naasunga up­per­pisi?“

„Aap, Naalagaq,“ tatigin­nil­lutik akip­put.

Taava Jesusip isaat at­tor­pai oqarlunilu: „Up­persusersi naaper­torlugu pineqaritsi.“ Tas­san­ngaan­narlu takusaqarsin­naaler­put! Jesusip taava iner­tingaar­pai: „Mianersoritsi, tamatumin­nga tusar­toqaq­qunagu.“ Nuan­naar­nermil­li taman­na sumigin­nar­paat, anil­lutil­lu nunamilu tamatumani oqalut­tuaralugu.

Anilersul­lu inuit isaap­put angut anersaapilum­mit oqajuitsun­ngor­titaq ilagalugu. Jesusip anersaapiluk anisim­magu angut oqalus­sin­naalerasuar­poq. Tupin­nar­tuliat tamak­ku tupigalugit inuit oqar­put: „Taamaalisoq Israelik­kun­ni takuneqan­ngisaan­nar­poq.“

Farisæerit­taaq najuup­put. Jesusip tupin­nar­tuliai nas­suiaatis­sarsisin­naan­ngilaat, up­pin­ngis­sutsimik­kul­li ajor­tuk­kut kina pis­sutaanersoq pil­lugu pasil­liuter­tik uteqat­taar­paat: „Anersaapiluit anisit­tar­pai anersaapiluit naalagaat ikior­tigalugu!“

Kingunin­nguagut Jesusip al­liar­torfigisimasani Nazaret uterfigaa, tamatumuuna ajoqersuk­kani ilagalugit. Ukiup ataatsip mis­saa sioq­qul­lugu il­loqarfik tikeraarfigisimavaa naalagiar­tarfim­milu ajoqersuisimal­luni. Oqaasii iluarinar­tut siul­lermik inuit tusar­naarsimavaat, kingor­nali ajoqersuinera ajual­laatigalugu toqun­niarsimal­lugu. Maan­na naak­kin­nil­luni Jesusip nunaq­qatigisimasani ikior­niaq­qin­niar­pai.

Sumiif­fin­ni al­lani inuit Jesus us­sagarfigisar­paat, tamaanili taamaan­ngin­nguatsiar­poq. Taamaat­tumik sabbatimi naalagiar­tarfiliar­poq ajoqersuiar­tor­niarluni. Tusar­naar­tut amerlanersaat tupigusuup­put. „Sumit taama una ilisimasaqar­tigaa? Taamalu kil­lin­nar­tuliorsin­naal­luni?“ aperip­put. „Taan­na sanasup is­suma er­nerin­ngin­ner­paa? Ar­naa Mariamik ateqan­ngin­nerluni? Jakobilu Josefilu Simonilu Judasilu qatan­ngutigin­ngin­ner­pai? Najaalu tamarmik uatsin­niin­ngin­ner­pat? Sumim­mi taava tamak­ku tamaasa pivai?“

’Tamaanimiuin­naavoq, uatsitut it­toq,’ eq­qarsar­put. ’Al­liar­tor­nerani takusimavar­put ilaqutaalu tamaasa nalun­ngilavut. Qanoq ilil­luni Mes­siasiusin­naava?’ Naak up­per­narsaatis­saqaraluaqisoq — ilisimas­susia angingaar­toq, tupin­nar­tuliaalu — ajat­tor­paat. Eq­qarliisa al­laat, taas­sumin­nga ilisarisiman­nil­luar­tut, mamiatsaatigaat. Taamaat­tumik Jesus oqar­poq: „Pruf­fiiti asigin­nar­neqaraan­ngilaq kisian­ni nunamini il­luminilu.“

Aap, up­pin­ngis­susiat Jesusip tupigusuutigaa, taamaat­tumil­lu tas­sani tupin­nar­tuliun­ngilaq, taamaal­laat nap­parsimasut ikit­tut as­sam­minik at­torlugit ajorun­naarsil­lugit. Mattæus 9:27-34; 13:54-58; Markus 6:1-6; Jesaja 9:7.

▪ Tap­piitsut marluk Jesus „Davidip kinguaava“-nik taagamik­ku suna up­peralugu takutip­paat?

▪ Jesusip tupin­nar­tuliai farisæerit qanoq nas­suiaatis­sin­niar­paat?

▪ Jesusip Nazaretimiut ikior­niarlugit uter­nera sooq naak­kin­nit­tulior­nerua?

▪ Nazaretimi Jesus qanoq qisuariarfigineqar­pa, sunalu pil­lugu?